A Z
R B A Y C A N
X Z R D N Z G M
L Y
И
ИЧИ И И
22 noyabr 2017-ci il № 81-84 (9175)
Baş reDaktor
rasif iman oğlu
tahirov
ünvanımız:
az1029, Bakı şəhəri,
heydər əliyev prospekti, 152
telefonlarımız:
Baş redaktor
(050) 670-33-76;
30-67 (daxili)
qəzetin təsisçisi:
“azərbaycan xəzər Dəniz
gəmiçiliyi”
qapalı səhmdar
cəmiyyəti
qəzet “Dəniz” qəzetinin
kompyuter mərkəzində
yığılmış, səhifələnmiş və
“azərbaycan” nəşriyyatında
çap olunmuşdur
şəhadətnamə: 275
tiraj: 2000
sifariş: 3379
8
www.seanews.az
İstək olan yerdə hər şey etməyin
mümkün olduğunu düşünür. Amma
təkcə istəməklə hər şey əldə etmək müm-
kün deyil. Deyir ki, bunun üçün çox
çalışmalı, daima hərəkətdə olmalısan.
Müsahibimiz dənizçi və idmançı xanım
Fəridə Abdullayevadır. Uşaqlıqdan bəri
idmana həvəsi olan həmsöhbətim bil-
dirdi ki, əvvəl sırf özünümüdafiə üçün
karate ilə məşğul olub, sonra proseslər
peşəkar idmançı olması istiqamətində
cərəyan edib.
Qeyd edək ki, F.Abdullayeva 1993-cü
ildə Bakı şəhərində anadan olub. Bakıxa-
nov qəsəbəsində 74 nömrəli məktəbdə
oxuyan Fəridə 9-cu sinifdən sonra təhsi-
lini Bakı Peşə Liseyində davam etdirib:
"Liseyi bitirib sənədlərimi Dəniz Aka-
demiyasına təqdim etdim. İmtahan verib
Nəqliyyatda daşımalar və İdarəetmənin
təşkili mühəndisliyi ixtisasına qəbul ol-
dum. Oxuduğum müddət ərzində mağaza-
lar şəbəkəsinin birində kassir işləyirdim.
Dərslər günorta saat 1-də bitdiyinə görə,
saat 6-da işə getmək imkanım olurdu. Bu
müddət ərzində "Caspian Marine Servi-
ces” şirkətinin ümumi və kommersiya şö-
bəsində vakant yer olduğunu öyrəndim və
orada işə başladım. Orada bir il işlədikdən
sonra "Azersun” Holdinqdə özümü sına-
dım. Lakin nədənsə, həmişə öz yerimdə
olmadığımı fikirləşirdim. Ona görə, fərq-
li sahələrə üstünlük verməyə başladım.
"Azərbaycan Xəzər Dəniz Gəmiçiliyi”
QSC-də tələbələrin işlə təmin edildiyini
öyrəndim və ora müraciət etdim. Artıq bu
ilin fevral ayından orada çalışıram”.
- həm dənizçi, həm idmançı. Bu
sahələrdə xanımlara çox az rast gəlinir.
ikisi bir arada çətin deyil?
- Bütün bunlar təsadüf deyil. Mən
həmişə güc tələb olunan yerlərə üstünlük
verirəm. Ona görə də liderliyin daha çox
olduğu sahələr diqqətimi çəkib. Əslində
istək varsa, hər şey etmək mümkündür.
Ancaq istəkdən əlavə, hərəkət də lazımdır.
Mənə görə, həyat hərəkətdən ibarətdir. Su
da bir stəkanda qalanda kiflənməyə başla-
yır. Ona görə də daima hərəkətdə olmağa
çalışıram. Ünsiyyətcil biriyəm və insan-
ların olduğu mühitə daha çox üstünlük
verirəm. İdmandan əlavə, psixologiya və
fəlsəfəyə böyük marağım var. Detektiv
əsərləri, xüsusən Çingiz Abdullayevin ki-
tablarını oxuyuram.
- idmançı kimi ilk addımlarınızı at-
mağa nə vaxtdan başladınız?
- Atamgil 4 qardaş olublar. Onların
da hərəsinin iki oğlu olub. Nəsildə ən so-
nuncu qız mən olmuşam. Anam həmişə
fikirləşirdi ki, qızımı evdə tək qoyub get-
səm, onu incidə bilərlər. Məndən böyük
qardaşım var. Amma o da sakit təbiətli
biridir. İlk vaxtlar məni bir növ özünü
müdafiə üçün idmana göndərdilər. Lakin
müəllimim həvəsim və potensialım ol-
duğunu gördü və mənə yarışlara çıxmağı
təklif etdi. Qatıldığım ilk yarışda respub-
lika üzrə birinci yeri qazandım. Bundan
sonra həvəsləndim və daha da çox məşğul
olmağa başladım. Onu da qeyd edim ki,
idmanla məşğul olmağıma baxmayaraq
təhsili heç vaxt kənara atmamışam. Çün-
ki idman hansısa yaş həddinə qədərdir.
Amma ixtisas, insanın aldığı təhsil ona
həmişə lazım olur. Təqribən 13 il karate
ilə məşğul oldum. Sonuncu dəfə İsveçrə-
də dünya kubokunda birinci oldum. Hətta
karateni atdıqdan sonra içimdəki idman
həvəsi ölmədi. Bir müddət taekvando,
boksla məşğul oldum. Amma bu idman
növləri mənim diqqətimi bir o qədər də
çəkmirdi. Sonra elə oldu ki, işə getdiyim
vaxt kikboksinq üzrə 5 qat dünya çempi-
onu Pərviz Abdullayevin böyük bir pla-
katı ilə rastlaşdım. Araşdırma apardım və
"Youtube”da videolara baxdım. Gördüm
ki, orada əl və ayaq döyüşləri var. Beləcə,
kikboksinqlə məşğul olmağa başladım.
Amma başlamamışdan öncə bu sahədə
potensialımın olub-olmamağı haqqında
müəllimimin fikrini öyrəndim.
- idman şəxsi həyatınıza mane ol-
mur ki?
- Demək olar ki, şəxsi həyatım yox-
dur. Uşaqlıqdan bəri ətrafımda oğlanlar
daha çox olub deyə, mən də oğlan kimi
böyümüşəm. Hətta, uşaq vaxtı "samokat”
sürürdüm. Mən uşaqlığımı telefon, kom-
püter, televizorla keçirməmişəm. Yəni,
uşaqlığımdan istədiyim kimi həzz almı-
şam. İdmanla məşğul olduğum vaxtlarda
qızlarda karateyə o qədər də həvəs yox
idi. Ona görə də, karateyə başlayanda
orada hamı oğlan idi. Liseydə də cəmi 3
qız idik. Orada oğlanları mən idarə edir-
dim. Hər zaman oğlanlar içində olduğuma
görə, elə oğlan kimi də böyüyürəm.
- ailə qurandan sonra bəzən xa-
nımlar idmana vaxt ayıra bilmirlər...
- Məncə, hər bir xanımın dayağı
öz ailəsi olmalıdır. Adətən, idmançılar
məqsədə çatdıqdan sonra daha da çox qa-
zanmaq istəyirlər. Amma bu da qismətdən
asılıdır. Gələcəkdə ailə qursam, əlbəttə ki,
ailəmə daha çox zaman ayıraram, nəinki
idmana. Lakin bununla belə, həmişə özü-
mü formada saxlamağa çalışaram. Ümu-
miyyətlə, artıq çəki insanın sağlamlığına
ziyandır. İnsan özünə nə qədər baxarsa,
bir o qədər yaxşıdır. Adətən, insanlar gün
boyu ofis şəraitində gəzmədən otururlar.
Gecə də hərəkətdə olmuruq. Evə gəl-
dikdən sonra yemək yeyib yatırıq. Mən
kikboksinqə başlayanda qarşıma məqsəd
qoydum ki, su içməliyəm. Çünki burada
çox enerji itirirsən və su içmək lazım-
dır. Şirniyyatı çox sevsəm də, qədərində
yeməyə çalışıram. İdmanla məşğul ol-
madığım vaxtlarda belə, hərəkətsiz qal-
mıram. Adi vaxtda gəzəndə də sürətli
hərəkət edirəm. Bəlkə də bu xarakterdən
asılıdır. Nə qədər çox aktiv və sürətli olsa-
nız, həmişə birinci siz olacaqsınız.
- eyni vaxtda həm işə, həm idmana
vaxt çatdırmaq çətin deyil ki?
- Düzü, işdən sonra yorğun halda
gecə vaxtı məşqə getmək bir az çətindir.
Məşqlərimiz axşam saat 8-də başlayır.
Evə çatanda artıq ikiqat yorğun oluram,
hər şey monotonlaşır. Zəif tərəflərimi bil-
diyim üçün onların üzərində işləyirəm.
Qorxmuram, ancaq hər zaman onu ağlıma
gətirirəm ki, əlləri aşağı salmaq olmaz.
Nəinki idmanda, bu, həyatda da belədir.
Məsələn, işdə hansısa vəzifədəyəmsə,
zəiflik göstərib deyə bilərəm ki, əşi bu nə
vəzifədir, gərək mən işimi dəyişim. Bəlkə
başqa yerdə daha çox qazana bilərəm.
Amma o, bir müddət olacaq. Səbir göstə-
rib hər zaman möhkəm olmaq, bəzi şeylə-
ri görməməzlikdən gəlmək, hər bir vəziy-
yətə hazır olmaq gərəkdir. Bütün detallara
fikir verməli, tələsməməlisən.
- hiss olunur ki, təkcə fiziki yox,
daxilən də güclü birisiniz...
- Fiziki güc başqa, daxili güc tam
başqa şeydir. Daxili güclə, dağı da yerin-
dən tərpətmək olar. Bilmirəm belə demək
nə dərəcədə düzgündür, amma daxili güc
bütün sahələrdə - ailədə, işdə, idmanda
hər şeyi yerindən tərpədər. Məsələn, bir
yarışda qarşımdakını nokaut etməyimin
səbəbi də daxilimdəki gücü hiss etməyim
oldu ki, onu vurub aşıra bildim.
- Bu haqda bir az ətraflı danışasınız
bəlkə...
- Yarışların birində rəqibimin müəlli-
mi ona mənim ayaqlarla daha yaxşı işlədi-
yimi deyib. Mənim müəllimim isə yarış-
dan əvvəl mənə dedi ki, sən qarşındakına
sürpriz etməlisən. Bilirsiniz, müəllimdən
çox şey asılıdır. Şükürlər olsun ki, müəl-
limim Mehman Umudov çox təcrübəlidir.
Sürpriz deyəndə nəyi nəzərdə tutduğunu
bilmirdim. O, hər kəsin mənim ayaqla iş-
lədiyimi, əl ilə zəif olduğumu fikirləşdiyi-
ni dedi. Əlavə etdi ki, sən onu əl ilə yıxa
bilərsən. Və mən yarışda rəqibimi əl ilə
nokaut etdim. O anda mən kənardan heç
nəyi hiss etmirdim, amma daxili gücümə
arxalanaraq əl ilə işləməyə başladım və
nəticəsi də oldu.
- sizə görə, qələbənin sirri nədədir?
- Rinqdə olanda rəqibin zəif oldu-
ğu anı tutmağı bacarmalısan. Boşluğu
tuta bilsən, rəqibini məğlub edə bilərsən.
Belə olanda rəqib ayaq üstə çox dayana
bilməyəcək. Çünki bu, onun zəif yeridir.
Mən karatedən gəldiyimə görə, əlim bir
az zəifdir. Həmişə oğlanlarla məşq et-
məyə çalışıram. Bir dəfə qızlarla məşq
etdim və başa düşdüm ki, burada olsam
zəifləyərəm. Güclü olmaq üçün özündən
güclülərlə döyüşməlisən. Ümumiyyətlə,
heç bir yarış asan olmur, istər-istəməz
həyəcan və məsuliyyət olur. Sənə inanan
insanları pis vəziyyətdə qoymamalısan.
Mən həmişə özümdən çox müəllimimi
fikirləşirəm. Bu yarışa çıxacağımı bil-
mirdim. Düşünürdüm ki, sadəcə, tama-
şaçı olaraq baxacağam. Kikboksinqdə ilk
dəfə olsa da, karatedə müvəffəqiyyətlərim
olub. Müəllimim mənə "yarışa çıxırsan”
deyəndə, onun gözlərində olan inamı gör-
düm. Mən onun inamını yanıltmaq istə-
mirdim. Düzdür, özünü düşünməmək də
yaxşı hal deyil. Amma mən həmişə belə
olmuşam.
Şəbnəm Mehdizadə
2020-ci ildə 13 şəhərdə təşkil olunacaq
futbol üzrə Avropa çempionatına hazırlıq işləri
ilə tanış olmaq məqsədilə UEFA nümayəndələri
Bakıya səfərə gəliblər.
Noyabrın 17-də AFFA-nın inzibati binasın-
da baş katib Elxan Məmmədovun rəhbərlik etdi-
yi nümayəndə heyəti “Avro-2020”nin ev sahibi
ölkələrin layihələrinin rəhbəri Guillaume Poisson
və Fan-zonalar üzrə menecer Tomas Qlur ilə gö-
rüşüb.
UEFA nümayəndələrinə “Avro-2020” ilə
bağlı görülmüş işlər barədə məlumat verilib, on-
ları maraqlandıran suallar cavablandırılıb.
Qitə futbol qurumunun təmsilçiləri səfər
müddətində “Avro-2020” zamanı yaradılacaq
fan-zonaların yerləşəcəyi ərazilərə də baxış ke-
çirəcəklər.
Xatırladaq ki, “Avro-2020”nin 4 oyunu (qrup
mərhələsinin üç, dörddəbir final mərhələsinin bir
görüşü) Bakı Olimpiya Stadionunda təşkil oluna-
caq.
Bolqarıstanın paytaxtı
Sofiyada batut gimnastikası
və tamblinq (akrobatik cığır-
da tullanma) üzrə müxtəlif
yaş kateqoriyaları arasında
ümumdünya yarışları keçirilib.
Nüfuzlu yarışlar idman alə-
mində həm də gənclər arasında
dünya çempionatı kimi tanınır.
Azərbaycanı bu mötəbər
turnirdə təmsil edən 21 yaşlı
Mixail Malkin bütün rəqiblərinə
qalib gələrək tamblinq üzrə ya-
rışların qızıl medalını qazanıb.
Braziliyanın futbol yığma-
sı oyunçuların transfer qiyməti
baxımından, Rusiyada keçiriləcək
“DÇ-2018”də ən bahalı iştirakçı
komanda olacaq.
“Transfermarkt” saytı xəbər ve-
rir ki, Braziliya yığmasının beşqat
dünya çempionu olan futbolçularının
ümumi qiyməti 671,5
milyon avrodur. İlk
beşliyə, həmçinin İs-
paniya (643,5 milyon),
Almaniya, Fransa (hər
biri 636,5 milyon) və
Argentina (528,5 mil-
yon) daxildir.
Hazırda Avropa
çempionu olan Por-
tuqaliya yığması rey-
tinqdə
doqquzuncu
yerdədir. “DÇ-2018”də ən ucuz ko-
mandalar Kosta-Rika (21,8 milyon),
Səudiyyə Ərəbistanı (18,83 milyon)
və Panama (5,25 milyon) yığmaları-
dır.
Rusiya ərazisində tarixdə ilk dün-
ya çempionatı 2018-ci il iyunun 14-
dən iyulun 15-dək keçiriləcək.
Türkiyə 2026-
cı il Qış Olimpiya
Oyunlarına ev
sahibliyi edə bilər.
Bunun üçün qar-
daş ölkədə böyük
imkanlar mövcud-
dur.
Türkiyənin Sa-
rıqamış, Qars, Ər-
zurum və Ərzincan
şəhərlərinin yerləş-
diyi bölgədə 2026-
cı il Qış Olimpiya
Oyunlarına namizədlik iddiası üçün
hazırlıqlar görülür. Bu şəhərlərin
yerləşdiyi coğrafiyada Qış Olimpiya
Oyunlarını təşkil etmək üçün geniş
təbii şərait və böyük infrastruktur
mövcuddur.
Prezident Rəcəb Tayyib Ərdoğan
məsələ ilə bağlı aidiyyəti qurumlara
tapşırıq verib. Rəsmi məlumatlarda
bildirilir ki, Beynəlxalq Olimpiya
Komitəsi 2018-ci ildə Cənubi Kore-
yada keçiriləcək Qış Olimpiya Oyun-
ları başa çatandan sonra 2026-cı ilin
Olimpiya Oyunlarına namizəd olan
tərəflərin iddialarını dəyərləndirməyə
başlayacaq.
Xatırladaq ki, 2022-ci ilin Qış
Olimpiya Oyunları Pekində keçirilə-
cək.
Pekin İdman Univer-
sitetində təhsil alan Sadiq
Həsənov Çində “DMS
bodibildinq və fitnes-2017”
yarışının final mərhələsinin
qalibi olub.
Bodibildinq üzrə Çində
keçirilən ən irimiqyaslı ya-
rışlardan olan çempionatda
idmançılar 9 kateqoriyada
mübarizə aparıb. Pekində
keçirilmiş final mərhələ-
sinə il ərzində təşkil olunan
yarışlarda yüksək nəticələr
göstərmiş idmançılar yarış-
maq hüququ qazanıb.
S.Həsənov fitnes-model yarışında “A” kateqoriyasında
gücünü sınayıb. Bütün rəqiblərindən üstün olan həmyerlimiz
yarışın qalibi adını qazanıb.
Qeyd edək ki, S.Həsənov Çində təşkil olunan ənənəvi
yarışlarda daim yüksək nəticələr göstərir. O, bir neçə yarışda
mükafatçılar sırasında olmağı bacarıb.
Bakının “avro-2020”yə
hazırlığı müzakirə
olUnUB
çinDə təşkil olUnan ənənəvi yarışlarDa
Daim yüksək nəticələr göstərir
yeDDi yaşlı gimnastımız macarıstanDa
Beynəlxalq tUrnirDə qızıl meDal qazanıB
özünDən güclülərlə Döyüşən xanım
azərBaycan iDmançısı gimnastika üzrə
tamBlinq yarışlarının qaliBi olUB
ən Bahalı heyət
qış olimpiya oyUnlarına
ev sahiBliyi eDə Bilər
Macarıstanın Pecs şəhərində bə-
dii gimnastika üzrə XIII Beynəlxalq
Pecs Kuboku turniri keçirilib.
Yarışda iştirak edən 7 yaşlı həmyer-
limiz Mina Abbasova fəxri kürsünün ən
yüksək pilləsinə qalxaraq turnirin qızıl
medalına layiq görülüb. Turnirdə ev
sahibi Macarıstan ilə yanaşı, Xorva-
tiya, İsrail, Avstriya, Rusiya, Bosniya
və Herseqovina, Polşa, Serbiya, Birləş-
miş Ərəb Əmirlikləri, İsveç, Almaniya,
Moldova, Slovakiya, Sloveniya, Bel-
çika və s. olmaqla ümumilikdə 15-dən
çox ölkənin təmsilçiləri iştirak ediblər.
Mina Abbasova artıq iki ildir Bu-
dapeştdə fəaliyyət göstərən “Rus RG
Sport” klubunda gimnastika ilə məşğul
olur. Klubun rəhbəri Lyubov Bernat və
məşqçi İnqa Mackuz Minanın gələcək-
də istedadlı gimnast olacağına əmindir-
lər.
Beş yaşından başlayaraq iştirak et-
diyi bütün beynəlxalq yarışlarda parlaq
çıxışı ilə yaşıdlarından fərqlənən Mina
Abbasova Almaniya, Serbiya və Slove-
niyada keçirilən beynəlxalq turnirlərdə
də fəxri kürsünün yüksək pillələrinə
qalxıb. Həmin yarışlarda Mina ailə-
sinin hazırda yaşadığı ölkəni – Maca-
rıstanı təmsil etsə də, ən böyük arzusu
turnirlərdə Azərbaycanın bayrağımızı
dalğalandırmaqdır.
M.Abbasova dekabrın 9-da Bu-
dapeştdə keçiriləcək XIII Beynəlxalq
“Mikulaş” yarışında, dekabrın 16-da
isə Lüksemburqda VI dəfə təşkil oluna-
caq “Lüksemburq Kuboku-2017” Bey-
nəlxalq turnirində iştirak edəcək.
Pərvanə Qarayeva
Fəridə Abdullayeva: “Nə qədər çox aktiv və sürətli olsanız, həmişə birinci olacaqsınız”