A Z
R B A Y C A N
X Z R D N Z G M
L Y
И
ИЧИ И И
22 noyabr 2017-ci il № 81-84 (9175)
5
www.seanews.az
Müsahibimiz “Azərbaycan
Xəzər Dəniz Gəmiçiliyi” QSC-
nin istedadlı və perspektivli
gənclərin xarici ölkələrin apa-
rıcı dənizçilik universitetlərində
təhsil alması məqsədi ilə təsis
etdiyi Təqaüd Proqramının
qalibi, hazırda proqram üzrə
Dünya Dənizçilik Universitetin-
də (World Maritime University)
təhsil alan Nərminə Cabbaro-
vadır.
- nərminə xanım, artıq
yarım ildir ki, isveçdəsiniz.
təhsil aldığınız universitet və
ixtisas barədə təəssüratlarınızı
eşitmək maraqlıdır.
- Öncə bizə bu imkanı ya-
ratdığına və dəstək olduğuna
görə başda “AXDG” QSC-nin
sədri Rauf müəllim olmaqla,
əməyi keçən hər kəsə təşəkkü-
rümü bildirirəm. Qeyd edim ki,
oxuduğum Dünya Dənizçilik
Universiteti Birləşmiş Millətlər
Təşkilatının (BMT) ixtisaslaş-
mış orqanı Beynəlxalq Dəniz
Təşkilatı tərəfindən təsis edilib.
Dünyada dənizçilik sahəsində
yüksək və keyfiyyətli təhsilə ma-
lik mütəxəssislərin sayının artırılması uni-
versitetin qarşıya qoyduğu əsas məqsəddir.
Mən bu universitetdə “Dəniz daşımalarının
idarə olunması və loğistika” ixtisası üzrə
təhsil alıram. Bu ixtisas daşımaların müasir
tələblərə cavab verərək effektiv idarəedilmə-
si ilə bağlı bir çox məsələni özündə əks etdi-
rir. Bura limanların idarəedilməsi və daşıma-
lardakı rolu, strateji inkişafa maneə törədən
problemlərin analiz yolu ilə həlli, istismar və
kommersiya məsələləri, maliyyə risklərinin
idarə edilməsi, marketinqin daşımalara tət-
biqi, daşınma müqavilələri və s. aiddir. Bir
sözlə, çox əhatəli ixtisasdır. Digər tərəfdən,
“Dəniz daşımalarının idarə olunması və
loğistika” Dünya Dənizçilik Universitetinin
ən çətin ixtisası hesab olunur. Amma mən
etimadı doğrultmaq və ölkəmizin adını uca
tutmaq üçün əlimdən gələni edirəm.
- ümumiyyətlə, oxuduğunuz universi-
tetdə sizi daha çox nələr qane edir?
- Dünya Dənizçilik Universitetinin qa-
needici tərəfləri çoxdur. Bir neçəsini vurğu-
laya bilərəm. Burda dərslər dənizçilik səna-
yesinin son illərdəki dəyişikliklərinə uyğun
keçirilir. Bu da tələbələri lazım olan bilik və
bacarıqlarla təmin edir. Təhsil yalnız profes-
sorların verdiyi ümumi biliklərə əsaslanmır.
Əldə olunan biliklərin tətbiqinə geniş imkan-
lar yaradılır. Bundan başqa, tələbənin anali-
tik düşüncə qabiliyyətinin inkişafı da vacib
sayılır. Müxtəlif ölkələrin təcrübəsini öyrən-
mək imkanımız var. Məsələn, bizim ixtisasın
tələbələri Birləşmiş Krallıqda (London), Al-
maniyada (Hamburq) və Yunanıstanda təc-
rübə keçəcəklər. Universitetə tez-tez digər
təşkilatlardan, assosiasiyalardan, şirkətlər-
dən beynəlxalq səviyyədə tanınmış ekpertlər
dəvət olunur. Onlar mühazirələri ilə dərs-
lərimizdə iştirak edirlər. Ən son Amerika
Gəmiçilik Bürosunun prezidenti cənab Kris
Shernicki “Texnologiyanın inkişafı gəmiçi-
liyin gələcəyini necə formalaşdırır” mövzu-
sunda təqdimatla çıxış edib. Universitetin
həm müəllim heyəti, həm də tələbələr dün-
yanın müxtəlif ölkələrindən formalaşıb. Bu
da dostluq əlaqələrimizin genişlənməsinə və
gələcəkdə həmin ölkələrin nümayəndələri
ilə əməkdaşlığa imkanlar yaradacaq. Dünya
Dənizçilik Universiteti böyük kitabxana re-
surslarına malikdir. Bundan başqa, 100000-
dən çox elektron kitab, İMO sənədləri, Hei-
nOnline və s. resurlarından istifadə üçün hər
birimizin giriş icazəmiz var.
- isveçdə dərsdənkənar vaxtlarınızı
necə keçirirsiniz? ümumiyyətlə, buna im-
kan olurmu?
- Düzü, dərslərimizin çətinliyinə görə
asudə vaxtımız çox olmur. Hər iki həftədən
bir imtahan veririk. Bəzən imtahanlarara-
sı əlavə təqdimatlara və digər tapşırıqlara
da hazırlaşırıq. Amma imkan tapan kimi,
İsveçin başqa şəhərlərinə və digər Avropa
ölkələrinə səyahət edirəm. Həftəsonları dost-
larımızla milli yeməklərimizi bir-birimizə
təqdim edir və əylənirik. Bundan başqa, uni-
versitetdə müxtəlif idman növləri ilə məşğul
olmaq üçün gözəl şərait var. Ümumiyyətlə,
əminəm ki, burada təhsil aldığım müddət
yaddaşımda həyatımın ən unudulmaz günlə-
ri kimi qalacaq.
- Bəs, sosial layihələrdə iştirak edirsi-
nizmi?
- Bəli, sosial layihələrdə iştirak edirəm
və bu, çox vacibdir. Çünki, insan bu la-
yihələrə qatılmaqla həm başqalarına kiçik
də olsa töhfə verir, həm də özünü inkişaf
etdirir. Hazırda təhsil aldığım universitet-
də Tələbə Şurasının Məzun və Beynəlxalq
gün üzrə sədriyəm. Bundan əlavə, Qadın
Assosiasiyasında layihə kordinatoru üzrə
çalışıram. Assosiasiyanın əsas məqsədlə-
rindən biri dənizçilik sahəsində qadınların
təhsil almasına və bu sahədə daha çox uğur
qazanmalarına dəstək olmaqdır. Ölkəmizə
qayıtdıqdan sonra da bu layihələrdə, regi-
onal digər assosiasiya və ya təşkilatlarda
iştirakımı davam etdirmək istəyirəm.
- son olaraq təhsilini xaricdə davam
etdirmək istəyən dənizçilərə sözünüz?
- Öncə onu deyim ki, yaşlarından asılı
olmayaraq xaricdə təhsil almaq arzuları var-
sa, bunun arxasınca getsinlər. Yaş məsələsi-
ni niyə xüsusi vurğulayıram? Çünki oxumaq
heç zaman gec deyil. Burada təhsil alanların
orta yaşına nəzər salsaq 30-dan çox olduğu-
nu görərik. Xüsusilə, gənc dənizçilərimizə
(hazırda Akademiyada təhsil alan və məzun
olan) demək istərdim ki, vaxtınızdan düz-
gün istifadə edin. Vaxt elə bir şeydir ki, göz
qırpımında gedir və geriyə dönüb baxdığı-
mızda boşluq görməmək üçün çox çalışma-
lıyıq. Təbii ki, qarşımıza maneələr çıxacaq,
amma nəyisə etmək istəyiniz bu maneələr-
dən üstün olmalıdır. Ən əsas problem maddi
məsələdə yaranır, bunun üçün də müxtəlif
təqaüd proqramlarına müraciət etmək olar.
Təbii ki, xaricdə təhsil almaq beynəlxalq
əmək bazarına qapı açacaq. Amma, fikrim-
cə, qazandığımız biliklərlə öncə ölkəmizə
töhfə verməyə çalışmalıyıq. Bu, çox vacib
məsələdir.
“Dünya Dənizçilik UniversitetinDə oxUmaq asan olmasa Da... "
İlin əvvəlindən Azər-
baycan əhalisinin sayı
65292 nəfər və ya 0,7
faiz artaraq oktyabrın
1-i vəziyyətinə 9875273
nəfərə çatıb.
Dövlət Statistika Ko-
mitəsindən bildiriblər
ki, bir kvadratkilometrə
düşən əhalinin sıxlığı 114
nəfər olub, əhalinin ümu-
mi sayının 53,0 faizini
şəhər, 47,0 faizini kənd
sakinləri, 49,9 faizini ki-
şilər, 50,1 faizini isə qa-
dınlar təşkil edir. Hazırda
hər 1000 kişiyə 1006 qa-
dın düşür.
Ədliyyə Nazirliyinin
rayon (şəhər) qeydiyyat
şöbələri tərəfindən cari ilin
yanvar-sentyabr aylarında
ölkə üzrə 107459 doğulan
körpə qeydə alınıb və əha-
linin hər 1000 nəfərinə bu
göstərici 14,7 təşkil edib.
Doğulan körpələrin 53,1
faizi oğlan, 46,9 faizi isə
qız uşaqlarından ibarət
olub. Körpələrdən 1918-i
əkiz, 33-ü üçəm doğulan-
lardır.
Doqquz ay ərzində
ölkədə 43089 ölüm halı
qeydə alınıb və əhalinin
hər 1000 nəfərinə ölüm
səviyyəsi 5,9 təşkil edib.
Qeydiyyat şöbələri tərə-
findən 2017-ci ilin yan-
var-sentyabr
aylarında
47388 nikah və 10977 bo-
şanma halları qeydə alınıb
və əhalinin hər 1000 nəfə-
rinə nikahların sayı 6,5,
boşanmaların sayı isə 1,5
olub. Bu ilin 9 ayı ərzində
Daxili İşlər Nazirliyi və
Dövlət Miqrasiya Xidmə-
tinin müvafiq qurumları
tərəfindən daimi yaşamaq
üçün 2299 nəfər Azərbay-
cana gələn, 1377 nəfər
isə Azərbaycandan gedən
qeydə alınaraq, miqrasiya
saldosu müsbət 922 nəfər
təşkil edib.
Bakı-Tbilisi-Qars
(BTQ) dəmir yolunun
istifadəyə verilməsi
Ermənistandakı bir
sıra infrastruktur
layihələrinin reallaş-
dırılmasına imkan
verməyəcək. Artıq
bir neçə layihə iflasa
uğrayıb.
BTQ-nin açılışından
sonra Ermənistanda həya-
ta keçirilən və ya reallaş-
dırılması nəzərdə tutulan
layihələrin bir neçəsi ak-
tuallığını itirib.
Ermənistan mətbua-
tı yazır ki, bu ölkə üçün
mühüm əhəmiyyət kəsb
edən “Şimal-Cənub” av-
tomagistralı layihəsinin
reallaşması artıq şübhə
doğurur. Bildirilir ki,
2009-cu ilin sentyabrında
Ermənistan Asiya İnkişaf
Bankı ilə bu yolun tikinti-
si üçün kredit müqaviləsi
imzalayıb. Müqaviləyə
əsasən, magistral yolun
tikintisi 2016-cı ildə başa
çatdırılmalı idi. Amma
tikinti işlərinə müqavilə
imzalandıqdan üç il son-
ra başlanılıb. 2012-ci ildə
yolun az bir hissəsi tikilib,
layihənin qiyməti isə ar-
tıb. 2012-ci ilin sentyab-
rında layihənin qiyməti 1
milyard ABŞ dolları olsa
da, indi onun qiyməti 2
milyard dollardır. Hazırda
hökumət yolun tikintisi
üçün əlavə vəsait axtarır.
Ermənistanın nəqliyyat
naziri Vaan Martirosyan
deyib ki, avtomagistralın
Artaşat-Meğri (350 kilo-
metr) hissəsinin tikintisi
üçün 1,5 milyard dollar
tələb olunur. Yolun tam
istifadəsi üçün daha çox
vəsait lazımdır.
Ermənistan hökuməti
hesab edir ki, beynəlxalq
maliyyə təşkilatları artıq
bu layihəyə investisiya
yatırmaq istəmirlər.
Ekspertlərin fikrincə,
“Şimal-Cənub” avtoma-
gistralının tikintisi artıq
sual altındadır. Bir neçə il-
dən sonra isə bu yol, ümu-
miyyətlə,
mahiyyətini
itirəcək. Ona görə ki, bu
yol Azərbaycanın nəqliy-
yat şəbəkəsi ilə rəqabətə
davam gətirə bilməyə-
cək və rentabelli olma-
yacaq. Bakı-Tbilisi-Qars
dəmir yolunun açılışı və
ilk konteyner qatarının
mənzil başına vaxtında
çatması Ermənistanı şoka
salıb. Əvvəllər BTQ-nin
tikilməyəcəyi, beynəlxalq
maliyyə
qurumlarının
bu layihəyə investisiya
ayırmayacaqları barədə
fikirlər səslənirdi. Amma
Azərbaycan
hökuməti-
nin qətiyyəti və səyi nə-
ticəsində yolun tikintisi
başa çatdırıldı. Bu isə öz
növbəsində Ermənistanın
nəzərdə tutduğu layihələ-
rin iflası deməkdir.
Xətayi Əzizov
azərBaycan əhalisinin
sayı 9875273 nəfərə çatıB
Bakı-tBilisi-qars Dəmir yolU
ermənistanın infrastrUktUr
layihələrini iflasa UğraDıB
“Azərbaycan Xəzər Dəniz Gəmiçili-
yi” QSC-nin ötən il elan etdiyi “Təqaüd
Proqramı”nın qaliblərindən biri, hazır-
da proqram üzrə İsveçin Malmö şəhə-
rində yerləşən Dünya Dənizçilik Uni-
versitetində magistr təhsilı alan Aqşin
Muxtarov “Seanews.az”-ın suallarını
cavablandırıb.
- aqşin, oxuduğun universitet və ix-
tisas barədə nə deyə bilərsən?
- Bizi daim diqqətdə və maraq dairə-
sində saxladığı üçün başda “Azərbaycan
Xəzər Dəniz Gəmiçiliyi” QSC-nin sədri
Rauf müəllim olmaqla, Gəmiçiliyin bütün
əməkdaşlarına təşəkkür edirəm. Deyərdim
ki, Dünya Dənizçilik Universitetinə (World
Maritime University) gəlib çıxmağımızda
bütün QSC kollektivinin dəstəyini görmü-
şük. Təhsil aldığım universitet 1983-ci ildə
İMO Assambleyasının qərarı ilə yaradılıb.
Məqsəd həmin təşkilatın “Təmiz okeanlar-
da xətərsiz, təhlükəsiz və effektiv dəniz-
çiliy”ini təhsil, araşdırma və bacarıqların
genişləndirilməsi yolu ilə təmin etməkdən
ibarətdir. İxtisasım “Dənizçiliyin idarə
olunması və logistika”dır. Dəniz sənayesi-
nin inkişafı üçün vacib ixtisas sayılır.
- Dərslər çətin deyil?
- Magistraqədərki üç aylıq kurs daha
asan idi. Amma proqramın ilk hissəsi baş-
layandan sonra işlər tamam dəyişdi. Demək
olar, hər üç həftədən bir imtahandır. Tədris
olunan dərsi yaxşı mənimsəmək üçün isə
minimum 200-300 səhifəlik materialı oxu-
malısan. Oxumaqdan əlavə, həmin materi-
alları yaxşı dərk etməlisən. İşin çətin tərəfi
odur ki, dərsin biri bitsə də, verdikləri tap-
şırıq yeni dərslə paralel inkişaf edir. Bu za-
man iki fənnə və iki imtahana eyni vaxtda
hazırlaşmalı olursan. Bu isə ikiqat çətindir.
- Dünya Dənizçilik Universitetində
təhsil almaq sizə nə verir? ümidlərinizi
doğruldurmu?
- Universitet müasir tələblərə tam ca-
vab verir, hətta yeni trendlər yaratmaq qa-
biliyyətinə malikdir. Burda dərslərin möv-
zusu gündəmə uyğun təyin olunur. Məhz
bu, Dünya Dənizçilik Universitetinin ən
sevdiyim tərəflərindəndir. Sözsüz, burada
İMO-nun da rolunu danmaq olmaz. Çün-
ki, universitet birbaşa İMO-nun və eləcə də
beynəlxalq dənizçiliyin gündəmində olan
vacib məsələləri nəzərə alır, təhsil sistemini
buna uyğunlaşdırır. Ümumiyyətlə, aldığım
təhsildən tam məmnunam. İnteraktiv təhsil
sistemi, təcrübəli müəllim heyəti tədrisin
keyfiyyətini daha effektiv edir və səmərələ-
liyini artırır. Bununla yanaşı, ölkə xaricində
təhsil mənə müxtəlif xalqların mədəniyyə-
ti ilə yaxından tanış olmaq imkanı yaradır,
dünyagörüşümü artırır, bu isə özlüyündə
qiymətsiz bir təcrübəyə çevrilir.
- Dərsdənkənar vaxtınızı necə keçi-
rirsiniz? sosial layihələrə qatılırsınızmı?
- Əslində mümkün qədər daha çox oxu-
mağı və öyrənməyi üstün tuturam. Bununla
yanaşı, sosial layihələrdən də geri qalma-
mağa çalışıram. Mən oxuduğumuz ixtisasın
nümayəndəsi (SML-course representative)
seçilmişəm. Bu da avtomatik məni sosi-
al layihələri həyata keçirmək məqsədiylə
yaradılmış “Tələbə konsulu”nun (student
council) nümayəndəsi etmiş olur.
- təhsilini xaricdə davam etdirmək
istəyən dənizçilərə məsləhətiniz nə olar-
dı?
- Dünyada dənizçilik üzrə kifayət qədər
xüsusi universitetlər var. World Maritime
University də bu siyahıda ön pillələrdən
birini tutur. Eləcə də İngiltərənin, Hollan-
diyanın və ya Avstraliyanın dənizçilik üzrə
dərin ixtisaslaşmış universitetləri mövcud-
dur. Lakin, maddi məsələlər dənizçilərin
və bir çox tələbənin xaricdə təhsillə bağ-
lı planlarının üstündən xətt çəkir. Bununla
belə, əksər universitetlərdə müxtəlif növ
sponsorluqlar mövcuddur. Ona görə, məs-
ləhət görərdim ki, həvəsdən düşmədən də-
nizçilik universitetlərini və orada oxuya
bilmək üçün sponsorluq əldə etmək im-
kanlarını daha yaxşı araşdırsınlar. Gənclə-
ri daha çox motivasiyalı görmək istərdim.
Qarşıya qoyulmuş məqsədə çatmaq üçün
isə var-qüvvələrini əsirgəməməlidirlər.
Rövşən Abdurəhmanov
“alDığım təhsilDən tam məmnUnam”