Səfir Robert Sekutanın çıxışı
Humanitar Yardım Layihəsi
Təməlqoyma mərasimi
Yeni-Daşkənd
Cümə axşamı, 5 Noyabr, 2015
Hər vaxtınız xeyir. Qəbul üçün sağ olun. Mən və Həyat yoldaşım Ənn, Mayor
Scheinbaum ilə Yeni Daşkəndə məcburi köçkün icmalarının su təchizatı
layihəsinin təməlini qoymaqdan çox şadıq.
Bu layihə ABŞ Müdafiə Nazirliyinin Humanitar Yardım Proqramı ilə
Birləşmiş Ştatların icra etdiyi üç yeni su layihəsindən biridir. Digər iki layihə
Ərdüşlü və Alxaslıdadır. Bu üç layihə 670 (altı yüz yetmiş) ailə üçün, və ya 3300
(üç min üç yüzdən) çox qaçqın və məcburi köçkünün su təchizatını
yaxşılaşdıracaq. Amerika Birləşmiş Ştatları 1992-ci (min doqquz yüz doxsan
ikinci)ildən azərbaycanlılara güclü, sabit, çiçəklənən, demokratik Azərbaycan
qurulmasında kömək etmək və Dağlıq Qarabağ münaqişəsindən zərər çəkmiş
insanların ehtiyaclarını qarşılamaq üçün layihələr icra edir. Bu layihə həmin
layihələrin davamıdır.
1992-ci (min doqquz yüz doxsan ikinci) ildən ABŞ azərbaycanlılara kömək
etmək üçün 1.5 (bir tam onda beş milyard) dollardan çox vəsait ayırıb. USAID,
Hərbi Əməkdaşlıq Ofisi və ABŞ-ın digər təşkilatları məcburi köçkünlər üçün
layihələrə 115 (yüz on beş) milyon dollar ayırıb. Bu layihəni ABŞ Avropa
Komandanlığı, ABŞ Ordu Mühəndislər Korpusunun köməyi ilə ABŞ səfirliyinin
Hərbi Əməkdaşlıq Ofisi icra edəcək. 2003-cü ildən ABŞ Müdafiə Nazirliyi
məcburi köçkünlər üçün 17 (on yeddi) humanitar yardım, məktəb tikintisi və su
layihəsi üçün 4 milyon dollar ayırıb. Bu layihələr məcburi köçkünlərin şəraitini
yaxşılaşdırmağa hazır olduğumuzu göstərir. Birləşmiş Ştatlar ATƏT-in Minsk
Qrupu çərçivəsində Dağlıq Qarabağ münaqişəsinin sülh yolu ilə həll edilməsi üçün
səylərini davam etdirir. Məcburi köçkünlərin və qaçqınların ehtiyaclarının
qarşılanması bu səylərin vacib hissəsi olacaq. Səfir Uorlik regiona son səfərində
dedi “Harda yaşamalarından asılı olmayaraq qaçqınlar və məcburi köçkünlərin
evlərinə qayıtmasına şərait yaradılmalıdır” . Bu layihələr yerli icma liderlərinin
köməyi ilə Birləşmiş Ştatlar və Azərbaycan hökumətlərinin birgə nailiyyətinin
bariz nümunəsidir. Bu ölkələrimiz arasında əməkdaşlığın, dostluğun vacibliyini
göstərir. Azərbaycanlılar uğurlu, güclü və inkişaf edən ölkə qurarkən
amerikalıların azərbaycanlıların yanında olmaq və kömək etmək əzmini göstərir.
İcazə verin, bu layihəyə diqqət yetirək. Niyə su? İçməli su insanlar üçün çox
vacibdir. Yoxsulluq, aclıq, uşaq ölümünün azaldılması, anaların sağlamlığının
yaxşılaşdırılması, yoluxucu xəstəliklərə qarşı mübarizə, ətraf mühitin qorunması da
vacibdir. Yeni Daşkənddə su təchizatının yaxşılaşması əhaliyə fayda verəcək.
Layihə yerli klinikanın su təchizatını yaxşılaşdıracaq və xəstələrin təmiz su əldə
etməsinə kömək edəcək.
İcazə verin bir daha Azərbaycan hökuməti, Yeni Daşkənd rəhbərliyi, ABŞ
Ordu Mühəndislər Korpusu, ABŞ səfirliyinın burda olan işçiləri, hərbçiləri, ABŞ
Avropa Komandanlığına gərgin işə görə təşəkkürümü bildirim. İcazə verin onlara
və bu icmanın əhalisinə su layihəsinin icrasında uğurlar arzulayım.
###