Şaxta Babanın Ötüşü (nəğməsi)

http://www.turuz.com/

Şaxta Babanın Ötüşü (nəğməsi)

Əhməd Cəmil

Göndərən

Mehriban Az
Qopdu bayırda tufan,

Uğuldadı yel, boran.

Döyüldü pəncərə bərk,

Açdı qapını külək.

Yelləndi çilçıraqlar,

Doldu evə soyuq qar.

- Aha, aha deyəsən

Şaxta babadır gələn!

Saç-saqqalı tamam ağ,

Başında qardan papaq

Girdi evə bir qoca,

Boyu çinardan uca…

Yapıncısı buz kimi,

Parlayır ulduz kimi

Qotazlı qar xurcunu.

Uşaqlar görcək bunu

Alıb dövrəyə həmən

Tutdular ətəyindən:

-Şaxta baba, saxta can!

Hardasan bu vaxtacan?

Saxta baba gülərək,

Uşaqlarla təkbətək

Salamlaşıb görüşdü,

Nəsə yadına düşdü.

Fikrə getdi bir qədər,

Dedi:- Əziz körpələr,

Qarlı dağlar aşaraq,

Çox ellər dolaşaraq,

Dağlarda qurdum dəyə,

Gəldim sizi görməyə.

Dəyə: Alaçıq.