13
hissəsindən şərq istiqamətində hərəkət etməli idi. Birinci
dəstəyə kapitan Xuan Odovaldo, ikinci dəstəyə isə
polkovnik Alonso başçılıq etməliydi. Lakin indi kapitan
Xuan burada yox idi və onu başqa adam əvəz edəcəkdi.
Ümumiyyətlə, Araukaniyada total döyüş əməliyyatlarına
başlamamışdan əvvəl polkovnik Alonso sübh tezdən yeni
müşavirə çağırdı. Həmin müşavirəyə zabitlərdən əlavə qoca
səyyah Rodriges Kartahena və bu əraziyə yaxşı bələd olan
Xuan Flores də dəvət edildi. Müşavirədə yeni hücum planı
hazırlanmalı idi. Ona görə ki, əgər araukanlar, hazırda
kapitan Xuanın dəstəsinə qarşı döyüşürdüsə, deməli onlara
qarşı gözlənilməz zərbə endirmək mümkün olmayacaqdı.
Bütün aborigenlər döyüş hazırlığına gətirilmişdi.
Dan yeri yenicə sökülürdü ki, müşavirə iştirakçıları
“Vanquardia” gəmisinin kapitan kayutuna toplaşdılar. Göz-
lənildiyi kimi ilk sözü polkovnik Alonso özü aldı. Hörmət
və ehtiram əlaməti olaraq o, ayağa qalxaraq təmkinlə dedi:
- Möhtərəm sinyorlar, hazırda Araukaniyada nə baş
verdiyindən hamınız xəbərdarsınız. Bizim silahdaşlarımız
azğın düşmənin əhatəsinə düşərək, qeyri-bərabər döyüşlər
aparır. Biz vaxt itirmədən onların köməyinə getməliyik.
Hər saatın öz hökmü var. Əvvəlcədən nəzərdə tutulduğu
kimi kəşfiyyat dəstəsi bu gün bizimlə burada rastlaşmalı
idi. Onlar bura gəlməyiblərsə, deməli həmin kənddə qalıb
14
müdafiə olunurlar. Təsəvvür edirəm, müdafiə olunmaq
onlar üçün nə qədər ağırdır? Axı, düşmən qüvvəsi onlardan
ən azı yüz dəfə çoxdur.
Allaha dua etməliyik ki, biz ora gedənə qədər heç olma-
sa, onların yarısı sağ qalsın. Araukanlar cidd-cəhdlə
çalışacaqlar ki, onları birdəfəlik məhv etsin. Çünki məndə
olan məlumata görə kəşfiyyatçılar silahdaşlarımızı əsirlik-
dən azad edən zaman, düşmənin xeyli qüvvəsini məhv
ediblər. Araukanlar da həmin dəstənin məhv edilməsi üçün
böyük səy göstərəcəklər.
- Don Alonso, bildiyimizə görə onlar istehkama daxil
olan zaman ixtiyarlarında üç-dörd günlük ərzaq ehtiyatı
olubdur. - deyə qraf Filipp Morelos bu faktı xüsusilə
vurğuladı. - Mən inana bilmərəm ki, onlar iki həftəyə qədər
ac qarına inadkarlıqla müqavimət göstərsinlər. Belə olan
halda kəşfiyyatçılar aclığa tab gətirməyib düşmənə təslim
ola bilərlər. Əgər bu belədirsə, onda bizim silahdaşların sağ
qalmasına böyük ümid yaranır.
Qraf Filipp bu sözlərlə polkovnikə təsəlli vermək istədi,
lakin onun sözləri ciddi qəbul edilə bilməzdi. Çünki bir
sərkərdə kimi qraf Filipp müharibənin birinci mərhələsində
böyük hərbi uğursuzluğa düçar olmuş və bununla da düş-
mənə növbəti dəfə konkistadorlar üzərində qələbə çalmağa
imkan yaratmışdı. Cinayətə bərabər olan bu səhvi polkov-
15
nik nə Morelos qardaşlarına, nə də ki, öz oğullarına
bağışlaya bilirdi. İndi isə qraf Filipp peşəkər sərkərdəyə
ürək-dirək vermək istəyirdi. Polkovnik üzünü ona tutmadan
qürurla dedi:
- Mən qardaşımı yaxşı tanıyıram. O, ölər, ancaq lüt
aborigenə təslim olmaz. Deməli, bizim silahdaşlarımızın
düşmənə qarşı apardıqları müqavimət hələ də davam edir.
- Kəşfiyyat dəstəsinə elə döyüşçülər qəbul edilib ki, on-
lar özlərindəki qürura görə heç vaxt düşmənə təslim olmaz-
lar. - leytenant Ernando Ramires fəxrlə dilləndi. – Avropa-
nın döyüş meydanlarında xüsusilə fərqlənən döyüşçülər, əsl
ispan gücünü və yenilməzliyini qəddar düşmənə nümayiş
etdirəcək.
Bu sözlər nəinki qraf Filippə, hətta araukanlara təslim
olan hər bir konkistadora aid idi. Aborigenə əsir düşmək,
Avropada biabırçılıq kimi qiymətləndirilirdi. Həmin
adamlar ömürlük özlərini silahdaşları qarşısında biabır
etmişdilər. Qraf Filipp təkzib verməsə də, polkovnikin kiçik
oğlu Karlos o dəqiqə bu təhqiredici irada reaksiya verdi:
- Biz hamımız muhasirədə idik. Müqavimət göstərməyə
imkan verilmədi. Bizim əsgərlər arasında çaşqınlıq yaran-
masaydı, araukanları sərçə kimi biçərdik.
Karlosun təkzib verməsindən ürəklənən qraf Xuan cəld
ayağa qalxaraq həvəslə dedi:
16
- Don Alonso, həqiqəti üzə çıxarmaq üçün sizə bildirmə-
liyəm ki, həmin döyüşdə bizim sıralarımızda çoxlu matros-
lar vardı. Döyüş zamanı onların hamısı məhv ola bilərdi.
Ağır itkilərə məruz qalmamaq üçün biz qeyri-bərabər
döyüşdə düşmənə təslim olduq və bununla da qüvvəmizin
yarıdan çoxunu salamat saxladıq.
Qoca səyyah polkovnikin sağ tərəfində əyləşmişdi. O,
qrafa nəzər salmadan diqqətlə qulaq asır və hər cümləni
eşidəndə narazı halda başını tərpədirdi. Söz yox ki, o, qraf
Xuan ilə heç cürə razılaşa bilməzdi. Çünki birinci ekspedi-
siyanı bilavasitə məğlubiyyətə uğradanlardan biri, məhz
qraf Xuan idi. Hələ bir həyasızlıq edərək qoca səyyahın
yanında təkzib verirdi. Necə olsa da, qoca səyyah həmin
uğursuzluğun canlı şahidi idi. Lakin polkovnik Alonso olan
yerdə o, hələlik susmağı üstün tuturdu. Ekspedisiya başçısı
sağ əlini yuxarı qaldıraraq qrafı susmağa vadar etdi və
başını dik tutaraq hökmlə dedi:
- “Destino”nun matroslarını bəhanə gətirərək, heç kim
özünə bəraət qazandırmamalıdır. Biz bura krallığımızın qatı
düşmənləri araukanlara qarşı müharibə etməyə gəlmişik.
Hər birimiz kimliyindən asılı olmayaraq bu ağır işdə fayda
verməlidir. Matrosların hər biri əlində silah düşmənə qarşı
döyüşməlidir. Burada gedən müharibədə ekspedisiyanın
məğlub olmasında, günahkar adamlar döyüş əməliyyatları-
Dostları ilə paylaş: |