Qaydaların kobudcasına pozulmasının, paytaxtdakı dözülməz tıxacların və s ciddi şəkildə artmasını kim inkar
Yüklə 382,59 Kb. Pdf görüntüsü
|
- Bu səhifədəki naviqasiya:
- – nadanlığına salıb qəbullanmaq istəmir ki, alkoqollu halda avtomobili idarə etmək qəti olmaz. Mən bunu
- Çox zaman kiminsə məsuliyyətsiz təkidlərindən, “vur, getsin”, “birinci dəfə deyil ki”, “mənə içki təsir eləmir”...
- HAŞİYƏ: bir müddət əvvəl yaxın bir dostumun dayısı gildəki yas məclisinə getmişdim. Dayısının universitetin sonuncu kursunda oxuyan, yenicə
| Avto Stop
№10 02/2016
RESS www.avtostop.tv Rəhman və Rəhim olan Allahın adı ilə. №7
Avto Stop
4 babek@avtostop.tv Baş redaktordan B u gün nəqliyyat vasitələrindən, avtomobil yollarından söz düşəndə bir çox problemlərdən söz açılır, yaşanan ən müxtəlif əngəllərdən bəhs edilir. Əlbəttə, bunun üçün yetəri qədər nədənlər də var. Yol-qəza hadisələrinin, ölüm hallarının, qaydaların kobudcasına pozulmasının, paytaxtdakı dözülməz tıxacların və s. ciddi şəkildə artmasını kim inkar edə bilər ki? Hələ bu siyahını “rahatca” uzatmaq da olardı. Amma indi daha təhlükəli, insanlara yalnız bədbəxtlik gətirən bir məsələdən – spirtli içki qəbul edən sürücülərdən, eləcə də onların törətdiklərindən bəhs etmək istəyirəm... Bir çoxları – ifadəmə görə üzr istəyirəm – nadanlığına salıb qəbullanmaq istəmir ki, alkoqollu halda avtomobili idarə etmək qəti olmaz. Mən bunu ona görə belə şəkildə söyləmirəm ki, qanunda da məhz o cür göstərilir. Xeyr. Vəzifəsindən, peşəsindən, kimliyindən asılı olmayaraq spirtli içki içən şəxslərdə ətrafda baş verən hadisərə qüsurlu reaksiya hakim olur. İstər bunu içkiyə meyilli şəxslər etiraf etsinlər, istər etməsinlər. Çünki ciddi araşdırmalar aparan mütəxəssilər, alimlər artıq çoxdan sübut ediblər ki, bu belədir. Əslində mən heç də elə düşünmürəm ki, içkili sürücülərimiz bütün bu faciələrə səbəb olan hadisələri istəyərək, ya da qəsdən yaradırlar. Əsla. Çünki heç kim istəməz ki, durduğu yerdə kimlərəsə xətər yetirsin və nəticədə, az və ya çox şəkildə cəza alsın, bir sıra adamların həyatı korlansın. Sadəcə həmin dəhşətlər bəzi insanların iradəsinin, təmkinin spirtli içkiyə yenilməsi ucbatından baş verir. Çox zaman kiminsə məsuliyyətsiz təkidlərindən, “vur, getsin”, “birinci dəfə deyil ki”, “mənə içki təsir eləmir”... məntiqinin nəticəsindən törəyir. 5 Avto
Stop Babək Yusifoğlu HAŞİYƏ: bir müddət əvvəl yaxın bir dostumun dayısı gildəki yas məclisinə getmişdim. Dayısının universitetin sonuncu kursunda oxuyan, yenicə nişanlanmış gənc qızını səkidə durduğu zaman bir yük maşını vuraraq öldürmüşdü. Sonradan məlum olmuşdu ki, sürücü yüklərini apardığı yerdə boşaltıqdan sonra tanışlarıyla – bizim “yaxşı yeyib-içmək” adlandırdığımız “masada” oturub və araqdan vurub. Sonra isə “əşi, heç nə olmaz” deyərək gənc bir qızın taleyinə son qoymaq, ardınca da özünün, ailəsinin həyatını cəhənnəmə çevirmək üçün yol alıb. Hər kəs etiraf edər ki, bu çox tükürpədici bir vəziyyətdi... Yəqin ki, kimsədə təəccüb yaratmaz, faciəli şəkildə həlak olan həmin qızın atasında bir maddət sonra psixi pozğunluq yarandı. Təsəvvür edin, bir neçə insan sadəcə “əşi, heç nə olmaz”ın ardınca orqanizmə daxil olan spirtli içkinin qurbanına çevrilir. Həytalar qırılır, talelər səmtini dəyişir... Əlbəttə, hər kəsin bildiyi, gördüyü, şahidi olduğu bu cür faciəli hadisələr vardır. Dindirsən, hətta içkidən imtina edə bilməyən avtomobil sahibləri belə normal halda onun gətirdiyi fəsadlardan söhbət açar. Amma... Təəssüf ki, bu qədər deyilməsinə, yazılmasına, xəbərdarlıq edilməsinə, nəhayət tətbiq olunan cərimələrə, cəzalara baxmayaraq alkaqolun təsiri ilə yol-nəqliyyat hadisələrinin, bunun nəticəsində də yaralanma və ölüm hallarının artması müşahidə olunur. Ürək ağrıdan haldı, deyimi? Maraqlıdı, Qərb mütəxəssilərinin elmi-praktik araşdırmalarından aydın olub ki, sürücülər tərəfindən mövcud qanun- qaydalara tam şəkildə əməl edildikdə avtomobil qəzaları ən minumum həddə düşür. Hadisələr 100- dən 15-18 -ə enir. Bununla bağlı daha bir qorxunc məqama diqqəti yönəltməyi vacib sayıram. Və bəziləri məni qınamasınlar. Hazırda bir tendensiya istənmədən də bu faciələri “bəsləməkdədir”. Təəccüblənməyin. Belə hadisələrdən sonra çox zaman qəribə mühakimələr səsləndirilir: “olacağa çarə yoxdu”, “qəzadı”, “əcəli çatıbmış”... və s. Əstəğfürullah, mən də inanclı bir müsəlman kimi hər şeyin Allahın əmrində olduğuna əminəm. Çox şükür ki, Onun varlığına inamım tamdır. Amma mən inanmıram ki, kimlərinsə spirtli içki içməsi, sərxoşluq etməsi, araq içərək hansısa insanı öldürməsi, uşaqları valideynsiz, valideynləri övladsız qoyması Tanrının bəndəsi üçün bir alın yazısı olsun. Allah canlıların əşrəfi kimi yaratdığı insana əməllərində, seçimində muxtariyyət verib. Yəni, hər kəs yoluna, əməlinə, seçiminə özü cavabdehdi. Bəzilərinin səhv “məntiq”inə görə, belə çıxır ki, insanlar hər cür pis əməllərlə, hər cür oyunlarla məşğul olub adını da Allahın yazısı qoymalıdı??? Xeyr. Yoxdur belə şey. Onun göndərdiyi bütün kitablarda buyurulur ki, insanlar şərə-şeytana uymasınlar. Pis əməllərdən uzaq dursunlar... İnsan araq içəcək, həm özünü, həm başaqlarını dəhşətlərə düçar edəcək və bütün bunların təsəllisini “alın yazısında” taparaq yoluna davam edəcək... Belə bir şey ola bilərmi?!. Bəzi ölkələrdə spirtli içki qəbul edən sürücülərə qarşı çox sərt qanunlar mövcuddur. Bəzi hallarda belələri çox, özü də çox yüksək məbləğdə cərimələrə cəlb olunurlar. Elə dövlətlər də var ki, alkoqollu halda sükan arxasında oturanlar hətta ömürlük sürücülük hüququndan məhrum edilirlər. Yəni, sadə dillə desək, qanunlar başqalarının həyatını belələrindən qorumuş olur. Qəribədi ki, bizdə belə sərt tədbirləri bəyənməyənlər də mövcuddur. Belələri (unutmasınlar, bəhs etdiyimiz dəhşətlər hər an onların özü, ailəsi, doğmalarıyla da baş verə bilər) demokratiya, insan hüquqları tostlarıyla maskalanıb humanist obrazı yaratmağa cəhddə bulanmasınlar. Bəli, mədəsinə, nəfsinə hakim olmağı bacarmayan şəxslərin sükan arxasında oturmasına icazə verilməmələdi. Belələri narazı qalacaqsa qanunların sərtliyindən deyil, nəfslərinə hakim ola bilmədiklərindən incisinlər... Bizdə də içkili vəziyyətdə avtomobili idarə edənlərlə bağlı cəzaların sərtləşdirilməsinə ciddi ehtiyac var. Düzdü, hazırda ölkəmizdəki cərimələr 500 manata qaldırılaraq bir qədər ciddiləşdirilsə də, bu rəqəmin daha da yüksəldiləcəyi ehtimalı gözlənilsə də faktlar göstərir ki, bunlar yetərli deyil. Ən yaxşısı belələri ümumiyyətlə sürücülük hüququndan məhrum edilməlidir. Çünki söhbət insan həyatından, insan sağlamlığından gedir. Və bütün qanunlar da ilk növbədə cəmiyyətin, insanların təhlükəsizlini, hüquqlarını (yaşamaq), mal güvənliyini, asayişini... qorumağa xidmət etməlidir.
Yüklə 382,59 Kb. Dostları ilə paylaş:
|