Qadinlarin hiKMƏtnaməSİ Kİtab haqqinda

İKİNCİ HİKMƏT.QADINA SEVGİ

QADIN MƏHƏBBƏT DALINCA

1. Allahın rəsulu (s) buyurur: "Kişi qadınına "Mən səni sevirəm"- desə, bu söz heç vaxt onun qəlbindən silinməz."(1)

2. Allahın rəsulu (s): Ey Həvla! Kişinin qadının boynunda olan haqqı budur ki, evində oturub, ona eşq-məhəbbət izhar etsin və ona qarşı xeyirxah, ürəkyandıran olsun.(2)

QADINLARA SEVGİ İMANDANDIR

1. Allahın rəsulu (s) buyurur: Ən imanlı insanlar, xoş xasiyyətli olanlar və ailələrinə qarşı ən mehriban olanlardır. Mən sizlərin arasında, ailəsi ilə ən mehriban davranan şəxsəm.(3)

səh:21
1- [1] . əl-Kafi, c.5, səh. 569, hədis 59.

2- [2] . Müstədrəkül-vəsail, c. 14, səh. 244.

3- [3] . Üyuni-əxbarir-Rza, c. 2, səh. 38; Səhifətü-imamir-Rza, səh. 330; Biharül-ənvar, c. 71, səh. 387.

2. Allahın rəsulu (s) buyurur: Möminlər arasında imanı ən kamil olan şəxs, onların ən xoş xasiyyətli olanı və ailəsi ilə ən mehriban rəftar edənidir.(1)

3. Allahın rəsulu (s) buyurur: Bəndənin imanı artdıqca, qadınlara (həyat yoldaşına) məhəbbəti də çoxalar.(2)

4. Ənəs rəvayət edir: Allahın elçisindən soruşdular: Hansı möminin imanı daha kamildir?

Buyurdu: "Ailəsi ilə yaxşı davranan şəxsin."(3)

5. İmam Zeynülabidin (ə): Bu dörd xüsusiyyət hər kimdə olsa, imanı kamil olar, günahları silinər, (qiyamət günü) Allah-taala oldan razı olduğu halda məhşər ayağına gələr: İnsanlara verdiyi sözə vəfalı olan şəxs, iki üzlü olmayan insan, Allahdan və camaatdan həya etdiyi üçün pis əməllərdən çəkinən şəxs və ailəsi ilə xoşrəftar olan insan.(4)

6. İmam Sadiq (ə) buyurur: "Kimin bizə məhəbbəti artarsa, qadına da məhəbbəti artar."(5)

7. İmam Sadiq (ə) buyurur: "İnsanın qəlbində

səh:22
1- [1] . Sünəni-Tirmizi, c. 5, səh. 9; Müsnədi-ibn Hənbəl, c. 9, səh. 301; Kənzül-ümmal, c. 3, səh. 6.

2- [2] . əl-Cəfəriyyat, səh. 90; Nəvadir, səh. 114; Dəaimül-islam, c. 2, səh. 192.

3- [3] . Tənbihül-ğafilin, səh. 516; Kənzül-ümmal, c. 3, səh. 665.

4- [4] . Əmali-Müfid, səh. 299; Əmali-Tusi, səh. 73; Mişkatül-ənvar, səh. 262.

5- [5] . əl-Kafi, c.5, səh. 515, hədis 5, Mən la yəhzərühül-fəqih, c. 3, səh. 384; Məkarimül-əxlaq, c. 1, səh. 432; Vəsailüş-şiə, c.14, səh.9.

qadının (həyat yoldaşının) məhəbbəti çoxaldıqca, imanı da artar".(1)

8. İmam Sadiq (ə) buyurur: Qadınlara məhəbbət bəsləmək, onları sevmək peyğəmbərlərin əxlaqıdır.(2)

9. İmam Sadiq (ə) buyurur: Bir şəxsin (həyat yoldaşına) məhəbbəti çoxalmadıqca, imanı gözəlləşməz.(3)

QADINLARA SEVGİ RƏBBİN NİŞANƏSİDİR

1. Qurani-Kərim: "Sizin üçün onlarla ünsiyyət edəsiniz deyə, öz cinsinizdən zövcələr xəlq etməsi, aranızda dostluq, sevgi və mərhəmət yaratması da Onun qüdrət əlamətlərindəndir".(4)

2. İmam Sadiq (ə) buyurur: "Həvva yaradıldığı zaman Adəm Allaha dedi: "İlahi! Bu gözəl məxluq kimdir ki, yaxınlığı, baxışı məni tənhalıqdan xilas edib, mənə ünsiyyət, ülfət bəxş edir?" Buyuruldu: "Ey Adəm, o mənim kənizimdir. Səninlə ünsiyyət qurmasını, söhbət etməsini, sənin haqq istəklərinə itaət etməsini istəyirsənmi?" Adəm "Bəli"-deyə, cavab verdi. Buyuruldu: "Sənə bəxş etdiyim bu məşuqa görə ömür boyu mənə şükür et".(5)

səh:23
1- [1] . Həmin mənbə.

2- [2] . əl-Kafi, c. 5, səh. 320; Təhzibül-əhkam, c. 7, səh. 403; Biharül-ənvar, c. 103, səh. 236.

3- [3] . əl-Kafi, c. 5, səh. 320; Mən la yəhzərühül-fəqih, c. 3, səh. 284; Vəsailüş-şiə, c. 14, səh. 9.

4- [4] . Rum surəsi, ayə 21.

5- [5] . Vəsailüş-şiə, c.14, səh. 2.

QADIN VƏ PEYĞƏMBƏRLƏRİN SEVGİSİ

1. Allahın rəsulu (s) buyurur: "Dünyada ən çox sevdiyim şey qadın və xoş iyli ətirlərdir. Lakin gözümün işığı isə namazdır".(1)

2. Həzrət Peyğəmbər (s) buyurur: "Namaz gözümün işığıdır. Qadınlar dünyadakı ləzzət və sevincimdir. Həsən və Hüseyn isə xoş ətirli güllərimdir".(2)

3. İmam Sadiq (ə) buyurur: "Qadınlara məhəbbət bəsləmək, onları sevmək peyğəmbərlərin əxlaqıdır".(3)

PEYĞƏMBƏRİN (S) QIZLARINA OLAN SEVGİSİ

1. Qeys bir gün Məhəmməd Peyğəmbərin (s) öz qızlarından birini dizinin üstündə əyləşdirdiyini gördü. Dedi: Bu qoyun balası nədir ki, onu bu qədər öpürsən?

Həzrət (s) buyurdu: "Bu mənim qızımdır".

Qeys dedi: Allaha and olsun! Mənim çox sayda qızım olub, onların hamısını diri-diri torpağa basdırmışam və heç birisini bu qədər əzizləyib, öpməmişəm.

Həzrət Peyğəmbər (s) qəzəblənərək, buyurdu: "Vay olsun sənə! Allah mərhəmət hissini sənin könlündən silib. Allah-taalanın insana bəxş etdiyi ən dəyərli nemətlərin qədir-qiymətini anlamamısan".(4)

səh:24
1- [1] . Biharül-ənvar, c.103, səh. 218.

2- [2] . Həmin mənbə.

3- [3] . Vəsailüş-şiə, c. 20, səh. 22-23.

4- [4] . İslam və ərəb mədəniyyəti, Mütərcim: Seyyid Haşim Hüseyni, səh.501 və 503.

2. Allahın Peyğəmbəri (s): "Fatimə mənim bədənimin bir parçasıdır. Onu sevindirən məni sevindirib və onu qəmləndirən məni qəmləndirib. Fatimə mənim üçün ən əziz şəxsdir."(1)

3. Allahın Peyğəmbəri (s):"Doğrudan da, Fatimə mənim bədənimin bir parçasıdır. O mənim gözümün nuru və qəlbimin meyvəsidir. Onu kədərləndirən məni də kədərləndirmiş olur və onu şad edən məni də sevindirmiş olur. O mənim Əhli-Beytimdən mənə qovuşacaq olan ilk şəxsdir."(2)

PEYĞƏMBƏRİN (S) QOCA QADINLA ZARAFATI

Ənsardan olan qoca bir qadın, Peyğəmbərə (s) dedi: Mənim üçün dua et ki, behiştə gedim.

Peyğəmbər (s) buyurdu: "Qocalar behiştə getməyəcəklər".

Qadının gözü yaşardı. Peyğəmbər (s) güldü və buyurdu: "Məgər sən Allahın sözlərini eşitməmisən? Uca Allah buyurubdu:

"Biz onları (huriləri) başqa cür (yeni bir yaradılışla, doğulmadan) yaradacağıq! Onları bakirə qızlar, ərlərini sevən, həmyaşıdlar edəcəyik"(3).(4)

səh:25
1- [1] . Biharül-ənvar, c. 43, səh. 23, hədis. 17.

2- [2] . Əmali-Səduq, səh. 394, hədis. 18.

3- [3] . Vaqiə, ayə 35-37.

4- [4] . Biharül-ənvar, c. 16, səh. 295, hədis 1.

səh:26