9
3.3.
Musobaqalar ushbu Reglament,
shuningdek, FIFA, OFK, O‘FA, O‘zPFL
tomonidan tasdiqlangan mazkur Reglamentga kiritilgan qo‘shimchalar, maxsus
nizomlar va ilovalar asosida o‘tkaziladi.
4-bob.
Musobaqalar o‘tkaziladigan joy
4.1.
Musobaqalar Litsenziyalash bo‘yicha Reglament asosida ishlab
chiqilgan “Stadionlar to‘g‘risidagi nizom”ga muvofiq O‘zPFL tomonidan ruxsat
etilgan stadionlarda o‘tkaziladi.
4.2.
Musobaqalarda ishtirok etuvchi klublar o‘z stadioniga ega bo‘lmasa
hamda uy uchrashuvini o‘tkazish uchun boshqa tashkilotga qarashli stadion bilan
shartnoma tuzish
majburiyati yuzaga kelsa, u holda mazkur shartnoma O‘zPFL
ishtirokida uch tomonlama tuzilishi shart.
4.3.
Fors-major holatida Musobaqa o‘tkazish uchun stadionni o‘zgartirishga
to‘g‘ri kelsa, mezbon klubga O‘zPFL bilan uch tomonlama kelishuvga erishgan
stadionlardan birida uchrashuvni o‘tkazishga ruxsat beriladi.
4.4.
Musobaqa o‘tadigan kundan bir kun avval mezbon klub O‘zPFL
komissariga stadionning o‘yinga tayyorgarligi to‘g‘risida dalolatnoma taqdim etadi.
5-bob.
Marketing, homiylik va musobaqalarni tashkil etish bilan bog‘liq
masalalar
5.1.
O‘zPFL o‘z yurisdiksiyasi ostida bo‘lgan Musobaqalar va barcha boshqa
tadbirlar bilan bog‘liq huquqlarga, ularning mazmuni, vaqti, joyi bo‘yicha
qonunchilikka oid biror-bir cheklovlarsiz egalik qiladi. Ushbu huquqlar,
jumladan,
moliyaviy huquqlarning har qanday turlari, har qanday shakl (to‘g‘ridan-to‘g‘ri efir,
yozuv yoki videolavhalar)da yozilgan audiovizual va radioyozuvlarga nisbatan
huquqlar, ijro etish va efirga uzatish, multimedia huquqlari, marketing va reklama
huquqlari, shuningdek, emblema yoki mualliflik huquqida kelib chiquvchi
intellektual mulk huquqlarini o‘z ichiga oladi.
5.2.
O‘zPFLning musobaqalar bilan bog‘liq tijorat va televizion huquqlariga
shu jumladan:
O‘zPFL tomonidan o‘tkaziladigan Musobaqalar rasmiy homiylari
(shu
jumladan, bosh homiy) va hamkorlar bilan ishlash va shartnomalar tuzish;
Musobaqalarning O‘zPFL tomonidan tasdiqlangan nomlanishlari, logotipi va
boshqa rasmiy belgilaridan reklama, tijorat maqsadlarida foydalanish;
televizion huquqlar, uchrashuvlardan to‘la hajmda va har qanday texnik
usullarda joy va mazmuni bo‘yicha hech qanday
cheklovlarsiz televizion
signalni ishlab chiqarish va butun dunyoga uzatish, translyatsiya lavhalaridan
informatsion dasturlarda, haftalik sharhlarda va boshqa dasturlarda
10
foydalanish, har bir uchrashuvning translyatsiyasini internetda joylashtirish
uchun foydalanish huquqi;
Musobaqalarda ishtirok etuvchi klublar ushbu huquqlarni amalga oshirish
uchun bosh axborot hamkor, teleradiouzatuvchilar yoki boshqa tashkilotlar
bilan muzokaralar olib borish vakolatini O‘zPFLga topshiradi;
uchrashuvlarni efirga uzatish huquqini qo‘lga kiritgan teleradiouzatuvchilar
musobaqa bosh homiysi va rasmiy hamkorlar reklama roliklarini efirga
joylashtirishlari shart. Reklama roliklarini uzatish tartibi O‘zPFLning “Tijorat
Reglamenti” bilan belgilanadi;
radio huquqlar – uchrashuvlar radio signalini
ishlab chiqish va butun
dunyoga barcha diapazonlarda mazmun bo‘yicha hech qanday cheklovlarsiz
uzatish huquqi;
vizual huquqlar – uchrashuv davomida ma’lumot saqlovchi manbalardan va
stadiondagi vizual hududdan, shu jumladan, televizion kameralar ko‘radigan
zonalardan reklama va informatsion materiallarni joylashtirish uchun
foydalanish (tegishli stadionning futbol maydonining perimetri bo‘ylab
reklama qurilmalarida, futbolchilar va hakamlar liboslarida shevronlar
ko‘rinishida, zaxiradagi futbolchilarning o‘rindiqlarida vizual reklamani
joylashtirish huquqi), jumladan, tegishli stadionning elektron-informatsion
tablosida hamda boshqa axborot manbalarida vizual reklamani joylashtirish
huquqi;
uchrashuv davomida stadionda audioreklamani joylashtirish huquqi;
telefon aloqasi orqali sms-translyatsiya olib borish huquqi;
internet televidenie – tadbirlarning video va/yoki audiosini qismlari TCP/IP
protokoli asosida bitta manzil maydoni orqali mantiqiy ravishda o‘zaro
bog‘langan global axborot tarmog‘idan foydalangan holda efir orqali, kabel
orqali omma e’tiboriga havola qilish, ommaviy namoyish etish, tarqatish.
betting – sport o‘yinlariga pul tikiluvchi (azart o‘yinlar, interfaol bukmekerlik
kontoralari, totalizatorlar, sport musobaqalari bo‘yicha garov) maxsus
internet saytlar, mobil ilovalarda internet orqali kirish imkoniyatini berish va
mobil aloqa orqali, shuningdek, tasvirni va/yoki audioni tarqatishning qonun
bilan taqiqlanmagan boshqa har qanday usullari orqali sport musobaqalari
videotranslyatsiyasini amalga oshirish.
uchrashuvdan keyingi matbuot anjumani, klub
futbolchilari va rasmiy
shaxslar bilan o‘tkaziladigan flesh-intervyu materiallaridan tijorat
maqsadlarida foydalanish huquqi;
merchendayzing mahsulotlarini namoyish qilish, bepul tarqatish va sotish
huquqi (uchrashuvda mezbonlik qiladigan klub bilan kelishilgan ravishda),
shuningdek, musobaqaning rasmiy homiy/hamkorlari nomidan stadionda
maxsus sovrinlarni e’lon qilish huquqi;
11
o‘yin maydonining perimetri bo‘ylab reklama to‘siqlarining quyida keltirilgan
sonidan kelib chiqib musobaqaning bosh homiysi
va rasmiy hamkorlari
logotiplari hamda boshqa ma’lumotlarini joylashtirish uchun foydalanish
huquqi. Bunda reklama to‘siqlari maydon o‘lchamidan kelib chiqqan holda
umumiy soni 43 tadan kam bo‘lmasligi talab etiladi. Superligada shularning
23 tasi (1-rasm), Pro ligada esa 37 tasi (2-rasm) O‘zPFL homiy/hamkorlari
uchun ajratiladi. Klub tomonidan foydalaniladigan reklama to‘siqlarining
sonini ko‘paytirish masalasi shartli ravishda O‘zPFL bilan tijoriy asosda
kelishiladi;
elektron reklama to‘siqlari mavjud hollarda Superliga va Pro liganing bosh
homiysi va rasmiy hamkorlari logotiplari hamda boshqa ma’lumotlarini
joylashtirish tartibi rejasi O‘zPFL tomonidan belgilanadi. Bunda elektron
reklama to‘siqlaridagi namoyish Superliga uchun 50 foiz miqdorda, Pro liga
uchun 90 foiz miqdorda O‘zPFL homiy/hamkorlari uchun taqdim etiladi;
O‘zbekiston
Respublikasi qonunchiligi, FIFA, OFK va O‘FA tomonidan
belgilangan qoidalarida nazarda tutilgan boshqa huquqlar.
5.3.
Ushbu huquqlarni eksklyuziv asosda yoki uchinchi tomon bilan
hamkorlikda yoki to‘laligicha uchinchi tomon vositachiligida amalga oshirilishi
haqidagi qaror faqat O‘zPFL tomonidan qabul qilinadi. Tijorat va televizion
huquqlardan foydalanishga oid barcha masalalar musobaqa ishtirokchilari uchun
ijro etilishi majburiy bo‘lgan O‘zPFLning “Tijorat Reglamenti” bilan belgilanadi.
5.4.
Futbol klubi uchrashuv o‘tkazadigan
stadion maydonining ikki
darvozasi ortida hamda maydonning markaziy qismida O‘zPFL homiylarining
reklamasini joylashtirish uchun reklama to‘siqlari bilan ta’minlashi shart: