8
2014/2 (15)
ORİJİNAL MƏQALƏLƏR
UOT: 617.7 (479.24)
Feyziyeva K.V.
XIZI RAYONU ÜZRƏ APARILAN DİSPANSERİZASİYA ÇƏRÇİVƏSİNDƏ
GÖZÜN VƏ ONUN ƏLAVƏ APARATININ AŞKARLANMIŞ
XƏSTƏLİKLƏRİNİN YAYILMA TEZLİYİ
Xızı Rayon Mərkəzi Xəstəxanası, Xızı şəh., Azərbaycan
Açar sözlər: gözün və əlavə aparatının xəstəlikləri, ümumi xəstələnmə
Ətraf mühitin dərk edilməsində insan gözünün rolu əvəzsizdir. Görmənin sayəsində insanın əmək və sosial
fəaliyyətinin keyfiyyəti yüksək olur. Gözün ağır xəstəlikləri görmə funksiyasına təsir göstərərək müxtəlif dərəcəli
zəif görmə, hətta tam korluq yaradıb, əlilliklə nəticələnə bilər [1].
Ümumdünya Səhiyyə Təşkilatının (ÜST) son məlumatına əsasən dünyada 39 mln. kor və 246 mln. zəif görən
vardır. Deməli, ümumilikdə 285 mln. insan görmə qüsurundan əziyyət çəkir. Zəif görənlərin 65%-ni, kor olanların
isə 82%-ni 50 yaşdan yuxarı əhali təşkil edir. 1999-cu ildə ÜST-ün və bir sıra beynəlxalq təşkilatların səyi ilə
“Vision-2020” – the right to sight (görmə hüququ) başlıqlı Qlobal Fəaliyyət Planı (Global Action Plan 2014-2019)
hazırlanıb. ÜST-ün və Beynəlxalq Korluqla Mübarizə Təşkilatının birgə təşəbbüsü olan “Vision-2020” layihəsi
çərçivəsində qlaukoma, katarakta, yaşla bağlı makulyar degenerasiya, diabetik retinopatiya, refraksiya qüsurları
kimi görmə zəifliyinə və korluğa səbəb olan xəstəliklər bir siyahıdadırlar [2].
Göz xəstəlikləri arasında geniş yayılmasına və ağır fəsadları ilə seçilən patologiyalardan biri olan büllurun
patologiyası oftalmoloji xəstəliklərlə bağlı ilkin əlilliyin əsas nozoloji səbəbləri arasında orta hesabla 13,7
0,27% paya malikdir [3]. 2-ci tip şəkərli diabet aşkarlanan zaman, artıq həmin xəstələrin 1/3-nin göz dibində
retinopatiyanın olduğu təyin olunur [4].
75% korluq halları, 85% görmə pozulmaları profilaktika və ya müalicə oluna bilərdi. Qlobal Fəaliyyət
Planındakı məqsəd görmə pozulmalarını və korluğu azaltmaqdır. Bu məqsədə nail olmaq üçün atılan ilk
addımın isə məlumat toplanılmasının olması göstərilib [2]. Prezident İlham Əliyevin göstərişi ilə 2014-cü ildə
respublikanın bütün əhalisi profilaktik-tibbi müayinələrdən keçirilmişdir. Xızı Rayon Mərkəzi Xəstəxanasında
da xəstəlikləri aşkarlayıb məlumat toplamaq məqsədi ilə profilaktik yoxlamalar aparılıb. Belə ki, əgər xəstəlik
vaxtında, ağırlaşmadan aşkarlanarsa, o zaman müalicənin nəticəsi də uğurlu alınar. Bu məqsədlə də profilaktik
yoxlamaların keçirilməsinin və xəstəlikləri aşkarlamanın böyük faydası vardır.
İndiyədək Azərbaycanın bir sıra rayonlarında əhalinin görmə qüsurlarının öyrənilməsi ilə əlaqədar müxtəlif
tədqiqatlar aparılsa da, Xızı rayonunda yaşayan əhali arasında belə bir araşdırma həyata keçirilməmişdir [1,5].
İşin məqsədi – Xızı rayonunda yaşayan 18 yaşdan yuxarı şəxslər arasında gözün və onun əlavə aparatının
xəstəliklərinin rastgəlmə tezliyinin təyini.
Material və metodlar
Tədqiqat 2014-cü ildə Xızı şəhərində yerləşən Xızı Rayon Mərkəzi Xəstəxanasında müayinə olunmuş yaşı 18-
dən yuxarı 8416 nəfər arasında aparılmışdır. Profilaktik yoxlamadan keçənlərin tam oftalmoloji müayinəsi həyata
keçirilmişdir. Belə ki, müayinə olunanların hər iki gözünün Nidek (Yaponiya) ARK-510A avtorefraktokeratometriya
cihazı ilə refraksion və keratometrik göstəricilərinin yoxlanılması ilə yanaşı, görmə itiliyinin korreksiyasız və
korreksiya ilə yoxlanılması, Nidek (Yaponiya) NT-510 kontaktsız pnevmotonometri ilə gözdaxili təzyiqin ölçülməsi
(şübhəli hallarda təkrarən Maklakov üsulu ilə tonometriya), göz almasının ön hissəsinin biomikroskopiyası, göz
dibinin oftalmoskopik müayinəsi, anamnezə əsasən göz yaşı kanalının yuyulması və Şirmer sınağı keçirilmişdir.
Tədqiqat nəticəsində oftalmoloji xəstəliklərin yayılma tezliyi təyin olunmuşdur.
Nəticələr və onların müzakirəsi
Tədqiqat nəticəsində müayinə olunanlar arasında 416 müxtəlif oftalmoloji xəstəlik aşkarlanmışdır. Aşkarlanan
xəstəlik halından 210-u qadınlarda (50,49%) və 206-sı kişilərdə (49,51%) rast gəlinmişdir (şəkil 1).
Refraksiya qüsurları aşkarlanmış xəstəliklərin 144-nü (35%) təşkil edir. Onların 47,22%-ni qadınlar, 52,78%-
ni kişilər təşkil etmişdir. Refraksiya qüsurlarından 47,92%-i miopiyanın (zəif, orta və yüksək dərəcəli), 21,53%-i
hipermetropiyanın (zəif, orta və yüksək dərəcəli), 4,86%-i refraksion ambliopiyanın, 7,64%-i çəpgözlüyün payına
düşmüşdür (cədvəl 1). Son onilliklərin çoxsaylı elmi tədqiqatları və oftalmoloji elmi ədəbiyyatı dünyanın bir çox
ölkələrində miopiyanın davamlı artımını göstərir [6,7].
9
2014/2 (15)
ORİJİNAL MƏQALƏLƏR
13% Göz qapaqları, göz yaşı vəziləri
və yaş aparıcı yolların xəstəlikləri
35% Refraksiya qüsurları
11% Göz dibi xəstəlikləri
7% Buynuz qişa xəstəlikləri
8% Katarakta
3% Qlaukoma
1% Digər
22% Konyunktivanın xəstəlikləri
Şəkil 1. Aşkarlanmış xəstəliklər (% - lə)
Cədvəl 1
Refraksiya qüsurları (144 nəfər – 35%)
Refraksiya qüsurları
Sayı / nəfər 144 (100%)
Ümumi
Qadın
Kişi
Miopiya
69 (47,92%)
37 (25,69%)
32 (22,22%)
Hipermetropiya
31 (21,53%)
15 (10,42%)
16 (11,11%)
Astiqmatizm
20 (13,89%)
12 (8,33%)
8 (5,56%)
Akkomodasiyanın spazmı
2 (1,39%)
1 (0,69%)
1 (1,39%)
Refraksion ambliopiya
7 (4,86%)
2 (1,39%)
5 (3,47%)
Çəpgözlük
11 (7,64%)
0 (0%)
11 (7,64%)
Nistaqm
4 (2.78%)
1 (0,69%)
3 (2,08%)
Cəmi:
144 (100%)
68 (47,22%)
76 (52,78%)
Göz dibi xəstəlikləri 45 nəfərdə (11%) aşkarlanmışdır. Onlardan 22,22% diabetik retinopatiya (qeyri-proliferativ,
preproliferativ, proliferativ) təşkil etmişdir. Müayinə nəticəsində miopik refraksiya qüsurunun geniş yayılması ilə
əlaqədar aşkarlanmış göz dibi xəstəliklərindən 17,78% xorioretinal miopik distrofiya təşkil etmişdir (cədvəl 2).
Cədvəl 2
Göz dibi xəstəlikləri (45 nəfər – 11%)
Göz dibi xəstəlikləri
Sayı / nəfər 45 (100%)
Ümumi
Qadın
Kişi
Diabetik retinopatiya
10 (22,22%)
8 (17,78%)
2 (4,44%)
G.S.D.-nin atrofiyası
5 (11,11%)
0 (0%)
5 (11,11%)
Tapetoretinal abiotrofiya
3 (6,67%)
1 (2,22%)
2 (4,44%)
Makulyar degenerasiya
4 (8,89%)
0 (0%)
4 (8,89%)
Hipertonik angioskleroz
3 (6,67%)
0 (0%)
3 (6,67%)
Xorioretinal miopik distrofiya
8 (17,78%)
8 (17,78%)
0 (0%)
Tor qişanın qopması və subatrofiya
7 (15,56%)
3 (6,67%)
4 (8,89%)
Tor qişanın distrofiyası
4 (8,89%)
1 (2,22%)
3 (6,67%)
Koloboma
1 (2,22%)
1 (2,22%)
0 (0%)
Cəmi:
45 (100%)
22 (48,89%)
23 (51,11%)
10
2014/2 (15)
ORİJİNAL MƏQALƏLƏR
Konyunktivanın xəstəlikləri 92 nəfərdə (22%) aşkarlanmışdır, onun 66,3%-i qadınlarda, 33,7%-i kişilərdə
rast gəlinmişdir. Konyunktivanın xəstəliklərindən 53,26%-də allergik konyunktivit aşkarlanıb onun da 35,87%-i
qadınlarda, 17,39%-i kişilərdə rast qəlinmişdir. 19,57%-də pteriqium və pinqvekula aşkarlanmışdır (cədvəl 3).
Toplanmış anamnezə və əmək fəaliyyətinə əsasən Xızı rayonunda konyunktival xəstəliklərin çox rast gəlinməsinin
səbəbi kimi maldarlıq təsərrüfatının geniş yayılması və insolyasiyanın çox olması göstərilə bilər.
Cədvəl 3
Konyunktivanın xəstəlikləri (92 nəfər – 22%)
Konyunktivanın xəstəlikləri
Sayı / nəfər 92 (100 %)
Ümumi
Qadın
Kişi
Allergik konyunktivit
49 (53,26%)
33 (35,87%)
16 (17,39%)
Adenovirus konyunktiviti
12 (13,4%)
8 (8,7%)
4 (4,35%)
Bakterial konyunktivit
8 (8,7%)
4 (4,35%)
4 (4,35%)
Xroniki blefarokonyunktivit
5 (5,43%)
3 (3,26%)
2 (2,17%)
Pteriqium və pinqvekula
18 (19,57 %)
13 (14,13%)
5 (5,43%)
Cəmi:
92 (100%)
61 (66,3%)
31 (33,7%)
Gözün əlavə apparatının – göz qapaqları, göz yaşı vəziləri və göz yaşı aparıcı yolların xəstəlikləri 53 nəfərdə
(13%) rast gəlinmişdir, onlardan 58,5%-i qadınların, 41,5%-i kişilərin payına düşmüşdür. Gözün əlavə aparatının
xəstəliklərindən quru göz sindromu 28,3%, meybomit 30,19%, yaş aparıcı yolların patologiyası 22,64% təşkil
etmişdir (cədvəl 4). Ədəbiyyatlarda göstərildiyi kimi, bu müayinələrdə də yaş aparıcı yolların xəstəlikləri
qadınlarda üstünlük təşkil etmişdir.
Cədvəl 4
Göz qapaqları, göz yaşı vəziləri və yaş aparıcı yolların xəstəlikləri (53 nəfər – 13%)
Göz qapaqları, göz yaşı vəziləri və yaş aparıcı
yolların xəstəlikləri
Sayı / nəfər 53 (100%)
Ümumi
Qadın
Kişi
Yaş aparıcı yolların patologiyası
12 (22,64%)
10 (18,87%)
2 (3,77%)
Meybomit
16 (30,19%)
8 (15,09%)
8 (15,09%)
Xalazion
3 (%)
2 (3,77%)
1 (1,89%)
Quru göz sindromu
15 (5,66%)
9 (16,98%)
6 (11,32%)
Entropion
1 (1,89%)
0 (0%)
1 (1,89%)
Blefarit
6 (11,32%)
2 (3,77%)
4 (7,55%)
Cəmi:
53 (100%)
31 (58,5%)
22 (41,5%)
Buynuz qişa xəstəlikləri (keratitlər, posttravmatik distrofiyalar) 28 nəfərdə (7%) aşkarlanmışdır, onların da
32,14%-i qadınlarda, 67,86%-i kişilərdə rast gəlinmişdir. Aşkarlanmış ümumi xəstəliklərin 8%-ni katarakta, 3%-ni
qlaukoma, 1%-ni isə digər epizodik rast gəlinmiş xəstəliklər (episklerit, ödemli ekzoftalm) təşkil etmişdir.
Yekun
Beləliklə, həyata keçirdiyimiz araşdırmaya əsasən Xızı rayonunda yaşayan və müayinə olunmuş 18 yaşdan
yuxarı şəxslər arasında həm qadınlarda, həm də kişilərdə refraksiya qüsurlarının və konyunktivanın xəstəliklərinin
yayılmasının daha geniş olması, göz dibi xəstəliklərindən isə diabetik retinopatiyanın və miopik xorioretinal
distrofiyanın üstünlük təşkil etməsi qeyd edilmişdir.
Dispanserizasiya xəstəlikləri vaxtında, ağırlaşmadan, fəsadlaşmadan aşkarlamağa yardım edir, eləcə də təcili
terapiyaya və əməliyyata ehtiyacı olan xəstələrin sayını bilib, vaxtında müalicəyə başlamağa imkan yaradır. Bu
baxımdan belə profilaktik yoxlamaların aparılması vacibdir.
11
2014/2 (15)
ORİJİNAL MƏQALƏLƏR
ƏDƏBİYYAT:
1.
Qasımov E.M., Rüstəmova N.M. Büllur patologiyasının səbəb olduğu ilkin əlilliyin tibbi-sosial yükünün
ağırlığı // Oftalmologiya, Bakı, 2010, N4, s.21-24.
2.
Abbate M., Cravedi P., Iliev I., et al. Prevention and treatment of diabetic retinopathy: evidence from
clinical trials and perspectives // Curr. Diabetic Rev., 2011, v.7(3), p. 190-200.
3.
Керимов К.Т., Рустамова Н.М., Керимова Нар.К. и др. Теоретическая концепция о комплексной
системе реабилитации инвалидов вследствие патологии органа зрения в Азербайджанской респу-
блике // Oftalmologiya, Bakı, 2010, N4, s.52-57.
4.
Parajasegaram R. Vision-2020 – the right to sight: from strategies to action // Am.J. Ophthalmol., 1999,
v.128 (3), p.357-358.
5.
Агаева Р.Б. Анализ общей заболеваемости взрослого населения Азербайджанской республики
вследствие болезней глаза и его придаточного аппарата // Oftalmologiya, Bakı, 2012, N3, s.26-33.
6.
Касимов Э.М. Глаукома. Баку, 2007, 224 с.
7.
Керимова Н.К., Керимов К.Т., Рашидализаде Э.К. Медико-социальная характеристика инвалидно-
сти вследствие миопии в Азербайджанской республике // Oftalmologiya, Bakı, 2012, N3, s.43-49.
Фейзиева К.В.
ЧАСТОТА РАСПРОСТРАНЕНИЯ ЗАБОЛЕВАНИЙ, ОБНАРУЖЕННЫХ
В РАМКАХ ДИСПАНСЕРИЗАЦИИ БОЛЕЗНЕЙ ГЛАЗА И ЕГО
ПРИДАТОЧНОГО АППАРАТА В ХЫЗИНСКОМ РАЙОНЕ
Центральная Больница Хызинского Района, г. Хызы, Азербайджан
Ключевые слова: болезни глаза и его придаточного аппарата, общая заболеваемость
РЕЗЮМЕ
Цель – определить частоту распространенности заболеваний глаз и его придаточного аппарата у лиц в
возрасте 18 лет и старше, проживающих в Хызинском районе.
Материал и методы исследования
Диспансерное обследование было проведено среди 8416 лиц в возрасте старше 18 лет.
Результаты и их обсуждение
Представлены результаты обследования и анализа болезней глаза и его придаточного аппарата, про-
веденные в 2014 году в среди населения в одном из районов Азербайджана – в Хызинском районе. При
выявленных общих заболеваниях более широко распространены рефракционные аномалии (35%) и за-
болевания конъюнктивы (22%), а среди выявленных заболеваниях глазного дна (11%) более широко рас-
пространены диабетическая ретинопатия (непролиферативная, препролиферативная, прoлиферативная) и
миопическая хориоретинальная дистрофия.
Заключение
С помощью таких профилактических исследований эти болезни, пока еще не осложнившиеся, своевре-
менно выявляются и легко поддаются лечению.
12
2014/2 (15)
ORİJİNAL MƏQALƏLƏR
Feyziyeva K.V.
FREQUENCY OF COMMON DISEASES DETECTED DURING CLINICAL
EXAMINATION OF EYE DISEASES AND ITS ADNEXA IN KHIZI REGION
Central Hospital of Khizi District, Khizi city, Azerbaijan.
Key words: diseases of the eye and its adnexa, the common incidence
SUMMARY
Aim - to determine the frequency of common eye diseases and its adnexa in patients aged over 18 years old in
Khizi region.
Material and methods
The survey was conducted among 8416 people aged over 18 years old.
Results and discussions
The results of examination and analysis of eye diseases and its having been conducted in 2014 among the
population of one of the region of Azerbaijan – in Khizi region – are presented. Amaong the detected common
diseases the more wide-spreaded were the refractive anomalies (35%) and diseases of conjunctiva (22%).
And among the detected fundus diseases (11%) the more wide – spreaded were the diabetic retinopathy (non-
proliferative, preproliferative, proliferative) and myopic chorioretinal dystrophy.
Conclusion
With the help of such preventive studies we may timely identify and treatment such diseases.
Korrespondesiya üçün:
Feyziyeva Könül Vaqif qızı, Xızı Rayon Mərkəzi Xəstəxanasının həkim-oftalmoloqu.
Ünvan: Xızı Rayon Mərkəzi Xəstəxanası, H.Əliyev pr., Xızı şəh., Azərbaycan
E-mail: kenulv@yahoo.com
Dostları ilə paylaş: |