fərqli estetik keyfiyyətlərinə görə müəyyən edirlər. Lakin bu kifayət
deyil, bunun üçün əsərin həcmi və müvafiq ümumi quruluşu da fərq-
ləndirilməlidir. Beləliklə, hər hansı bir janr xüsusi forma, özünəməx-
sus kompozisiya, obrazlılıq, nitq xüsusiyyətləri və digər estetik cəhət-
lərlə seçilən əsərlərin qrupudur.
Lakin bəzən eyni xarici quruluşa və həcmə malik olan əsərləri
ümumi tematikaya, obrazlılıq xüsusiyyətlərinə və kompozisiya tipinə
görə də təsnif edirlər. Bu zaman, xüsusilə diqqətli olmaq lazımdır. Be-
lə ki, Nəsimi irsinə münasibətdə eyni xarici forma elementlərinə ma-
lik, məzmunca da yaxın olan rübai və tuyuq janrlarının qarışdırılması
kimi fakta Füzuli yaradıcılığına münasibətdə də yol vermək olmaz.
Janrın müəyyənləşdirilməsində ən çətin olan məsələ onun tarixi
inkişafı və daim dəyişikliyə uğramasıdır. Hər hansı bir janrın müəy-
yənləşdirilməsi zamanı biz onun məhz ayrı-ayrı görkəmli ədiblərin ya-
radıcılığında transformasiyaya uğramasının, tipik xüsusiyyətlərinin
dəyişməsinin şahidi oluruq. Janrların daxili növlər üzrə təsnifi isə ay-
rıca problemdir. Müasir ədəbiyyatşünaslığımızda janr forması məsə-
ləsi də gündəmdədir.
Akademik Rəfael Hüseynov hələ böyük şairin yaradıcılığında
geniş istifadə olunan dördlüklərdən danışarkən janr və janr forması
məsələsinə də aydınlıq gətirir. O, bu məsələ ilə bağlı mənzərəni belə
ifadə edir: “Ədəbiyyatşünaslığımızda janr sözü müxtəlif mənalarda
işlədilir. Bir yandan “satira janrı” deyilir və bu zaman janr sözü bədii
əsərin növünü göstərirsə, digər tərəfdən “rübai janrı”, “qəzəl janrı”
deyimlərindəki janr kəlməsi poetik formanı nişan vermək məqsədini
güdür. ...janr sözü ilə yanaşı indi “janr forması” termini də işlədilir.
Bununla müxtəlif poetik şəkillər nişan verilir” (1, 60).
Sözügedən kitabda alimin özü də şəhraşub termininin izahı za-
manı janrın daha çox əsərin məzmunu ilə bağlı olduğunu göstərir.
Belə ki, o, şəhraşubların ifadə olunduğu rübai, qəzəl, qəsidə, məsnəvi
və sairəni janr forması kimi götürməyin tərəfdarı olduğunu bildirir. O,
haqlı olaraq yazır: “Şəhraşubların yazılması üçün nə konkret bir poe-
tik forma, nə də əruzun hansısa müəyyən bəhrindən istifadə edil-
mişdir. Bu növ şeirin nümunələri qəzəl, qitə, rübai, qəsidə, məsnəvi
şəkillərində, əruzun müxtəlif bəhrlərində qələmə alınmışdır” (1, 60).
Deməli, ədəbiyyatşünaslığımızda yenə də janr, janr forması,
poetik forma, forma terminlərinin ifadə etdikləri anlayışların mücər-
rədliyi məsələsi açıq olaraq qalır. Məsələn, Məhsətinin dördlüklərinin
janrı yuxarıda şəhraşub kimi göstərilirsə, ədəbiyyat tarixi dərsliklə-
rində, mövzu ilə bağlı tədqiqatlarda rübai olaraq göstərilir və bu janrın
əsas tələbi kimi də məhz onun qələmə alındığı bəhr-əruzun həzəc
bəhrinin xüsusi növü və ya rübai bəhri (həzəci-mosəddəsi-məksur)
fərqləndirici əlamət kimi verilir. Və bu təkcə rübai, tuyuq kimi janr-
ların fərqləndirilməsi zamanı deyil, epik növdə qələmə alınan əsərlər-
də də özünü büruzə verir.
Məsələn, AMEA-nın müxbir üzvü Möhsün Nağısoylu haqlı ola-
raq A.Bakıxanovun adıgedən əsərinin klassik məqtəl olduğunu yazır.
Lüğəvi mənası “qətl yeri” olan bu sözün ədəbiyyatşünaslıqda bir
termin kimi işlədildiyini, “Rövzətüş-şühəda”, “Hədiqətüs-süəda”,
“Məşhədüş-şühəda” kimi əsərlərin də bu ümumi ad altında birləşdiril-
diyini qeyd edən müəllif müasir poetikanın tələblərini əsas tutaraq
məqtəli janr kimi qiymətləndirmir. O yazır: “Ədəbiyyatşünaslıqda isə
“məqtəl” termin səciyyəsi daşıyır və islamın ən böyük şəhidləri, xüsu-
silə də imam Hüseyn haqqında yazılan əsərlər anlamında işlənir. Yeri
gəlmişkən, qeyd edək ki, Azərbaycan ədəbiyyatşünaslığında yalnız
son zamanlar az-çox işlənməyə başlayan “məqtəl” termini bəzən
yanlış olaraq janr növü kimi təqdim edilir. Fikrimizcə, “məqtəl” sözü
bir termin kimi janr yox, mövzu anlamını daşıyır” (2, 9).
Alim təhkiyə üslubunda yazılan, epik səciyyəli Füzulinin “Hədi-
qətüs-süəda”sının povest və ya roman, eyni mövzulu ayrı-ayrı şeir şə-
killərindən ibarət olan Qumrinin “Kənzül-məsaib”inin isə müxtəlif
janrlarda yazılmış şeirlərdən ibarət toplu adlandırır. Fikrimizcə, bu
mücərrədliyin aradan qaldırılması məqsədilə həmin əsərlərin ümumi
bir adla, məsələn, elə klassik poetikada qəbul edilən “məqtəl” şəklində
ifadə edilməsi daha məqbuldur.
Deməli, şəhraşub və məqtəl kimi terminlərin izahını adlarını
çəkdiyimiz nüfuzlu alimlərin əsərlərindən oxuduqda bir daha aydın
olur ki, ədəbiyyatşünaslığımızın, ədəbiyyat nəzəriyyəçilərinin qarşı-
sında ciddi bir problem – janr, janr forması, forma, şəkil kimi termin-
lərin izahı, onların yenidən təsnifatı məsələsi açıq olaraq qalmaqdadır.
Göründüyü kimi, bir qrup alim akademik Rəfael Hüseynov kimi janrın
mövzu, məzmun mündəricəsinə üstünlük verməklə, digər bir qrup isə
yaradıcılığında müqayisəli təhlil metodikasına geniş yer verən, mahir
mətnşünas Möhsün Nağısoylu kimi forma elementlərinə əsasən müəy-
yənləşdirmənin tərəfdarıdır.
Fikrimizcə, bu təsnifat aparıldıqda Avropa və klassik Şərq ədə-
biyyatı janrlarının ümumi və fərqli cəhətlərini nəzərə almaq vacibdir.
Yəni əksər məqamlarda bəzən əsərin məzmununu, mövzusunu, bəzən
də onun forma özəlliklərini, bəzən də hər ikisini nəzərə almaq vacib-
dir.
Janrların təsnifatı tarixində müxtəlif bölgü prinsipləri təklif
olunmuşdur. Buna mövzu üzrə (yəni tematik), quruluşa görə (yəni
struktur), funksional və s. bölgüləri misal göstərmək olar. İncəsənətin
sistematik analizi bu rəyə gəlməyə əsas verir ki, janr diferensiallığının
bir neçə müstəvidə təyin olunması mümkündür. Bunların hər biri bədii
əsərin funksionallığından və quruluşunun mürəkkəbliyindən asılıdır.
Beləliklə, yaradıcının özünü ifadə forması olan əsərlərin məzmun və
forma yeniliyi bədii əsərlərin janrlara, janrların isə janrdaxili bölgülərə
ayrılmasını təmin edir. Bundan həmçinin belə bir nəticə də çıxarmaq
mümkündür ki, bəzi əsərləri eyni zamanda bir neçə janra da daxil
etmək olar.
Bədii estetika tarixində iki ayrı-ayrı istiqamətlə qarşılaşırıq. Belə
ki, əvvəllər janrların qarışdırılması ədəbi mühitdə elmsizlik kimi qəbul
olunurdusa, sonralar bu qarışıqlıq istedad nümunəsi kimi dərk olundu.
Janrın müəyyən coğrafi məkan, müəyyən dövr kəsiyində, yaxud
hansısa bir cərəyan nümayəndələri arasında reallığın gizlədilməsi va-
sitəsi kimi düşünülməsi, başqa bir şəraitdə isə əksinə, reallığa mü-
vafiqlik vasitəsi kimi qiymətləndirilməsi ilə də qarşılaşırıq.
Şərq, eyni zamanda Azərbaycan ədəbiyyatında tarixən lirika,
ədəbiyyatın ən aparıcı, ən güclü qolu olmuşdur. Klassik ədəbiyya-
tımızda, həmçinin aşıq yaradıcılığında da aparıcı sayılan lirikanın janr
təsnifatı isə daha çox forma göstəricilərinə görə aparılmışdır. Məsələn,
adlarından da göründüyü kimi, klassik ədəbiyyatşünaslıqda müəyyən
edilən rübai, mürəbbe, müxəmməs, müstəzad və s. sadəcə misralarının
sayı ilə janrlara ayrılmışdır. Xalq, aşıq ədəbiyyatı nümunələri olan ba-
yatı, qoşma, gəraylı və müxəmməslər də eyni prinsip əsasında təsnif
olunmuş, lakin bu janrlar tərkibində bir də məzmununa görə bölgü
aparılmışdır. Məsələn, bayatı-layla, vəsfi-hal, holavar, sayallar, ağı,
nazlama, oxşama, sızlama və s.
Bu tipli bölgüyə klassik ədəbiyyatda qəsidəyə münasibətdə rast
gəlirik. Qəsidənin daxilində məzmununa görə ayrılan minacat, nət,
mədhiyyə, mərsiyə, fəxriyyə və s. kimi janrlar buna nümunədir.
Bu məqalədə məqsədimiz yuxarıda haqqında söhbət açdığımız
problemi Füzuli yaradıcılığına münasibətdə də qoymaq, uyğun, müm-
kün qədər səlis bölgü nümunəsi təklif etməkdir ki, dahi şairin əsər-
lərinin janrını müəyyən edərkən gələcək tədqiqatçılar qarşısında da
qəzəl, yoxsa nət; qitə, yoxsa təmsil; poema, yoxsa saqinamə; müna-
zirə, yoxsa novella; məqtəl, yoxsa mərsiyə tipli roman və s. kimi qa-
rışıqlıq yaranmasın.
Məsələn, məzmun və forma elementləri ayrıca götürülərsə, bəzi
Dostları ilə paylaş: |