etdirmişlər. Bu mənada Azərbaycan legionerlərinin zəngin mətbu və ədəbi irsi
ciddi olaraq öyrənilməlidir.
NƏTĠCƏ
XX əsr tariximizin bu günə qədər öyrənilməyən bir dövrünün araşdırılması,
şübhəsiz ki, əhəmiyyətlidir. Azərbaycan Xalq Cümhuriyyəti zorla devirildikdən
sonra Azərbaycanda mövcud rejimə qarşı güclü mübarizə aparılmışdır. Milli
dövlətçiliyin qorunması, yeni rejimin xalqın milli-mənəvi dəyərlərini inkar həddinə
çatdırması ölkədə ciddi problemlər yaradır, insanların müqavimət gücünü artırırdı.
Sovet sisteminin qanlı terror üsuluna əsaslanması əhalidə bu rejimə qarşı
barışmazlıq mövqeyini gücləndirirdi.
Qeyd
olunmalıdır
ki,
Azərbaycan
legionerlərinin
yaranmasını,
formalaşmağını yalnız 1941-1945-ci illərə aid etmək tarixi hadisələrə obyektiv
yanaşmamaqdan irəli gələrdi. Belə ki, obyektiv tarixi yanaşmanın ən doğrusu,
1920-ci ilin 28 aprel hadisələri, həmin gün Azərbaycanın bolşeviklər tərəfindən
işğal edilməsidir. Məhz həmin hadisələrdən sonra Azərbaycanda çoxlu sayda
silahlı üsyanlar başladı, xalqın ayrı-ayrı bölgələrdə sovet rejimini devirmək
cəhdləri oldu. Zorla kollektivləşmə, amansızcasına həyata keçirilən sənayeləşmə,
Stalinin birbaşa başçılığı ilə aparılan kütləvi terror hadisələri insanların yaddaşında
dərin izlər buraxmışdı. Təsadüfı deyildi ki, imkan yarandığı halda əhalinin bu
narazılığı üzə çıxır, yeni müqavimət forması alırdı.
Əslində sovet dövlətinin uzun illər apardığı təbliğatın neqativ halları da
ortaya çıxdı. Belə ki, sovet təbliğat maşını sovet əsgərini “öz sosialist vətəninə
sədaqətli”, “Kommunist Partiyasına dərindən bağlı”, “əsl sovet patriotu” kimi
təqdim etsə də, bu reallıqda əksini tapmadı.
Təsadüfi deyildi ki, minlərlə sovet əsgərinin alman faşistlərinə təslim
olmasını və onların mövqeyinə keçməsini gizlətmək də mümkün olmadı. Sayı
milyondan çox olan sovet əsgərinin Vətən müharibəsində “sosialist vətəni”nə qarşı
silahlı mübarizəyə başlaması qaçılmaz faktlardır. İnsanların cəbhəni dəyişməsinin
əsas başlıca səbəbi adamların azad demokratik qaydalarla yaşamasına şərait
yaratmayan Stalin rejimində, sovet sosialist sistemində idi.
Digər tərəfdən, Azərbaycan legionerlərini heç bir cəhətə görə faşizmlə,
nasional-sosializmlə bağlamaq olmaz. Onların fəaliyyətini İkinci Dünya
müharibəsi illərində Sovet İttifaqında yaradılmış “kommunist niqablı”, “Azad
Almaniya” təşkilatı ilə də eyniləşdirmək düzgün deyildir. Azərbaycan
legionerlərinin 1943-cü ildə, Berlində keçirilən qurultayı onların apardıqları
mübarizənin bilavasitə Azərbaycanın müstəqilliyi ilə bağlı olduğunu göstərdi. Eyni
zamanda, Azərbaycan legionerlərinin və “Milli Azərbaycan Komitəsi”nin
almanlarla yaxınlığında ciddi nöqsanlar axtararkən, digər Qərb dövlətlərinin də
Stalini dəstəkləməsinə həmin mövqedən yanaşılmalıdır. Bu, həm də onunla izah
edilir ki, müharibənin başlanmasında hər iki rejimin (sovet, faşist), dünyada
hegemonluq istəkləri başlıca rol oynamışdır.
Azərbaycan legionerləri ümidlərini yalnız Hitlerə bağlamamışdılar, onlar
müharibənin sonlarında ABŞ və Böyük Britaniya ilə əlaqələr qurmağa çalışıb öz
siyasi vəzifələrini reallaşdırmaq, Stalin rejimi ilə mübarizə niyyətində idilər.
Nəhayət, Azərbaycan legionerlərinin fəalliyyətini araşdırarkən aşağıdakı
ümumiləşdirici nəticələrə gəlmək mümkündür:
-
1920-ci ildə işğal edilmiş, sonradan Sovet İttifaqına qatılmış Azərbaycan
Respublikasında mövcud olmuş bolşevik rejimi xalqın milli müstəqilliyini almış,
onun azad bir dövlət formasında inkişafına imkan verməmişdir;
-
Stalin rejimi azad sözü, azad mətbuatı, azad fikri boğmuş, ölkədə terror
rejimi yaradılmışdır;
-
Sovet rejimi kəndlilərin, fəhlələrin, ziyalıların hüquqlarını əlindən almış,
onları özünün saxta təbliğat silahına çevirmişdir;
-
Azərbaycan xalqı, digər sovet xalqları ilə birgə imkan düşərsə, mövcud
rejimi devirməyə daim imkan axtarmışdır;
-
İkinci Dünya müharibəsinin başlanması ilə formalaşan Azərbaycan
legionları çətin şəraitdə olmalarına baxmayaraq, mülli müstəqilliyimizin
qazanılmasına, Almaniya hökuməti tərəfindən tanınmasına çalışmış və buna nail
olmuşlar;
-
İkinci Dünya müharibəsi illərində Almaniyada fəaliyyət göstərən
Azərbaycanın ayrı-ayrı siyasi xadimlərinin və nüfuzlu hərbçi-legionerlərinin
köməyi ilə minlərlə yurddaşımızın həyatı xilas edilmişdir;
-
Azərbaycan legionerlərinin 1943-cü ildə Berlində Milli Azərbaycan
Qurultayının keçirilməsi mühüm tarixi-hadisə olmuşdur. Belə ki, həmin qurultayda
Azərbaycanın müstəqil dövlət olması fıkri xüsusi vurğulanmışdır;
-
1945-ci ilin martında Azərbaycan legionerlərinin böyük fəaliyyəti
nəticəsində Almaniyanın Azərbaycanın müstəqilliyini tanıması mühüm tarixi
hadisədir;
-
Azərbaycan legionerlərinin Almaniyada mətbuat orqanlarını yaradıb
tariximizi, ədəbiyyatımızı, mədəniyyətimizi təbliğ etmələri böyük əhəmiyyətə
malikdir;
-
Azərbaycan könüllülərindən ibarət nizami hərbi hissələrinin yaradılıb
uğurlu döyüşlər aparması çağdaş durumumuzda ordu quruculuğu və gənc nəsildə
döyüşkənlik, qorxmazlıq hisslərinin təlqin edilməsi baxımından təqdirəlayiq haldır.
Şübhəsiz, Azərbaycan legionerlərinin tarixi əhəmiyyətini onların
məğlubiyyəti, yaxud qələbəsi ilə müəyyənləşdirmək düzgün olmazdı. Hansı
nəticədən asılı olmayaraq onlar güclü qüvvələr formasında Azərbaycanın
müstəqilliyi xəttini yürütmüşlər.
Dostları ilə paylaş: |