Namiq abbasov məDƏNİYYƏt siyasəTİ VƏ MƏNƏVİ DƏYƏRLƏR
Yüklə 3,26 Mb. Pdf görüntüsü
|
________Milli Kitabxana________ 11 dirici fəaliyyətlə məşğul olanların hamısına aiddir. Təsadüfi deyildir ki, dünyanın digər ölkələrindəki mədəni quruculuğun nəzəri təminatı ölkəmizdə də mədəniyyət konsepsiyasının mühüm şərtidir. Mədəniyyət faktları ilə əlaqəsi olan ictimai elmin konkret və ixtisaslaşdırılmış sahələrindən fərqli olaraq, bu konsepsiya mədəniyyət haqqında bütöv və ümumiləş- dirilmiş konsepsiyadır. Müasir şəraitdə Azərbaycan dövlətinin mədəniyyət siyasəti və mənəvi dəyərlər mövzusunda aparılmış bu araşdırmada həmin əsərlərə istinad edilmişdir ki, onların müəllifləri içərisində F.Qasımzadə (61; 62), B.Qurbanov (66; 67; 68; 106; 107), F.Məmmədov (81; 128; 129; 130; 131; 132; 133), A.Şükürov (99; 100; 101), Ə.Tağıyev (30; 102), N.Cəfərov (20; 21), R.Bədəlov (139; 161), S.Məmmədəliyeva (139), S.Dadaşova (23), R.Aslanova (8), M.Süleymanlı (92; 93; 94; 95; 96; 97; 114; 115), İ.Hüseynov (51; 52; 53; 54; 55; 56), M.Manafova (19; 59; 70; 76; ), N.Axundova (7), N.Əfəndiyeva (28; 29; 56; 76), M.Əsədli (19; 37; 38; 76) S.Əliyeva (19; 59; 76), O.Sultanov (23), A.Əlizadə (34; 35), İ.Əliyeva (32), A.Haqverdiyev (42), Y.Əliyeva (33) kimi azərbaycanlı kulturoloqların tədqiqatları xüsusilə qeyd edilməlidir. Monoqrafiyada yeri gəldikcə Avropa (121; 136; 138; 158; 160), Rusiya (120; 122; 123; 125; 127; 137; 159) və Türkiyə (104; 105; 109; 116; 117; 118; 119; 141; 142; 143; 144) alimlərinin əsərlərindən faydalanılmış, Azərbaycan Respubli- kasının və Türkiyə Cümhuriyyətinin mədəniyyət siyasətinə dair qəbul etdiyi proqramlardan (109; 117; 118; 139;), rəsmi statistik məlumatlardan, mədəniyyətin inkişafına istiqamətlən- miş tədbirlər planından, Mədəniyyət və Turizm Nazirliyinin beynəlxalq təşkilatlar üçün hazırladığı hesabat xarakterli “Milli Məruzə”dən, habelə YUNESKO-nun tövsiyələrindən və Avropa Şurası ekspertlərinin hesabatlarından (139; 157; 161) istifadə edilmişdir.
________Milli Kitabxana________ 12 Azərbaycan dövlətinin mədəniyyət sahəsində siyasətini tədqiq edən alimlər içərisində tarix elmləri doktoru, professor F.Məmmədovun və onun rəhbərlik etdiyi mədəniyyət assosiasi- yasının fəaliyyəti xüsusilə qeyd edilməlidir. Onun “Kulturolo- giya”ya dair dərslik və elmi monoqrafiyalarında (81; 128; 129; 130; 131; 132; 133) dövlətin mədəniyyət siyasəti hərtərəfli nəzərdən keçirilmişdir. Bundan əlavə “Azərbaycan və müasir dünya” məcmuəsində “Azərbaycanda yeni mədəniyyət siyasə- tinin vəzifələri haqqında” məqaləsi nəşr edilmişdir. Eyni zamanda 2001-ci ilin 27-29 iyununda “Azərbaycanda yeni mədəniyyət siyasətinin formalaşdırılmasına yardım” layihəsi üzrə Açıq Cəmiyyət İnstitutu-Budapeşt SOROS Fondunun himayəsi ilə keçirilmiş Beynəlxalq konfransın və sosioloji tədqiqatın sənəd və materialları məcmuəsində (81) Fuad Məmmədovun, Nigar Axundovanın, Fuad Qasımzadənin, Sol- mina Dadaşovanın, Oqtay Sultanovun, Əli Abasovun, Cəmilə Səttarovanın, Rəhman Bədəlovun və xarici ölkə alimlərinin mədəniyyət siyasəti haqqında məqalələri çap olunmuşdur. Həmin məcmuədə layihənin mahiyyəti anketlərin nəticələri və s. materiallarda öz əksini tapmışdır. Artıq ilk sayı işıq üzü görmüş “Simurq” jurnalında (Baş redaktor: F.Məmmədov) da mövzuyla əlaqəli elmi yazılar dərc edilmişdir. Mədəniyyət və Turizm Nazirliyinin “Mədəniyyət siyasəti” şöbəsinin hesabat və nəşrlərində, habelə nazir müavini professor Sevda Məmmədəliyevanın “Azərbaycanda mədəniy- yət siyasəti” (elmi icmal, 2002), “Azərbaycanın mədəniyyət siyasəti” (Avropa Şurasının “Stage” layihəsi əsasında, 2003), “Qloballaşma dövründə mədəniyyət” (2004) və “Mədəniyyət və insan” (2005) monoqrafiyalarında (139) mövzuya dair çox dəyərli elmi təhlillər yer almaqdadır. Azərbaycan Dövlət Mədəniyyət və İncəsənət Universite- tinin elmi nəşri kimi və bu vaxta qədər AAK-ın elmi nəşrləri- nin qeydiyyatında olan kulturologiyaya dair yeganə məcmuə olan “Mədəniyyət dünyası”nın (Baş redaktoru: M.Süleymanlı)
________Milli Kitabxana________ 13 bütün buraxılışlarında (2001–2008-ci illər ərzində cəmi on dörd sayı nəşr edilmişdir) mədəniyyətin ən müxtəlif problem- lərinə həsr edilmiş elmi yazılar çap edilmişdir. Azərbaycan mədəniyyətinin bəzi problemlərini işıqlandıran namizədlik və doktorluq dissertasiyalarının yazılması da mövzuya olan ciddi elmi-tənqidi münasibəti əks etdirməkdədir ki, müəllif yeri gəldikcə bu tədqiqat əsərlərindən də yararlan- mışdır. Belə ki, son vaxtlar mövzuyla bağlı İlhamə Əliyevanın “Azərbaycan bayramları və milli mənəvi dəyərlərimiz” (32), Anar Haqverdiyevin “Müstəqil Azərbaycan Respublikasının mədəniyyətinin aktual problemləri” (42), Yeganə Əliyevanın “Azərbaycanda kulturoloji fikrin tarixi inkişaf mərhələləri” (33), Fatimat Məmmədovanın “Azərbaycan mühacirətinin elmi-nəzəri tədqiqatlarında dil kulturoloji baxışlar konteks- tində” (82), Zaur Cəfərzadənin “Şərq mədəniyyətlərinin tarixi tipologiyasının metodoloji problemləri” (22), Fərqanə Hüsey- novanın “Müstəqillik dövründə Azərbaycan – Türkiyə əlaqələ- rinin kulturoloji aspektləri (elm, təhsil, mədəniyyət)” (57) adlı namizədlik dissertasiyaları və Nigar Əfəndiyevanın “Azərbay- canlı özünüdərki və özünüidentifikasiyanın kulturoloji-fəlsəfi problemləri qloballaşma kontekstində” (29) mövzusunda doktorluq işi diqqəti cəlb edir. Həmin dissertasiyaların mövzusu bilavasitə Azərbaycan dövlətinin mədəniyyət siyasə- tinə və mənəvi dəyərlərimizə həsr olunmasa da, bu və ya digər paraqraflarda həmin problemlərə toxunulmuşdur. Lakin müasir şəraitdə Azərbaycan dövlətinin mədəniyyət siyasəti və mənəvi dəyərlərin inkişaf amilləri mövzusu məhz bu monoqrafiyada ilk dəfə sistemli şəkildə araşdırılmışdır. Tədqiqatın əsas məqsədi mədəniyyət siyasətinin elmi, müqayisəli və tənqidi təhlilini verməkdən, bu siyasətin milli- mənəvi dəyərlərimizin inkişafındakı rolunu araşdırmaqdan və şərh etməkdən ibarətdir. Araşdırmada yeni mədəniyyət siyasə- tinin milli-mənəvi dəyərlərimizin inkişafındakı rolu və yerinin müəyyənləşdirilməsi, mədəniyyətdə qloballaşma prosesinin
Yüklə 3,26 Mb. Dostları ilə paylaş:
|