«Dirçəliş XXI əsr».–2010.-№141-142.–S.164-176.
MÜSTƏQİLLİK DÖVRÜMÜZDƏ NAXÇIVAN
Məmməd MƏMMƏDOV,
Naxçıvan MR Ali Məclisinin deputatı,
tarix elmləri namizədi
Qədim tarixə, zəngin mədəniyyətə və çoxəsrlik dövlətçilik ənənələrinə malik Naxçıvan diyarı əsrlərdən bəri
Şərq aləminin qabaqcıl elmi-mədəni mərkəzlərindən biri kimi şöhrət qazanıb. Milli dövlətçiliyimizin müstəqil
inkişaf tarixində də Naxçıvan ağır sınaqlarla üzləşərək mürəkkəb, eyni zamanda Şərəfli yol keçib, xalqımızın
istiqlal uğrunda mübarizəsində, dövlət müstəqilliyinin əldə edilməsində və qorunmasında, demokratik cəmiyyətin
qurulmasında fəal və əhəmiyyətli rol oynayıb. Prezident İlham Əliyevin "Naxçıvan Muxtar Respublikasının 85
illiyinin keçirilməsi haqqında" imzaladığı sərəncamda deyildiyi kimi, milli istiqlaliyyət yolunda Naxçıvanın atdığı
cəsarətli addımlar bütün Azərbaycan xalqı tərəfindən rəğbətlə qarşılanmış, respublikada cərəyan edən ictimai-siyasi
proseslərə müsbət və həlledici təsir göstərmişdir.
Ötən əsrin 80-ci illərinin ortalarından başlayaraq keçmiş SSRİ-də və bütün dünyada gedən ictimai-siyasi
proseslərin labüd nəticəsində Azərbaycan xalqı öz müstəqillik arzusunu reallaşdırdı. Lakin bu, xalqımıza heç də
asan başa gəlmədi. Yaranmış şəraiti özlərinin bədnam planlarının gerçəkləşməsi üçün əlverişli hesab edən bədxah
qonşularımız olan ermənilər Azərbaycan torpaqlarını, o cümlədən Naxçıvanı da silah gücünə ilhaq etmək üçün
təcavüzlərə başladılar. Bir çox hallarda isə bu təcavüzlər elan olunmamış müharibə səviyyəsinə yüksəldi.
Ermənistanda və Dağlıq Qarabağda ermənilərin azərbaycanlılara qarşı azğın hərəkətlərinin cavabsız
qalması, öz yurd-yuvalarından didərgin düşərək Naxçıvana pənah gətirmiş qaçqınların acı taleyi, muxtar respublika
əhalisinin də dərin hiddətinə səbəb olmuş, 1988-ci il may ayının 20-də Naxçıvan şəhərində ermənilərin
özbaşınalıqlarına və cinayətlərinə son qoyulması tələbi ilə muxtar respublika ictimaiyyatının ilk böyük mitinqi
keçirilmişdi. Mitinq iştirakçıları SSRİ, Azərbaycan SSR və Naxçıvan MSSR rəhbərliyindən qəti tədbirlər
görülməsini, Azərbaycan xalqının suveren hüquqlarının qorunmasını təkidlə tələb etdilər. Belə bır şəraitdə xalq öz
sözünü deməkdən, haqqını tələb etməkdən ötrü meydanlara doğru axışırdı.
Əslində Naxçıvandakı xalq hərəkatı erməni təcavüzünə qarşı müqavimət hərəkatı olmaqla yanaşı, imperiya
buxovlarından xilas olmaq və milli müstəqilliyə nail olmaq üçün geniş vüsət alan Azərbaycan xalqının milli-azadlıq
hərəkatının tərkib hissəsi idi. Bu hərəkatın ilkin dövründə əsas etiraz vasitə və formaları mitinqlər, nümayişlər,
tətillər və sair idi. Naxçıvandakı hərəkat həm də Mərkəz və Respublika hökuməti qarşısında mütilik göstərən,
əhalinin haqlı tələblərini qulaqardına vuran, ermənilərin hücum təhlükəsinə qarşı təsirli tədbirlər görməkdən imtina
edən, hətta əhalinin əlindəki ov silahlarmı almağa çalışan və son nəticədə muxtar respublikada ictimai-siyasi
vəziyyəti daha da gərginləşdirən yerli partiya və sovet rəhbərlərinə qarşı yönəlmişdi.
Sərhədyanı kəndləri erməni yaraqlıları tərəfindən işğal və qarət olunan, dincliyi əlindən alınan Naxçıvan
torpağı o dövrdə Heydər Əliyevin təbirincə desək, "taleyin ümidinə buraxılmış tənha bir ada"nı xatırladırdı. Milli
müstəqillik uğrunda Naxçıvanda vüsət alan bu hərəkat həm də Azərbaycan xalqının milli-azadlıq uğrunda
hərəkatının tərkib hissəsi idi. Ümummilli liderimiz Heydər Əliyevin sözləri ilə desək, "o dövrdə müstəqillik
uğrunda mübarizə aparan adamlar Naxçıvan əhalisinin demək olar ki, əksəriyyətini təşkil edirdi. Naxçıvanın
müstəqillik. milli-azadlıq əhval-ruhiyyəsi bütün Azərbaycana təsir edirdi."
1990-cı illərin əvvəllərində muxtar respublikanın nəqliyyat-kommunikasiya, elektrik enerjisi, rabitə, təbii
qaz xətləri və dəmir yolunda qatarların hərəkəti mənfur qonşularımız tərəfindən kəsiləndən, bölgə tam iqtisadi
blokadaya alınandan sonra burada iqtisadi və siyasi böhran daha da dərinləşdi.
Azərbaycanda milli-azadlıq hərəkatının mühüm mərhələsini təşkil edən sərhəd hərəkatı da məhz o dövrdə
Naxçıvanda başlanmışdır. Azadlıq hərəkatının ilk günlərindən başlayaraq Azərbaycan SSR-in suverenliyi, ərazi
bütövlüyünün təmin edilməsi, demokratik islahatların həyata keçirilməsi ilə yanaşı, Cənubi Azərbaycanla
gediş-gəlişin təmin edilməsi tələbləri irəli sürülməyə başlanmışdı.
1989-cu il dekabrın əvvəllərində Naxçıvan MSSR-də Ordubaddan Sədərəyədək bütün sərhəd boyu on
minlərlə adam toplaşaraq kütləvi mitinqlər keçirməyə başladılar. Dekabr ayının 5-də Naxçıvan MSSR Ali Soveti
Rəyasət Heyətinin sədri S.Əliyeva Azərbaycan SSR Ali Sovetinin Rəyasət Heyətinə müraciət edərək Naxçıvan
MSSR-in sərhədyanı torpaqlarından istifadə edilməsi məsələsinin həll olunması zəruriliyini bildirmişdi. Məktubda,
həmçinin sərhədyanı ərazilərdə yaşayan əhalinin qarşılıqlı əlaqələrinin bərpa edilməsi məsələsinə toxunulmuşdu.
Lakin vəziyyəti düzgün qiymətləndirə bilməyən rəsmi dairələrin tədbir görmək istəməmələri ehtirasları daha da
coşdurur, əhalini radikal addımlara atmağa sövq edirdi. Sərhəd zolağının bir sıra hissəsində Ordubad, Culfa və
Şahtaxtıda insanlar sərhəd məftillərini sökərək, Arazın o tayında toplaşmış həmvətənləri ilə görüşürdülər. Sərhəd
hərəkatının qarşısını almaq üçün ciddi cəhdlər göstərilsə də, bu, heç bir nəticə vermədi. 1989-cu il dekabrın 31-i
Dünya Azərbaycanlılarının Həmrəyliyi bayramına çevrildi. 1990-cı ildən isə həmin günün ildönümü respublikanın
demokratik qüvvələri tərəfindən geniş qeyd edildi.
Naxçıvanın mütərəqqi qüvvələri tərəfindən həyata keçirilən "Sərhəd hərəkatı" rəsmi səviyyədə siyasi və
tarixi qiymətini də birinci dəfə məhz Naxçıvanda, Heydər Əliyevin rəhbərlik etdiyi Muxtar Respublika Ali
Məclisinin 16 dekabr 1991-ci il tarixli sessiyasında almışdır. Heydər Əliyev Dünya Azərbaycanlılarının Milli
Həmrəylik və Birlik günü haqqında məsələnin Naxçıvan Muxtar Respublikası Ali Məclisinin sessiyasında müzakirə
olunmasına, böyük siyasi əhəmiyyətli qərar qəbul edilməsinə böyük qiymət vermişdir.
Azərbaycan xalqının azadlıq və istiqlaliyyət hərəkatını yerindəcə boğmaq üçün imperiya dairələri 1990-cı
ilin yanvarında xalqımıza qanlı divan tutdular. Yanvarın 19-dan 20-nə keçən gecə erməni-rus birləşmələri Bakıda
qanlı qırğın törətdilər. Xalqımız azadlıq və istiqlaliyyət uğrunda mübarizədə ilk şəhid oğullarını qurban verdi.
Həmin faciə təkcə xalqımıza qarşı yox, həm də bəşəriyyətə, humanizmə, insanlığa qarşı yönəldilmiş soyqırımı
siyasəti oldu. Çünki müasir silahlarla silahlanmış ordu silahsız, əliyalın, günahı olmayan insanların üzərinə hücuma
keçmiş, dinc əhaliyə ağır divan tutmuş və yalnız cinayət başa çatandan sonra - ertəsi gün paytaxtda fövqəladə
vəziyyət elan edilmişdi. Xalqımızın böyük oğlu Heydər Əliyev törədilən bu böyük faciə ilə bağlı sonralar belə
deyəcəkdi: "O, ayrı-ayrı insanlara qarşı törədilən qəsd, təcavüz deyildir. Bütün Azərbaycan xalqına, Azərbaycan
millətinə, Azərbaycan ölkəsinə edilən hərbi təcavüz idi..."
Qanlı Bakı faciəsindən 8 saat əvvəl erməni - rus birləşmələri Sədərəyə təcavüz etmiş, Kərki kəndini ələ
keçirmişdilər. Mərkəz Bakıda olduğu kimi, Naxçıvanda da milli azadlıq hərəkatının qarşısını almaq üçün fövqəladə
vəziyyət elan olunmasına, muxtar respublikada cəza dəstələri yerləşdirməsinə çalışırdı. Kərki kəndini ələ
keçirdikdən sonra ermənilər sovet qoşunlarına arxalanaraq Sədərək kəndində sərhəddə yerləşən mebel sexi və şərab
zavoduna hücuma keçdilər. Lakin Naxçıvanın igid müdafiəçiləri qeyri-bərabər döyüşdə düşmənin qabağını almağa
və onları çoxlu itki verərək geri çəkilməyə məcbur etdilər. Düşmən Sədərəyi raket, top, pulemyot, avtomat atəşinə
tutmaqla yenidən ələ keçirməyə çalışırdı. Qırğınların qarşısını almaq məqsədilə əhali kənddən təhlükəsiz yerə
çıxarılmış, kənddə yalnız əli silah tutanlar qalmışdı. Sədərəyə hücum zamanı 9 nəfər şəhid olmuş, onlarca adam
yaralanmışdı.
Azərbaycanın və Naxçıvanın ərazi bütövlüyünün pozulması, Kərki kəndinin işğalı, bütün sərhədboyu
ermənilərin hücuma keçmələri, muxtar respublika əhalisinin dinc yaşayışı üçün real təhlükənin artması, nəqliyyat
və kommunikasiya blokadası və bütün bunların müqabilində ittifaq və respublika hakimiyyət dairələrinin cinayətkar
fəaliyyətsizliyi muxtar respublika əhalisini və rəhbərliyini ən kəskin addımlar atmağa sövq edirdi. Naxçıvan
şəhərində Ali Sovetin binası qarşısında toplaşmış 20 mindən çox əhali Muxtar Respublika Ali Sovetinin fövqəladə
sessiyasının çağırılmasını tələb etdi. Xalqın tələbi və təzyiqi altında yanvarın 19-da çağırılmış sessiya Naxçıvan
Muxtar Respublikasının SSRİ-nin tərkibindən çıxması haqqında məsələni müzakirə etdi. Qərarda Azərbaycan SSR
və onun tərkib hissəsi olan Naxçıvan MSSR-in suverenliyi və ərazi bütövlüyünün müdafiə edilmədiyi, Azərbaycan
SSR və Naxçıvan MSSR ali qanunverici orqanlarının İttifaq orqanlarına dəfələrlə etdikləri müraciətlərin nəticəsiz
qaldığı Türkiyə, Azərbaycan SSR, Gürcüstan SSR və Ermənistan SSR arasında RSFSR-in iştirakı ilə bağlanan Qars
müqaviləsinin şərtləri kobud surətdə pozulduğu qeyd edilmiş və 6 bənddən ıbarət tarixi qərar qəbul edilmişdi.
Təbii ki, Naxçıvan parlamentinin qəbul etdiyi bu qərarın hüquqi əsası yox idi. Bu səbəbdən onun çox
yaşaması mümkün deyildi. Yanvarın 27-də Azərbaycan SSR Ali Sovetinin Rəyasət Heyəti Naxçıvan MSSR Ali
Sovetinin həmin qərarım ləğv etdi. Amma buna baxmayaraq sonralar həmin qərarın Naxçıvanın taleyi üçün böyük
əhəmiyyəti oldu. SSRİ tarixində ilk dəfə olaraq muxtar qurumun özünü müstəqil elan etməsi faktı dünya
ictimaiyyətinin diqqətini Sovet imperiyasının və onun əlaltısı olan Ermənistanın Azərbaycana, onun tərkib hissəsi
olan Naxçıvana qarşı təcavüzkarlıq hərəkətlərinə yönəltməyə məcbur etdi.
Xalqımızın ümummilli lideri Heydər Əliyev də sonralar Naxçıvan MSSR Ali Sovetinin həmin tarixi
qərarını yüksək qiymətləndirərək deyəcək idi: "Mən Moskvada olarkən Azərbaycana qarşı edilən bu cinayətə qarşı
etiraz səsimi qaldırdım, xalqımla, millətimlə həmrəy olduğumu bildirdim... Orada eşitdim ki, naxçıvanlılar bu
dəhşətli faciə ilə əlaqədar ayağa qalxıblar, hətta o vaxt cəsarətli bir qərar qəbul ediblər: Azərbaycana qarşı edilən
cinayətə, təcavüzə görə Naxçıvan Muxtar Respublikası Sovet İttifaqının tərkibindən çıxmaq haqqında qərar qəbul
ediblər... Naxçıvanlıların bu cəsarətli addımı o vaxt Sovet İttifaqında yeganə bir addım idi... Bu, naxçıvanlıların nə
qədər cəsarətli, qeyrətli, nə qədər azadlıqsevər və müstəqilliyə nə qədər bağlı olduqlarını dünyaya sübut etdi,
nümayiş etdirdi"
1990-1993-cü illər Naxçıvanın müasir tarixinin ən gərgin və maraqlı səhifələrini təşkil edir. Naxçıvanın
muxtariyyət statusu Azərbaycanın müstəqillik uğrunda mübarizə tarixində də mühüm mərhələ təşkil edir. Bu status
imkan verirdi ki, ulu öndər Heydər Əliyevin bu dövrü əhatə edən siyasi fəaliyyət dövründə Naxçıvan xalqımızın
suveren hüquqlarının təmin edilməsi uğrunda mübarizənin mərkəzinə çevrilsin. Bu dövrdə ölkəmizin müstəqilliyi
ilə bağlı qanunvericilik təşəbbüsü istisnasız olaraq Naxçıvan Muxtar Respublikası Ali Məclisinə məxsus olmuşdur.
Böyük öndər yorulmaz və titanit fəaliyyəti nəticəsində muxtar respublikanın başı üzərində dolanan siyasi
oyunlardan, ərazisini erməni işğalından, muxtariyyətini isə ləğv olunmaq təhlükəsindən xilas etdi. Böyük öndərin
böyük siyasətə qayıdışı imperiya qüvvələri ilə mübarizənin daha da kəskinləşməsinə səbəb oldu. Naxçıvandan
başlanan milli dirçəliş prosesi bütün Azərbaycan siyasi mühitində aparıcı qüvvəyə çevrildi, milli dövlətçiliyin
bərpası istiqamətində qəti addımların atılmasına başlandı.
17 noyabr 1990-cı ildə keçirilən Muxtar Respublika Ali Sovetinin birinci sessiyası milli dövlətçilik
ənənələrimizin bərpasında mühüm rol oynadı. Sessiyada ilk növbədə Naxçıvan Muxtar Respublikası adından
"sovet", "sosialist" sözləri çıxarıldı, onun "Naxçıvan Muxtar Respublikası" adlandırılması haqqında qərar qəbul
edildi. Həmin sessiyada Naxçıvan MSSR Ali Sovetinin də adı dəyişdirildi, bundan sonra onun Naxçıvan Muxtar
Respublikasının Ali Məclisi adlandırılması haqqında qərar qəbul edildi. Sovetlər Birlıyinın yaşadığı. onun iti
qılıncının kəsdiyi bir dövrdə muxtar respublikanın adından "sovet", "sosialist" sözlərinin çıxarılması həqiqətən də
böyük uzaqgörənlik tələb edirdi. Bu addımı atmaq ilk növbədə kommunist rejiminin qatı və kəskin qəzəbinə düçar
olmaq demək idi.
Heydər Əliyevin sədrliyi ilə keçirilən Naxçıvan parlamentinin həmin sessiyasında muxtar respublikanın
dövlət rəmzləri haqqında məsələ də geniş müzakirə olundu. Azərbaycan Demokratik Respublikasının rəmzi olan
üçrəngli dövlət bayrağının bərpa edilməsi, onun Naxçıvan Muxtar Respublikasının dövlət bayrağı kimi qəbul
edilməsi adi məsələ olmadı.
Bununla bərabər, Naxçıvan parlamenti qanunvericilik təşəbbüsü ilə Azərbaycanın ali hakimiyyət orqanı
qarşısında məsələ qaldıraraq Azərbaycan Respublikasının dövlət rəmzlərinə yenidən baxılmasını təklif etdi.
O zamankı Azərbaycan rəhbərliyinin SSRİ-nin qorunub saxlanılmasına dair göstərdiyi təşəbbüslərin əksinə
olaraq Naxçıvan Muxtar Respublikasının Ali Məclisi 1991-ci il 14 mart tarixli qərarı ilə ittifaqın saxlanılmasına
dair Ümumittifaq referendumunda iştirakın yolverilməz olduğunu bəyan etdi. 1991-ci ilin oktyabrında "Keçid
dövründə SSR İttifaqının dövlət hakimiyyət və idarəetmə orqanları haqqında" SSRİ Qanunun müzakirəsi zamanı da
Naxçıvan parlamenti Azərbaycan dövlət hakimiyyət orqanlarından fərqli mövqe tutaraq SSRİ-nin yenidən bərpasına
və unitar ittifaq dövlətinin möhkəmləndirilməsinə bu qanunu rədd etmiş, Azərbaycan Ali Sovetindən də müvafiq
qərarın qəbul edilməsini xahiş etmişdir.
1991-ci il sentyabrın əvvəllərində Naxçıvan MR-in ictimai-siyasi həyatında onun müqəddəratını həll edəcək
mühüm hadisələr baş verdi. Naxçıvan əhalisinin müdrikliyi və uzaqgörənliyi həm də onda oldu ki, ümumi
Azərbaycan evimizin divarından hər gün onlarca kərpicin düşdüyü bır dövrdə böyük uzaqgörənlik nümunəsi
göstərərək düzgün rəhbər seçimi edə bildilər. Sentyabrın 3-də xalqın təkidli tələbindən sonra Heydər Əliyev
Naxçıvan Muxtar Respublikası Ali Məclisinin Sədri seçildi. Heydər Əliyev həmin sessiyadakı çıxışında da bir daha
hakimiyyət arzusunda olmadığını, bu niyyətlə Azərbaycana qayıtmadığını bəyan etdi. Amma bununla birlikdə
böyük siyasətçi bölgənin ağır sosial-iqtisadi vəziyyətində, xüsusən də torpaqlarına düşmən təcavüzünün
genişləndiyi bir dövrdə onun taleyinə də biganə qala bilməzdi: "Mən bu zamanın, bu dəqiqələrin, bu saatın
hökmünü nəzərə almaya bilməzdim... Mən öz prinsiplərimə sadiq qalaraq Azərbaycanın, Naxçıvanın belə
vəziyyətində, çətin dövründə üzərimə düşən vəzifənin icrasından geri çəkilə bilməzdim. Mən öz taleyimi xalqa
tapşırmışam və xalqın iradəsini indi bu müddətdə, bu çətin dövrdə yerinə yetirməliyəm".
Əlbəttə, Heydər Əliyevin Naxçıvan Muxtar Respublikasının Ali Məclisinə Sədr seçilməsi milli miqyasda
böyük hadisə oldu. Məsələ heç də keçmiş Sovet İttifaqının Siyasi Bürosuna mənsub nüfuzlu simalardan birinin -
SSRİ Nazirlər Soveti Sədrinin birinci müavininin Azərbaycanın ərazisinin bır hissəsində - muxtar respublikada Ali
Məclisə Sədr vəzifəsinə seçilməsində deyildi. Heydər Əliyev ilk növbədə Naxçıvanda fəal və peşəkar fəaliyyəti ilə
milli dövlətçiliyə inam hissini formalaşdıra bildi. Heydər Əliyevin Naxçıvan Muxtar Respublikasının rəhbəri kimi
fəaliyyəti dövründə Azərbaycanın müstəqil, demokratik və dünyəvi dövlət kimi fəaliyyət göstərməsi üçün əməli
addımlar atıldı. Azərbaycanın müstəqil dövlət olaraq sonrakı inkişafının bir sıra konseptual istiqamətləri məhz o
zaman Heydər Əliyevin Naxçıvan Muxtar Respublikası Ali Məclisinə rəhbərlik etdiyi dövrdə işlənib hazırlandı.
Sonralar dahi öndər bunlarla bağlı belə deyəcəkdi: "Naxçıvanda doğulmağım, ərsəyə gəlməyim, təhsil
almağım mənim üçün əzizdir. Azərbaycana rəhbərlik etdiyim zaman Naxçıvanda quruculuq işlərinin
görülməsindəki fəaliyyətim də mənim üçün əzizdir. Ancaq mənim üçün bunların hamısından əziz 1990-cı ildən
1993-cü ilə qədər burada Sizinlə bir yerdə yaşamağım, işləməyim olubdur."
Naxçıvanın muxtariyyət statusu ötən əsrin 90-cı illərində erməni işğalının aradan qaldırılması, ağır blokada
şəraitində adamların yaşayışının təmin olunması sahəsində də taleyüklü qərarların qəbul olunmasına şərait yaratmış,
Naxçıvan Muxtar Respublikasının rəhbəri kimi ümummilli lider Heydər Əliyev qonşu İran və Türkiyə
respublikaları ilə əlaqələr yaradaraq bu ölkələrdə səfərlərdə olmuş, müxtəlif sahələrdə əməkdaşlığa dair protokollar
imzalanmışdır.
Bu illərdə ümummilli liderimizin muxtar respublika parlamentində xüsusi bəyanatla çıxış etməsi, 1992-ci
ilin mart ayında Türkiyə Respublikasına səfəri zamanı Moskva və Qars müqavilələrini yenidən gündəmə gətirərək
dünya ictimaiyyətinin diqqətini Ermənistanın təcavüzkarlıq siyasətinə yönəltməsi Naxçıvanın muxtariyyət statusuna
ikinci ömür verdi. Məhz o ağır və məşəqqətli illərdə müdrik siyasəti böyük uzaqgörənliklə deyirdi: "Naxçıvanın
bütövlüyünü, təhlükəsizliyini, dövlətçiliyini, muxtariyyətini gələcəkdə də təmin etmək üçün Qars müqaviləsi bizim
üçün çox böyük, əvəzi olmayan bir sənəddir".
Naxçıvan üçün ağır bir zamanda qardaş Türkiyənin birmənalı mövqeyi də Ermənistana öz təcavüzkar
hərəkətlərini həyata keçirməyə mane oldu.
1992-ci ilin may ayında - Şuşa və Laçın şəhərlərinin işğalı dövründə Naxçıvana qarşı məkrli planların
alt-üst olunmasında məhz bu amil önəmli rol oynadı. Məhz həmin ilin may günlərində dünyanın 57 dövləti
Ermənistanın Naxçıvana qarşı təcavüzkarlığını pisləmiş, NATO isə bu barədə xüsusi bəyanatla çıxış etmişdir.
Böyük öndərin muxtar respublikada milli birliyin, həmrəyliyin təmin olunması istiqamətində həyata
keçirdiyi tədbirlər xalqın mütləq əksəriyyəti tərəfindən dəstəklənir və müdafiə edilirdi. Lakin bununla bərabər
muxtar respublikada həyata keçirilən bu siyasət Azərbaycanın bəzi siyasi qüvvələri tərəfindən qısqanclıqla
qarşılanır və separatçılıq kimi qiymətləndirilirdi. AXC hakimiyyətinin bəzi nümayəndələri Naxçıvanın muxtariyyət
statusunu ləğv etmək, muxtar respublikanın qanuni hakimiyyətini devirmək məqsədilə 1992-ci il oktyabrın 24-də
çevriliş cəhdi etsələr də, Heydər Əliyevin naxçıvanlıların mütləq əksəriyyəti tərəfindən müdafiə olunan prinsipial
mövqeyi bu çevriliş cəhdinin qarşısını aldı.
Baş vermiş dövlət çevrilişi cəhdi haqqında Ali Məclisin qəbul etdiyi qərarda qeyd edilirdi ki, bu
hərəkətlərdə Xalq Cəbhəsinin əsas məqsədi muxtar respublikada dövlət çevrilişi etmək və silah gücü ilə Heydər
Əliyevi Ali Məclisin Sədri vəzifəsindən kənarlaşdırmaq idi və bu qanunazidd hərəkətlər Azərbaycanın rəhbər
dövlət orqanlarının Naxçıvan Muxtar Respublikasının Konstitusiya hüquqlarının tapdalanmasına yönəldilmiş böyük
tədbirlərinin bir hissəsi idi. Ondan bir il əvvəl isə Naxçıvanı Azərbaycan üçün "kor bağırsaq" hesab edən Ayaz
Mütəllibov hakimiyyəti əldə saxlamaq üçün antikonstitusion tədbirlərə əl atmışdı. Bunun üçün də ilk növbədə
Naxçıvanın muxtariyyət statusunun ləğv olunmasına çalışırdılar. Amma dərk etmək istəmirdilər ki, indiki şəraitdə
Naxçıvanın statusunun saxlanması onun erməni təcavüzündən, işğalından qorunmasının mümkün variantlarından
biridir.
Xalqın və respublikanın hakim dairələrinin təkidli dəvətindən sonra 1993-cü ilin iyununda respublikanın
siyasi rəhbərliyinə qayıtması ilə Heydər Əliyev Azərbaycanı real məhv olmaq təhlükəsindən xilas etdi, milli
qurtuluşumuzun, gələcək uğurlarımızın əsasmı qoydu. Vətəndaş müharibəsi, etnik separatçılıq, dövlət çevrilişləri
cəhdlərinin qarşısı alındı. Ordu quruculuğuna başlanıldı. düşmənin yeni hücumlarının qarşısı alındı.
Tarazlaşdırılmış xarici siyasət yeridilməyə, informasiya blokadası yaradılmağa başlandı. Ölkədə müasir demokratik
dəyərlərə, bazar iqtisadiyyatına əsaslanan vətəndaş cəmiyyəti formalaşdırılmağa başlandı.
1995-ci il noyabrın 12-də ümumxalq səsverməsi (referendum) ilə qəbul edilən Azərbaycan Respublikasının
Konstitusiyası ilə Naxçıvan Muxtar Respublikasına Azərbaycanın tərkibində muxtar dövlət statusu verilir. Buradan
isə belə bır məntiqi həqiqət doğur ki, əgər 1921-ci ildə bağlanmış Moskva və Qars müqavilələri Naxçıvanın
tarixi-hüququ statusunu müəyyənləşdirmişsə, ölkəmizin müstəqilliyi dövründə qəbul olunan Əsas Qanunumuz ilə
Naxçıvanın statusu ali hüquqi qüvvəyə qaldırılır. Yeni Konstitusiyanın 8-ci fəsli bütövlükdə "Naxçıvan Muxtar
Respublikası" adlanır. Naxçıvan Muxtar Respublikasının Azərbaycanın ayrılmaz tərkib hissəsi olması barədə
müddəanın muxtar respublikanın statusunu müəyyən edən maddəyə daxil edilməsi mühüm əhəmiyyət daşımaqla
bərabər dünya təcrübəsinə də uyğunlaşdırılır.
1998-ci ilin dekabr ayında isə Naxçıvan Muxtar Respublikasının yeni Konstitusiyası qəbul olunur. Həmin il
yanvarın 14-də ölkə başçısı Heydər Əliyevin sədrliyi ilə keçirilən Azərbaycan Respublikası Konstitusiya
Komissiyasının iclasında muxtar respublikanın Konstitusiya layihəsi geniş müzakirə olunur. Həmin iclasda dahi
rəhbər qəbul olunacaq konstitusiyanın ölkəmizin ictimai-siyasi həyatı və muxtar respublikanın taleyi üçün
oynayacağı rola toxunaraq demişdi: "Naxçıvanın muxtariyyəti tarixi nailiyyətdir, onu qoruyub saxlamalıyıq.
Naxçıvanın muxtariyyəti Naxçıvanın əldən getmiş başqa torpaqlarının qaytarılması üçün ona xidmət edən çox
böyük amildir. Biz bu amili qoruyub saxlamalıyıq".
Ali Məclisin Sədri Vasif Talıbovun təbirincə desək, muxtar respublikanın qanunvericilik təcrübəsi də
Avropa qanunvericiliyinin tərkib hissəsinə çevrilməkdədir. Hələ 1997-ci ildə Avropa Şurasının Qanun vasitəsilə
Demokratiya Komissiyasının (Venesiya Komissiyası) hüquqi ekspertizasından keçirilən Naxçıvan Muxtar
Respublikasının Konstitusiyası barədə bu mötəbər qurum belə yüksək fikir ifadə etmişdir ki, "Naxçıvan Muxtar
Respublikası digər Avropa muxtariyyətləri arasında geniş muxtariyyətə malikdir. Naxçıvan Muxtar Respublikasının
Konstitusiyası bütövlükdə muxtariyyətin idarə edilməsi qaydalarını şərtləndirən normal əsaslar yaradır və qitənin
digər muxtariyyətlərinin səlahiyyətlərinin və əsaslarının möhkəmləndirilməsində model kimi çıxış edə bilər".
Lakin Azərbaycanın bəzi siyasi dairələri, xüsusən də müxalifət liderləri 1992-1993-cü illərdə olduğu kimi,
bu dövrdə də muxtar respublikanın statusu ilə bağlı əsassız iddialar, bu statusu ləğv etməyə çağıran təkliflər irəli
sürməyə başladılar. Naxçıvanın muxtariyyət statusunun beynəlxalq müqavilələrə əsaslandığını unudan müxalifət
liderləri bəyanatlar verərək bölgənin yeni konstitusiya layihəsinin Azərbaycan Respublikasının Konstitusiyasına
uyğun gəlmədiyini iddia edirdilər. Onların əsas bəhanəsi də bu idi ki, guya unitar dövlətdə muxtariyyət ola bilməz.
Halbuki bu etnik muxtariyyət təşkil etmədiyi üçün heç vədə Azərbaycanın bütövlüyünə təhlükə törədə də bilməz.
Xalqımızın ümummilli lideri Heydər Əliyev Naxçıvan Muxtar Respublikasının 75 illik yubileyi ilə bağlı
yaradılan dövlət komissiyasının iclasında böyük yanğı və narahatçılıqla həmin hadisələri xatırladaraq demişdir:
"Təəssüflər olsun ki, bizim daxilimizdə də müxalifətə mənsub olan, "Naxçıvana muxtariyyət verilməməlidir",
"muxtariyyət ləğv olunmalıdır" fikirləri söyləyən bəzi şəxslər, yaxud Naxçıvanın Konstitusiyasının qəbul
olunmasına mənfi münasibət göstərənlər istər-istəməz Azərbaycana düşmən mövqeyində duran ermənilərin həmin
iddialarına kömək edirlər".
Dahi siyasətçi onu da dönə-dönə deyirdi ki, "Naxçıvanın muxtariyyət statusu alması da çox ağır, gərgin bir
dövrdə, yəni gərgin mübarizələr nəticəsində mümkün olub".
Təməli Heydər Əliyev tərəfındən qoyulan, Naxçıvanın xilasına və inkişafına istiqamətlənən yeni həyat
quruculuğu xətti 1995-ci il 12 noyabr tarixindən - "Heydər Əliyev Konstitusiyası" adlandırılan ilk müstəqil
Konstitusiyamızın qəbulundan sonra dönmədən və ardıcıllıqla həyata keçirilməyə başlanıb. Bu dövr müstəqil
dövlətçilik tariximizdə olduğu kimi, Naxçıvanın müasir tarixində də yeni mərhələnin başlanğıcını qoyub. Həmin
ilin 16 dekabr günü qədim diyarın sakinləri üçün həm də onunla əlamətdar və yaddaqalan olub ki, onlar özlərinə
yenidən düzgün rəhbər seçimi imkanı əldə ediblər, bu şansdan da doğru istifadə edə biliblər. Məhz bu tarixdən
bölgədə yeni həyat quruculuğu xətti böyük istək və məhəbbətlə, coşqun enerji ilə davam etdirilməyə başlanılıb. Son
on beş ildə istər sosial, istərsə də iqtisadı inkişaf sahəsində qazanılan uğurlar da ilk növbədə bu amillə bağlı olub.
Üçüncü çağırış Muxtar Respublika Ali Məclisinin səkkizinci sessiyasında muxtar respublikanın
sosial-iqtisadi inkişafının yekunları barədə geniş təhlilli məruzə ilə çıxış edən Ali Məclisin Sədri Vasif Talıbov qısa
zaman kəsiyi ərzində ötülən yola ötəri nəzər salmaqla belə bir tarixi gerçəkliyi də xüsusi vurğulamışdır ki, ölkəmiz
qısa müddətdə durğunluq və dağıdıcılıq mərhələsindən dirçəliş və quruculuq mərhələsinədək şərəfli bir yol keçib:
"Əgər 1990-1993-cü illərdə Azərbaycanda xaos hökm sürürdüsə, bu gün sabitlikdir. O vaxt hərc-mərclik vardı, bu
gün insanlar əmin-amanlıq içərisində yaşayırlar. O vaxt siyasi mühitdə və iqtisadiyyatda dərin böhran yaranmışdır,
xalq təsərrüfatı tənəzzülə uğrayırdı. Bu gün Azərbaycan iqtisadi artım sürətinə görə lider dövlətə çevrilmişdir".
Azərbaycan Prezidenti İlham Əliyev ötən ilin avqustunda Naxçıvan Muxtar Respublikasının 85 illik
yubileyi təntənəsində həmin dövrün mürəkkəb hadisələrini qiymətləndirərək demişdir: "O illərdə ancaq ulu öndər
Heydər Əliyevin əzmkarlığı. qətiyyəti və siyasi bacarığı Naxçıvanı böyük bəlalardan qorudu... Naxçıvanlılar
Heydər Əliyevi qorudular. Heydər Əliyev isə Naxçıvanı qorudu".
Muxtar respublika iqtisadiyyatının inkişafı istiqamətində aparılan məqsədyönlü siyasət hər il məhsul
istehsalının və əhalinin həyat səviyyəsinin yüksəldilməsinə gətirib çıxarıb. Son on beş ilin makroiqtisadi
göstəriciləri də deyilənləri sübut edir. Bunun üçün bir neçə statistik rəqəmə nəzər yetirmək kifayət edər. Ümumi
daxili məhsul 1994-cü ildəki 37287,7 min manatlıqdan 2009-cu ilin yanvar - noyabr aylarında 850526,6 min
manatlığa yüksələrək 22,8 dəfə artıb. Həmin dövrdə adambaşına ümumi daxili məhsul isə 18,8 dəfə çoxalaraq 113,4
manatdan 2128,4 manata çatıb. Bu müddətdə muxtar respublikanın şəhər və kəndlərində 188 təhsil ocağı, 158
səhiyyə müəssisəsi, 143 mədəniyyət obyekti, 355 inzibati bina tikilib istifadəyə verilmişdir. Ötən dövrdə 105 yeni
körpü salınmış, 52 tarixi abidə və dini bina əsaslı təmir və bərpa olunmuşdur.
Bu inkişaf bölgədə əhalinin artımına və məskunlaşmasına da öz təsirini göstərib. Son on ildə muxtar
respublikanın əhalisi 40 min nəfərə yaxın artaraq 400 min nəfəri ötüb.
Ötən ilin iqtisadi göstəriciləri daha yüksək artım sürəti ilə müşayiət olunub. Əvvəlki ilin müvafiq dövrü ilə
müqayisədə iqtisadi inkişafın əsas ümumiləşdirilmiş göstəricisi olan ÜDM istehsalının həcmi 20,5 faiz artıb.
Muxtar respublikada ilk dəfə olaraq 2009-cu ilin 11 ayı ərzində ümumi daxili məhsulun həcmi 1 milyard ABŞ
dolları səviyyəsini üstələyib. Əgər ötən ilin yanvar - noyabr aylarında ümumi daxili məhsul istehsalı 696 milyon
manat təşkil edirdisə, 2009-cu ilin müvafiq dövründə bu rəqəm 851 milyon manata çatmışdır. Ümumi daxili
məhsulun adambaşına düşən həcmi isə 18 faiz artaraq 1801 manatdan 2128 manata çatıb. Təbii ki, dünyanın əksər
ölkələrində iqtisadi böhranın sürətlə tüğyan etdiyi bir dövrdə məmləkətimizin ayrılmaz bir parçası olan Naxçıvanda
qazanılan uğurlar həqiqətən də ürəkaçan olub.
Son illər iqtisadi inkişafda diqqəti cəlb edən əsas amillərdən biri də ümumi daxili məhsulda
tikinti-quraşdırma işlərinin xüsusi çəkisinin davamlı olaraq yüksəlməsidir. Tikinti-quraşdırma tədbirlərinin
həcminin artması bir tərəfdən yeni iş yerlərinin açılmasına, əhalinin məşğulluq səviyyəsinin yüksəldilməsinə və
maddi rifah halının yaxşılaşmasına şərait yaradırsa, digər tərəfdən bu yolla muxtar respublikada mövcud şəhər və
kəndlərin sosial simaları ildən-ilə yeniləşir, infrastruktur potensialı hərəkətə gətirilir.
2009-cu ilin 11 ayı ərzində muxtar respublikada bütün maliyyə mənbələri hesabına əsas kapitala 367 milyon
139 min manat həcmində investisiya yönəldilib. Bu isə 2008-ci ilin müvafiq dövründə istifadə olunan 271 milyon
manatlıq investisiyadan 96 milyon manat çox olub. İnvestisiya qoyuluş-larının 326 milyon manatı və ya 89 faizi
tikinti-quraşdırma işlərində istifadə edilib.
Mövcud istehsal müəssisələrinin fəaliyyətini bərpa etməsi, yaxud onların yenidən qurulması, yeni emal
sahələrinin yaradılması hesabına bu gün muxtar respublikada 280 növdə məhsul, o cümlədən 106 növdə ərzaq və
174 növdə qeyri-ərzaq məhsulları istehsal olunur.
Yeni istehsal sahələrinin fəaliyyətə başlaması əhalinin işlə təmin olunmasına, gəlirlərin səviyyəsinin
yüksəlməsinə də səbəb olmuşdur. 2009-cu ilin ötən 11 ayı ərzində muxtar respublika-da əhalinin gəlirləri 2008-ci
ilin müvafiq dövrü ilə müqayisədə 31 faiz artaraq 800 milyon manatdan çox olmuşdur. 2009-cu ilin 11 ayı ərzində
muxtar respublikada 4 min 481 yeni iş yeri açılmışdır ki, onun da 3 min 211-i və ya 72 faizi daimi iş yerləridir.
Naxçıvanın muxtariyyət statusu bu gün də ərazicə Azərbaycandan ayrı düşmüş, blokada şəraitində yaşayan
regionda dövlət hakimiyyət orqanlarının ahəngdar fəaliyyətini təmin edən mühüm amildir. Əsası ümummilli
liderimiz tərəfindən qoyulan qonşu xarici dövlətlərlə qarşılıqlı faydalı əməkdaşlıq siyasəti də uğurla davam etdirilir.
Muxtar respublika həm də Avropa Şurası ilə geniş əməkdaşlıq edir, onun səlahiyyətli nümayəndələri bu qurumun
Yerli və Regional Hakimiyyətlər Konqresinin Regionlar Palatasında layiqincə təmsil olunurlar.
Naxçıvan məmləkətimiz üçün həmişə strateji əhəmiyyətli bir bölgə olub. Dünyanın görkəmli dövlət
xadimlərindən biri olan Heydər Əliyevin düşünülmüş və uzaqgörən siyasətində də bu amil həmişə üstün yer tutub.
Bəlkə də elə bu mənada müdrik insan, dahi rəhbər siyasi fəaliyyətinin ayrı-ayrı dövrlərində bu diyarın
möhkəmlənməsinə və inkişafına xüsusi qayğı və diqqət göstərib. Söz düşəndə də dönə-dönə deyib ki, "Naxçıvanın
muxtariyyəti tarixi hadisə olubdur. Bu çətin bir dövrdə böyük bir mübarizənin nəticəsi olubdur."
Prezident İlham Əliyev də bu ənənəni, siyasi xətti uğurla davam etdirməyə çalışır. Naxçıvan Muxtar
Respublikasında həyata keçirilən siyasət də bölgənin Azərbaycan tərkibində ərazi bütövlüyünün qorunub
saxlanılmasına, onun statusunun möhkəmlənməsinə xidmət edir. Naxçıvana səfəri çərçivəsində çıxışlarının birində
dövlət başçımız bir daha bölgənin möhkəmləndirilməsinin vacibliyindən danışaraq deyib: "Naxçıvana daim xüsusi
diqqət göstərilməlidir. Naxçıvan Azərbaycanın qədim diyarıdır, qədim torpağıdır, strateji əhəmiyyətə malikdir..."
Qarşıda duran həlli vacib vəzifələrdən danışan dövlət başçımız onu da deyib ki, "...Naxçıvanın tarixinin hələ də
tədqiq edilməyə ehtiyacı olan səhifələri açılmalı, bu diyarın tam dolğun, obyektiv tarixi xalqımıza, habelə dünya
ictimaiyyətinə olduğu kimi çatdırılmalı, erməni siyasətçilərinin tarixi saxtalaşdırmaq cəhdlərinə tutarlı cavab
verilməlidir". Bu ilin aprel ayında bir sıra xarici ölkələrin tədqiqatçı alimlərinin birgə iştirakı ilə keçirilən "Nuh
peyğəmbər: dünya tufanı və Naxçıvan" mövzusunda beynəlxalq simpozium da bu istiqamətdə həyata keçirilən
tədbirlərdən biri olub. Həmin günlərdə Naxçıvan şəhərində Nuh peyğəmbərin məzarüstü türbəsinin açılış mərasimi
də olub.
Dünənə qədər əyalət mərkəzini xatırladan, bu gün isə ölkəmizin mühüm ictimai-siyasi mərkəzlərindən
birinə çevrilən bu şəhər həm də dünyanın kütləvi informasiya vasitələrinin diqqətini cəlb edən böyük və nüfuzlu
toplantılara, tədbirlərə, mərasimlərə - ev sahibliyi" edir. Aparılan quruculuq tədbirləri nəinki ölkə miqyaslı, hətta
beynəlxalq səviyyəli tədbirlərin də burada keçirilməsinə zəmin yaradıb. Ötən il oktyabr ayının 2-də və 3-də
Türkdilli Ölkələrin Dövlət Başçılarının Doqquzuncu Zirvə görüşünün Naxçıvanda keçirilməsi muxtar respublikanın
dünya miqyasında tanıdılmasında mühüm rol oynayıb. Türk dünyasının böyük siyasi xadimləri olan Türkiyə
Prezidenti Abdullah Gül, Qazaxıstan Prezidenti Nursultan Nazarbayev, Qırğızıstan Prezidenti Kurmanbek Bakiyev
də muxtar respublikanın bugünkü sosial-iqtisadi inkişafı ilə yaxından tanış olublar.
"Naxçıvanın Türkiyə üçün çox böyük əhəmiyyəti vardır... Bu sərhədimiz Türkiyənin türk respublikaları ilə
coğrafi birliyini də əlaqələndirən çox rəmzi bir keçiddir. İkinci tərəfdən, Azərbaycanın digər torpaqlarından ayrı
olması nəticəsində Naxçıvan ilə qonşuluq və qardaşlıq münasibətlərindən əlavə, sıx əlaqələrimiz vardır", - deyən
Abdullah Gül regionun geostrateji məkanda oynadığı rolu yüksək qiymətləndirib.
Bir sözlə, son on beş il ərzində Naxçıvanda dəyişən təkcə regionun statusu olmayıb. Muxtar Respublika
həqiqətən inkişaf və tərəqqi dövrünə daxil olub. Təbii ki, bu inkişafda Muxtar Respublika Ali Məclisinin Sədri
Vasif Talıbovun böyük xidmətləri var.
Dövlətimizin başçısı cənab İlham Əliyev də muxtar respublikanın 85 illik yubiley mərasimindəki nitqində
son illərdə görülən işləri, həyata keçirilən tədbirləri yüksək qiymətləndirib: "Naxçıvanda çox geniş quruculuq,
abadlıq işləri aparılır, şəhər gözəlləşir, yeni binalar tikilir, köhnə binalar təmir edilir. Bir sözlə, hər bir Naxçıvan
sakini əldə edilmiş bu uğurlarla haqlı olaraq fəxr edə bilər. Mən bütün naxçıvanlıları bu böyük uğurlar münasibətilə
təbrik etmək istəyirəm. Naxçıvan rəhbərliyinə və Naxçıvanın rəhbəri Vasif Talıbova öz minnətdarlığımı bildirmək
istəyirəm".
Naxçıvan Muxtar Respublikası Azərbaycanın tərkib hissəsi kimi ölkəmizin ictimai-siyasi, iqtisadi-mədəni
həyatı ilə həmahəng şəkildə özünün tarixi inkişaf yolunu uğurla davam etdirir. Prezident İlham Əliyevin sözləri ilə
desək, "Muxtar respublika bu gün də milli dövlət quruculuğu prosesinin fəal iştirakçısıdır, ölkəmizin iqtisadi
qüdrətinin artırılmasına və intellektual potensialının gücləndirilməsinə dəyərli töhfələr verir".
İSTİFADƏ OLUNMUŞ ƏDƏBİYYAT
1. Qayıdış (1990-1993) Sənədlər toplusu. Bakı: Azərbaycan, 2008, 840 s.
2. Məmmədov M. Naxcıvan Muxtar Respublikasında ictimai-siyasi proseslər (1988 2005-ci illər). Bakı:
Şirvannəşr, 2005, 208 s.
3. Məmmədov M Milli istiqlal mücadiləsinin Naxçıvan mərhələsi // Dirçəliş XXI əsr, 2008, 116-117
4. Məmmədov M. Naxçıvanın iqtisadi potensialı daha da güclənəcək // Azərbaycan, 24 iyun 2008
5. Məmmədov M. Naxçıvan inkişaf edir, çiçəklənir (Üçüncü çağırış Naxçıvan MR Ali Məclisinin
səkkizinci sessiyasından qeydlər) // Azərbaycan, 30 dekabr 2009
6. Məmmədov M. Naxçıvan inkişafının sürətli mərhələsinə qədəm qoyur // Azərbaycan, 16 yanvar 2010
7. "Naxçıvan Muxtar Respublikasının 85 illik yubileyinin keçirilməsi haqqında" Azərbaycan Respublikası
Prezidentinin Sərəncamı // Azərbaycan. 7 fevral 2009
8. Naxçıvan Muxtar Respublikasının 85 illik yubileyinə həsr edilmiş təntənəli yubiley mərasimində
Azərbaycan Prezidenti İlham Əliyevin nitqi // Azərbaycan, 5 avqust 2009
9. Naxçıvan Muxtar Respublikasının 85 illik yubileyinə həsr edilmiş təntənəli yubiley mərasimində //
Naxçıvan, 5 avqust 2009
10. Naxçıvan Muxtar Respublikasının 85 illik yubileyi ilə bağlı keçirilən tədbirdə Naxçıvan MR Ali
Məclisinin Sədri Vasif Talıbovun çıxışı // Azərbaycan, 5 avqust 2009
NAKHCHIVAN IN THE PERIOD OF INDEPENDENCE.
Mamed Mamedov
.
The work makes analysis of main historical stages and results of social-political and social-economic
development of Nakhchivan as the region that played a special role in the 80-90s of the last century in starting
national movement for freedom in Azerbaijan with the aim to get state independence, to ensure sovereignty and
territorial integrity of the Republic. Underlying vital character of election of the nationwide leader of Azerbaijan
Heydar Aliyev as Chairman of the Supreme Council of Nakhchivan, the author analyzes the key aspects of
conducting democratic reforms, strategic trends in boosting economy, implementation of social programs in
Autonomy.
НАХЧЫВАН В ПЕРИОД НЕЗАВИСИМОСТИ.
Мамед Мамедов.
В работе прово дится анализ основных исторических этапов и итогов общественно-политического и
социально-экономического развития Нахчывана как региона, сыгравшего особую роль в 80-90-х гг.
прошлого века в развертывании национально-освободительного движения в Азербайджане с целью
обретения государственной независимости, обес печения суверенитета и территориальной целостности
республики. Особо отмечая судьбоносный характер избрания общенационального лидера Азербайджана
Гейдара Алиева председателем Верховного Совета Нахчывана, автор исследует важнейшие аспекты
проведения демократических реформ, стратегических направлений подъема экономики, реализации
социальных программ в автономии.
Dostları ilə paylaş: |