10
Bəzi dietik çörək növlərinə kəpək (0.5–1.0 mm ölçüdə) əlavə edirlər ki, onun
da tərkibində B qrup vitaminləri, tokoferollar, mineral maddələr, eləcə də həll olan
dəmir var.
Kəpəkdə olan mineral maddələrin, eləcə də vitamin və zülalların insan
orqanizmi tərəfindən yaxşı mənimsənilməsi üçün onun təkrar üyüdülməsi vacibdir.
Məsələn, tərkibində 20 – 25 % narın xırdalanmış kəpək olan buğda unundan
alınmış məmulatlarda dəmirin miqdarı , əla sort undan hazırlanmış baton və
bulkalara nisbətən 2,6 dəfə, kaliumun miqdarı isə 2,5 dəfə çoxdur.
Buğdanın dən rüşeymi ilə zəngin olan çörək nəinki sağlam insanlara, həm də
ateroskleroz, pallaqra və maddələr mübadiləsinin pozulması nəticəsində yaranan
digər xəstəliklərdən əziyyət çəkən xəstələrə dietik məhsul kimi tövsiyə olunur. Dən
rüşeymində bəsləyici ( qidalı ) maddələrdən başqa itaza fermenti də mövcuddur ki,
bu da mineral maddələrin
orqanizm üçün əlverişli şəkildə saxlanılması üçün şərait yaradır.
Çörəyin kalsium ilə zənginləşdirmək üçün müxtəlif əlavələr tətbiq olunur:
kalsi – qlükonat, mineral zənginləşdirici “Kalsievıy“ .
Xəmirə quru yağsızlaşdırılmış südün əlavə edilməsi daha effektlidir, onun
tərkibində mövcud olan kalsium insan orqanizmi tərəfindən asan mənimsənilə
bilən formadadır. Bundan başqa , xəmirə kalsi – fosfat və süd zərdabı əlavə
edilməsi məsləhət görülür.
Quru yağsızlaşdırılmış süd aşağıda sadalanan məmulatların resepturainə
daxil edilmişdir: şəhərçörəyi, belorus çörəyi, müxtəlif bulkaları və s. Yüksəkzülallı
süd məhsullarının tətbiqi məmulatların aminturşu tərkibini yaxşılaşdırmaqla
bərabər, kalsium və B
2
vitamininin miqdarını artıraraq, kalsium: fosfor nisbətini
insan orqanizmi üçün optimal səviyyəyə çatdırır.
Çörək istehsalı zamanı un kütləsinin 10–25 % - də suyun əvəzində süd
zərdabının istifadə olunması , mineral maddələrin ,eləcə də zülal və vitaminlərin
miqdarını n xeyli artmasına səbəb olur. Süd zərdabı kəpəksiz çovdar unundan olan
taxıl çörəyinə, birincı sort undan hazırlanan bulkaların resepturainə daxil edilir.
11
Çörək–bulka məmulatlarının dəmirlə zənginləşdirilməsi ölkədə ekoloji
vəziyyətin pisləşməsi nəticəsində dəmir çatışmazlığı ilə müşayət olunan
anemiyaların artması hallarında aktualdır.
Çörəkdə dəmirin miqdarını artırmaq üçün ya üyüdülməni uyğun olaraq
dəyişdirmək , ya da əla sort una duzlar, məsələn dəmir–sulfat duzu əlavə etmək
olar. Bu məqsədlər üçün “RosbioteksMobi “ şirkəti ( Obninsk şəh. )
“Hemobin” adlı əlavəni təklif etmişdir. Bu əlavənin üstünlüyü ondadır ki, o, ən
yaxşı heyvanların qanından alınmışdır və onun tərkibində təbii qan əmələ gətirən
dəmir vardır ki, o, eynilə mioqlobin və hemoqlobində movcud olan formaya
malikdir. İnsanların və ali heyvanların hemostrukturu eynidir. Təbiət tərəfindən
yaradılan hemoforma (Fe
2+
) və insan orqanizmində mövcud olan
ekzogen və endogen dəmirin mənimsənilməsınin fizioloji – biokimyəvi mexanizmi
“Hemobin”
preparatının yüksək bioloji aktivliyini, anemiyaya qarşı tez və aydın görünən
təsirini müəyyən edir.
Çörəyin qida dəyərini artırmaq üçün həm də fosforlu konsentratlardan,
səməni şəkəri preparatlarından və duz mayalarından istifadə olunur. Çörəkbişirmə
müəssisələrində normal və
aşağı keyfiyyətli undan çörək hazırlanarkən duz mayalarından, məsələn, natrium
xlorid, natrium ftorid və dəmir sulfatdan istifadə etmək məsləhət görülür.
Endemik zobun profilaktikası üçün çörəyi yodla zənginləşdirmək
məqsədəuyğundur.Bu məqsədlə kimyəvi təmiz kalium-yodid, dəniz kələmi, ya da
yodkazein preparatlarından istifadə edirlər. Bunun əsasında aşağıdakı məmulatlar
işlənib hazırlanmışdır: dəniz kələmindən buğda çörəyi, dəniz kələmindən çovdar
çörəyi, yodlaşdırılmış buğda çörəyi və s.
Yodla zənginləşdirilmiş məmulatlardan qalxanvarı vəzin xəstəliklərində,
ürək–damar xəstəliklərində, eləcə də onların profilaktikasında istifadə etmək
məsləhətdir.
Uşaqlarda və yaşlılarda
mikronutrient çatışmazlığının
xoşagəlməz
nəticələrini nəzərə alaraq, RTEA “Valetek–prodimpeks“ QSC ilə birgə
12
çörəkbişirmə sənayesi üçün bir sıra zənginləşdiricilər təqdim etmişdir: B qrupu
vitaminləri, fol turşusu, betta-karotin, yod: 0,2 %- li
betta-karotin bitki yağında, 40 mkq yoda malik xörək duzu, “Valetek“ vitamin-
mineral zənginləşdiriciləri, B
1
, B
2
, B
6
, PP, fol turşusu, dəmir və kalsiumlu buğda
unu, şəkər və nişasta mayaları ilə vitaminlərin istehsal prosesində çörək–bulka
məmulatlarının saxlanması zamanı
yüksək stabilliyini təmin edir. Yaşlı insanların 2q “Valetek“ zənginləşdiricisindən
istifadəsi zamanı orqanizmin B qrupu vitaminlərinə olan sutkalıq tələbatı 60 – 80
%, dəmirə olan tələbatı 40 – 50 % ödənmiş olur.
Çörəyin dadı xəmirin yoğrulması zamanı istifadə olunan sudan, onun
tərkibində olan duzların miqdarından çox asılıdır. Məlumdur ki, distillə suyu və
yumşaq artezian suyunda duz azdır. Çörəyin mineral maddələrlə zənginləşdirilməsi
zamanı istifadə olunan suyun codluğunu bilmək vacibdir.
Suyun minerallaşdırılması ona təmiz reagentlərin, duzlu suyun əlavə
edilməsi, elektrik emalı ilə həyata keçirilir. Qatılaşdırılmış duz məhlullarının və
həbşəkilli minerallaşdırılmış əlavələrin suya qatılması metodu daha geniş
yayılmışdır. Sənayedə içməli su üçün kalsium karbonat, natrium xlorid və natrium
bikarbonatdan ibarət əlavələrin standart dəstlərini istehsal edirlər. Onların
sərfiyyatı 1dm
3
su üçün 120–150 mq təşkil edir.
Suyu nəinki minerallaşdırmaq, həm də təmizlənmiş duzlu dəniz suyu əlavə
etməklə ona müalicəvi xüsusiyyətlər vermək mümkündür.
Yuxarıda qeyd olunanlardan belə nəticə çıxarmaq olar ki, çörək insan
orqanizmi üçün əsas enerji, bitki zülalları, karbohidrat mənbəyidir. Eyni zamanda
kalsiuma, maqneziuma, dəmirə, B və PP vitaminlərinə, bitki liflərinə olan tələbatı
müəyyən dərəcədə təmin edir. Lakin çörək–bulka məmulatlarının zülal
keyfiyyətini artırmaq üçün onların hazırlanma resepturasına azlıq təşkil edən
aminturşulardan lizin və treonin daxil etmək, kalsium–fosfor, kalsium və
maqnezium balansını yaxşılaşdırmaq, unu və yarımfabrikatları vitaminləşdirmək,
onları dənin emal məhsullarında, meyvə - tərəvəz tozlarında olan bitki lifləri ilə
zənginləşdirmək lazımdır.
Dostları ilə paylaş: |