Təlim əməyi məktəblilərin əməyinin əsas növüdür və əqli, iradi gərginlik tələb edir. Tədris vaxtının əsas büdcəsini intellektual əmək təşkil edir. Əmək tərbiyəsi üçün əmək dərslərinin (texnologiya dərsləri) xüsusi əhəmiyyəti vardır. Onlar bu dərsdə əmək əməliyyatlarına , əmək vərdişlərinə , texniki və texnoloji biliklərə yiyələnirlər. Şagirdlərdə təlim əməyi, bacarıq və vərdişləri aşılamaq , nəzəri bilikləri əməyə , istehsalata və həyata tətbiq etdirmək məktəbin mühüm vəzifəsidir.