1
QHT Audit proqramı: Sosial Məsələlər üzrə Đşçi Qrupun hesabatı
BP şirkətinin ümumi cavabı
BP şirkəti məmnunluq hissi ilə fürsətdən istifadə edərək, Sosial Qrupa BP/BTC/CQBK –
ACĐ QHT Audit proqramında iştirakına görə təşəkkür edir. Biz BP şirkəti, IRC və (ümid
edirik ki) QHT iştirakçıları üçün dəyərli nəticə çıxarılmış keyfiyyətli hesabata görə qrupu
təbrik edirik. Biz nəticələr cədvəlində daha spesifik, texniki və audit yönümlü cavablar
verdiyimizə görə, bu ümumi cavab hesabatda çıxarılmış ümumi nəticələrə və qaldırılmış
əsas məsələlərə BP və IRC-ninreaksiyasını bildirmək məqsədi daşıyır.
Layihənin təsirinə məruz qalan icmalarda mikrolayihələrin həyata keçirilməsi üçün
CQBK, IRC və milli QHT tərəfdaşlarının necə fəaliyyət göstərdiyini yoxlayarkən Audit
qrupu bizə böyük xidmət göstərmişdir. Bizim bu icmalarla işləmək öhdəliyimizi nəzərə
alsaq, bu davamlı inkişaf səylərinin səmərəli şəkildə həyata keçirilməsi ilə əlaqədar
müstəqil fikir olduqca dəyərlidir. Belə bir fikir (və Sosial qrupun auditi) haqlı olaraq
bizim öz prosedur və təlimatlarımıza nə dərəcədə yaxşı riayət etməyimizin
qiymətləndirilməsi ilə başlanır. Buna görə də Audit qrupunun bizim ümumi işimizi
müsbət xarakterizə etməsindən məmnunuq və biz qrupun irəli sürdüyü konstruktiv
təklifləri alqışlayırıq.
Sosial qrup mürəkkəb əlaqələr dəstini və icraçıları audit etmişdir. Yoxlanılan spesifik
icma mikrolayihələri bizim ictimai sərmayə proqramımızın (ĐSP) bilik-bacarıqlar
yaradılması yolu ilə həyata keçirilməsi işinə yerli QHT-lərin (YQHT) cəlb olunması
fəaliyyətini özündə əks etdirir. Bu QHT-lər IRC tərəfindən təmin olunan təlimatlara
riayət etməyi öhdələrinə götürmüşlər. Bu YQHT-lərin təlimatçısı və hamisi rolunda IRC
üçün ilk proqram idi. Eyni zamanda, bu proqram YQHT-lər və icmalar üçün ilk proqram
idi. Yuxarıda qeyd olunanları nəzərə alaraq, biz nəticələrdən məmnunuq. Belə bir şəraitdə
öhdəliyin müəyyənləşdirilməsi və işlərin qiymətləndirilməsi çətindir; son nəticədə biz
hesabatda öz əksini tapmış bir sıra tapıntılarla razı deyilik. Buna baxmayaraq, biz həvəslə
etiraf edirik ki, qrup bir sıra dəyərli müşahidələr aparmışdır və bunu qeyd etməklə, biz
qrupun səylərini uğurlu hesab edirik.
Sosial qrupun audit hesabatında bir sıra müsbət nəticələrin əks olunduğunu görmək bizi
məmnun edir. Bunların sırasına prosedur qaydaların yoxlanılması (icmanın səfərbər
olunması, qadınların cəlb edilməsi, layihənin seçilməsi və planlaşdırılması) və əsaslı
maliyyələşdirmə və büdcələşdirmə proseslərinin təqdir edilməsi daxildir. Bizi xüsusilə
Audit qrupunun çıxardığı belə bir nəticə məmnun etmişdir ki, “mikrolayihələr ...
qaydalara uyğun həyata keçirilmişdir” və “mikrolayihələrin həyata keçirilməsi icmaların
inkişafında və sosial problemlərin həllində müsbət təsirə malik olmuş və əhəmiyyətli rol
oynamışdır.”
Biz Audit qrupunun hər üç ölkədə sənədləşmə proseslərinin zəif aparıldığı ilə əlaqədar
qeyd etdiyi nöqsanı maraqla oxuduq. Qrupun müşahidələrinə görə mahiyyət etibarı ilə,
çoxsaylı icmaların səfərbər olunduğu, təlim kurslarının keçildiyi və digər görüşlər
zamanı, yaxud sonra nadir hallarda protokolların tərtib olunması güman ki, təlimin və
nəzarətin yetərli olmaması ilə bağlıdır. Maraqlıdır ki, sözügedən təlimat sənədi (Đcmanın
2
iştirakının qiymətləndirilməsi) görüşlərin sənədləşdirilməsi və iştirakçılar siyahısının
tutulmasını icma könüllülərindən tələb edir,. Həqiqətən, QHT-lər və icmalar üçün üçün
keçirilmiş təlim kursu icma probleminin həll edilməsi ilə əlaqədar icma səfərbərliyi ilə
bağlı idi nəinki qeydlərin götürülməsilə. Biz burada məhəl qoyulmamış və ya yerinə
yetirilməmiş öhdəlikdən söz getdiyinə inanmırıq. Buna baxmayaraq, biz Audit qrupu ilə
razılaşmalıyıq ki, görüş və nəticələrin peşəkar səviyyədə sənədləşdirilməsi üçün milli
QHT-lər və icmalar arasında bacarıqların artırılmasına imkan yaradılması həqiqətən
dəyərli bir işdir.
Əslində, bu məsələyə daha konkret diqqət yetirilməsi Qrup tərəfindən uyğunsuzluq kimi
müəyyən edilmiş sənədləşdirmə məsələsini aradan qaldırmış olardı. Bu məsələnin
aşkarlanmasında auditin ümumi əhəmiyyəti ilə bağlı rəylər fərqli ola bilər (son nəticədə
həyata keçirilmək üçün seçilmiş layihəyə dair icma sənədlərində yanlış əks olunma).
Amma aydındır ki, icma sənədləşmə məsələlərinə daha böyük diqqət verilməsi üçün bu
təklifdə bizim gələcəkdə nəzərə alacağımız dəyərli məlumat var.
Bizim fikrimizcə, Sosial qrupun müşahidələrinin ən diqqətəlayiqi icmanın uzunmüddətli
inkişaf strategiyası ilə bağlıdır. Hesabatda qeyd olunduğu kimi, IRC təşkilatının Đcma
Əsaslı Kompleks Đnkişaf (ĐƏKĐ) yanaşmasına davamlı inkişafın bir komponenti olaraq
mikrolayihələrin həyata keçirilməsi daxildir. Qrup hesab edir ki, bu komponent “yalnız
bəzi hallarda davamlı olmuşdur, amma layihə həyata keçirildikdən sonra icmada
bacarıqların yaradılması təmin olunmamışdır.” Biz qrupun öhdəliyin pozulmasını nəzərdə
tutan bu iradı ilə razı deyilik.
Biz inanırıq ki, davamlılıq icmanın öz inkişafında iştirakının sistemli şəkildə
həvəsləndirilməsi ilə dəstəklənir və bu iş ehtiyacların qiymətləndirilməsindən tutmuş
mikrolayihələrin həyata keçirilməsinə və həyata keçiriləndən sonra qiymətləndirmə
prosesinə qədər davam edir. Görəsən, biz bütün hallarda uğur qazanılacağını iddia edə
bilərikmi? Təəssüf ki, yox. Bu uzunmüddətli məqsədin həyata keçirilməsi üçün hər bir
icmaya eyni təlim kursu keçilir. Đcmanın davamlı inkişafı hadisədən daha çox prosesdir,
elə bir proses ki, icmaların özlərinin xarakteri, enerjisi və diqqətinə əsaslanır.
Biz hesab edirik ki, BP/BTC/CQBK və IRC bacarıqların yaradılmasına, bizim
davamlılığa təminat verdiyimiz qədər təminat verə bilər. Đcmanın davamlı inkişafını
təmin edə bilən yeganə tərəf icmanın özüdür. BP/BTC/CQBK və IRC bu auditin
məqsədləri və ümumiyyətlə icmanın inkişafına imkan yaradılmasına dəstək olmaq
baxımından öz prinsiplərinə riayət edilməsinə görə məsuliyyət daşıyırlar. Biz əminik ki,
bizim davamlılığa dəstək işimiz nümunəvi bir işdir, amma etiraf edirik ki, bu iş öyrənmə
və təkmilləşdirmə ilə bağlı fasiləsiz bir prosesdir.
Nəhayət, biz Sosial Qrupa göstərdiyi səylərə, təhlili fikirlərə və verdiyi tövsiyələrə görə
bir daha təşəkkür edirik. Biz qrupu təbrik edir və ümidvar olduğumuzu bildiririk ki,
onların QHT audit proqramında iştirakı səmərəli və faydalı olmuşdur.