11
tapşırıqların verilməsi bu prosesin əsas elementidir.
Kitabda
köhnə metodika ilə müasir sual və tapşırıqları qısaca müqayisə
etməklə fərqi aydınlaşdırmağa çalışmışıq.
12
KURRIKULUMU ÖYRƏNƏK
Bu gün təhsil ictimaiyyətində “Ibtidai siniflər üçün
milli kurrikulum” sənədinə münasibətdə fərqli meyllər hiss
olunur. Bu sənədin əsas mahiyyətini dərk edənlər onun
konseptual bir sənəd olduğunu etiraf edir və göstərirlər ki, bu,
təhsilimizdə yeni mərhələdir. Irəliyə doğru atılan çox mühüm
bir addımdır.
Bir şey tam aydındır. Elmin bütün incəliyini bilən ən
görkəmli alim belə özünü yaxşı müəllim hesab edə bilməz.
Çünki böyük alim olmaq hələ yaxşı müəllim olmaq demək
deyil. Kurrikulum bizə öyrədir ki, şagirdə elmi məlumatların
çox verilməsi işin ancaq başlanğıcı ola bilər. Halbuki uşağa
elmi biliklərin çox-çox verilməsinin də elə bir faydası yoxdur.
Çünki şagirdin yadında saxladığı və ya əzbərlədiyi elmi
məlumat ona müəyyən bacarıqların yaranmasında kömək edə
bilər. Elmi məlumatın özü bacarıq deyil, bacarıqlara çatmaq
üçün vasitədir.
Ana dili kurrikulumu şagird bacarıqlarını məzmun
xətləri əsasında müəyyənləşdirir. Ana dili üçün (“Oxu”da
buraya daxildir) məzmun xətləri belə müəyyənləşir.
1. Dinləyib danışma və anlama
2. Ifadəli oxu
3. Gözəl yazı
4. Dil qaydalarının mənimsənilməsi
Göründüyü kimi ibtidai sinif şagirdindən dörd bacarıq
tələb olunur:
Dinləyib-danışma, dinləyib-anlama, gözəl ifadəli oxu
və yazı bacarıqları. Bunlar nitq bacarıqlarıdır. Məzmun
xətlərindəki dil qaydaları isə bu bacarıqlara yiyələnmək üçün
şagirdin əlində sehrli çıraqdır. Biz yalnız dil qaydalarını
öyrətməklə şagirdə ana dilinin gözəlliyini, füsunkarlığını təlqin
edə bilmərik. Əgər şagird dil qaydalarını öyrəndikdən sonra
dayanıb dursa çəkilən zəhmət hədər gedəcəkdir. Buna görə də
13
müəllim şagirdə qaydaları əzbərlətməklə hələ işin az hissəsini
görmüş olur.
Hər bir ibtidai sinif müəllimi ilk bacarıqları
öyrədərkən orta məktəbi qurtarana qədər bu şagirddən hansı
bacarıqları gözlədiyini təxmin etməyi bacarmalıdır. Sonu
görmək bacarığı həqiqi ibtidai sinif müəlliminin ən mühüm
keyfiyyətidir.
Ana dili sahəsində əlimizdə olan Kurrikulum I-IV
siniflərdə aşağıdakı təhsil komponentlərini müəyyənləşdirir:
1. Ayrı-ayrı təhsil pillələri üçün (ibtidai, əsas, orta)
hər bir məzmun xətti üzrə təlim nəticələri
II. Məzmun standartları
III. Fənlərarası və fəndaxili inteqrasiya
IV Təlim texnologiyaları
V Qiymətləndirmə
Təhsilin məzmunu əsas bilik və bacarıqların
yaradılmasıdır. Məzmunu konkretləşdirmək məqsədilə
strategiyalarda onun xətlərinin dürüst xətləri verilmişdir.
Məzmun xətti təlimin bütün mərhələlərindən keçir.
Oxu, yazı, dinləyib-anlama və danışma məzmun
xəttinin bel sütunu hesab olunur. Onları nitq bacarıqları kimi də
təsnif etmək olar. Nitq bacarıqları şagirdin həm yazılı, həm də
şifahi nitqini əhatə edir. Əslində ibtidai sinifin bütün məqsədi
elə budur. Dil qaydaları həmin məqsədə çatmaq üçün vasitədir.
Deməli biz dil qaydalarını ona görə mənimsədirik ki, uşaq nitq
bacarıqlarına yiyələnsin. Başqa sözlə, dil qaydalarını əzbər
bilmək şagirdin bacarığı deyil, vəzifəsidir. Bu çox incə bir
məqamdır. Indiyə qədərki təhsilimizin əsas qüsurlarından biri
qrammatik qaydaların əzbərlənməsinin şagird nailiyyəti hesab
edilməsi idi. Buna görə də ibtidai məktəbin ana dili kitablarında
saysız-hesabsız qrammatik məfhumları
əzbərlətməyə
yönəldilən tapşırıqlar olurdu. Bu tapşırıqları mənimsəyən
14
azyaşlı uşaqların özləri də heç biri nitq bacarığına nail ola
bilmirdi.
“Dinləyib anlama və danışma” bir komponenet kimi
iki hissəyə ayrılır. Dinləyib anlamaq və dinləyib danışmaq.
Bunların hər biri müstəqil bacarıqdır. Dinləyib danışmaq yalnız
bir məfhumu əhatə edir. Amma dinləyib anlamaq anlayışının
altında bir neçə mühüm bacarıq gizlənir. Anlamaq məfhumu
çox mənalıdır. Uşaq anladığını müxtəlif növ yazılarla, şəkil
çəkməklə, verilmiş şəkilləri süjetə uyğun düzməklə ifadə edə
bilər.
Dinləmə sadəcə eşitmə deyil, şüurludur. Dinləmə və
oxu bacarıqlarını uşaq anlamaq yolu ilə qazanır. II sinfin
“Azərbaycan dili” dərsliyinin müəllifləri anlamanı və dinləməni
mühüm şagird nailiyyəti hesab edərək göstərirlər ki, şagird
dinləmə və oxu bacarıqlarına yiyələnməklə nail olur və yazı
bacarıqlarını dinləməklə anlayır...(63, 7) Vacib şagird
nailiyyətlərindən biri də dinlədiyini, oxuduğunu, gördüyünü,
düşündüyünü anlamaqdır. Buna danışma və yazı vasitəsilə nail
olmaq mümkündür. (63, 7)
Ibtidai sinifdə dinləmə vərdişlərinə nail olmaq üçün
müəllim müxtəlif tapşırıq formalarından istifadə edir.
Yadda saxlayaq ki, dinləmək bacarığını
yaratmaqla gələcək ziyalının çox mühüm bir keyfiyyətinin
əsasını qoymuş oluruq.
Oxuyub anlama bacarığı görkəmli pedaqoq
V.A.Suxomlinskini daim düşündürürdü. O yazırdı:
“Kitab uşaqların mənəvi həyatında o zaman böyük rol
oynayır ki, uşaq yaxşı oxumağı bacarsın. “Yaxşı oxumaq” nə
deməkdir? Bu, hər şeydən əvvəl, elementar bacarığa – oxu
texnikasına malik olmaq deməkdir. Mən çalışırdım ki, fərdi oxu
uşağın mənəvi tələbatı olsun. 1-ci və 2-ci siniflərdə şagird hər
1-2 həftə üçün kitabxanadan kitab alır, onu ucadan oxuyurdu.