Microsoft Word O. Xayyam Rubailzr doc
Yüklə 334,63 Kb. Pdf görüntüsü
|
45 Kim sənə söylədi əsən külək tək Od tutub yananı bir də tutuşdur?
Mey içib gözələ vurulsa insan, Yaxşıdır riyakar zahid olmaqdan. Cəhənnəmlik olsa məstlər, aşiqlər Cənnətdə bir nəfər tapılmaz inan.
Sözü qısa deyib etmərəm təkrar. Elə bir haldayam, təsvir olunmaz Bir sirrim vardır ki, edilməz izhar.
Şərab olsa yerim qoy olsun xərab, Nə ümid, nə rəhmət, nə qorxu, əzab! Torpaqdan, küləkdən, oddan, sudan mən Azadam, canımdır, qəlbimdir şərab.
Bir müddət bu dünya oldu mənzilim, Yaşadım, dərd oldu yalnız hasilim, Getdim, ürəyimdə qaldı min həsrət, Heyhat, həll olmadı bircə müşkilim.
Vəfasız dünyada gəzdim çox zaman, Axtardım hər yeri, gəzdim firavan, Nə ay üzün kimi gözəl ay gördüm, Nə də boyun kimi sərvi – xuraman.
Altmış ildən artıq ömr eyləməzsən, Altmış il ömr etdin, qorxma əcəldən. Mey iç, hara getsən sən sərxoş yeri, Buraxma kasəni, kuzəni əldən.
46 Əcəl pəncəsində olarıq həlak. Ey gözəl çöhrəli saqi, boş durma, Su ver, torpaq edər bizi bu əflak.
Andırar bir sönmüş odu – ocağı. Aşiqin olmasın gərək il boyu Aramı, qərarı, yeri, yatağı…
Ey insan, bu səndə olan ehtiras İnan ki, yırtıcı köpəkdə olmaz. Dovşanda, tülküdə, qurdda, pələngdə Nə xislət vardısa olub sənə xas.
Həll edir hər çətin işi dünyadə. Mey içsəydi iblis iki min səcdə Edərdi adəmə, olardı sadə.
Nə yazıq ki, könlüm tapmadı dərman, Can dodağa gəldi tapmadı canan. Dünyadan xəbərsiz keçdi həyatım, Eşqin əfsanəsi qaldı hər zaman.
Sevgilim, həyatda şöhrətsiz yaşa, Mey içək, gəl ömrü xoş vuraq başa. Sataq səccadəni bir qədəh meyə, Çırpaq zahidliyi, bərabər, daşa.
Məndən Mustafaya yetirin salam: Hörmətlə baş əyin, söyləyin: - Xəyyam Soruşur: - Nədəndir, şəriətində Turş ayran halaldır, şirin mey haram?
47 Məndən də Xəyyamə yetirin salam Ona söyləyin ki, xamsan, ey Xəyyam! Nə vaxt dedim şərab içməsin arif? Mən meyi xamlara etmişəm haram.
Bir əlimdə qədəh, birində quran, Gah haram insanam, gah halal insan. Firuzə qübbənin ətəyində mən Nə mütləq kafirəm, nə də müsəlman.
Heçdir bu qızıllar, heçdir gümüşlər. Dünyada yenə də yaxşılıq qalar Həqiqət gözüylə eyləsən nəzər.
Ömrün əsasını istəsən möhkəm, Bilmək istəməsən bu dünyada qəm, Əl çəkmə gül rəngli gözəl badədən, Ömrünün ləzzəti qoy artsın hər dəm.
Şadlıq gətirməyən şeylərdən uzaq. Mey gözəl əlindən dadlıdır ancaq… Dəyər bu dünyanın bütün varına, Din bilməyib, sərxoş qələndər olmaq.
O gün ki, özümdən oldum biganə, Varlığımdan qaldı yalnız əfsanə. Mənim torpağımdan qədəh düzəlsə Olsun o qədəhin yeri meyxanə.
Çoxdandır şərabı mədh edirəm mən. Ayrıla bilmirəm camdan, qədəhdən. Zahida, ustadın sənin əql isə O ustad şagirdim olubdur həmən.
Nədir bu dünyanın malına həsrət, Dünyada daimi deyildir xilqət. Birovuzdur ömrün, nəfəsin sənin, Birovuzla, birovuz olmalı əlbət.
Düşün, keçmədədir nazənin ömür, Bax gör axıb gedir nə həzin ömür! Bir xoş gün görmədim həyatımda mən, Yazıq, dərdlə keçdi bu məhzun ömür.
Ariflər bilər ki, bu gecə haldır. Ömrünü xoş keçir xəyala getmə! Dünyanın işini bilmək məhaldır.
Dünya ki, fanidir, fəndlə dünyada Mey içib olaram zövqü səfada. Tanrı günahımdan keçər deyirlər Keçməz, istəmirəm keçmiş olsa da.
Deyirlər ən yüksək kəlamdır quran. Lakin az tapılır onu oxuyan. Piyalədə aydın bir yazı var ki, Oxunur hər yerdə, o hər bir zaman.
Göy tökür bulutdan yerə nəstərən. Dolmuş çiçəklərə elə bil çəmən. Süsən kimi cama töksək gülgun mey Bənövşə bulutdan yağar yasəmən.
İstər bütxanası, istər kəbəsi, İstərsə zənglərin inləyən səsi, İstər məscid olsun, istər kəlisa, - Hamı köləliyin bir nişanəsi. 49
İlk günlər göylərdən axtardım qələm, Axtardım lövh, mən həm cənnət, cəhənnəm. Sonra müəllimim anlatdı mənə: Səndədir lövh, qələm, cənnət, cəhənnəm.
Dur, piyalə gəzdir, yetər boş söhbət; Bu gün püstə ağzın mənədir qismət. Gül yanağın kimi gülgun şərab ver, Tövbəmdir saçın tək pozulan dəmət.
Meydə olan ətir çiçəkdə olmaz. Dünyada kədəri dağıdacaq şey Yaqut rəngli meydir, ipək telli saz.
Açılınca mavi, xoş üzlü səhər Əlimizdə olsun gərək qədəhlər. Deyirlər ki, guya şərab acıdır: Yəqin şərab haqdır acısa əgər.
Ömrün qəmim qədər çox olsun, ey yar, Bu gün mənə qarşı oldun lütfkar. Yaxşılığı atıb dəryaya, dedin: Balıq bilməsə də xalıq anlayar.
Cəhənnəmdən qorxan, cənnət axtaran Əl çəkməz məsciddən, kəlisalardan. Allahın sirrindən olan xəbərdar Qəlbində bu toxumu əkməz heç zaman.
Mey iç sən, möhkəm ol, ağıldan qaçma, Cahillik eyləyib söyləmə, saçma. İstəyirsən sənə mey halal olsun
50 Kimsəni incitmə, vurma, əl açma.
Fələkin cövrünə köküs gər, bərk dur, Ancaq yaxşı adla çalış, ol məşhur. Zahidliklə məğrur olmaqdansa sən Üzümün suyundan məxmur ol, məxmur.
Gərək məhəbbəti hiss etsin insan. Axtarmaz nə cənnət, nə də cəhənnəm Aşiq olub, sevən gül üzlü canan.
Dedim ki, bir də mey içmərəm, inan, Mey meynə qanıdır, mən içmərəm qan. Ağlımın ustadı dedi: - gerçəkmi? Dedim: - zarafatdır, dönməm şərabdan.
Ağlın ayağına bağsan, düyünsən. Kim səndən daddımı, verməzsən aman, Ağlını ovcuna qoyarsan həmən.
Mey içib bilmərəm sərxoşluq, cəncəl. Mən ancaq qədəhə uzadaram əl. Sənin tək xüdpəsənd olmayım deyə Meypərəstəm, meyə bağladım əməl.
Şərab iç, toz eylər səni bu dövran, Düzələr piyalə, küp torpağından. Cənnət – cəhənnəmlə məşğul olma çox, Güvənməz onlara ağıllı insan.
Zahid, tənə vurma bizə sən müdam, Deyilik dünyada sənin kimi xam. Yüklə 334,63 Kb. Dostları ilə paylaş:
|