21
Beləliklə, inzibati hüququn predmetini müəyyən edərkən aşağıdakı faktorları nəzərə
almaq lazımdır:
istənilən dövlət idarəetmə fəaliyyətinin meydana gəlməsini əhatə edən dövlət
idarəetmə sahəsini;
fəaliyyət göstərən icra hakimiyyəti subyektinin və ya digər icra orqanın
mövcudluğunu;
dövlət idarəetmə fəaliyyətinin həyata keçirilməsi üçün onlara mənsub olan
səlahiyyətlərin təcrübi cəhətdən həyata keçirilməsini.
Ə
slində bu müddəalar icra hakimiyyətinin vəzifə və funksiyalarının praktiki olaraq
həyata keçirilməsi ilə əlaqədar yaranırlar. Buna əsasən də belə bir qanunauyğun nəticəyə
gəlmək olar ki, dövlət idarəetmə sahəsində yaranan ictimai münasibətlərin hamısı inzibati
hüququn predmetini təşkil edən ictimai münasibətlərin dairəsinə daxil edilmirlər.
nzibati hüququn predmeti - icra hakimiyyətinin təşkili və həyata keçirilməsi
prosesində yaranan, dəyişən və xitam olunan ictimai münasibətlərin məcmusundan ibarətdir.
nzibati hüquqla nizama salınan idarəetmə münasibətləri müxtəlif növlü olurlar.
Bununla da onların iştirakçılarının xüsusiyyətlərindən asılı olaraq, idarəetmə münasibətlərin
daha geniş yayılmış aşağıdakı növləri mövcuddur:
1.
müxtəlif təşkilati-hüquqi səviyyədə və tabeçilik münasibətlərində olan icra
hakimiyyəti subyektləri arasında yaranan idarəetmə münasibətləri. Məsələn: yuxarı təbəqəli
orqanla aşağı təbəqəli orqan arasında yaranan idarəçilik xarakterli ictimai münasibətlər;
2.
eyni təşkilati-hüquqi səviyyədə və tabeçilik münasibətində olmayan icra
hakimiyyəti subyektləri arasında yaranan ictimai münasibətlər. Məsələn: iki nazirliyinin
arasında yaranan idarəetmə xarakterli ictimai münasibətlər.
3.
icra hakimiyyəti subyektləri və onların təşkilati tabeçiliyində olan dövlət birlikləri,
idarələri və təşkilatları arasında yaranan idarəetmə xarakterli ictimai münasibətlər;
4.
icra hakimiyyəti subyektləri və onların təşkilati tabeçiliyində olmayan dövlət
birlikləri, müəssisələri və təşkilatları arasında yaranan idarəetmə xarakterli ictimai
münasibətlər (maliyyə nəzarəti, inzibati nəzarət və s. məsələlər üzrə).
5.
icra hakimiyyəti subyektləri və qeyri-dövlət təsərrüfatı və sosial-mədəni birlikləri,
müəssisələri və təşkilatları (kommersiya strukturları və s.) arasında yaranan idarəetmə
xarakterli ictimai münasibətlər;
6.
icra hakimiyyəti subyektləri və qeyri-hökumət təşkilatları arasında yaranan
idarəetmə xarakterli ictimai münasibətlər;
7.
icra hakimiyyəti subyektləri və vətəndaşlar arasında yaranan idarəetmə xarakterli
münasibətlər.
Yuxarıda göstərilən idarəetmə xarakterli ictimai münasibətlərin məzmu-nundan
göründüyü kimi onların hamısında icra hakimiyyətinin subyekti müt-ləq iştirak edir. Digər
tərəfdən isə yuxarıda sadalanan müddəalardan belə nəti-cəyə gəlmək olar ki, onlarsız
idarəetmə münasibətləri inzibati hüquqi mənada meydana gələ bilməz. Belə ki, yalnız onlar
dövlətin iradə və marağını hüquqi formada ifadə etmək, dövlət hakimiyyətini icra variantında
praktiki olaraq həyata keçirmək iqtidarındadırlar. Ona görə də vətəndaşlar arasında, ictimai
birliklər arasında və ictimai birliklərin daxilində belə növ münasibətlər yarana bilməz.
Dövlət müəssisələri, həmçinin kommersiya strukturları arasında təsər-rüfat-müqavilələri
ə
sasında yaranan münasibətlər inzibati hüquq normaları ilə yox, mülki hüquq normaları ilə
22
nizama salınır. Çünki bu münasibətlər idarəet-mə fəaliyyəti ilə bağlı deyil, təsərrüfat (əmlak)
fəaliyyəti ilə əlaqədar yaranırlar.
darəetmə münasibətlərinin təsnifatını onların yaranmalarının konkret məqsədlərinə
və müvafiq inzibati-hüquqi nizamlanmalarına görə də vermək olar. Belə təsnifat meyarlarına
görə idarəetmə münasibətlərini iki qrupa bölmək olar:
1.
Daxili və ya təşkilatdaxili; sistemdaxili idarəetmə münasibətləri;
2.
Xarici idarəetmə münasibətləri.
Daxili və ya təşkilatdaxili, sistemdaxili idarəetmə münasibətləri idarəçi-lik sisteminin
təşkil edilməsi, onun bölmələri arasında qarşılıqlı əlaqələrin əsa-sının müəyyən edilməsi,
idarəetmə orqanının əməkdaşları arasında vəzifə, hü-quq və məsuliyyətlərinin
bölüşdürülməsi ilə əlaqədar yaranan münasibətlərdir. Əslində belə növ idarəetmə
münasibətləri icra hakimiyyətinin bütün sisteminin yuxarıdan aşağıya kimi, həmçinin də
onun hər təbəqəsinin ″özünütəşkiletmə″ marağını ifadə edir. Belə münasibətlərdə tərəflər
kimi tabeçilik münasibətində olan icra orqanları, onların struktur bölmələri, həmçinin də
vəzifəli şəxslər çıxış edirlər.
Xarici idarəetmə münasibətləri icra hakimiyyəti sisteminə (mexanizminə) daxil
olmayan obyektlərə bilavasitə təsir göstərməklə yaranan münasibətlərdir. Məsələn:
vətəndaşlara, ictimai birliklərə və kommersiya strukturlarına göstərilən təsir nəticəsində
yaranan münasibətlər.
Yuxarıda göstərilənlərə əsaslanaraq inzibati hüququn predmetinin ümumiləşdirilmiş
xarakteristikasını almaq olar. Çünki inzibati hüququn predmetini təşkil edən idarəetmə
xarakterli ictimai münasibətlər müxtəlifdir, lakin onun predmetini əhatə edən ictimai
münasibətlər prinsipcə birtipli (eyni tipli) ictimai münasibətlərdir.
Belə ictimai münasibətlər aşağıdakı hallarda yaranır:
icra hakimiyyətinin vəzifə, funksiya və səlahiyyətlərinin bilavasitə həyata
keçirildiyi zaman yaranan idarəetmə münasibətləri;
qanunvericilik və məhkəmə hakimiyyətləri subyektlərinin, həmçinin prokurorluq
orqanlarının fəaliyyəti prosesində yaranan və təşkilatdaxili xarakter daşıyan idarəetmə
münasibətləri;
yerli özünüidarəetmə subyektlərinin iştirakı ilə yaranan idarəetmə münasibətləri;
qeyri-hökumət təşkilatlarının (ictimai birliklərin və fondların) daxilində, həmçinin
də bu təşkilatların xarici-hakimiyyət funksiya və səlahiyyətlərinin həyata keçirilməsi ilə
ə
laqədar yaranan təşkilatçılıq xarakterli ayrı-ayrı idarəetmə münasibətləri.
nzibati hüquq öz predmeti çərçivəsində birinci növbədə icra hakimiyyəti
subyektlərinin konstitusiya təyinatlarına tam müvafiq olaraq təşkili və fəaliyyətinin müəyyən
hüquqi recimini, həmçinin də nizamlanan idarəetmə münasibətlərinin bütün digər
iştirakçılarının davranışlarını təşkil edir. Azərbaycan Respublikasının hüquq sisteminin bu
sahəsinin xidməti rolunun, onun nizamlayıcı funksiyasının meydana çıxması əsasən bununla
bağlıdır. Bununla yanaşı ona başqa bir funksiya da, yəni nizamlanan idarəetmə münasibətləri
çərçivəsində müəyyən edilmiş hüquqi recimə riayət edilməsini təmin edən, həm də tərəflərin
qanuni hüquq və maraqlarını müdafiə edən hüquqmühafizəedici (yurisdiksiya) funksiya da
xasdır.
Beləliklə, inzibati hüquq - icra hakimiyyətinin təcrübi cəhətdən həyata keçirilməsi və
məqsədi ilə əlaqədar olaraq yaranan ictimai münasibətləri nizama salmaq üçün təyin edilmiş