Optimal variantda – psixoloji xidmət kabineti üçün 2 otaq ayırmalıdır (biri daha kiçik – iş
zonası, fərdi məsləhətləşmə, fərdi diaqnostika üçün; o biri isə daha böyük – qrup diaqnostikası,
korreksiya, inkişafetdirici və digər qrup işi və məsləhətləşmələr üçün).
Xüsusi qeyd: Kabinet mümkün olan qədər yüksək səs izolyasiyasna malik olmalıdır ki, kənar
səslər aparılan işə mane etməsin. Kabinetin işıqlandırmasını (dünya standartlarına uyğun olaraq)
eyni zamanda həm gün işığı (ekonom) həm də qızma lampalarından istifadə edilməsi məsləhət
görülür.
PSİXOLOJİ XİDMƏTİN İŞ VƏ PROSEDURALARININ SƏNƏDLƏŞDİRİLMƏSİ
Psixoloji Xidmətin Əsasnaməsi
Adından məlum olduğu kimi, Psixoloji Xidmətin Əsasnaməsi məktəb işinin bu istiqamətinin
əsas sənədidir. Burada Xidmətin fəaliyyət istiqamət və növləri, psixoloqların vəzifə və hüquqları
təyin edilir, və bütün digər sənədləşdirmə bu sənədə əsaslanır.
Xüsusi qeyd: psixoloqların işini bütövlükdə əhatə edib tənzimləyən (və bu vəsaitdə təqdim
edilən) sənədlərin siyahısı 4.1.1 bəndinə təyin edilir.
-.-.-.-.-
PSİXOLOJİ
XİDMƏTİN
ƏSASNAMƏSİ
1.
Ümumi müddəalar.
1.1.
Psixoloji xidmət _______________ Məktəbin (irəlidə Məktəb) təhsil fəaliyyətinin əsas
komponentlərindən biridir.
1.2.
Psixoloji xidmət şagirdlərin, pedaqoji, yardımçı və texniki heyətin fəaliyyətinin
yaxşılaşdırılmasına, onların psixoloji dəstəyi və psixoloji rifahını təmin etməyə
istiqamətləndirilmişdir.
1.3.
Psixoloji xidmətin başlıca məqsədi tədris-təlim prosesində uşaq və yeniyetmələrin şəxsi və
sosial adaptasiyasının psixoloji müşayiətindən və pedaqoji prosesin fərdiləşdirmə və
humanistləşdirilməsinin psixoloji təminatından ibarətdir.
1.4.
Psixoloji xidmətin əməkdaşları öz fəaliyyətini bu Əsasnaməyə uyğun olaraq, habelə
valideyn və şagirdlərin, müəllim və Məktəb rəhbərliyinin müraciətləri əsasında həyata
keçirirlər.
1.5.
Bütün məsələlərin həllində psixoloq uşağın təhsil maraqlarını və mənəvi rifahını üstün
tutmalıdır.
1.6.
Psixoloji xidmət birbaşa Məktəbin direktoruna tabedir.
2.
Psixoloji xidmətin fəaliyyətinin əsas istiqamətləri.
2.1.
Praktik istiqamət: Məktəb rəhbərliyi, müəllim, valideyn və şagirdlərin fərdi müraciətlərinə
istinadən, habelə xidmətin məqsəd və vəzifələrinə uyğun olaraq psixodiaqnostik,
korreksiya- və inkişafetdirici, məsləhətverici və maarifləndirici işlərin təşkili və həyata
keçirilməsi.
2.2.
Tətbiqi istiqamət: pedaqoji kadrların psixoloji kompetentliyinin və şagirdlərin psixoloji
savadının artırılması.
2.3.
Elmi-tədqiqi istiqamət: müəyyən yaş dövrü üzrə kompleks sistem çərçivəsində
psixodiaqnostik, psixokorreksiya və inkişafetdirici sahələrdə tədqiqatların aparılması.
3.
Psixoloji xidmətin əsas fəaliyyət növləri.
3.1.
Psixoloji maarifləndirmə – müəllim, valideyn və şagirdlərin psixoloji biliklərlə
zənginləşdirilməsi.
3.2.
Psixoloji məsləhət – şagird və valideynlərin, Məktəb heyətinin peşəkar psixoloji
məsləhətlərə olan ehtiyaclarının ödənilməsi.
3.3.
Psixoloji diaqnostika – şagird və Məktəb heyətinin inkişaf xüsusiyyətlərinin
qiymətləndirilməsi və monitorinqi.
4.
Psixoloji xidmət əməkdaşlarının vəzifə və hüquqları.
4.1.
Psixoloji xidmət əməkdaşlarının vəzifələri:
4.1.1.
Bu Əsasnaməyə, Şagirdlərin və Heyətin Qiymətləndirilməsi Standartlarına, Psixoloji
Məsləhətləşmələrin Etik Kodeksinə və Psixoloji Xidmətin Fəaliyyət Planına (Bax bənd
5) tam uyğun şəkildə fəaliyyət göstərmək;
4.1.2.
Peşəkar səviyyəsini daim yüksəltmək, psixoloji-pedaqoji mövzulara həsr olunmuş
elmi-metodik seminar və konfranslarda iştirak etmək;
4.1.3.
Müəyyən edilmiş qayda və müntəzəmlikdə Məktəb rəhbərliyinə hesabatlar vermək.
4.2.
Psixoloji xidmət əməkdaşlarının hüquqları:
4.2.1.
Şagirdlərin davranışı və fəaliyyətlərinin öyrənilməsi məqsədilə dərsləri müşahidə
etmək;
4.2.2.
Zəruri Məktəb sənədlərilə tanış olmaq;
4.2.3.
Məktəb rəhbərliyi, müəllim və şagirdlərin sifarişi ilə Məktəbdə fərdi və qrup şəklində
psixoloji tədqiqatlar aparmaq;
4.2.4.
Elmi-metodik və kütləvi informasiya vasitələrində çıxış etmək;
4.2.5.
Təhsili və ixtisasına uyğun olaraq dərs yükü, fakultativ və dərnək məşğələlərilə təmin
olunmaq;
4.2.6.
Zəruri hallarda şagirdə kömək məqsədi ilə Məktəb rəhbərliyi vasitəsilə müvafiq
təşkilatlara müraciət etmək;
4.2.7.
Tibbi və defektoloji müəssisələrə müraciət etmək;
4.2.8.
Elmi-metodik vasitələrlə təmin olunmaq üçün elmi-psixoloji mərkəzlərə müraciət
etmək;
4.2.9.
Tədris-təlim prosesinin təkmilləşdirilməsi ilə bağlı Məktəb rəhbərliyi qarşısında
məsələlər qaldırmaq;
4.2.10.
İxtisasartırma istiqamətləri və formalarını müəyyən etmək və seçmək.
5.
Psixoloji xidmətin fəaliyyət Planı.
5.1.
Pxixoloji xidmətin illik fəaliyyət Planı bu Əsasnamənin tərkib hissəsidir.
5.1.1.
Həmin Plan hər tədris ili başlanmazdan əvvəl Məktəb rəhbərliyinə layihə şəklində
təqdim edilir və təsdiqlənir.
-.-.-.-.-