“Maliyyə və uçot”.-2009.-№9.-S.3-11.
MALİYYƏ BAZARI ALƏTLƏRİ,
MİLLİ İQTİSADİYYATIN İNKİŞAFINDA ONUN
ROLU VƏ ƏHƏMİYYƏTİ
İ. M.Mikayılov,
Azərbaycan Dövlət İqtisad Universitetinin dissertantı
Müasir dövrdə dövlət mülkiyyəti iqtisadiyyatından bazar iqtisadiyyatına keçən ölkələrdə, о cümlədən
Azərbaycanda özəlləşdirmə çeklərindən geniş istifadə olunur. Özəlləşdirmə çekləri dövlət qiymətli kağızlarının
xüsusi bir formasıdır. Bunlar dövlət və ya bələdiyyə mülkiyyətinin özəlləşdirilməsi zamanı onların bir qisminin
haqqı ödənilmədən vətəndaşlara verilməsi mexanizmini ifadə edirlər. Özəlləşdirmə çekləri qısa müddətə buraxılır
və özəlləşdirmə başa çatdıqdan sonra haqqı ödənilir və ləğv olunur. Keçid dövrünü yaşayan ölkələrin əksəriyyəti
özəlləşdirmə çeklərindən istifadə etmişdir.
Beləliklə, maliyyə bazarının seqmentləri olan pul bazarının və kapital bazarının alətləri çoxsaylı olmaqla
ictimai təkrar istehsalda mühüm rol oynayırlar.
İndi də qiymətli kağızlar bazarının ən mühüm alətləri olan səhmlərin və istiqrazların xüsusiyyətlərinin
tədqiqi üzərində daha ətraflı dayanaq.
Qeyri-dövlət qiymətli kağızları içərisində ən geniş yayılanları səhm və istiqrazlardır. Ona görə də onların
hər birinə ayrılıqda nəzər salmaq lazım gəlir.
Səhmlər maliyyə bazarının çox böyük hissəsini əhatə etməklə şirkət kapitalının və onun fəaliyyəti
nəticəsində alınan gəlirin bir hissəsini almaq hüququ verən qiymətli kağızdır.
Bazar iqtisadiyyatı şəraitində müstəqil müəssisə və təşkilatların səhmdar cəmiyyətlərə çevrilməsi və yeni
səhmdar cəmiyyətlərinin yaranması nəticəsində bütün postsovet ölkələrində səhmlər maliyyə bazarının çox böyük
hissəsini əhatə etməyə başlamışdır.
Səhm - öz sahibinin (səhmdarın) səhmdar cəmiyyətin mənfəətinin bir hissəsini divident şəklində ala
bilməsi, səhmdar cəmiyyətin idarə edilməsində iştirak etmək hüquqi verən qiymətli kağızdır.
Səhmlər müəyyən məbləğdə vəsaitin köçürülməsini göstərdiyindən, onun sahibi səhmdar cəmiyyətin
nizamnamə kapitalının formalaşmasında və onun idarə olunmasında (müəssisənin idarə olunması, təftiş, illik
hesabatın təsdiq edilməsi və s. məsələlərdə) iştirak etmək hüququ qazanır, ən başlıcası isə mənfəətin
bölüşdürülməsində iştirak edir.
Məsələn, Azərbaycan Respublikasının maliyyə bazarında mühüm rol oynayan və xeyli beynəlxalq əlaqələri
olan 76 səhmdar cəmiyyət fəaliyyət göstərir və onların kapitalının 90%-i fiziki şəxslərə məxsusdur.
İstiqrazın alıcısına onun alacağı gəlirin miqdarı əvvəlcədən faiz şəklində məlum olduğu halda, səhm sahibi
bu informasiyaya əvvəlcədən malik olmur. Ona görə də gəlirin itirilməsində səhm sahibi istiqraz sahibinə nisbətən
daha böyük risk etmiş olur. Başqa ölkələrdə olduğu kimi Azərbaycanda da bu və ya digər səhmin alınmasında
(satılmasında) səhm sahibi yalnız emitentin iqtisadi perspektivləri, maliyyə vəziyyəti və başqa kommersiya
xüsusiyyətləri haqqında məlumatlarla kifayətlənir. Divident, yəni müəssisənin mənfəətində hər bir səhm sahibinin
pay iştirakı, illik mənfəətin məbləğindən asılı olaraq, il başa çatdıqdan və faktiki balansın tərtibindən sonra
hesablanır. İl qurtarana qədər dividentin perspektiv qaydada hesablanması yalnız təqribi (proqnoz) xarakteri daşıya
bilər.
Digər tərəfdən, səhmdarın səhmə qoyulmuş vəsaitləri güzəştli müddəti istina olmaqla, qalan hissəsini geri
tələb edə bilməz. Səhmin alınması (investisiya qoyuluşu) əslində emi tentin xərclərinin səhm sahibi tərəfindən
qaytarmamaq şərtilə maliyyələşdirilməsi deməkdir.
Yalnız emissiya nəticəsində səhmdarlar, borc öhdəlikləri çıxıldıqdan sonra, qalan məbləğdə öz pay
iştirakçılarım tələb etmək hüququ qazanırlar.
Bir çox hallarda səhmdar, səhmin alınmasına çəkilmiş bütün xərcləri demək olar ki, itirir. Səhmdar səhmə
malik olmaq, səhmə qoyulmuş vəsaitləri geri almaq hüququnu deyil, ancaq idarəetmədə iştirak etmək və mənfəətin
bir hissəsinin divident şəklində alınması hüququnu nəzərdə tutur. Səhmlərin nəğd pula çevrilməsinin yeganə üsulu,
onların başqa şəxslərə satılmasıdır.
Səhmdar cəmiyyətlər qeyri-məhdud müddətə mövcud ola bilərlər. Lakin fiziki şəxslərin iştirakına əsaslanan
fərdi mülkiyyətin və yoldaşlıqların fəaliyyət dövrü bir qayda olaraq, onların təsisçilərinin çərçivəsi ilə
məhdudlaşdırılır. Səhmdar cəmiyyətlər səhmlərin buraxılmasından alınan vəsait hesabına digər biznes fəaliyyətli
sahələri ilə müqayisədə əlavə vəsaitlərin cəlb edilməsində də geniş imkanlara malik olur. Statistik məlumatlara
əsasən, Azərbaycan Respublikasında 1992-ci ildə əsası qoyulmuş «Azəriqazbankın» bütün səhmlərinin 77,7%-i
fiziki və 21%-i xüsusi hüquqi şəxslərə məxsusdur.
Azərbaycan Respublikasında fəaliyyət göstərən səhmlərin xüsusiyyətlərini daha ətraflı öyrənmək üçün bir
sıra meyarlardan istifadə olunur. Məsələn, sahiblərinə verdikləri hüquqlardan asılı olaraq səhmlər adi və imtiyazlı
olurlar.
Respublikamızda daha geniş yayılmış olan adi səhmlər öz sahiblərinə səhmdarların il lik iclaslarında iştirak
etmək və səs hüququ verir. Lakin adi səhmlərə görə hər il eyni cür dividentin alınması onların aldıqları mənfəətin
kəmiyyəti şərtsiz zəmanətli olmadığından, müəssisənin fəaliyyətindən və mövcud konyunkturadan asılı olur, о
gözlənilməz xərclərin ödənilməsinə sərf oluna bildiyindən və ona görə də, bütün səhm sahiblərinin dividentlərinin
ödənilməsi üçün kifayət etmədiyindən mütləq sayılmır. Buna görə Azərbaycan Respublikasının «Səhmdar cəmiyyət
haqqında» qanununa əsasən adi səhmlərin nizamnamə kapitalındakı xüsusi çəkisi 90%-dən az ola bilməz. Qalan
hissə - 10% isə imtiyazlı səhmlər ola bilər.
Məlum olduğu kimi, adi səhmlərin alıcıları imtiyazlı səhm sahiblərinə nisbətən bir sıra xüsusiyyətlərə malik
olur. Digər ölkələrdə olduğu kimi Azərbaycan Respublikasında onlar aşağıdakı kimi özünü göstərir:
- Azərbaycan Respublikasının ərazisində adi səhmlər başqa şəxslərə satıla və yaxud güzəşt edilə bilər. Bəzi
hallarda bu hüquq müəyyən vaxtla məhdudlaşdırılır;
- adi səhm sahiblərinin aldıqları divident, emitentin kreditorlar qarşısındakı bütün öhdəliklərini, vergiləri
ödədikdən və imtiyazlı səhmlər üzrə divident verildikdən sonra ödənilir. Bu dividentin həcm və formasını ildə bir
dəfə şirkətlərin direktorlar şurası müəyyən edir. Bunlar səhmdarların ümumi yığıncağında səhmdar cəmiyyətin
fəaliyyətinin maliyyə nəticələrinin və ümumi tələbatın hesablanması əsasında, təsdiq edilir. Bu dividentlər həm də
təkcə pulla deyil, eyni səhmlərin verilməsi ilə də ödənilə bilər;
- adi səhm sahibləri, imtiyazlı səhm sahiblərindən fərqli olaraq səhmdar cəmiyyətin idarə orqanlarının
seçilməsi və cəmiyyətin fəaliyyətində prinsipial məsələlərin həlli zamanı səhmdarların yığıncağında iştirak etmək
hüququna malik olur;
- Azərbaycan Respublikasının ərazisindəki səhm sahibləri, səhmdar cəmiyyətin fəaliyyəti, xüsusilə illik
hesabatları haqda informasiya əldə etmək hüququna malikdir;
- İmtiyazlı səhmlərin sahiblərindən fərqli olaraq, adi səhm sahibləri şirkətin qiymətli kağızlarının yeni
buraxılışlarını almaq hüququna malikdir.
Azərbaycan Respublikasının qiymətli kağızlar bazarının inkişafında bu şərtlər xüsusi rol oynayır.
İmtiyazlı səhmlər öz sahibinə hər il qəti müəyyən edilmiş divident gətirdiyindən və bu dividentin
ödənilməsi ilk növbədə, yəni adi səhmlər üzrə dividentlərin ödənilməsindən əvvəl baş verdiyindən adi səhmlərdən
bir sıra ciddi üstünlüyə malikdir. Səhmdar cəmiyyət ləğv olunduqda imtiyazlı səhm sahiblərinin iddiaları adi
səhmlər üzrə olan tələblərdən əvvəl təmin edilir. Lakin imtiyazlı səhmlər sahiblərinə səs hüququ vermir.
İmtiyazlı səhmlər istiqrazla adi səhmlər arasında orta bir mövqe tutur. Qeyd edilməlidir ki, imtiyazlı
səhmdarların hüquqları, başqa üsulla da, yəni onun nominalına mütənasib olaraq hər il əvvəlcədən imtiyazlı
divident almaq imkanları ilə də aparıla bilər. Bu ümumi qayda bizdə artıq geniş tətbiq olunur. Bölüşdürülən
mənfəətin çatışmaması nəticəsində imtiyazlı divident ödənilməyən hallarda qalan borc sonrakı maliyyə ilinə
keçirilir və yeni ildə birinci növbədə ödənilir. Bu qaydaya əməl olunmadıqda (divident verilmədikdə və ya
tamamilə ödənilmədikdə), səhmdarların ümumi iclasında səs hüququ da daxil olmaqla, adi səhm sahiblərinin bütün
hüquqları (imtiyazlı dividentin ödənilməsinə qədər) bərpa olunur. Amma qeyd edilməlidir ki, bütün bu qaydaların
tam həyata keçirilməsi üçün lazım gələn qanunçuluq respublikamızda hələ tam dolğun işlənilməmişdir.
İmtiyazlı səhmlərdən ən əlverişli olan səhm vəsaitləri sahiblərinin nisbətən az vəsaiti ilə başa gələn və
idarəetmə prosesində iştirak etməyənlərdir.
Nəzərdə tutulmalıdır ki, imtiyazlı səhmlərin limitsiz şəkildə buraxılışı ciddi mənfi nəticələrə və birinci
növbədə nizamnamə fondunun azalmasına gətirib çıxara bilər. Bununla əlaqədar olaraq bir çox ölkələrdə belə növ
səhmlərin buraxılmasında məhdudiyyətlər tətbiq olunur. Məhz ona görə də bizdə onun nizamnamə kapitalındakı
çəkisi qanunla 10% müəyyən edilmişdir.
İmtiyazlı səhmlərin özü də bir neçə kateqoriyaya: kumulyativ və qeyri-kumulyativ, iştiraklı və üzən
dividentli, qaytarılan və qaytarılmayan (geri çağırılan və çağırıla bilməyən), çevrilən, orderli və sairəyə ayrılır.
Bundan əlavə, səhmlər öz qeydiyyat qaydasına görə ölkəmizdə xeyli inkişaf tapmış növlərə - adlı və
təqdimatlı səhmlərə bölünür. Bunlar 90-cı illərin birinci yarısında daha çox yayılmışdır.
Bunlardan birincisi öz bankının (və ya sertifikatının) üzərində sahibinin adının göstərilməsi ilə seçilir. Belə
səhmlər keçid ölkələri şəraitində səhmdar cəmiyyətlərin ilkin yarandıqları dövr üçün daha çox səciyyəvi olmuşdur.
Doğrudur, Azərbaycan Respublikasında bu forma digər MDB ölkələrinin bir çoxuna nisbətən az tətbiq edilir. Əksər
hallarda onlar iri nominalla buraxılır və onların bir şəxsdən digərinə verilməsi (təslimi) haqqında qeyd yalnız
səhmdar cəmiyyətin idarə heyətinin icazəsilə baş verə bilər.
DQİ buraxılışının çətinlikləri ilə əlaqədar Bakı Fond Birjası korporativ kağızların, о cümlədən
özəlləşdirilmiş istiqrazların səhmlərinin buraxılışına üstünlük verir.
Digər ölkələrdə olduğu kimi Azərbaycanda da səhmlər səsli və səssiz adlanan qruplara bölünür. Səsli
səhmlər səssizlərdən fərqli olaraq sahiblərinə səs hüququ verir. Öz növbəsində səsli səhmlər bir səsli (sahiblərinə
bir səs hüququ verir) və çox səsli, yaxud plüral ola bilər. Göstərilən səhmlərin nominal dəyərinə müvafiq olaraq
satılma qiyməti kənarlaşa bilər. Bir qayda olaraq idarəetmə iştirakının dərəcəsi yüksək olduqca (digər şərtlər
dəyişməzsə) səhmin qiyməti də bir о qədər yüksək olur. Təəssüf ki, idarəetmənin təkmilləşməsi ölkəmizdə hələ də
ləng gedir.
Respublikanın ikinci dövriyyə adlanan səhmlərin alqı-satqısının sonrakı buraxılışı və yerləşdirilməsi,
onların qiymətləri, müntəzəm olaraq fond birjalarında qeyd olunur, fond birjalarında və maliyyə mərkəzlərində
satıla bilir.
Səhmlər haqqındakı Azərbaycan Respublikasının qanunlarına əsasən səhmdar cəmiyyətlər öz səhmlərini
onların sahiblərindən cari bazar qiyməti ilə pulla satın ala bilər. Azərbaycanda belə şəraiti olan maliyyə bazarı artıq
formalaşmışdır. Bu cür səhmlər bəzən xəzinədarlıq səhmləri də adlandırılır. Xəzinə səhmləri alış qiymətlərindən
fərqli ola raq, bir çox hallarda güzəştlə səhmdar cəmiyyətin öz əməkdaşlarına satılır. Səhmdar cəmiyyətin öz
səhmlərini almasına maraq göstərməsi aşağıdakı səbəblərlə bağlıdır:
- öz səhmlərinin kursunu qorumaq məqsədi ilə;
- onların həcmini artırmaq məqsədləri ilə.
Rəqabətə və tələb-təklif prinsiplərinə əsaslanan bazar iqtisadiyyatı şəraitində digər sahələrdə olduğu kimi
səhmdar cəmiyyətində də iştirak, müəyyən risk və məsuliyyətlə bağlıdır. Səhmdarların məsuliyyəti isə səhmlərin
alınmasına sərf edilmiş vəsaitlərin qaytarılmasını səhmdar cəmiyyətindən tələb etməyin mümkün olmaması (yəni
qeyri-qanuni olması) ilə bağlıdır. Səhmlər adətən öz sahiblərinin əllərində saxlanılmır. Bununla birlikdə
səhmdarların əlində bir yaxud bir neçə səhm sertifikatları olur. Səhm sertifikatları, onların sahiblərinin müəyyən
miqdarda qiymətli kağızlara sahib olması hüququnu təsdiq edən şəhadətnamədir. Sertifikat kağızlarında aşağıdakı
göstəricilər: emitent şirkətin adı; sertifikatın əhatə etdiyi səhmlərin sayı; sertifikat sahibinin adı; səhmlərin
hərəkətinin qeydiyyatı üzrə agentin adı və qeydiyyat nömrəsi; şirkətdəki səlahiyyətli şəxsin imzası olur.
Rəqabətə və tələb-təklif qanunlarına əsaslanan maliyyə bazarında ən mühüm məsələlərdən biri səhmlərin
dəyərinin, daha dəqiq desək, onun qiymətinin qaydaya salınması məsələsidir. Onların dəyərinin bir neçə növü:
səhmlərin nominal dəyəri, elan edilmiş dəyəri, mühasibatlıq dəyəri və bazar dəyəri kimi fərqləndirilir. Bakı Fond
Birjasında bu mühüm qaydaların əsaslı surətdə mənimsənilməsində də hələ çatışmazlıqlar çoxdur.
Nominal dəyər bazar şəraitindən asılı olmayan və səhm kağızları üzərində yazılmış dəyərə deyilir. Bu
dəyərin yazılışı uçot məqsədilə istifadə edilir. Bəzi inkişaf etmiş ölkələrdə, məsələn, ABŞ-da səhmlər nominal
dəyəri yazılmadan buraxıla bilər. Birgə qiymətli kağızların uçotu elan olunmuş dəyərdən istifadə edilməklə həyata
keçirilən metodla tətbiq edilə bilməz.
Səhmlərin bazar dəyəri adlanan dəyəri özünü səhmlərin bazarda həmin qiymətə alına və satıla bilmək
qiymətlərində ifadə edir. Bu dəyər bazarda tələb və təklif əsasında meydana çıxır və investorlar üçün müəyyənedici
qiymət hesab olunur.
Səhmlərin bu göstərilən dəyəri hər bir alıcının onu ödəməyə razılaşması ilə müəyyənləşdirilir. Şirkətlərin
səhmlərinin dəyəri maliyyə bazarındakı (və ya fond birjalarındakı) rəqabət, tələb və təklif əsasında formalaşır. Ona
görə də səhmlərin qiyməti digər dəyər növlərindən məsələn, nominal dəyərdən asılı olmadan satıla bilər. Başqa
sözlə, bazar qiyməti səhmin nominal qiymətindən aşağı və yuxarı ola bilər.
Ölkə ərazisinin qiymətli kağızlar bazarında likvidliyi olan səhmlər üçün bazar qiyməti təyin olunur.
Səhmlərin bazar qiyməti böyük həcmdə olan əqdlərin aparılması şəraitində səhmlərin həqiqi-məzənnə qiymətlərini
əks etdirir. Adətən bazar qiyməti tələbat qiyməti ilə təkliflər qiyməti arasında yerləşir. Xüsusi hallarda, о səhmə
böyük tələbat olduğu və onun sayı çox olan hallarda bazar qiymətinə bərabər ola bilər. Kağızların məzənnə
qiymətini təyin edərkən adətən aşağıdakı düsturdan istifadə edilir.
К = divident / ssuda faizi x 100%
Başqa halda, əgər səhm dividentlərin artımı proqnozlaşdırılırsa və risk göstəriciləri nəzərə alınırsa, onda
məzənnə qiyməti
Divident + dividentin proqnozlaşdırılma artımı
К
=
Ssuda faizi+faizlə risk ödənişi x 100%
düsturu ilə hesablana bilər.
Respublikamızda son illərdə ciddi maliyyə böhranı və ya çətinlikləri olmadığından səhmlərin kursunda və
alınan dividentlərin həcmində də ciddi tərəddüdlər olmamışdır.
Maliyyə bazarında səhmlər ən kütləvi qiymətli kağız olsa da və birjada tədavül edən qiymətli kağızların
əksər hissəsini təşkil etsələr də, uzun müddət üçün böyük həcmli kapitalın cəlb olunmasının əsas üsulu kreditdir,
bunun başlıca aləti isə istiqrazdır.
Azərbaycan Respublikasının «Qiymətli kağızlar haqqında» 14 iyul 1998-ci ildə Qanunun 1-ci maddəsinə
əsasən istiqraz öz sahibinin emitentindən istiqraz vərəqəsində nəzərdə tutulan müddətdə onun nominal dəyərini və
bu dəyərdən müəyyən edilmiş faizi və ya başda əmlak ekvivalentini «almaq hüququnu təsbit edən emissiya qiymətli
kağızlardır».
Uzunmüddətli və qısamüddətli investisiyalar üçün əsas alət olan istiqrazlar borc öhdəliyi olmaqla, borcun
verilməsinə şəhadət edir və öz sahibinə sabit faiz şəklində gəlir gətirir. İstiqrazlar səhmlərə nisbətən investisiya
qoyuluşlarının hər bir vahidinə görə az gəlir gətirsə də, о ən etibarlı qiymətli kağız növü hesab olunur. Mövcud
qaydalara əsasən, şirkət özünün maliyyə vəziyyətindən asılı olmayaraq, ilk növbədə banklarla və istiqrazların
sahibləri ilə, yalnız bundan sonra imtiyazlı və adi səhmlər üzrə ödəmələr etməli, hesablaşmalıdır.
İstiqraz, öz sahibinin emitentdən istiqraz vərəqəsində nəzərdə tutulan müddətdə öz no minal dəyərini, onun
əsasında müəyyən edilmiş faizi və ya, başqa əmlak ekvivalentini al maq hüququnu təsbit edən emissiya qiymətli
kağızıdır.
Digər adi təqdimatlı səhmlərdən fərqli olaraq istiqraz özünün aşağıda göstərilən bir sıra xüsusiyyətləri ilə
fərqlənir:
- səhm sahibi rəsmən səhmdar cəmiyyətin sahiblərindən biri olduğu halda istiqraz sa hibi şirkətin yalnız
kreditorudur;
- istiqrazlar öz sahiblərinə əsas hüquq vermir;
- səhmlərin faiz şəklində qəti müəyyən olunan gəliri (divident) verilə və verilməyə də bilər, onların həcmi
ildən-ilə dəyişər. İstiqrazlarda isə vəziyyət fərqlənər;
- istiqrazlar müddətli olur, səhmlər üzrə isə emitentlərə qəti müddət təyin etmir;
- istiqrazlar üzrə risk səhmlər üzrə riskdən aşağı olur və s.
İstiqraz vərəqələrinin buraxılışı zamanı qanunvericilik əsasında səhmdar cəmiyyətlərin fəaliyyətinin bir sıra
aşağıdakı şərtlərə tabe olması tələb olunur:
- cəmiyyətin buraxdığı bütün istiqrazların nominal qiyməti cəmiyyətin nizamnamə kapitalından çox
olmalıdır;
- istiqrazların buraxılışı yalnız nizamnamə kapitalının tam ödənilməsindən sonra mümkün ola bilər;
- təminatsız istiqrazların buraxılışına yalnız səhmdar cəmiyyəti üçün fəaliyyət ilində, iki illik fəaliyyətini
səciyyələndirən illik balanslan təsdiq edildikdən sonra icazə verilir;
- cəmiyyətin elan olunmuş səhmlərinin sayı, alınmasına, istiqrazların təminat verdiyi səhmlərin sayından
kiçik olduğu hallarda, cəmiyyətə konvertasiya olunan istiqrazları yerləşdirmək hüququ verilir.
Digər ölkələrdə olduğu kimi, Azərbaycanda bu qaydalara riayət olunması istiqrazlar əsasında maliyyə
bazarında əməliyyatlar aparılmasının əsas şərtlərindəndir.
İnvestisiyaların həcmindən asılı olaraq xüsusi borc qiymətli kağızları müxtəlif dəyərlərə malikdir. Hər bir
ölkədə bu dəyərlər müxtəlif ola bilər.
QKB-nın ən mühüm məsələlərdən biri istiqrazların qiymətinin (kursunun) müəyyən olunması məsələsidir.
Onların kursu öz nominal dəyərində faizdən asılı olaraq verilir.
Əgər istiqrazların nominal dəyəri 1000 manatdırsa və 0,985 manata satılırsa, onda, onun kursu 98% təşkil
edir. Həmin faiz maliyyə bazarının gedişində formalaşır və dəyişkən xarakter daşıyır. Ona görə də bu qiymətli
kağızlar öz nominal dəyərlərindən həm yuxarı, həm aşağı satıla bilər.
Qiymətli kağızlar haqda Azərbaycan Respublikasının Qanununa əsasən borc öhdəlikləri öz emitentlərinə
görə iki böyük qrupa: dövlət qiymətli kağızları (istiqrazları) və şirkət istiqrazları qrupuna bölünür. Birinci qrupa aid
olan qiymətli kağızlara ilk növbədə Azərbaycan Respublikasının mərkəzi hökumətin və yerli hökumət orqanlarının
(bələdiyyələrinin) öhdəlikləri aid edilir. Mövcud qanunvericiliyə əsasən, dövlət qiymətli kağızları bazar və
qeyri-bazar növlərinə bölünür. Birincilər sərbəst şəkildə açıq bazarda tədavül edir. Qeyri-bazar növləri isə bu
hüquqa malik deyillər.
Məlum olduğu kimi, dövlət borc öhdəlikləri öz ödənilmə müddətinə görə qısa, orta və uzunmüddətli olurlar.
Qısamüddətlilərə ilk növbədə ödəniş müddətləri ən çoxu bir il ola bilən istiqrazlar və xəzinə vekselləri aiddir.
Ortamüddətli öhdəliklərin ən geniş yayılmış növü ödənilmə müddəti ən çoxu on il ola bilən xəzinə notlarıdır.
Uzunmüddətli öhdəliklər isə xəzinə istiqrazları şəklində çıxış edir. Müddətlər artdıqca onlar üçün ödənilən faiz
dərəcəsi və riskləri də artdığından getdikcə aşağı olur. Azərbaycanda bazar münasibətlərinə dair bir sıra atributlar
hələ tam formalaşmadığından (lazımi qanunlar, imtiyazlar, normativ bazası və s.) uzunmüddətli investisiyalara
həvəs göstərənlər (neft sektoru müstəsna olmaqla) hələ azdır.
Birinci qrupa aid olan (dövlət) qiymətli kağızları bir sıra ümumdövlət əhəmiyyətli proqramların yerinə
yetirilməsi məqsədilə buraxılır. Bunlardan cari büdcə kəsirini və əvvəllər buraxılmış borc öhdəliklərinin ödənilməsi
məqsədilə proqramların, о cümlədən yerli hakimiyyət orqanları tərəfindən həyata keçirilən proqramların
maliyyələşdirilməsi və s. üçün əlavə vəsaitlərin səfərbər edilməsi kimi məqsədləri göstərmək olar.
Respublikamızda ayrı-ayrı şirkətlərin buraxdıqları istiqrazlar ilk növbədə müəssisənin əsas kapitalını
formalaşdırmaq və genişləndirmək məqsədi ilə adlı və təqdimatlı növlər üzrə buraxılır. Kiçik və orta səhmdar
cəmiyyətlərin istiqrazları çox zaman müəssisələrin əsas kapitalının girovu ilə buraxılır. Ümumiyyətlə, borc
alanların əksəriyyəti yalnız daşman və daşınmaz əmlakı girov qoymaqla bankdan borc götürə bilər. Girovnamə -
borc alan tərəfindən imzalanmış və borc verənin adına yazılmış bir sənəddir. 90-cı illərin sonlarından başlayaraq
onların böyük bir hissəsi ilə ticarət etməyə başlamışlar. Belə girov sənədləri ilə müşayiət olunan istiqrazlar,
daşınmaz əmlak girovlu istiqraz və ya ipoteka istiqrazları adlanır.
Digər qiymətli kağızların çoxundan fərqli olaraq ölkəmizdə emissiya edilən istiqraz lar üzrə gəlir, qəti
müəyyən edildiyindən, onların orta qiyməti bank faizi dərəcəsinin dəyişməsinin təsiri altında tərəddüd edərək
dəyişir. Məsələn, nominalı 100 manat olan illik 6%-li istiqrazlar buraxılmış, onların bank faizi dərəcəsi 4%-dir.
Onda istiqrazın orta bazar qiyməti 150 manat olar. Bank faizi dərəcəsi 8%-ə qədər artarsa, onda istiqrazın or ta
bazar qiyməti 75 manat təşkil edər, başqa sözlə, iki dəfə aşağı düşər. Ona görə də ümumi düstur belə olar:
P = R/r x 100;
Burada P-istiqrazın məzənnəsini, R-istiqraz üzrə faizi, r-bank faizi dərəcəsini ifadə edir.
Beləliklə, istiqrazların orta bazar qiyməti, istiqraz və bank faizləri düz mütənasibdir. İstiqrazın nominaldan
yüksək qiymətə satılması mükafatı satış, nominaldan aşağı qiymətə satış isə güzəştli və ya diskontlu satış adlanır.
Aşağı qiymətdə satıldıqda, istiqrazların real gəlirliliyi artır.
Bəzi istiqrazların banklarına, faiz kuponları əlavə edilir. Bu kuponlarda istiqraz üzrə illik gəlirin məbləği
göstərilir. Sözü gedən istiqrazlara kuponlu istiqrazlar da deyilir. On-ların başqa bir növü sahibin adına qeyd olunur
və ona vaxtaşırı faiz ödəmələrinin çekləri göndərilir. Qeydiyyatlı istiqrazlar adlanan bu maliyyə bazarı alətləri
respublikamızda geniş tətbiq tapmamışdır.
İstiqrazları xarakterizə edərkən, onların rekvizitlərini də nəzərə almaq lazımdır. Bunlara əsasən
aşağıdakılar: vizitlər emitentin rəsmi adi, istiqrazın tipi, nominal dəyəri, buraxılma tarixi, ödənilmə müddəti,
ödənilmə zamanı hüquqlar, faiz dərəcəsi, faizlərin verilməsinin tarixi və yeri, buraxılış haqqında razılaşma göstərişi
daxildir. Bir sıra hallarda mövcud qanunvericiliyə müvafiq olaraq istiqraz emitentləri investorların məlumatlanması
üçün istiqraz müqavilələrini onlara təqdim etməlidir. Həmin müqavilə nümunələrində buraxılış şərtləri haqqında
informasiyalar əks etdirilir. Bu məlumatlara aşağıdakılar: istiqrazların buraxılma vaxtı, istiqrazların və onların
faizlərinin ödənilməsi qaydası və yeri, istiqraz sahiblərin hüquqları, borc öhdəliklərin təmin olunmasına xidmət
edən əmlak, qiymətli kağızların sahiblərinin maraqlarını ifadə etmək səlahiyyəti verilmiş təşkilatlar, buraxılmış
şərtlərin yerinə yetirilməsi tərkibində şirkətlərə tətbiq edilən sanksiyalar və bir sıra başqa məlumatlar daxildir.
Digər sivil ölkələrdə olduğu kimi Azərbaycan Respublikasında da istiqrazların buraxılması müəyyən
müqavilə xarakteri daşıyır ki, bu da müəyyən sənədlərlə rəsmiləşir. Bu sənədin ümumi həcmi 70-90 səhifə olur və
istiqraz sahiblərinin bir növ «stolüstü sənədi» hesab olunur.
Azərbaycan Respublikasındakı mövcud qanunlara əsasən, istiqraz haqda müqaviləyə müvafiq olaraq,
istiqraz emitenti öz üzərinə aşağıdakı öhdəlikləri götürmüş olur:
- qiymətli kağızlar üzrə hesablanmış faizlərin bu kağız sahiblərinə nizamlı qaydada və vaxtı-vaxtında
ödənilməsini təmin etmək;
- öz əmlakının bir hissəsini istiqrazların təmin edilməsində girov kimi ayırmaq;
- girov qoyulmuş mülkiyyəti mümkün korlanma və itkilərdən sığorta etdirmək;
- faizlərin ödənilməsi zamanı təyin olunmuş vergiləri ödəmək;
- öz fəaliyyətində bütün dəyişikliklər haqqında məlumatla qiymətli kağızlar sahiblərini təchiz etmək.
Bir qayda olaraq, qiymətli kağızların, о cümlədən istiqrazların sahiblərinin mənafeyini etibarlı nümayəndə,
müəyyən kommersiya bankı və elementdən asılı olmayan xüsusi etibar edilmiş şirkət ifadə və müdafiə edir. Həmin
nümayəndələr istiqraz sahibləri qarşısında öz öhdəliklərini yerinə yetirmədikdə, onda son anda müəyyən təsirli
tədbirlər qəbul etmək lazım gələr.
Ölkəmizdə son illər geniş fəaliyyət göstərən fond birjası bir neçə funksiyanı yerinə yetirir. Bunlardan
birinci və ən mühüm olanı hüquqi və fiziki şəxslərin müvəqqəti pul vəsaitlərini səfərbər etməkdən, beləliklə də,
onların qiymətli kağızlarla apardığı əməliyyatları uzunmüddətli kapital qoyuluşlarına çevirməkdən ibarətdir. Fond
birjası qiymətli kağızların tələb olunan likvidliyinin təmin edir və qısamüddətli yığımların uzunmüddətli
maliyyələşməyə cəlb olunmasına imkan yaradır.
Ümumi qaydaya görə, yalnız səhmləri birjada yüksək qiymətləndirilən müəssisələr səhmlərin yeni buraxılışı
hesabına istehsalın genişləndirilməsini maliyyələşdirə bilər.
Fond birjaları, birja nəzarət səhm zərflərinin formalaşdırılması yolu ilə kapitalın mərkəzləşdirilməsinin
sürətləndirilməsi işində mühüm rol oynayırlar.
Qiymətli kağızlarla əməliyyatlardan danışarkən onun ən yüksək inkişaf etdiyi və ən böyük birjaların
fəaliyyət göstərdiyi ABŞ şəraitində necə baş verdiyinə diqqət yetirmək zəruri olardı.
ABŞ maliyyə bazarında bir çox qiymətli kağızlar satılır və hər bir hüquqi və ya fizi ki şəxs həmin qiymətli
kağızlan ala bilər. Amma bu qiymətli kağızların alınması zamanı risk dərəcəsi və gəlirlilik səviyyəsi eyni olmur.
Risk dərəcəsi ilə gəlirlilik səviyyəsi düz mütənasibdir. Risk dərəcəsi yüksək olan yerdə gəlirlilik səviyyəsi də
yüksək və əksinə, risk səviyyəsi aşağı olan qiymətli kağızların gəlirlilik səviyyəsi aşağı olur.
ABŞ-da xəzinə veksellərinin və hökumət istiqrazlarının risk dərəcəsi demək olar ki, sıfır səviyyəsindədir.
Buna görə amerikalılar öz hökumətlərinə etibar edirlər. Burada yalnız inflyasiya müəyyən risk obyekti ola bilər ki,
bu da heç vaxt ABŞ-da yüksək səviyyəyə çatmamışdır. Buna görə də hökumətin qiymətli kağızları üzrə faiz
dərəcəsi aşağıdır. Bu səbəblərdən də ABŞ-da maliyyə bazarının fəaliyyət qaydası digər ölkələr üçün nümunə hesab
olunmalıdır.
ABŞ və digər inkişaf etmiş ölkələrdən fərqli olaraq Azərbaycanda investorlar (yəni sərbəst pul vəsaitləri
olan hüquqi və fiziki şəxslər) qarşısında bir neçə problemlər durur. Bunlardan birincisi pulları harada
yerləşdirməkdən ibarətdir. Məsələ burasındadır ki, ölkəmizdəki maliyyə institutları günün tələblərinə cavab verəsi
səviyyədə deyildir. Bank sistemi təkmil olmamaqla aşağı səviyyədə işləyir və bu səbəbdən də bank xidmətinin
səviyyəsi çox aşağı səviyyədə olur. Maliyyə bazarı yox dərəcəsindədir və yaxın vaxtlarda formalaşması da
gözlənilmir. Nə hökumət, nə də digər firmalar heç bir hüquqi bazaya malik olmadığından qiymətli kağız
buraxmırlar. Ölkənin valyuta rejimi imkan vermədiyindən, beynəlxalq bazara çıxmaq üçün bir çox valyuta
məhdudiyyətləri fəaliyyət göstərir və buna görə də valyuta qaçaq yolla kənara çıxarılır.
İkinci problem yerləşdirilən pulların təhlükəsizliyinin təmin olunması və riskin azaldılması hesab edilir. Bu
çox ciddi problemdir. Qeyd edək ki, Sovet dövründə banklar və digər maliyyə vasitəçilərinin hamısı dövlət
mülkiyyətində olduğundan bütün depozitlərə dövlət tam təminat verirdi. Lakin sovet sistemi dağıldıqdan və özəl
mülkiyyətli maliyyə vasitələri yaradıldıqdan sonra dövlət zəmanəti aradan götürüldü və bununla da dövlət nəzarət
sistemi tənəzzülə uğradı. Son illər ərzində əmanətlərə yeni zəmanət sistemi və dövlət nəzarət sistemi
formalaşmaqdadır.
ƏDƏBİYYAT
1. «Деловой Азербайджан» həftəlik iqtisadi jurnal-qəzet. 2003-cü il, № 4
2. Жуков Е.Ф. Ценные бумаги и фондовые рынки; Учебное пособие-М, ЮНИТИ, 1995 стр. 10-11
Инструменты финансового рынка, их роль и значение в развитии
национальной экономики.
РЕЗЮМЕ
В статье излагается структура инструментов финансового рынка и проводимой ими опе рации, их
воздействие на развитие национальной экономики.
Tools of financial market, their role and importance in the development
of the national economy.
SUMMARY
The article enunciates structure of tools of the financial market and operations involved, and their effect oh
the national economy.
Dostları ilə paylaş: |