Burchaksimon kesmalar
qorin bo‘shlig‘i a’zolariga ochib kirishda,
ko‘pincha o‘rta laparotomiyaning qorin devorini qo‘shimcha ko‘ndalang yoki
qiyshiq kesmalar bilan patologik o‘choqning joylashganiga ko‘ra, ung yoki chap
tomonga ochishdagi kombinatsiya hisoblanadi. Xuddi shu yo‘l bilan jigar va
jigardan tashqaridagi o‘t yo‘llarini operativ yo‘l bilan ochish usullari kelib
chikdi (Koxer, Ker, Fedorov, Rio-Branko kesmalari). Diafragma ostidagi
Klinik anatomiya, II jild. Qorin parda va hosilalari. Gulmanov Ilich Djumabaevich
9
bo‘shliqqa ochib kirishda (torako-abdominal jarohatlarda, diafragma osti
asbsesslarida) qorin devoridagi burchakli kesmalar ko‘pincha torako-abdominal
kesmalarga aylantiriladi.
Har qanday operatsiya kesmasi oldiga ikkita asosiy talab qo‘yiladi: juda
kam shikastlantirish va operatsiya jarohatida eng ko‘p kenglikni, ya’ni
operatsiya ob’ektiga ochib kirishning eng qo‘lay usulini ta’minlash.
Shunday qilib, epigastral sohada proyeksiyalanadigan a’zolar uchun o‘rta
va burchaksimon kesmalarni eng qo‘lay kesmalar deb tan olish kerak;
mezogastral soha uchun o‘rta va ko‘ndalang; gipogastral soha uchun esa
qiyshiq, chov boylamiga deyarli parallel ravishda o‘tkazilgan kesmalar qulaydir.
