Ivan da Marja



Yüklə 12,87 Kb.
tarix23.09.2018
ölçüsü12,87 Kb.
#70170

Ivan da Marja

Paksus mecas vanhas zamkas eli käred noid. Ken tuli läheli zamkad – sid’-žo kuti kividui. A ku neižne läheni zamkad, ka noid tegi händast linduižeks i ištuti raudpezaha.

Ühtes küläs eli Marja-neižne. Hän oli čomemb kaikid neiččid mirus. Ivan-priha tuli neiččen pert’he kozile.

Kerdan hö läksiba kävelemha mecha da segoiba. Ehtuškanzi jo. Sid’ priha homaiči meckorbes vanhan zamkan, mitte oli heiden edes. Ivan kacuhti Marjaha, a neižne jo tegihe linduižeks.

Päiväine laskihe jo mecan taga. Öpulo lendi koume kerdad ümbri lindus i koume kerdad hüngui: ”Ugu-ugu-ugu!” Priha ei voind kubahtada sijalpäi. Öpulo lendi poiš, a mecaspäi tuli gurbakaz vanh ak. Hän tabazi linduižen, a prihale sanui: ”Nikonz ed nägišta enamb neidišt! Konz ku ozutase pil’vespäi – mäne mecaspäi!”

Ivan läksi verhaze külähä i zavodi paimeta sigä lambhid. Hän käveli paksus ümbri zamkas, no ei tulend läheli. Kerdan priha nägišti unes rusttan änikon. Konz hän kosketi miččid-ni sijoid änikol, kus tundui paha vägi, ka nene väged sid’-žo kadoiba..

Priha heraštui homendesel i läksi ecmaha rusttad änikod unespäi. Ühesas päiväs päliči priha löuzi sen. Nügüd’ priha ei varaidand nimidä i niken ei voind azotada händast tedme zamkannoks. Ivan kosketi änikol verajad – se avaižihe-ki. Priha tuli zamkan südäimehe i kulišti linduižiden änid – nece noid söti ičeze türmatud neiččid. Noid nägišti prihad, käreganzi hänen päle, tahtoi läheneda händast, a ei voind.

Priha zavodi kacta linduižid i homaiči äkkid, miše noid oti peitos ühten raudpezan i läksi verajannoks. Sid’-žo priha kosketi änikol raudpezan i noidan. Vanh ak kadoti ičeze noidväged, a Marja tegihe udes čomaks neiččeks.



Ivan tegi kaikid linduid neiččikš i pördihe kodihe ičeze nevestanke.

Maria MIRONOVA

Pirdatuz: Irina SOTNIKOVA
Yüklə 12,87 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©www.genderi.org 2024
rəhbərliyinə müraciət

    Ana səhifə