IV FƏSİL
İSTEHSAL, ONUN AMİLLƏRİ VƏ TƏKRAR İSTEHSAL
Cəmiyyətin tələbatları və resurslar
Əmək bölgüsü və istehsalın inkişafında onun rolu
İstehsalın inkişaf tipləri
Təkrar istehsal və onun növləri. İqtisadi böhranlar
Məşğulluq və işsizlik. İşsizliyin səbəbləri.
$1. Cəmiyyətin tələbatları və resurslar
İctimai quruluşundan asılı olmayaraq hər bir cəmiyyətin fəaliyyətinin son məqsədi bütövlükdə cəmiyyətin və onun ayrı ayrı üzvlərinin tələbatlarının ödənilməsindən ibarətdir.
İstehsal prosesi məhz cəmiyyətin sərəncamındakı resurslardan istifadə edib, ona lazım olan əmtəə və xidmətlərin istehsalına doğru yönəlmişdir.
Tələbat- insanın yaşayışını, şəxsin və bütövlükdə cəmiyyətin inkişafını təmin etmək üçün zəruri şeylərə olan ehtiyyacdır.
İnsanların ehtiyyac duyduqları əmtəə və xidmətlərin sayı milyonlarladır və bu bu əmtəə və xidmətlər dairəsi daim artmaqdadır.
Tələbatların ödənilməsi prosesində həm kəmiyyət həm də keyfiyyətcə yeni-yeni tələbatlar meydana gəlir və onların strukturu dəyişir.
Ötəri olaraq bəşəriyyətin iqtisadi təkamül tarixinə diqqət yetirsək, tələbatların daim artdığına dair külli miqdarda faktlara rast gələ bilərik. Alimlərin hesablamalarına görə hər on ildə istehsal əmtəə və xidmətlərin miqdarı iki dəfədən də çox artır. Bu qanunauyğunluq iqtisad elmində tələbatların artması qanunu adlandırılmışdır.
Dostları ilə paylaş: |