III əsrin ortaları
Albaniya hökmdarlarının Roma ilə diplomatik əlaqələrinin kəsilməsi.
AZƏRBAYCAN SASANİ İMPERİYASININ TƏRKİBİNDƏ (III-VII ƏSRLƏR)
I-V əsrlər
Hun, xəzər, sabir və başqa türk tayfalarının Azərbaycanda məskunlaşması.
I əsr – 510
Türk mənşəli Arşakilər sülaləsinin Albaniyada hakimiyyəti.
215-255
Alban hökmdarı I Cəsur Vaçaqanın hakimiyyəti. I Vaçaqanın dövründə Albaniyanın bütün vilayətləri vahid
dövlətdə birləşdirildi və Albaniya güclü dövlətə çevrildi.
226
Ərdəşir Babəkanın Parfiya dövlətini süquta uğratması və Sasanilər dövlətinin əsasını qoyması.
226-651
Sasanilər dövlətinin mövcud olması.
226-241
Sasani şahı Ərdəşir Babəkanın hakimiyyəti
.
Ərdəşir Babəkan hakimiyyəti dövründə Atropatena dövləti öz
müstəqilliyini itirərək Sasanilər dövlətinin tərkibinə qatıldı.
227
Atropatena dövlətinin öz müstəqilliyini itirərək Sasanilər dövlətinin tərkibinə qatılması.
241-272
Sasani şahı I Şapurun hakimiyyəti. I Şapurun dövründə Albaniya Sasanilər dövlətinin tərkibinə qatılsa da onun
ölümündən sonra Albaniya yenidən müstəqil xarici siyasət yeritməyə başladı. I Şapur itaət altına alınmış
ölkələrdə Zərdüştliyi zorla yaymaq haqqında əmr verməsi ilə də yadda qalmışdı.
255-262
Alban hökmdarı I Vaçenin hakimiyyəti. I Vaçe Roma ilə ittifaqı Sasanilərə tabe olmaqdan üstün tutmuş, buna
baxmayaraq Albaniya Sasani imperiyasından asılı vəziyətə düşmüşdü.
260
I Şapurun Roma ordusunu məğlubiyyətə uğradaraq imperator Valerianı əsir alması.
262
Albaniyanın Sasani imperiyasının tərkibinə daxil edilməsi.
272
I Şapurun vəfat etməsi və Albaniyanın yenidən müstəqil xarici siyasət yeritməyə başlaması.
290-338
Paytakaran vilayətinin hakimi Sanatürkün hakimiyyəti. Sanatürk xristianlığın yayılmasına qarşı bir sıra
tədbirlər həyata keçirərək Van gölü istiqamətində erməni çarlığı üzərinə yürüş etmişdi. Sanatürkün yürüşdə
məqsədi Paytakaran vilayətində xristianlığın yayılmasının qarşısını almaq, Albaniyanın müstəqilliyini
qorumaq və ölkənin ərazi bütövlüyünü təmin etmək idi. Bu məqsədlə Sanatürk hunları, basilləri və digər türk
tayfalarını ittifaqa cəlb etmişdi.
III əsr
İranda yüksək zümrələrin ağalığına qarşı Manilik hərəkatı baş verməsi.
III-V əsrlər
Azərbaycanda feodalizm münasibətlərinin yaranması.
IV əsrin əvvəlləri
Albaniyada xristianlıq dininin yayılmağa başlaması.
IV əsr
Atropatenanın iqtisadi yüksəliş keçirməsi və əmtəə istehsalının genişlənməsi.
309-379
Sasani şahı II Şapurun hakimiyyəti. II Şapurun hakimiyyəti dövründə Albaniyada daxili vəziyyət
mürəkkəbləşdi, Cənubi Qafqaz, o cümlədən Albaniya torpaqları Sasani və Roma imperiyaları arasında
mübarizə meydanına çevrildi.
337
Sanatürkün erməni çarlığı üzərinə hücum etməsi. Hücum nəticəsində Sanatürk erməni çarlığının paytaxtını ələ
keçirərək buranı bir il əlində saxladı və ermənilərin xristianlığı yaymaq yolu ilə Azərbaycan torpaqlarını işğal
etmək planlarını birdəfəlik iflasa uğratdı.
338
Ermənilərin Roma və iberlərlə ittifaq yaradaraq Sanatürkü məğlub etməsi. Sanatürk ermənilərlə döyüşdə həlak
olması.
343-371
Alban hökmdarı Urnayrın hakimiyyəti. Urnayrın dövründə Albaniya müstəqil siyasət yeritdi, Sasani şahı II
Şapurla mütəffiqlik münasibətlər saxlanıldı, II Şapur Ön Asiya uğrunda mübarizədə Romaya qarşı vuruşarkən
Albaniya sasanilərin müttəfiqi kimi çıxış etdi.
359
Amid döyüşü. Roma ilə Sasani qoşunları arasında baş vermiş döyüşdə Albaniya hökmdarı Urnayr sasanilər
tərəfindən vuruşurdu. Döyüş nəticəsində II Şapur qələbə qazandı, Albaniyanın Arsax, Kaspiana vilayətləri və
Marlar ölkəsi (indiki Naxçıvan) geri qaytarıldı.
371
Dzirav döyüşü. Döyüş nəticəsində sasani-alban birləşmiş qüvvələri məğlub oldular, Urnayr ağır yaralandı,
Albaniya Uti, Şakasena, Girdiman və Kolt vilayətlərini itirdi.
387
Roma ilə Sasanilər arasında sülh müqaviləsi bağlanması. Müqavilənin şərtlərinə əsasən Van gölündən qərbdə
yerləşən kiçik erməni çarlığı süqut etdi və ərazisi Roma ilə sasanilər arasında bölüşdürüldü, Dzirav döyüşündə
Albaniyanın itirdiyi dörd vialyəti isə geri qaytarıldı.
379-421
Sasani şahı I Yezdəgerdin hakimiyyəti. I Yezdəgerd hakimiyyətinin ilk illərində Albaniyada xristianlığın
yayılmasına imkan verdi və xristianların xidmətindən istifadə etdi.
438-457
Sasani şahı II Yezdəgerdin hakimiyyəti. II Yezdəgerd hakimiyyəti dövründə xristianlığa qarşı mübarizəni
gücləndirdi, Albaniyanın və ona qonşu olan ölkələrin hakimlərini Ktesifona çağırtdıraraq onlara məcbur
atəşpərəstliyi qəbul etdirdi.
440-463
Alban hökmdarı II Vaçenin hakimiyyəti. II Vaçe hakimiyyəti dövründə atəşpərəstlik dinindən imtina edərək
xristianlığı rəsmi din kimi qəbul etdi, müstəqil siyasət yeridərək Sasanilərin tərkibindən çıxdı və Qafqazın 11
hakimiylə ittifaqa girərək yeni sasani şahı Firuzun hakimiyyətinə qarşı çıxdı.
457
Sasani hökmdarı II Yezdəgerdin vəfat etməsi və II Vaçenin atəşpərəstlik dinindən imtina edərək xristian
dinini qəbul etməsi.