6.
Şəkillərdən və xatirələrdən Əmin Abidin obrazı yaddaşıma
zəif gördüyüdən qalın gözlük taxan, sakit təbiətli, astagəl,
necə deyərlər, suyu da üfürə-üfürə içən, ehtiyatla davranan bir
alim kimi hopmuşdu. Gültəkin isə Xəlil Rza Ulutürk kimi
çılğın, yüksək səslə bağıran bir şair tə’siri bağışlayırdı.
Tələbəlik illərində Ə.Abid haqqında bilgi əldə etmək üçün onu
tanıyanlarla və qohumları ilə tez-tez görüşürdük. Belə axtarışların
birində tələbə yoldaşım İsrafil Qurbanovla Hüseyn Necdətin evini
tapdıq. Gəncliyində şerlər yazan və dövri mətbuatda çap etdirən
Hüseyn Necdət Əmin Abidlə əmi-qardaşoğludan çox, yaşları
arasında fərq azlığından və səmimi münasibətlərindən qardaş kimi
olmuşdular. Hüseyni tanıyanlar deyirdilər ki, atası əliabbas Müznib,
əmisi Əmin Abid həbs olunanda onun da həyatı təhlükə qarşısında
imiş. Arvadı Valentina Aleksandr qızı Pozdşevanın vəzifəli
qohumları Hüseyni DTK-nın caynağından qurtarmışdılar. Buna
baxmayaraq, Hüseyn Necdət bir müddət Bakıdan kənarda yaşamalı,
sürgün həyatı keçirməli olmuşdu.
Hüseyn Necdət 13-14 ildi ki, vəfat etmişdi. Buna baxmayaraq,
mühasib işləyən V.A.Pozdşeva ailə arxivinin bir qismini qoruyub
saxlaya bilmişdi. Burada Ə.Abidin də əlyazmaları, əsərlərinin
makina yazısı vardı.
Tapıntımız haqqında M.F.Axundov adına Respublika kitabxana-
sında tez-tez görüşdüyümüz Azərbaycan Dövlət Ədəbiyyat və
İncəsənət Arxivinin direktor müavini Qulam Məmmədliyə bilgi
verdik və sənədləri arxiv üçün almasını xahiş etdik. O da bizə
təşəkkürünü bildirib, arxivin əməkdaşlarından Maarif Teymurov və
Bibixanım Hüseynovanı göndərərək V.A.Pozdşevadan 1970-ci ilin
oktyabrın 23-də sənədləri və fotoşəkilləri aldırdı. Burada da Əmin
Abid
in Gültəkin imzası ilə şerlər yazdığına, eləcə də həmin imza ilə
çap olunmuş şerlərin əlyazmasına rast gəlmədik.
Bəs Gültəkin kimdir? Sualına cavab tapmaq üçün M.Ə.Rəsulzadə
nin, M.B.Məmmədzadənin və başqa mühacir ictimai-siyasi
xadimlərin həyat və yaradıcılıqlarını gözdən keçirirdim. Lakin yenə
heç bir nəticə əldə edə bilmədim.
Bir təsadüf yenidən Gültəkinin şerləri üzərinə qayıtmağıma və
onlara yeni gözlə baxmağıma səbəb oldu. Uzun illər əlçatmaz
saydığım bir iş 1998-ci ildə reallaşdı. Əmin Abidin Azərbaycan
14
Milli Təhlükəsizlik Nazirliyinin arxivində saxlanan istintaq
materialları ilə tanış oldum. Buradakı sənəddə Əmin Abidin İstanbul
Universitetində oxuyarkən Məmməd əmin Rəsulzadə və başqa
mühacir siyasi xadimlərlə tez-tez görüşdüyü, onların toplantılarında
iştirak etdiyi, “Yeni Kafkasya” dərgisində antisovet şer və məqalələr
çap etdirdiyi yazılıb.
Ə.Abidin İstanbulda təhsil alarkən tələbə yoldaşı Nafiə ilə
evləndiyini də bilirdim. Onun Bakıda və Tbilisidə çap olunan
“Maarif və mədəniyyət”, “Maarif işçisi”, “Dan yıldızı” jurnallarında
Nafiə Abid imzası ilə bir neçə şer və hekayəsini də oxumuşdum.
Lakin Nafiənin qızlıqdakı soyadı, atasının adı, ömür yolu haqqında
heç bir bilgim yox idi. ərinin həbsindən heç bir ay keçməmiş (1938-
ci il 11 avqust) həbs edilən Nafiə xanımın istintaq materiallarından
1903-
cü ildə Yanya şəhərində (indiki Yunanıstanda) doğulduğunu,
kiçik yaşlarında İstanbula köçdüklərini, atası Əhməd Şükrünü erkən
itirdiyindən anası Zəhranın Tevfik Tanurə ərə getdiyini, buna görə də
soyadının Tevfik Tanur olduğunu öyrəndim. Bu kiçik qeyd də mənə
yardımçı oldu. “İstiqlal uğrunda” kitabındakı “Qardaş sevgisi”
şerinin müəllifi Nafiə Şükrünün elə Nafiə Abid olduğunu öyrəndim.
Beləliklə, Gültəkinin Ə.Abidin imzası olduğunu söyləməyə
imkan verən faktları sıraladım:
1.
Nafiə Şükrünün “İstiqlal uğrunda” kitabındakı şeri “Azərbay-
canın millətpərvər şairi Gültəkin bəyə” qeydilə çap olunub.
Sonunda da “15 Kanun-
i sani 1925” tarixi qoyulub. Şer
aşağıdakı beyt ilə başlayır:
Əsiyor Şərqin o munis rüzgarı
Qafqaziyanın yaşıl yamaclarında. —
və:
Yalnız sən deyilsən o yurda vurğun,
Bən də abidiyəm o şən məbudun. —
beytilə tamamlanır.
Son misradakı “abidiyəm” sözünü iki anlamda qəbul
etmək olar. Birincisi müstəqim mənada — ibadətlə məşğul
15
olan,
ikincisi
Əmin Abidin adı anlamında. Yeniyetməlik və
ilk gənclik çağlarında Əmin Abid yazılarının altında “Abid”,
“Abid Mütəllibzadə” və s. imzası qoyub. Nafiə xanımın
Gültəkinə müraciətlə yazdığı şerdə “abid” sözünü işlətməsi,
bizcə, təsadüfi deyil.
2.
İstintaqda “Yeni Kafkasya” dərgisində antisovet şerləri və
məqalələrinin çap olunduğunu Ə.Abid etiraf edib. Bu
dərgidəki ən üsyankar, antisovet şerləri Gültəkin imzası ilə
çap olunub.
3.
Ə.Abidin imzası ilə “Gənc pedaqoq” jurnalında çap olunmuş
“Qürbətdən məktub” şeri hər iki kitabda çap olunmuş
“Anneme” şeri ilə həm məzmunca, həm də üslubca eynidir.
Məs.:
Azerbaycan benim gözelim, anne!
Azerbaycan benim emelim, anne!
Git onun bayrağına yüzünü sür de,
Rusun çiğnediği toprağını öp.
Azeri oğlunun böyük ümidle
Gömdüğü üç rengli bayrağını öp.
Belki de ölürüm qörbetde, anne!
Ruhumsa qalmasın hasrette, anne!
“Anne”
Qış gəlir, bahar gəlir
Ayva
gəlir, nar gəlir.
Ç
ox üzülmə su kibi,
Gözlədiym yar gəlir…
Annə, sən gözlə bəni,
Gözlə, dörd gözlə bəni.
Könlüm yazıqdır şimdi,
Üzmə bir sözlə bəni.
“Qürbətdən məktub”
Şairin eyhamla söylədiyi “Gözlədiyim yar gəlir”— ifadəsi
Azərbaycanın azadlıq və müstəqilliyinə işarədir.
16