Guliston davlat universiteti

3-BOB gandbolda tayorgarlik turlar


3.1 Texnik tayyorgarlik

Har bir o„yinchining texnik mahorati-uning ixtiyorida bo„lgan, ijro etishni yaxshi bilgan o„yin vazifalarini hal etish uchun kerakli texnik usullar turlari ko„pligiga qarab belgilanadi. Gandbolchining sport tayyorgarligi jarayoni o„yin texnikasining muntazam yaxshilanib borishi bilan uzviy bog„liqdir. Mashg„ulotning bosh vazifalaridan biri-gandbol texnikasini har tomonlama egallashdan iboratdir. Mazkur vazifani hal qilish uchun:

1) o„yinning barcha hozirgi zamon texnik usullarini bir xil darajada egallagan bo„lishni va ularni turli shart-sharoitda yanada takomillashgan usullar bilan bajarishni bilishni; 2) bir usulni ikkinchisi bilan turli izchillikda qo„shib olib bora bilishni;
3) jamoa bo„lib bajariladigan harakatlarga bog„liq ravishda o„yin paytida ko„proq foydalaniladigan hujum va himoya usullarini egallashni;
4) erkin va ixtiyoriy harakatlarda ishlatiladigan usullarning umumiy muvofiqligini tobora oshirib, ijro sifatini muntazam yaxshilab borishni talab qiladi.
Gandbolchilar texnik mahoratini takomillashtirish umum-nazariy asoslarga quriladi va taktikani takomillashtirish, harakat va ma‟naviyiroda sifatlarini rivojlantirish bilan birga qo„shib bajariladi.
Mashg„ulot jarayonida usulni bajarish texnikasini nimalar xisobiga yaxshilash mumkinligini aniqlash kerak. Buning uchun quyidagi harakat sifatlarini, ya‟ni tezkorlik, kuch, chidamlilik, egiluvchanlik, epchillik va hokazolar darajasini yuqori ko„tarish

samarali yordam beradi. Jamoaning mahorati o„yinchilardagi texnik tayyorgarlikning darajasiga bog„liq.

O„yin uchun zarur bo„lgan barcha uslublar va ularni bajarish usullari texnik tayyorgarlik jarayonida oshib boraveradi, shu bilan birga sportchining shaxsiy qobiliyati va jamoa uchun zarur bo„lgan umum harakatlar takomillashadi. Texnikani takomillashtirish uchun ma‟lum bolgan barcha usullardan foydalaniladi.
Shular jumlasidan, takrorlash usuli ko„proq tarqalgan. Shuningdek, musobaqa usullarining barcha turlaridan ham foydalaniladi. 199 Texnika-o„yinning asosi. Faqat uni mukammal egallash va xar xil o„yin sharoitida qo„llashni bilish yuqori sport malakasiga erishishning garovidir.