Fərid Hüseyn Qandalı görməsin
Yüklə 0,85 Mb. Pdf görüntüsü
|
- Bu səhifədəki naviqasiya:
- Qafqazinfo.az
- Vaqif Bayatlı Odər
|
Qafqazinfo.az saytının kitabxanası
Redaktor: İlahə Ucaruh, Etimad Başkeçid Nəşriyyat redaktoru: Günel Şamilqızı Korrektor: Təranə Musayeva, Amid Mahmudov Üz qabığının müəllifi: Etibar Lətifli Eskizlərin müəllifi: Səkinə Zeynalova
Bu kitabı anam Tahirə xanımın göz yaşlarına ithaf edirəm
Azad olunmağımda zəhməti və xidməti olmuş hər kəsə minnətdaram
Fərid Hüseyn
Həbsxana haqqında yazdığım xatirələr bu kitabla yekunlaşmır, gələcəkdə yadıma düşən hadisələri yəqin ki, yazacam. Amma indiki halımda, əhvalımda daha bir cümlə yazmaq da ağlıma gəlmir. Kitabın nəzərdə tutulan ikinci nəşri, yəqin ki, daha əhatəli olacaq. Kitabın çapına göstərdiyi maddi və mənəvi dəstəyə görə qafqazinfo.az saytına təşəkkür edirəm.
Fərid Hüseyn
Şair Fərid Hüseyn və Şəhriyar Del Gerani 2012-ci il 28 apreldə 4 günlük poeziya günlərində iştirak etmək üçün İrana gediblər. May ayının 2-də həbs olunaraq 127 gün (4 ay) azadlıqdan məhrum ediliblər. Xalqın, Cənab Prezident İlham Əliyevin, dövlət rəsmilərinin, media nümayəndələrinin, yazarların istəyi və böyük səyləri nəticəsində azadlığa qovuşublar. Bu kitabda 4 ay günahsız yerə zindanda qalan iki şairin başına gələn dəhşətlərdən və ağrılı-acılı günlərdən bəhs olunur
Kitabı oxumağa başladığım tarix:
Bitirdiyim tarix:
Həm də bir Tanrı işarəsi
Fərid Hüseyn və Şəhriyar Del Gerani həm də Təbrizdə həbs olunmaları, 127 gün həbsdə qalmalarıyla Şimali Azərbaycan tarixində yeni bir mərhələyə, yeni bir ilkə imza atdılar. Onlar şeirimizin sevimlisi Cənubi Azərbaycanda, Təbrizdə həbs olunan ilk Şimali Azərbaycan şairləri oldular. Beləcə, rəsmi şəkildə Şimali və Cənubi Azərbaycan bir bayraq altında yox, bir həbsxana içində birləşdilər. O şairlərdən birinin adının Şəhriyar, o birinin soyadının Hüseyn olması da təsadüfü deyil. Əslində, soyadlar elə-belə, təsadüfü olmur, yadınıza salın, hər iki qadın Milli Qəhrəmanlarımız – Salatın və Gültəkin xanımların da soyadları Əsgərdir. Onlar əsl əsgər oldular. Hər iki şairimizi – Fəridi və Şəhriyarı yaxından tanıdığım üçün bilirəm ki, onların hər ikisinin ruhu çox azaddır. Məncə, onlar Azərbyacan – türk şairləri olduqlarıyçün yox, İrandakı azadlıqdan daha çox azad olunduqlarıyçün həbs edildilər. Fərid bəyin həbsxana xatirələrini oxudum, məncə, həm çox poetik yazıb, həm də çox sadə və qeyrətlə. Sadə yazmaq çox çətindir. Ən əsası, heç bir yerdə özünü və dostunu şişirdib qəhrəmana çevirməyib. Elə bu cür yazmağı Fəridin qəhrəmanlığıdır, hətta bəzi yerləri o qədər rahat, poetik yazıb ki, oxucu özündən asılı olmadan özünü o həbsxanaya düşmüş kimi hiss eləyir. Təki bütün həbsxanalarda belə azadlıq, sevgi, yazmaq eşqi olsun. Fəridin bizim doğma azadlığımız, mübarizəmiz üçün indidən, – gənc ikən belə bir həyat keçməsi bir insan və yazıçı kimi onun böyük gələcəyindən çox şey vəd edir. Həm də Allah Fəridi belə ağır vəziyyətlərə salmaqla bu çətin yaradıcı yolla sonacan gedə biləcəyi təqdirdə onunçün çox şərəfli və gözəl əbədi nəsə hazırladığına işarə edib. Bu işarə həm də bütün Azərbaycandır...
Yüklə 0,85 Mb. Dostları ilə paylaş:
|