26
ağlıma gəlib! Feldşer üçün də bir miras qoyub gedərəm, heç
olmasa qışda, əlavə pəncərə çərçivələrini qoyanda yazdığım
bu kağız vərəqələrini pəncərələrə yapışdırar.
Lakin heç bilmirəm, niyə mən bu yazını ortadan
başladım. Əgər hamısını yazmaq lazımdırsa, onda gərək
bunu başdan başlayım. Yaxşı, başdan başlayım. Onsuz da
mənim tərcümeyi-halım çox böyük olmayacaq.
Mən buradan uzaqlarda, N quberniyasında anadan
olmuşam. Belə güman etmək olar ki, mənim atam və anam
yaxşı adamlar imiş, lakin onlar məni lap uşaq ikən yetim
qoyub getmişlər. Mən xırda təsərrüfatlı bir mülkədarın –
Nikolay Sergeyiç İxmenyevin evində böyümüşəm. O yazığı
gəldiyi üçün məni götürüb saxlamışdı. Onun Nataşa adlı
bircə qızı vardı, qız məndən üç yaş kiçik idi. Biz bacı-qardaş
kimi yaşayırdıq. Ey mənim əziz uşaqlıq əyyamım! Ömürdən
iyirmi beş il keçəndən sonra səni düşünüb kədərlənmək,
səndən ötrü heyifsilənmək, ölərkən yalnız səni fərəh və
minnətdarlıqla xatırlamaq nə mənasız bir şeydir! Onda,
göydə necə aydın günəş vardı, o heç də Peterburq günəşinə
bənzəmirdi, bizim də kiçik ürəyimiz necə şən, necə fərəhlə
downloaded from KitabYurdu.org
27
döyünürdü! Onda hər tərəf çöl idi, meşə idi, o yerləri indiki
kimi cansız daş yığınları bürüməmişdi. Vasilyevskidəki bağ
və park nə gözəl idi! Nikolay Sergeyiç də oranın müdiri idi.
Mən Nataşa ilə bu bağa gəzməyə gedirdim, bağın arxasında
rütubətli, böyük bir meşə vardı, bir dəfə biz o meşədə
azmışdıq... Nə gözəl, nə sevimli günlər idi! Həyat ilk dəfə
olaraq cəlbedici sirləri ilə bizim qarşımızda canlanırdı,
onunla tanış olmaq necə xoş idi! Onda elə bil ki, hər kolun,
hər ağacın arxasında bizim bilmədiyimiz, tanımadığımız
əsrarəngiz bir şey yaşayır, əfsanəvi aləmlə həqiqi aləm bir-
birinə qarışırdı. Bəzən elə olurdu ki, dərin dərələrə axşam
dumanı çökəndə, bu duman dağınıq, ağ saç kimi burula-
burula, bizim böyük dərənin daşlı sinəsində bitən kollara
dolaşanda, biz bir-birimizin əlindən tutub, uçurumun
kənarında durur, qorxa-qorxa, həm də maraqla dərənin
dərinliklərinə baxırdıq, gözləyirdik ki, indi oradan bir şey
çıxıb bizim qarşımıza gələcək, ya da dərənin söylədiyi
nağıllar qanuni bir həqiqət olacaqdır. Onda bizə “uşaq
qiraəti” adlı bir kitab gətirmişdilər. Kitabı alan kimi biz bağa
qaçdıq, orda, o gölməçənin kənarında, sıx yarpaqlı qoca bir
downloaded from KitabYurdu.org
28
isfəndan ağacının altında, bizim sevdiyimiz yaşıl bir skamya
vardı, bu skamyada oturub “Alfolns və Dalinda” adlı
əfsanəvi bir povesti oxumağa başladıq, bunu mən çox sonra
Nataşanın yadına saldım. Hələ indi də mən bu povesti
xatırlayanda, qəlbimdə qəribə hisslər oyanır. Bir il bundan
əvvəl Nataşaya bu povestin ilk iki sətrini: “Mənim
povestimin qəhrəmanı Alfons Portagizdə anadan olmuşdur,
onun atası Don-Pamir” və s. oxuyanda az qaldı ki, ağlayım.
Görünür, bu çox axmaqcasına bir hərəkət olmuşdu, yəqin
buna görə də Nataşa mənim keçirdiyim həyəcana elə qəribə
bir halda gülümsəmişdi. Lakin o da dərhal bunu başa düşdü
(bu mənim yadımdadır), mənə təsəlli olmaq üçün özü də
keçmişləri xatırlamağa başladı. Danışdıqca onun da qəlbi
riqqətə gəldi. O nə gözəl bir axşam idi! Biz bütün keçmişləri
göz önündən keçirtdik: mənim quberniya şəhərinə, pansiona
göndərildiyimi də (ilahi, onda Nataşa necə ağlayırdı), bizim
sonuncu ayrılığımızı da xatırladıq, o zaman mən
Vasilyevskini həmişəlik tərk edirdim. Mən onda pansionu
bitirib, universitetə girmək üçün Peterburqa gedirdim. Onda
mənim on yeddi yaşım vardı. Nataşa on dördü bitirib on
downloaded from KitabYurdu.org
29
beşə girirdi. Nataşa deyir ki, onda mən biçimsiz, uzundraz
bir şeydim, mənə baxanda adam gülməyə bilmirdi.
Vidalaşarkən mən onu kənara çəkdim, ona çox mühüm bir
şey demək istəyirdim, lakin birdən elə bil dilim tutuldu.
Nataşa deyir ki, onda mən dərin həyəcan içində idim.
Məlum şeydir ki, belə bir vəziyyətdə biz bir şey danışa
bilməzdik. Mən bilmirdim nə deyim, desəydim də, o yəqin
ki, məni başa düşə bilməyəcəkdi. Mən ancaq dərdli-dərdli
ağladım, heç bir şey deməmiş çıxıb getdim. Biz çox sonra
Peterburqda görüşdük. Bu görüşümüz iki il bundan qabaq
olmuşdu. Qoca İxmenyev bura mübahisəli bir məsələni
məhkəmə yolu ilə həll etməyə gəlmişdi, mən də ədəbiyyat
aləminə yenicə qədəm qoymuşdum.
downloaded from KitabYurdu.org
30
III FƏSİL
Nikolay Sergeiç İxmenyev çoxdan kasıblamış yaxşı bir
nəsildən idi. Ata-anasından ona yüz əlli nəfər əhalisi olan
yaxşı mülk qalmışdı. İyirmi yaşında gedib hərbi qulluğa
girmiş, qusar olmuşdu. İşləri yaxşı gedirmiş. Lakin qulluğun
altıncı ilində, bir axşam ona bir bədbəxtlik üz verir, bütün
var-yoxunu uduzur. Bütün gecəni yatmır. Ertəsi gün axşam
yenə də qumar stoluna yaxınlaşır, atını qumara qoyur: onun
var-yox bircə atı qalıbmış. Əli gətirir, sonra bir də gətirir, iki
də gətirir, üç də gətirir, yarım saatdan sonra öz kəndlərindən
birini – balaca İxmenyevkanı udur, son təhkimçilik siyahısı
üzrə bu kəndin əlli nəfər əhalisi varmış. O daha oynamır,
ertəsi gün də qulluqdan çıxmaq üçün istefa verir. Yüz nəfər
kəndlisi həmişəlik əlindən çıxır. İki aydan sonra poruçik
rütbəsilə qulluqdan azad edilib öz kəndinə gəlir. Qumarda
uduzduğunu bütün ömrü boyu heç kəsə danışmır, kim bunu
onun yadına salsa, o nə qədər xoşməzac adam olsa da,
mütləq həmin adamla dalaşa bilərdi. Kənddə çox ürəklə
təsərrüfat işlərinə girişir və otuz beş yaşında Anna
downloaded from KitabYurdu.org
Dostları ilə paylaş: |