44
1.Ölkə iqtisadiyyatında stabilliyə nail olunması;
2Ölkənin vacib təbii sərvətlərinin aktiv şəkildə istifadə edilmə strategiyası
çərçivəsində böyük uğurlara imza atılması;
3. Torpağın xüsusi mülkiyyətə verilməsi ilə Azərbaycan kəndlərində yeni sosial-
iqtisadi şəraitin meydana gəlməsi;
4.İqtisadiyyatın liberallaşması,xarici əlaqələrin inkişaf etməsi və xarici investorların
özəlləştirmə prosesinə cəlb olunması ilə,iqtisadi inkişaf adına əsas, vacib və davamlı
mənbənin əldə edilməsi.
Təqdirəlayiq haldır ki, iqtisadi inkişafın ikinci və üçüncü mərhələsində Azərbaycan
Respublikasında qeyd edilən modelin gerçəkləşməsinin rəsmi bazası kimi bir çox
irimiqyaslı iqtisadi siyasət sənədləri (konsepsiya, strategiya və proqramlar) qəbul
olunmuş (''Azərbaycanda Kiçik və Orta Sahibkarlığa Dövlət Yardımı Proqramı
(1997-2000-ci illər)'', "Azərbaycan Respublikasında kiçik və orta sahibkarlığın
inkişafının Dövlət Proqramı (2002-2005-ci illər)", "Azərbaycan Respublikasında
maşınqayırma sənayesinin inkişafının Dövlət Proqramı (2002-2005-ci illər)",
"Azərbaycan Respublikasında aqrar bölmənin inkişafının Dövlət Proqramı (2002-
2006-cı illər)", "Azərbaycan Respublikasının demoqrafik inkişaf konsepsiyası",
"Azərbaycan Respublikasında 2002-2005-ci illərdə turizmin inkişafına dair Dövlət
Proqramı", "Azərbaycan Respublikasında yoxsulluğun azaldılması və iqtisadi inkişaf
üzrə Dövlət Programı (2003-2005-ci illər)", "Azərbaycan Respublikası regionlarının
sosial-iqtisadi inkişafı Dövlət Programı (2004-2008-ci illər)") və digərləri uğurla
həyata keçirilmişdir. Eyni zamanda, hal-hazırda "Azərbaycan Respublikasının
məşğulluq strategiyası" (2006-2015-ci illər), “Azərbaycan Respublikası regionlarının
2009-2013-cü illərdə sosial-iqtisadi inkişafı Dövlət Proqramı”, “2008-2015-ci illərdə
Azərbaycan Respublikasında yoxsulluğun azaldılması və davamlı inkişaf Dövlət
Proqramı”, “2008-2015-ci illərdə Azərbaycan Respublikasında əhalinin ərzaq
məhsulları ilə etibarlı təminatına dair Dövlət Proqramı” və digər vacib sənədlər
uğurla icra olunur.
45
Keçid dövrünün başa çatması ilə Respublikamız 2009-2010-cu illərdən başlayaraq
sosial-iqtisadi inkişafın yeni dövrünə daxil olmuşdur. Əslində,Azərbaycanın milli
inkişaf modelini xarakterizə edən vacib xüsusiyyətlərdən biri iqtisadiyyatın
şaxələndirilməsi siyasətinin uğurla həyata keçirilməsi, xüsusən regional inkişaf və
sahibkarlığın yüksəlişi məsələlərinə xüsusi diqqətin yetirilməsidir.Azərbaycanda
sahibkarlıq üçün tamamilə azad mühit yaradılıb .
Həyata keçirilmiş məqsədyönlü tədbirlər nəticəsində Azərbaycanda sahibkarlar
təbəqəsi formalaşmış,özəl sektorun ölkənin sosial-iqtisadi inkişafında rolu
artmışdır.Azərbaycanda kiçik və orta biznesin inkişafının vəzifəsi dövlətin
əhəmiyyətli köməyi ilə bir sıra təsərrüfat sahələrinin struktur yenidənqurmasının
həyata keçirilməsində və əhalinin sosial-iqtisadi hüquqlarının müdafiəsində başlıca
rolun oynanmasından ibarətdir. Dövlət bu prosesin sosial-iqtisadi tənzimlənməsinin
yeganə institutu kimi qalır. Yerlərdə sahibkarlığa dətək vermək üçün onlara məsləhət
xidmətinin,informasiya təminatı ,marketinq xidməti və digər xidmətin sistemli və
fasiləsiz həyata keçirilməsi məqsədi ilə İqtisadiyyat və Sənaye Nazirliyi yanında
regionlarda bölmələri olan Bakı Biznes tədrisi mərkəzi(BBTM) yaradılmışdır.
Transformasiya iqtisadiyyatından davamlı inkişafa keçid istiqamətində dövlətin
səyləri daha çox hüquqi və iqtisadi metodlarla reallaşdırılmalıdır. Doğrudur, zəruri
hallarda inzibati təsir mexanizmlərinin istifadə edilməsi də istisna olunmur.
Beləliklə transformasiya iqtisadiyyatından davamlı inkişafa keçidlə bağlı dövlətin
qarşısında duran ən mühüm vəzifələri iki istiqamətdə təsnifləşdirmək mümkündür.
Bunlara, birincisi, daxili sabitliyin və milli iqtisadiyyatın inkişafının davamlılığının
təmin edilməsi, ikincisi xarici rəqabətin əlverişsiz təsirlərinin effektiv şəkildə
neytrallaşdırılması şamil edilir.
Transformasiya şəraitində Azərbaycanda dövlətin makroiqtisadi siyasətinin işlənib
hazırlanması və reallaşdırılmasının bir sıra xüsusiyyətləri vardır. Müasir şəraitdə
sosial-iqtisadi proseslərə dövlət müdaxiləsini şərtləndirən əsas arqumentlərə
aşağıdakıları şamil etmək olar:
46
- reallıqda təsərrüfat subyektləri arasında təkmil rəqabətin mövcud olmaması;
- təsərrüfat subyektlərinin bazar konyunkturunda baş verən dəyişikliklərlə bağlı
informasiyaları əldə etmək imkanının olmaması və makroiqtisadi tarazlığın təmin
edilməməsi;
- qeyri-istehsal sahələrində gəlirlərin istehsal sahələri ilə müqayisədə aşağı olması
səbəbindən gəlirlərin dövlət tərəfindən yenidən bölüşdürülməsinin zəruriliyi;
- xüsusilə keçid dövrünü yaşayan ölkələrdə bazarın bir sıra növmüxtəlifliklərinin və
infrastruktur qurumlarının kifayət qədər təkmil şəkildə inkişaf etməməsi;
- iqtisadi münasibətlərin liberallaşdığı şəraitdə xarici amillərin zərərli təsirlərinin
neytrallaşdırılması baxımından daxili və beynəlxalq bazarlarda yerli təsərrüfatçılıq
qurumlarının maraqlarının müdafiəsi;
- ictimai xidmətlərin, eləcə də müdafiə xidmətlərinin, fundamental elm sahələrinin
inkişafı ilə bağlı fəaliyyətin həyata keçirilməsinin zəruriliyi;
- inhisarçılığın qarşısının alınması və azad rəqabət mühitinin stimullaşdırılması.
Hal-hazırki dövrdə transformasiya prosesi daha çox qloballaşma ilə xarakterizə
olunur. Qloballaşma bir çox dövlətlərin qarşısında yeni bazarların aşkarlanması,
informasiya və əmtəə axınlarının tezlənməsi, xarici investisiyaların cəlb edilməsi də
daxil olmaqla geniş iqtisadi perspektivlər açmışdır. Qloballaşma, vahid dünya bazar
sisteminin formalaşmasına səbəb olan əmək məhsuldarlığının artması, yüksək
texnologiyaların tətbiqi və ümumdünya kommunikasiya xəttlərinin yaranması ilə
kifayətlənməmişdir. O, müasir bazarın sərt problemlərini üzə çıxartmış, cəmiyyətin
sosial problemlərini kəskinləşdirmiş və ekoloji təhlükəsizliyi qorxu altına qoymuşdur.
Qloballaşma sadəcə milli təsərrüfatların bir-biri ilə bağlılığı, dünya iqtisadiyyatının
qlobal miqyaslara çatması deyil həmçinin, öz tərkibinə həm beynəlmiləlçiliyi, həm də
modernləşməni daxil edən bir prosesdir. Qloballaşma - real prosesdir və onun müasir
meylləri daha əvvəlki olan tərəqqi, modernləşmə, sivilizasiyaların yaranması kimi
proseslərin davamıdır. Qloballaşma şəraitində inkişaf etmiş və inkişaf etməkdə olan
Dostları ilə paylaş: |