Dinistor hám tiristorlar haqqında túsinik. Qollanıw tarawları

Dinistor strukturası hám islew principi:
Ush p-n ótiwge iye diodqa uqsas eki elektrodlı ásbap dinistor dep ataladı. Onıń strukturası 23.2 a-suwrette, shártli belgileniwi bolsa 23.2 b-suwrette keltirilgen. Dinistordıń ush p-n ótiwi I₁, I₂ hám I₃ dep belgilengen.



23.2-súwret. Dinistor strukturası (a) jáne onıń sxemalarda
shártli grafik belgileniwi (b).
Dinistor sxemalarda óz-ara jalǵanǵan eki triodli struktura menen almastırılǵan halda kórsetiliwi múmkin. Dinistordı quraytuǵın tranzistorlarǵa ajratılıwı hám óz-ara jalǵanǵan tranzistorlar menen almastırılıwı 23.3-suwrette kórsetilgen.

23.3-súwret. Dinistordı eki strukturaǵa ajratılıwı (a) hám
almastırıw sxeması (b).

Bul jalǵanıwda T1 tranzistordıń kollektor toǵı T2 tranzistordıń baza toǵın, T2 tranzistordıń kollektor toǵı bolsa T1 tranzistordıń baza toǵın quraydı. Tranzistorlardıń bunday jalǵanıwı esabına ásbap ishinde oń (+) TA payda boladı.

Eger anodqa katodqa salıstırǵanda oń kernew berilgen bolsa, I₁ hám I₃ p-n ótiwler tuwrı jıljıtilgan boladı, I₂ ótiw bolsa teris jıljıtıladı, usınıń nátiyjesinde derek E nıń barlıq kernewi I₂ ótiwge túsedi. T1 hám T2 tranzistorlardıń emitter tokların uzatıw koyeffitsiyentleri uyqas túrde a₁ hám a₂ bolsın.
23.3 b-suwretke muwapıq tiristor arqalı aǵıp atırǵan tok eki tranzistor kollektor tokları hám sızılıw toǵı I_ko jıyındısına teń boladı:

Sırtqı shınjırdaǵı tok I_I1 = I_E2 = I, sol sebepli I di joqarıdaǵı ańlatpaǵa qoyıp: I (1-a₁-a₂) =I_K0 dep jazıw múmkin. Bunnan sırtqı tok I mánisi:

ekenin tabamız.