Arduino və LED
Dərsə hazırlıq:
1. Hər bir şagirdə paylamaq üçün əvvəlcədən ləvazimatlar paketlərə yığılmalıdır.
2. Şagirdlərə göstərmək üçün əvvəlcədən layihənin bir nümunəsini hazırlayın.
Alətlər və ləvazimatlar:
Bir komanda üçün nəzərdə tutulan vəsaitlər / Hər komanda üçün 2 şagird:
1 kompüter
1 ədəd Arduino seti (Arduino lövhəsi, kompüterə qoşmaq üçün kabel, LED işıqlar, naqillər, lövhə)
Maraqlı faktlar:
SOS siqnalı təhlükə anında səsli və ya görüntü şəklində göndərilir. Bu siqnal ilk olaraq 1 aprel 1905-ci ildə Almaniyada, 1 iyul 1908-ci ildə beynəlxalq səviyyədə istifadə edilməyə başlanmışdır.
SOS siqnalı Morz kodları (···---···) ilə göndərilir. Bəzən SOS siqnalı qısa və uzun səslər yaxud da yanıb-sönən işıq vasitəsilə verilir.
SOS hərhansı hərfləri və ya bir cümlənin qısaltması deyil, ancaq bəzi mənbələrdə "Save Our Souls (ruhlarımızı xilas edin)" kimi İngliscə mənası olduğu qeyd edilir.
Dərs fəaliyyəti:
Şagirdlərə əvvəlcədən hazırladığınız nümunəni göstərin. Onlara qurğu ilə tanış olmağa icazə verin. Bu onları ruhlandıracaq.
LED-i Arduino lövhəsi üzərində quraşdırırıq. LED-in ayaqlarını lövhəyə yerləşdiririk.
LED-in qısa ayağından naqil ilə GND (Torpaqlama) pininə, uzun ayağından isə 8-ci rəqəmsal pinə qoşulma yaradırıq.
Arduinonu kompyuterə qoşuruq.
Arduino proqramlaşdırma mühitini açıb və “File” -> “New File” bölməsinə klikləyirik. Yeni faylda kodu yazmağa başlayaq. LED-i qoşduğumuz pin üçün dəyişən yaradaq. Pinlər rəqəmlər olduğu üçün dəyişən int tipində olacaq.
LED_pin LED-i idarə etmək üçün xaric etmə pini kimi qeyd edilir. Çünki proqramdan xaric olunan əmr LED-i yandıracaq.
pinMode() funksiyası Arduino lövhəsinə qoşulan pinlərə xaricetmə və ya daxiletmə rejimlərini təyin etməkdə kömək olur.
Daha sonra artıq bildiyimiz kimi Serial.begin() ilə lövhə və kompüter arasında rabitə yaradırıq.
Diqqət: Bütün bunlar setup() daxilində aparılır, çünki bu əməliyyatlar yalnız proqramın başlanğıcında təyin edilir və bir daha aparılmır.
Loop() funksiyası daxilində daimi yenilənəcək əməliyyatları yazırıq.LED-i yandırmaq üçün digitalWrite() əmrindən istifadə etməliyik.Kod hissəsində LED_pin ledin qoşulduğu pini göstərir. Burada, LED-in olduğu pinə HIGH - qiymətini yazırıq, yəni onu YÜKSƏK rejimə qoyuruq. LED yanır.
LED-in yanması barədə məlumatı ekrana veririk.
Fasilə vermək üçün delay(1000); əmrindən istifadə edirik.Burda 1000 ədədi millisaniyəni göstərir.Bu qiyməti dəyişərək LED-in yanıb-sönmə fasilənin müddətini dəyişə bilərik.
LED-in olduğu pinə LOW qiymətini yazırıq, yəni onu ZƏİF rejimə qoyuruq. LED sönür
LED-in sönməsi barədə məlumatı ekrana veririk.
Yenidən 1 saniyə fasilə veririk.
Bütün bunlar loop() funksiyası daxilində aparıldığından biz proqramı dayandırana qədər LED yanıb sönəcək.
Kodu işə salırıq.
Nəticədə 1 saniyə fasilələr ilə LED yanmalı və sönməlidir.
Daha sonra bir neçə ledi fərqli portlara qoşaraq və fasilə zamannı artıraraq kodu dəyişdirin.
Dərsin sonunda arduino setləri şagirdlərdən toplanır.
Dostları ilə paylaş: |