3
31 dekabr 2017-ci il, bazar
Mehriban Əliyeva:
Yüz illərdir qadınlar dünyanı gözəlləşdirməyə çalışırlar. Qurub - yaratmağa və
mənəviyyatımızı saflaşdırmağa, maddi-mənəvi dəyərlərimizi qorumağa və inkişaf etdirməyə
səsləyən qadınlar zərif əməl və addımları ilə milyonlarla insanın həyatını dəyişdirir, hər birimizin
gələcəyə inamını daha da gücləndirirlər. Azərbaycanın Birinci vitse-prezidenti, Heydər Əliyev
Fondunun prezidenti Mehriban xanım Əliyeva məhz belə xanımlardandır. İctimai şüurda kök
salmış xeyirxahlıq və mərhəmətlilik düşüncəsini ehtiva edən ictimai-siyasi fəaliyyəti ilə Mehriban
xanım xalqımızın zəngin dəyərlərini yeni zirvələrə yüksəldir, Azərbaycan həqiqətlərinin dünyaya
tanıdılmasında misilsiz addımlar atır. Belə mərhəmətli və genişmiqyaslı fəaliyyətin nəticəsidir ki,
Mehriban xanım Əliyeva dünyanın ən ali mükafatlarına layiq görülür, əməyi yüksək qiymətləndirilir.
Rus Pravoslav Kilsəsinə
göstərdiyi köməyə, habelə Rusiya
ilə Azərbaycan arasında dostluğun
möhkəmləndirilməsi sahəsində çox-
saylı xidmətlərinə görə Azərbaycanın
Birinci vitse-prezidenti, Heydər Əliyev
Fondunun prezidenti
Mehriban xanım Əliyeva dekabr
ayının 27-də II dərəcəli Müqəddəs
Mələksima Knyaginya Olqa ordeni ilə
təltif edilmişdir. Xüsusilə qeyd etmək
lazımdır ki, bu yüksək ordenlə kilsə,
dövlət və ictimai həyatın müxtəlif
sahələrində böyük xidmətləri olan
qadınlar təltif edilirlər.
Ordenin təqdimat mərasimində
Moskvanın və bütün Rusiyanın
patriarxı Kirill Mehriban xanım
Əliyevanın Azərbaycan xalqının
həyatında çox mühüm rol oyna-
dığını vurğulayaraq, bildirmiş-
dir ki, böyük istedada və gözəl
mənəvi keyfiyyətlərə malik bir
insan kimi Mehriban xanım Əliyeva
Azərbaycandan uzaqlarda da bir çox
işlər görür. Rus Pravoslav Kilsəsinin
fəaliyyətinə köməyə və Həştərxan
şəhərinin həyatında xüsusi iştirakı-
na görə mükafat təqdim edildiyini
bildirən Moskvanın və bütün Rusiya-
nın patriarxı Kirill Həştərxana səfəri
zamanı Mehriban xanım Əliyevanın
bir çox işləri barədə məlumat aldığını
xatırlatmış və Azərbaycanın birinci
xanımının Rus Pravoslav Kilsəsinin
Müqəddəs Mələksima Knyaginya
Olqa ordeninə layiq görülməsi barədə
qərar qəbul etdiyini bildirmişdir.
Xatırladaq ki, 2013-cü ildə
Mehriban Əliyevanın himayədarlığı
ilə Həştərxanda Müqəddəs Mələksima
Knyaz Vladimirə Rusiyada ilk abidə
ucaldılmış və bu il
Mehriban Əliyevanın şəxsi təşəbbüsü
ilə abidənin ətrafındakı ərazidə abadlıq
işləri aparılmışdır.
Alman şairi, filosof və dramatur-
qu Fridrix Şiller deyirdi ki, “Amal
yüksək olduqca, insan da yüksəlir”.
Bu baxımdan Azərbaycanın birinci
xanımı, Heydər Əliyev Fondunun
prezidenti Mehriban Əliyeva ictimai-
siyasi, xeyriyyəçilik fəaliyyəti, həm
də elmi yaradıcılığı ilə müasir dövrdə
Azərbaycan qadınlarına nümunədir.
Mehriban Əliyevanın rəhbərliyi ilə
Heydər Əliyev Fondu milli–mənəvi
dəyərlərin qorunması, qadın və uşaq
hüquqlarının müdafiəsi, elm, təhsil,
mədəniyyət, səhiyyə, idman, ekologi-
ya və digər sahələrdə həyata keçirdiyi
layihələrlə böyük hörmət qazanmış-
dır.
Bu gün dünyada xeyriyyəçiliklə
məşğul olanların sayı az deyil.
Ancaq Mehriban xanım Əliyevanın
xeyriyyəçilik fəaliyyətində
təkrarolunmaz və özünəməxsus imzası
vardır. Bu, təkcə Azərbaycanda deyil,
ölkəmizdən kənarda da müşahidə və
hiss olunur.
Heydər Əliyev Fondunun
xeyriyyəçilik fəaliyyəti Azərbaycanda
dini icmaları da əhatə edir.
Məsələn, Azərbaycanın Rus icması
Heydər Əliyev Fondu preziden-
tinin xeyriyyəçilik xidmətlərini
yüksək qiymətləndirir. Məhz həmin
qiymətləndirmənin nəticəsidir ki,
Rusiyanın Bakıdakı səfirliyinin dəstəyi
ilə Mehriban xanım Əliyevaya "Yaqut
xaç" ordeni təqdim olunmuşdur.
Aqillər deyirlər ki, humanizm
və başqasının dərdinə şərik olmaq
bütün dövrlərdə insan cəmiyyətində
üstünlük verilən əbədi dəyərlərdən dir.
Mehriban xanım Əliyeva xeyirxahlıq
və haqq-ədalət amallarını uca tutaraq,
çoxşaxəli fəaliyyətində təmənnasız
və fədakar həyat nümunəsi nümayiş
etdirir. Bundan əlavə,
Mehriban Əliyeva özünün təşkilatçılıq
məharəti sayəsində Azərbaycanı
dünyada sülhə, yaradıcı inkişafa və
digər ölkələrlə əməkdaşlığa çalışan
dövlət kimi tanıdan proqramlar həyata
keçirir. Onun fəaliyyəti Azərbaycan
xalqının çox zəngin mədəni
ənənələrinin qorunub saxlanılması-
na, əhalinin sosial cəhətdən ən zəif
təbəqələrinin – qaçqınların, məcburi
köçkünlərin, aztəminatlı ailələrdən
olan uşaqların və kimsəsiz uşaqların
həyat səviyyəsinin yaxşılaşdırılmasına
yönəlmişdir.
Bu gün zəngin dövlətçilik
təcrübəsi olan Azərbaycan memarlıq
abidələrinə, mədəniyyətə, milli-
mənəvi dəyərlərə malik ölkə kimi
tanınır və beynəlxalq ictimaiyyət
tərəfindən böyük maraqla qarşılanır.
Belə marağa səbəb də Azərbaycanın
güclü və dinamik inkişaf edən dövlət
kimi tanınması və eyni zamanda, mul-
tikultural və tolerantlıq ənənələrinin
olması ilə əlaqədardır. Təbii ki,
bütün bunlar ölkəmizin ictimai-siyasi
həyatının aparıcı istiqamətlərini təşkil
edir və son illərin mənzərəsi onu
göstərir ki, güclü və nüfuzlu dövlət
imicinin qazanılması Azərbaycan
dövlətinin yürütdüyü uğurlu daxili və
xarici siyasətin məntiqi nəticəsidir.
Müasir Azərbaycanın qurucusu, ulu
öndər Heydər Əliyev, ümummilli
liderin siyasi kursunun layiqli davam-
çısı Prezident İlham Əliyev və həmin
məsuliyyətli yolda özünün çoxşaxəli
fəaliyyəti ilə dəstək olan Birinci
vitse-prezident Mehriban Əliyeva bu
prosesdə böyük rol oynayır.
Mehriban xanım Əliyeva çıxışlarının
birində demişdi ki, işin vacibliyi və
xarakterindən asılı olmayaraq, əsl
məsuliyyət insanın özü qarşısında,
özünə verdiyi vədləri qarşısında
olan məsuliyyətdir. Bir daxili tələb
olaraq hər addımında bu məsuliyyəti
hiss etdiyini açıqlayan Mehriban
xanım Əliyeva reallaşdırdığı böyük
layihələrlə həyat amalının məhz
Azərbaycanın tərəqqəsinə yönəldiyini
dəfələrlə təsdiqləmişdir.
Azərbaycan xalqının çoxəsrlik
tolerant və mehriban birgəyaşayış
ənənələri dünya sivilizasiyaları arasında
münasibətlərin tənzimlənməsində və
inkişafında nümunə kimi göstərilir.
Bu prosesin daha da güclənməsində
Mehriban xanım Əliyevanın mühüm
xidmətləri var. Məsələn, 2015-ci il
sentyabrın 8-də Heydər Əliyev
Fondunun təşkilatçılığı ilə Parisdə
“Azərbaycan Parisin ürəyində” adlı
layihə çərçivəsində “Dini tolerant-
lıq: Azərbaycanda birgə yaşamaq
mədəniyyəti” mövzusunda keçirilən
konfransda Birinci vitse-prezidentimiz
bildirmişdi ki, Azərbaycan minilliklərlə
cəmiyyətdə formalaşan tolerantlıq və
dözümlülük ənənələrini müstəqilliyini
bərpa etdikdən sonra da qoruyub saxla-
mış və daha da möhkəmləndirməyə
çalışır.
Mehriban xanım Əliyeva Mosk-
vadakı Xilaskar İsa Məbədində
keçirilən mərasimdəki çıxışında
Azərbaycanın dünyada multikultural
bir ölkə kimi sevilməsində böyük
rol oynadığını və məhz buna görə
də son illər Azərbaycan dünyada
tanınmış millətlərarası, dinlərarası
və sivilizasiyalararası dialoq
mərkəzlərindən birinə çevrildiyini
vurğulamışdır. Ölkəmizdə multikul-
tarilizmin, tolerantlığın xalqımızın
bir həyat tərzi olması və aparılan
uğurlu dövlət siyasəti olduğunu bir
daha xatırlatmışdır: “Azərbaycan
çoxmillətli və çoxkonfessiyalı
dövlətdir. Multikulturalizm, qarşı-
lıqlı hörmət xalqımızın dünyagörü-
şünün və Azərbaycan hökumətinin
dövlət siyasətinin əsasını təşkil edir.
Azərbaycan torpağında müxtəlif
konfessiyaların, müxtəlif sivili-
zasiyaların və mədəniyyətlərin
nümayəndələri əsrlər boyu sülh və
həmrəylik şəraitində yaşayıblar.
Ölkəmizin ərazisində yaşayan bütün
xalqların bu mədəni müxtəlifliyi,
heç şübhəsiz, bizim sərvətimizdir.
Bu sözlər, rus pravoslav icması-
na da bütünlüklə aiddir. Bu gün
Azərbaycanda Rus Pravoslav Kilsəsinə
mənsub olan dindarların sayı 100
mindən çoxdur”.
Azərbaycan böyük nüfuza
malik olan təşkilatlarla çox səmərəli
əməkdaşlıq edir. Belə təşkilatlardan
biri də UNESCO-dur. Azərbaycan
–UNESCO münasibətlərinin inki-
şaf etdirilməsi sahəsində Mehriban
xanım Əliyevanın gördüyü işlər
xüsusi əhəmiyyət kəsb edir. O,
Azərbaycanın zəngin mədəniyyətinin
qorunması, öyrənilməsi və təbliğindəki
xidmətlərinə görə UNESCO tərəfindən
2004-cü ilin avqust ayında UNESCO-
nun şifahi ənənələr və musiqi
ənənələri sahəsində xoşməramlı səfiri
adına layiq görülmüşdür. Hazırda
Mehriban xanım Əliyevanın rəhbərlik
etdiyi Heydər Əliyev Fondu bu
missiyanı daha da genişləndirərək
elm, təhsil, mədəniyyət və digər
sahələrin inkişafına köməklik göstərir,
eyni zamanda, beynəlxalq miqyasda
davamlı inkişafa dəstək olaraq sülh
quruculuğu istiqamətində xidmətlərini
davam etdirir. Azərbaycanda maddi
və qeyri-maddi irsin qorunub saxla-
nılması, ölkəmzidə və xarici ölkələrdə
tarixi, dini, mədəni abidələrin bərpası,
məktəblər, uşaq bağçaları, səhiyyə
ocaqları və s. elmi, mədəni və sosial
mərkəzlərin açılması sahəsində Heydər
Əliyev Fondunun əməyi böyükdür.
Mehriban xanım Əliyevanın səyləri
nəticəsində Azərbaycanın maddi və
qeyri-maddi mədəni irs nümunələri
UNESCO-nun müvafiq siyahılarında
yer almaqdadır. Onun təşəbbüsü ilə
Bakıda unikal Muğam Mərkəzi və Mü-
asir İncəsənət Muzeyi tikilmiş, 2011-ci
ildə Mədəniyyətlərarası Dialoq üzrə
Ümumdünya Forumu keçirilmişdir.
Bundan başqa, Mehriban xa-
nım Əliyevanın təşəbbüsü ilə həyata
keçirilən “Azərbaycan -- tolerantlıq
ünvanı” layihəsi çərçivəsində Bakıda
Pir Həsən ziyarətgahı, “Müqəddəs
Məryəm – mövlud” pravoslav kilsəsi
və Müqəddəs Mirodaşıyan Qa-
dınlar Kafedral Kilsəsi, Şamaxıda
Cümə məscidi və Gəncədə “Həzrəti
Zeynəb” məscidindən tutmuş Fransa-
nın müxtəlif bölgələrində kilsələrin,
Strasburqda XIV əsr Kafedral
Kilsəsinin vitrajlarının bərpasına,
habelə Həştərxanda Knyaz Vladimirə
abidə ucaldılmasına qədər müxtəlif
dini obyektlərdə bərpa işləri aparıl-
mışdır. Beynəlxalq ictimaiyyət Birinci
vitse-prezident Mehriban xanım
Əliyevanın təşəbbüsü ilə Müqəddəs
Roma katakombalarının bərpa olun-
masını xristian aləminin müqəddəs
abidələrinin qorunub saxlanılmasına
müsəlman dünyasının töhfəsi kimi
qəbul edir. Dünya mədəniyyətinə qay-
ğı və diqqətinə, həmçinin Azərbaycan
mədəni irsinin yaşadılması sahəsindəki
töhfələrinə görə Mehriban xanım
Əliyeva 2008-ci ildə UNESCO-nun
gümüş xatirə medalı, 2010-cu ildə isə
UNESCO-nun “Qızıl Motsart” medalı
ilə təltif olunmuşdur.
Uzaq-yaxın ölkələrdə Azərbaycan
mədəniyyəti günlərinin, Azərbaycanın
dövlət müstəqilliyinin bərpası,
habelə xarici ölkələrlə diplomatik
münasibətlərin qurulması münasibətilə
tədbirlərin keçirilməsi, Mehriban xa-
nım Əliyevanın təşəbbüsü ilə Parisdə
Azərbaycan Mədəniyyət Mərkəzinin
açılması, Avropa Parlamentinin və
UNESCO-nun mənzil-qərargahlarında,
BMT-nin Cenevrədəki qərargahında
silsilə tədbirlərin təşkil edilməsi bir
məqsədə -- beynəlxalq arenada ölkənin
mövqelərinin möhkəmlənməsinə və
imicinin güclənməsinə xidmət edir.
Bir sözlə, Azərbaycanın Birin-
ci vitse-prezidenti, Heydər Əliyev
Fondunun prezidenti Mehriban
xanım Əliyevanın rəhbərliyi ilə
görülən işlərin nəticəsi bu gün göz
qabağındadır. Ötən müddət ərzində
yüzlərlə yeni məktəb inşa olunmuş
və təmir edilmiş, uşaq evləri, internat
məktəbləri, uşaq bağçaları və yay
düşərgələri müasirləşdirilmişdir. Yeni
tibb müəssisələri, diaqnostika və
müalicə mərkəzləri tikilib istifadəyə
verilmişdir. Hazırda müxtəlif
xəstəliklərdən əziyyət çəkən uşaqlar
üçün xüsusi tibb müəssisələri və rea-
bilitasiya mərkəzləri fəaliyyət göstərir.
Heydər Əliyev Fondunun dəstəyi ilə
tarixi və dini abidələr, eyni zaman-
da, mədəniyyət ocaqları, muzeylər,
mərkəzlər və konsert salonları bərpa
edilmişdir. Yeni parklar salınmış, yol,
su, işıq və qaz xətləri çəkilmişdir.
Heydər Əliyev Fondu tərəfindən hazır-
lanmış və Azərbaycanın həqiqətlərini
dünyaya çatdırmaq istiqamətində
aparılan işlər nəticəsində yüzlərlə
kitab, broşür nəşr olunmuş, foto və
videoalbomlar hazırlanmışdır. Bundan
başqa, fondun dəstəyi ilə zəngin
mədəni və tarixi irsimizin təbliğinə
yönələn beynəlxalq simpoziumlar,
festivallar və elmi konfranslar da təşkil
edilmişdir. Ən əsası, Heydər Əliyev
Fondunun səmərəli xeyriyyəçilik
fəaliyyətinin nəticəsində yüzlərlə insan
normal həyata qayıtmışdır. Bütün bu
xeyirxah əməllər Mehriban xanım
Əliyevanın xalqa, hər bir Azərbaycan
vətəndaşına olan dərin hörmətinin
təcəssümüdür.
Qafqaz Müsəlmanları İdarəsinin
sədri Şeyxülislam Allahşükür
Paşazadənin, Bakı və Azərbaycan
arxiyepiskopu Aleksandrın, Roma
Katolik Kilsəsinin Azərbaycandakı
apostol prefekturasının ordinarisi
Vladimir Feketenin, Azərbaycandakı
Dağ yəhudiləri icmasının rəhbəri
Milix Yevdayevin və Alban-udi dini
icmasının sədri Robert Mobilinin
Mehriban xanım Əliyevaya
Azərbaycanın Birinci vitse-prezi-
denti təyin olunması münasibəti ilə
ünvanladıqları təbrik məktubunda
deyilir: “Sizin bu zamana qədər
yerinə yetirdiyiniz ictimai, siyasi və
mədəni missiya tarixi fenomendir.
Müqəddəs məkanların tikintisi və
bərpası, müsəlman ziyarətgahları
ilə yanaşı, xristian və yəhudi dini
abidələrinin abadlaşdırılması
sahəsində gördüyünüz işlər, milli-
mənəvi dəyərlərimizin xaricdə və
ölkə daxilində mütəmadi təbliğ
olunması bir Azərbaycan xanımının
dünyaya bəyan etdiyi yüksək tole-
rantlıq mədəniyyətinin nümayişidir.
Siz millətlər və dinlərarası dialoqu,
multikulturalizm prinsiplərini daima
diqqət mərkəzində saxlamaqla,
Azərbaycanın beynəlxalq nüfuzuna
yenilməz zəfər qazandırırsınız”.
Yeri gəlmişkən, iki gün əvvəl --
dekabrın 29-da Heydər Əliyev Fondu
Dünya Azərbaycanlılarının Həmrəylik
Günü və Yeni il bayramları ərəfəsində
“Buta” sarayında uşaqlar üçün ənənəvi
şənlik təşkil etmişdi. Azərbaycanın
Birinci vitse-prezidenti, Heydər Əliyev
Fondunun prezidenti Mehriban xanım
Əliyeva uşaqların bayram şənliyində
iştirak edirdi.
Elə bu sətirləri də bilavasitə
onun həmin tədbirdə uşaqlara xitabən
səsləndirdiyi fikirlərlə yekunlaşdırırıq:
“Mən sizin hər birinizə 2018-ci ildə
möhkəm cansağlığı, uğurlar, xoşbəxtlik
arzulayıram. Arzulayıram ki, bizim
balalarımız savadlı, bilikli, tərbiyəli
böyüsün. Arzulayıram ki, onlar öz
dostları, yaxınları, ətraflarındakı insanlar
ilə xoş niyyətlə, hörmətlə davransınlar.
Qoy, sizin yolunuz açıq, ürəyiniz işıqla
dolu olsun! Mən sizin hər birinizi qar-
şıdan gələn Dünya Azərbaycanlılarının
Həmrəylik Günü və Yeni il münasibətilə
ürəkdən təbrik edirəm”.
Səbuhi MƏMMƏDOV,
“Xalq qəzeti”
Yola saldığımız il əlamətdar
hadisələrlə yadda qalacaq
Bu il Azərbaycan beynəlxalq arenada böyük nüfuz
qazandı. Bu uğurlar Prezident İlham Əliyevin müdrik siyasəti
nəticəsində mümkün olmuşdur. Biz öz ölkəmizlə fəxr edirik və
bu gün hər birimiz Azərbaycanın inkişafı, daha da güclənməsi
üçün çalışırıq.
Qarşıdan yeni il gəlir. Arzulayıram
ki, 2018-ci ildə də Vətənimizin hər bir
vətəndaşı, hər bir azərbaycanlı firavan, qayğı-
sız və xoşbəxt yaşasın.
Söz yox ki, başa çatan 2017-ci il
həyatımızın bir çox sahələrində əlamətdar
hadisələrlə yadda qalacaq. Əvvəlki illər
kimi Azərbaycanın mədəni həyatı daha
da zənginləşmişdir. Xüsusilə, musi-
qi sahəsində böyük uğurlar qazanılmış
çoxsaylı festival və konsertlər keçiril-
mişdir. Heydər Əliyev Fondunun dəstəyi
ilə keçirilən Beynəlxalq Muğam Aləmi
Festivalı, Qəbələ Beynəlxalq Festivalı,
Rostropoviç Festivalı, Bakı Caz Festivalını
xüsusi qeyd etmək olar. Böyük populyar-
lıq qazanmış bu festivallarda görkəmli
musiqiçilər çıxış etmişlər.
Üzeyir Hacıbəyli adına Musiqi Aka-
demiyasının kollektivi də yola saldığımız
il ərzində fəal çalışmışdır. Tələbələrimiz
beynəlxalq müsabiqə və festivallarda uğurla
çıxış etmiş, laureat adına layiq görülmüşlər.
Şəxsən mənim üçün 2017-ci il böyük
hesabat dövrü olmuşdur və yubileyimi
qeyd etməyə toplaşmış Moskva, Bakı
musiqisevərləri qarşısında konsert proq-
ramları ilə çıxış etmişəm. Mənimlə bərabər
sənət dostlarımın və tələbələrimizin çıxışla-
rından fərəh hissi keçirmişəm. Mən həmişə
Prezidentimiz cənab İlham Əliyevin və
Birinci vitse-prezidentimiz Mehriban xanım
Əliyevanın göstərdiyi böyük qayğı və dəstəyi
yüksək qiymətləndirmişəm.
Bu il mənim üçün bir də ona görə
əlamətdar olmuşdur ki, Prezidentin
sərəncamı ilə “İstiqlal” ordeninə la-
yiq görülmüşəm. Mədəniyyətimizə və
şəxsən mənə göstərilən bu diqqətə görə
Prezidentimizə bütün musiqi ictimayyəti
adından dərin təşəkkürümü bildirirəm. Xal-
qıma isə Yeni ildə daha böyük uğurlar, sülh
və əmin-amanlıq arrzulayıram.
Fərhad BƏDƏLBƏYLİ,
Üzeyir Hacıbəyli adına Bakı Musiqi
Akademiyasının rektoru,
SSRİ Xalq artisti, professor
Əziz dostlar! Yeni -- 2018-ci ilin astanasındayıq. Yola
saldığımız 2017-ci il digər sahələrdə olduğu kimi, xalqımızın mədəni
həyatında da bir sıra əlamətdar hadisələrlə zəngin olub. Azərbaycanın
ənənəvi musiqi irsinin yaşadılması və yeni nəslə ötürülməsində aparıcı
rol oynayan tədris ocağının rəhbəri kimi, bu il ən çox qurur duyduğum
hadisə – “Kamança simli musiqi alətinin hazırlanması və ifaçılıq
sənəti”nin UNESCO-nun Qeyri-maddi Mədəni İrs üzrə Reprezentativ
Siyahısına daxil edilməsidir.
Bu uğurun qazanılmasında ölkəmizin
həmin mötəbər təşkilatla əməkdaşlığının
inkişafında və mədəni irsimizin dünya miq-
yasında təbliğində müstəsna xidmətləri olan
Azərbaycan Respublikasının Birinci vitse-pre-
zidenti, Heydər Əliyev Fondunun prezidenti,
UNESCO-nun və ISESCO-nun xoşməramlı
səfiri Mehriban xanım Əliyevanın həlledici
rolu olmuşdur.
Beynəlxalq miqyasda atdığımız bu
cür mühüm addımlar nəinki qədim musiqi
ənənələrimizin qorunmasını şərtləndirir, habelə
gənc nəslin xalq musiqisinə, onu yaşadan
çalğı alətlərinə olan marağını artırır, bu sahədə
daha təşəbbüskar və fəal olmağa çağırır.
Təsadüfi deyil ki, bizim milli musiqi ifaçıla-
rının, Azərbaycan Milli Konservatoriyasının
istedadlı müəllim və tələbələrinin sorağı bu il
də dünyanın ən mötəbər konsert salonlarından,
festival və müsabiqələrindən gəlmişdir. AMK-
nın dosenti, Əməkdar artist, sevilən tar ifaçı-
mız Sahib Paşazadə bu il 60-dan çox ölkənin
təmsil olunduğu XI Beynəlxalq Səmərqənd
Musiqi Festivalında ən yüksək mükafata --
Qran-pri-yə layiq görülmüşdür.
Bu il keçirdiyimiz I Beynəlxalq “Qlobal-
laşan dünyada musiqi ənənələri” mövzusunda
elmi–praktik konfransda isə ABŞ, Yaponiya,
Kanada, Türkiyə, Rusiya, Hollandiya, Qaza-
xıstan və s. ölkələrdən nüfuzlu alimlər iştirak
etmiş, öz çıxışlarında milli musiqimizin müasir
durumunu yüksək qiymətləndirmişlər. Təbii ki,
bütün bu uğurlar bizi çox sevindirir və gələcək
işimizə daha yüksək tələblərlə yanaşmağa sövq
edir.
İnanıram ki, yeni ildə bütün xalqımızla
birgə biz - mədəniyyət xadimləri də Prezident
İlham Əliyevin rəhbərliyi altında respublika-
mızda hökm sürən möhkəm əmin-amanlıq və
sabitlik şəraitində yaşayıb-yaradacağıq. Qoy
2018-ci il xalqımızın tarixinə şanlı illərdən biri
kimi daxil olsun!
Siyavuş KƏRİMİ,
Azərbaycan Milli Konservatoriyasının
rektoru, Xalq artisti, professor
Uğurlarımız fərəh doğurur
Hər bir cəmiyyətin
gücü onun dini və
milli müxtəlifliyindədir