III. Yangi dars mavzusi mazmunini tushuntirish:
Bu vazifa quyidagi reja asosida amalga oshiriladi:
1.
O‟rta Osiyo davlatlarining hududi;
2.
O'rta Osiyo davlatlarining aholisi.
XIX asrda O‟rta Osiyoda uchta mustaqil davlat mavjud bo'lib, bular Buxoro amirligi, Xiva va Qo'qon
xonliklaridir. Bu davlatlarda ishlab chiqarish, ijtimo-iqtisodiy munosabatlar, savdo-sotiq va boshqa sohalar
rivojlangan bo‟lsa-da, biroq ularning taraqqiyoti ilg'or Yevropa davlatlari darajasidan past edi. Amirlik
poytaxti islom dini markazlaridan biri bo'lib, «Buxoroi Sharif», ya'ni «Muqaddas Buxoro» nomiga ega
bo‟lgan. Amirlik chegaralari janubda Amudaryoning chap qirg'og'idan boshlanib Sirdaryogacha, sharqda
Pomir tog‟laridan g'arbda Xiva xonligi yerlarigacha cho'zilgan. Davlat hududi XIX asrning o'rtalarida Eron,
Afg'oniston, Qo'qon va Xiva xonliklari, qozoq juzlari yerlari bilan chegaradosh bo'lgan. Amirlikning markaziy
qismi Buxoro va Samarqand shaharlari joylashgan Zarafshon vodiysi hisoblangan. Amirlikda Buxoro,
Samarqand, Shahrisabz, Qarshi, Kitob, G'uzor, Termiz, Sherobod, Hisor, Ko'lob kabi yirik savdo-sotiq,
hunarmandchilik va madaniy markazlar hisoblangan shaharlar ham mavjud edi. Unga hozirgi Tojikistondagi
Vaxsh, Kofirnihon, Panj daryolari vodiysidagi yerlar, Turkmanistondagi Murg'ob daryosi vohalaridagi joylar
qarashli bo'lgan. Shu bilan birga hududiy jihatdan beklik va tumanlarga bo'linib, ularni amir tomonidan
tayinlangan beklar boshqargan. Amirlikda 27 ta beklik bo'Igan.
Xiva xonligi XIX asrning ikkinchi yarmida xonlik yerlari janubda Eron, sharqda Buxoro amirligi,
g'arbda Kaspiy dengizi, shimolda qozoq juzlari bilan chegaradosh bo'lgan. Xonlikning ma'muriy markazi
Xiva shahri hisoblangan. Xonlikda Xiva, Kat, Yangi Urganch, Hazorasp, Qo'ngMrot, Xo'jayli kabi
bekliklarning markazlari bor edi. Xiva xonligi 18 ta beklik, 2 ta noiblikka bo‟lingan va ularni xon tomonidan
tayinlangan beklar va to'ralar boshqargan.
XVIII asrning boshlarida, asosan, Farg
c
ona vodiysi va Sirdaryoning quyi qismigacha bo‟lgan hududlar
Buxoro amirligidan ajrab, mustaqil davlat — Qo'qon xonligi tashkil topadi. Xonlik sharqda Sharqiy Turkiston,
g'arbda Buxoro amirligi va Xiva xonligi bilan chegaradosh bo‟lgan. Xonlikning janubiy chegaralari Qorategin,
Ko‟lob, Darvoz, Sho'g'non singari tog‟li o‟lkalarni o'z ichiga olib, bu hududlar uchun Buxoro amirligi bilan
tez-tez to'qnashuvlar bo‟lib turgan. Xonlikda Qo'qon, Toshkent, Andijon, Marg‟ilon, Namangan, O'zgan, O‟sh,
Pishpak, Turkiston, Chimkent kabi ma'muriy, savdo-sotiq va madaniy markazga aylangan shaharlar bo‟lgan.
|