28
–Aslan müəllim, yəqin ki, onun özü də molla istə-
məzdi-, Ramal fikirli-fikirli dilləndi– həm də, İslam dininə
görə intihar etmiş şəxs üçün cənazə namazı qılınmır, Quran
oxunmur. Özünüzü boş yerə yormayın. İmkan verək, Nica-
tın narahat ruhu bir balaca rahatlıq tapsın...
– Bax Ramal, mən onun ruhunun rahatlıq tapması
üçün hər şeyə hazıram. Amma bunu bacarmaram. Mən ça-
ğırmamış dayıları, qardaşları artıq mollanı gətiriblər. Cənazə
namazı da qılıncaq, müsəlman kimi dəfn olunacaq. Yox, əgər
molla olmaz desə, siz deyən olsun. Uşaqlara da de, artıq hə-
rəkət olmasın. Bura etiraz, narazılıq yeri deyil. El-oba, cama-
at necə, siz də elə. Özünüzü camaatdan ayırmayın, yaxşı gö-
rünməz kənardan.
...Düşünəndə ki, qəbul etmədiyim dinin qaydaları ilə dəfn
olunacam, əsəbiləşirəm. Mənə lazımdı molla? Qardaşlarımı bil-
mirəm, amma dayılarım yüz faiz belə hərəkət edə bilər. Kişilər qo-
caldıqca xərifləyirlər. Elə bil ali məktəbdə elmi ateizmdən “əla” qiy-
mət alan bunlar olmayıb. Nə isə, yersiz müdaxilə etməyim. Qa-
yıdırıq dəfn mərasiminə...
Ramal başını bulayıb çadırın arxasına keçdi. Siqaret
yandırıb acı tüstünü acgözlüklə ciyərlərinə çəkdi. Rəngi qap-
qara qaraldı. Ayaq üstə durmaq üçün taqəti qalmamışdı.
Aşağı çöküb hönkürdü. Onun çadırın arxasına keçdiyini gö-
rən dostlar da onun başına yığışdı. Ramalın ağladığını görüb
bayaqdan siqareti-siqaretə calayan bəzi dostlar uşaq kimi
hönkürməyə başladı.
29
Nicatın özündən yaşca böyük, saçları azacıq seyrəl-
miş, eynəyi burnunun üstünə düşmüş, iztirabdan siması
qapqara qaralmış dostu İlham ağlamırdı. O ümumiyyətlə ağ-
lamağı sevmirdi. Daha doğrusu bacarmırdı. Hətta anası
dünyadan köçəndə belə onun gözündə yaş görən olmamışdı.
Dostları öz aralarında bu sərt adamı qınasalar da, onun ağla-
dığını, optimizmini itirdiyini kimsə görməmişdi. Hər zaman
olduğu kimi baxışlarını uzaq bir nöqtəyə zilləyib, müdrikcə-
sinə susurdu...
***
Dostlar ağlayıb sakitləşmişdilər, kənarda söhbətləşir-
dilər. Doktor Orxan, Nicatın cəsədinin fotolarını dostlara
göstərir, asta səslə onun ölüm səbəblərini müzakirə edirdi-
lər. Mərhumun dostu Şahin olduqca üzgün görünürdü. Qəfil
eşitdiyi bu xəbər sanki onun belini bükmüşdü. Onun ədəbiy-
yata, yazı-pozu adamlarına dəxli olmasa da, sağlığında Ni-
catın ən yaxın dostu idi. Nicat heç kəslə bölüşmədiyi sirrini,
problemini onunla bölüşürdü. Nicatın müalicəsi üçün əlin-
dən gələni etmişdi. Bu cür ölümü Nicata yaraşdırmırdı. İl-
hamla söhbətləşir, siqareti-siqaretə calayırdı. Dostunun ölü-
münü asanlıqla qəbul edə bilmirdi. Bir səbəb, hamının bil-
diyi bir səbəb olmalıydı. Bütün bəhanələr səhv idi, çünki Ni-
catın intiharı da ən böyük səhv idi. O özünü öldürməməli,
kiçik qızını yetim, atasını, dostlarını, qardaşlarını boynu-
bükük qoymamalıydı. İnsan yaxın ətrafından bezəndə mühi-
tini dəyişər, sevgidən yorulanda ayrılar. İntihar isə xəlvətcə
aradan çıxmaqdır. Dostları, qohumları, övladı günahkarlıq
duyğusu ilə baş-başa buraxmaqdı.
30
...Düzünü deyim ki, mən də belə fikirləşirəm. İndiki
ağlım olsa intihara cəhd etmərəm. Təsəvvür edin ki, yaxın-
uzaq dostların hamısı yığışıb çadıra, siqaret çəkib ağlaşır.
Qardaşlar bir tərəfdə, dayılar bir tərəfdə, ata bir tərəfdə pəj-
mürdə və dərdli dayanıb. Qonşu arvadlar anaya dəstək məq-
sədi ilə cikkə çəkib, ağı deyir. Əməlli-başlı kədərli səhnədir.
Adam öz əcəliylə öləndə daha urvatlı olur, vallah. Ona görə
də intihar söhbətini ortaya atmaq lazım deyildi. Qəhrəma-
nın başına başqa oyun açmaq da olardı. Məsələn, maşın qə-
zası. Nə isə, özüm də xeyli təsirləndim bu ölüm səhnəsin-
dən...
Nicatın dəfni səs-küysüz, təmtəraqsız keçdi. Molla
intihar edən şəxs üçün cənazə namazı qılmaqdan imtina
etdi. Cənazənin üstündə Quran da oxunmadı. Molla səbəblə-
ri Aslan müəllimə izah edib, üzrxahlığını bildirdi. Necə də
olsa, kəndin ən sayılıb-seçilən kişilərindən idi Nicatın atası.
Ona dinin bu barədə hökümlərini bir-bir, səbirlə izah etdi.
Cəsədi qəbirə qardaşları düşürdü. Molla isə kənarda
Nicatın günahkar ruhu üçün dua edirdi. Təkcə Nicatın dost-
ları mərasimin bu cür keçirilməsindən razı idi. Əvvəlcə filo-
sof Ramal, sonra İlham danışdı. Digər dostlar da bir-iki kəl-
mə ilə Nicatı xatırladı və sonda doktor Orxan əsəbi çıxış elə-
di. Hakimiyyəti, hakimiyyətin ölkədə yaratdığı qorxu mühi-
tini top atəşinə tutdu. Onun sərt çıxışından sonra camaat da-
ğılışmağa başlamışdı...
Filosof Ramal da Nicatın intiharını qəbul edə bilmir-
di. Ürəyində sosializmə könül vermiş, qıpqırmızı bir ölkə
qurmaq arzusu ilə alışıb yanan Nicat Aslanı qınayırdı. Əgər
yaşamın dəstəkləyə bildiyi böyük bir mücadilə varsa, bu
31
burjualara xas kiçik axmaqlıqlar üzündən heçə sayıla bil-
məzdi.
Şübhəsiz ki, Nicat doğru hesab etdiyi şeyin arxasınca
gedən, fikrini sərt və açıq deməkdən çəkinməyən biri idi.
Amma, yenə də bu cür xəlvət aradan çıxmaq olmazdı.
...Bizim tərəflərdə buna “aradan cırmaq” da deyirlər...
***
... Dəfn mərasimindən sonra Nicatın dostları geriyə -
Bakıya qayıtdılar. Adətən belə günlərdə rahatlanmaq, sakit-
ləşmək üçün içərdilər. Bu dəfə nədənsə spirtli içkiyə qəti hə-
vəs yox idi. Ya da ayın ortası olduğuna görə kasıbçılıqdı.
Yolda bir neçə yerdə dayanıb çay içsələr də, heç kəs pivə və
yaxud araq vurmaq istəmədi. Vallah, dəqiq pulsuzluq imiş.
Hər dəfə oturanda Nicatın intihar səbəbi müzakirə olunur-
du. Dostları onun qəfil intiharını hələ də qəbul edə bilmirdi-
lər.
Suallar, suallar, suallar...
Dostları ilə paylaş: |