31
H.K.Sanılı öz dövrünün sənətkarı kimi yeni
məzmunu köhnəlmiş, çeynənmiş təsvir və ifadə
vasitələri ilə deyil, xalq ruhuna və anlayışına uyğun
olan yeni, maraqlı, orijinal vasitələrlə ifadə edirdi. Bu
isə təsadüfi deyildi. 1920—1930-cu illərin şeirində
bədii novatorluq yeni insanın təsviri, buna müvafiq
olaraq yeni poetik vasitələrin axtarışları ilə sıx bağlı
idi. Sanılı da öz əsərlərində ənənə halına keçən ədəbi
irsin sənətkarlıq xüsusiyyətlərinə sadiq qalmaqla
bərabər, onun biçimini dəyişməyə çalışır və çox vaxt
buna müvəffəq olurdu. Məsələn, şair Azərbaycan
gözəllərini tərənnüm edərkən olduqca təbii və gözəl
ifadə vasitələri tapır:
Kirşanı qardan alıb,
Ənliyi nardan alıb.
Yaxud:
Təzə gəlin, yetmə qız,
Moruxyanaq, lalə üz.
Bu misralarda insanın zahiri gözəllikləri ilə ya-
naşı, onu əhatə edən ətraf aləmin estetik qanunları ilə
doğmalığı, insan gözəlliyi ilə təbiət gözəlliyinin
ahəngdarlığı öz parlaq ifadəsini tapmışdır.
«Aran köçü»nün müvəffəqiyyətindən ruhlanan
Sanılı bir-birinin ardınca yazdığı «Namus davası»,
«Zülmün sonu», «Novruz və Gülara», «Turut qaçaqla-
rı» kimi epik əsərlərdə məharətlə qurulmuş süjetlər,
xarakterlər, tamamlanmış lövhələr, bitkin tablolar ya-
ratdı.
32
1927-ci ildə yazdığı «Namus davası» poe-masın-
da müəllif əsas ideyanı məhz dramatik vəziyyətlər,
xarakterlər vasitəsi ilə ifadə etməyə müvəffəq olmuş-
dur. Burada bədii surətlər, onların mübarizəsi, əməl
və arzuları, psixologiyası, ziddiyyətləri ritorik müha-
kimələr tərzində deyil, müəyyən həyati süjet və kom-
pozisiya əsasında verilir. Bu əsər tarixi faktlar əsa-
sında yazılmışdır.
Məlumdur ki, tarixi mövzuda bədii əsər yazmaq
istəyən sənətkar həmin konkret tarixi şəraiti, hadisəni
və şəxsiyyəti diqqətlə öyrənməli, həmin zamanın fikir
cərəyanlarını, ideoloji-siyasi, ictimai istiqamətlərini
tam dərinliyi ilə tədqiq etməlidir. Tarixi mövzuda əsər
yaradan yazıçı həm müasirlik, həm tarix, həm də öz
xalqı, öz vətəni qarşısında ikiqat məsuliyyət daşıyır.
«Namus davası» poemasında XIX əsrin ortala-
rından başlayaraq, feodal mülkiyyəti və imtiyazlığının
getdikcə qüvvətlənib nüfuzlu xanlıqlar formasında tə-
sis olunduğu konkret bir dövrdən danışılır. Əsərin
əsas surətlərindən biri məşhur Gəncə xanı Cavad xan-
dır. Təəssüflə qeyd etmək lazımdır ki, sözün həqiqi
mənasında əsl xalq qəhrəmanı olan Cavad xan əsərdə
xudbin, gününü eyş-işrətdə keçirən müstəbid bir
hökmdar kimi təsvir edilmişdir. Şair Cavad xanın xa-
rakterini, onun mənəvi simasını bu cür göstərir:
Sarayı xan bağı, işi keyf-damaq,
Xalqın dərdlərindən büsbütün uzaq.
Əxlaqı çox pozğun, zülmü ziyada,
Əhali əlindən gəlmişdi dada.
Arvadlar qorxudan paltar geyməzdi,
33
Saçın daramazdı, üzün yumazdı.
Evindən çıxanda gözəl arvadlar,
Geyərdi əyninə ən köhnə paltar.
Eşitsə hər yerdə bir adlı gözəl,
Murdar xan uzadıb namusuna əl,
Ol gözəli xan bağına çəkərdi,
Fəqirlərin həyasını tökərdi.
Müəllif Tovuz—Şəmşəddin mahalının bəylərbə-
yisi Nəsib Sultanı Cavad xana qarşı qoyur. Gənc Nə-
sib Sultan vicdanlı, ləyaqətli, camaat arasında nüfuzu
olan bir igiddir. Cavad xanın Nəsib bəyin gözəl arvadı
Cavahir xanıma vurulması poemada münaqişənin ya-
ranması üçün başlıca amilə çevrilir.
Cavad xan Cavahiri ələ keçirmək üçün belə bir
hiyləyə əl atır: Nəsib Sultanı vətəni müdafiə etmək
adı ilə ləzgilərlə müharibəyə göndərir. Lakin Nəsib
bəyin hərbi uğurları bütün Qafqaza yayılır. İşi belə
görən Cavad xan incə bir siyasətlə Cavahir xanımın
Gəncəyə gətirilməsinə nail olur. Cavahir xanım xanın
niyyətini duyar- duymaz heyrətə gəlir, öz namusunu,
şərəfini qorumağa çalışır və nəhayət, sanki cəngini
açaraq onu udmaq istəyən əjdahanın ağzından qurtara
bilir. Bu dramatik kolliziyada Azərbaycan qadınının
namusluluğu, məhəbbətə sədaqəti sənətkarlıqla ifadə
edilmişdir. Müəllifin fikrincə, namus və ismət insanın
mənəviyyatının saflığını səciyyələndirən əsas meyar-
dır. Cavahir xanımın yüksəkliyi də məhz gözəlliyini
ucuz tutmamasında, ismətini yad təsirlərdən mühafizə
etməsindədir.
34
Arvadına xəyanət əli uzadıldığını eşidən Nəsib
Sultanın təbiətindəki dərəbəylik hissi bütün coşğunlu-
ğu ilə baş qaldırır. Artıq onu yurdun talanması, xalqın
dərdi zərrə qədər düşündürmür. Onu içindən gəmirib
yeyən bir hiss var: intiqam hissi.
Gözəl, həlim, insani keyfiyyətlərə malik olan
Nəsib Sultan birdən-birə insan ləyaqətini itirmiş, qu-
duzlaşmış, vəhşi bir despota çevrilir. Onun sözləri xa-
rakterində əmələ gələn dərəbəylik eqoizmini gös-tər-
mək mənasında çox səciyyəvidir:
Bu qan ilə mən davadan doymaram,
Qisasımı Cavad xanda qoymaram.
Mən razıyam bütün Gəncə dağıla,
Qan içində arvad-uşaq boğula!
Bütün eldən bircə tüstü qalxmaya,
Bir diri göz o yerlərə baxmaya!
Cavad xandan intiqam almaq məqsədi ilə Nəsib
Sultan general Sisianovun başçılıq etdiyi rus istila or-
dusuna qoşulur və Gəncə qalasına hücum edir. Belə-
liklə də, xanlıq məğlub olur, ölkə düşmən tərəfindən
zəbt edilir. Sultanın xəyanəti xanın xəyanəti ilə müqa-
yisədə daha iyrənc mahiyyət alır və daha ağır faciələr-
lə nəticələnir.
Məlum olduğu kimi, Cavad xan yadelli istilaçıla-
ra qarşı cəsarətlə mübarizə aparan, vətən uğrunda, is-
tiqlaliyyət yolunda qəhrəmanlıqla döyüşən tarixi bir
şəxsiyyətdir. Lakin H.K.Sanılı dövrünün tələbi ilə,
proletkultçuluğun təsiri altında Cavad xanı mənfi bir
surət kimi qələmə almağa məcbur olmuş, ancaq yeri
Dostları ilə paylaş: |