Beruniy tumani

VI. Sabaqtıń barıwı:

N	Basqıshları	Waqıt.
1.	Shólkemlestiriw bólimi.	3 min.
2.	Ótilgen temanı soraw hám bekkemlew.	10 min.
3.	Taza tema bayanı.	15 min.
4.	Toparlarda islew hám bekkemlew.	13min.
5.	Oqıwshılardı bahalaw.Úyge tarsırma beriwjuwmaqlaw.	4 min.

Oqıwshılar eki toparǵa bólinediler. Bunda tábiyattaǵı ózgerislerge baylanıslı “Altın gúz” hám “Gúmis qıs” toparlarına bólemiz.
1-topar aǵzaları 2- toparǵa jumbaq beredi, olar jumbaqtıń sheshimin tawıp onıń ishinde qatnasqan ráwish sózdi anıqlawı hám sorawın beriwi kerek.

1. 
   Jıltır aynam suwdan, Onı tez-tez juwǵan Gúzetshiler qasında,
   

Tayaq siltep turǵan. (kóz, Kirpik)

2. 
   Azanda tórt ayaqlap júredi.
   

Túste eki ayaqlap júredi
Keshte úsh ayaqlap júredi. (Adam) 3.Tikanı kóp,
Japıraǵı az,
Túye súyip,
Jeytuǵın shóp( jantaq)
4. Háptede bir keledi,
Hámmege dem beredi.(Dem alıs) Soraw:

1. 
   Ráwish dep nege ataladı?
   
2. 
   Ráwish qanday sorawlarǵa juwap boladı?
   

1. 
   Ráwish dárejeleri mánilerine qaray neshe dárejege bólinedi?
   
2. 
   Ráwish qatnastırıp gáp qurań.
   

Taza tema:
Nókis- jańadan salınǵan qala.Onda birneshe millet wákilleri jasaydı.Olar bir-biri menen tatıw,dos turadı.Házirgi Nókistiń turǵan jeri qalıń toǵaylıq bolǵan.Sol qalıń toǵaylıqlardıń ornına jaylar salınıp házir qalaǵa
aylandı.Qalanıń kósheleri keń,dúziw,házirgi zaman arxitekturası tiykarında tórt hám toǵız qabatlı jaylar salınǵan.Usı kóshe boyınsha salınǵan jaylardıń qasındaǵı jasıl dóngen aǵashlar hám asfalt jollar qalanıń kórkine kórik qosadı.
Qalada “Amir Temur “ parki bar.Onda qalada jasawshı miynet-keshler jumıstan soń dem aladı.Kóp mıń adamlıq “Turan” stadionında birqansha sport jarısları ótkeriledi.Kóp
qabatlı”Tashkent” miymanxanasında sırttan kelgen doslarımız miyman boladı.Aerovokzal menen temir jol vokzallarınan kúnine birneshe mıń jolawshılar qalamızǵa kelip-ketip
turadı.Nókis keleshegi úlken qalalardıń biri.

QÁDIRDANÍM NÓKIS!

Ullı mánzillerdi kóregen kóziń, Zibanıńda”Xalıq”dep sóyegen sóziń, Watanda tuw tutqan dabılshım óziń, Qumay qusı ushqan aspanım, Nókis!

Túrkiy saǵasınan berli bar ism,

“Qaraqalpaq”tan sońǵı namıs-ar ism, Mudam órnek almaq dárkar hár isim, Zamanǵa say hawaz qosqanım, Nókis.

Bólim-bólim qalıń Qaraqalpaqtıń, Kóksinde kógerttiń saltanat taxtın, Arzıwlar jurtın jurt etken paytaxtım, Shadlıq juldızların shashqanım, Nókis.

Awılıw-aymaqlar bekkem tiregiń, Qaysar jigitleriń qaytpas jigeriń, Quyash hár kún qutlıqlaǵan nur eliń, Íǵbal soqpaqların ashqanım, Nókis.

Azamatlar tańlap júrek jaǵısın, Ayzadalar toqıp xalıqshıl naǵısın, Shınjırma-shınjır kóp áwlad saǵınıshın, Kókiregine jazǵan dástanım, Nókis.

Jan dúnyańdı Kúndey jaqtırtıp ilim, Alıs dáwirlerge mór basıp tiliń, Máńgi dawam etsin ómir manziliń,

Dańq shını taman kósh tartqanım, Nókis!

Ullı- buyuk Ziban-zabon, til Qumay- Xumo Say-mos Aymaq- hudud

Sózlik

Bekkem- mustahkam Dańq-sharaf
Bekkemlew:

1. 
   Shayırdıń ómiri tuwralı aytıp beriń.
   
2. 
   Shayırdıń qanday atamadaǵı kitapları bar?
   
3. 
   Qosıqta Nókis qalası haqqında qanday táriyip beriledi?
   
4. 
   Shayır “ Túrkiy saǵasınan berli bar ism” dep neni aytpaqshı boladı?
   

Úyge tapsırma:

Qosıqtıń úsh tobın yad alıw