108
BAKI UNİVERSİTETİNİN XƏBƏRLƏRİ
№2
Sosial-
siyasi elmlər seriyası
2012
UOT 339.9; 339.9:061(100)
DÖVLƏTİN İQTİSADİ TƏHLÜKƏSİZLİYİ VƏ
GEOSİYASİ STRATEGİYA
H.H.ASLANOV
Bakı Dövlət Universiteti
Dosent1966@mail.ru
İqtisadi təhlükəsizlik iqtisadiyyatın vəziyyətini qiymətləndirən bir anlayışdır. Çünki
ölkənin iqtisadi təhlükəsizliyi iqtisadi inkişafın səviyyəsindən asılıdır.
İqtisadi təhlükəsizlik milli mənafeyi müdafiə etməklə yanaşı, eyni zamanda hökumət
orqanlarını ölkə iqtisadiyyatının milli mənafeyə uyğun inkişafına və onun reallaşmasına hazır
olması və cəmiyyətin sosial-iqtisadi sabitliyini təmin etməyə hazırlamaqdır. Ölkənin sosial-
iqtisadi inkişafının dinamikliyi onun iqtisadi təhlükəsizliyinin təmin edilməsi üçün zəruri
şərtdir. İqtisadi təhlükəsizliyi müəyyən edən bir sıra məsələlər vardır ki, onlardan biri də onun
geosiyasi vəziyyətinin və milli maraqlarının bir dövlət kimi qiymətləndirilməsidir ki, bütün
bunlar məqalədə Azərbaycanın timsalında ətraflı təhlil edilmişdir.
Açar sözlər: milli təhlükəsizlik, iqtisadi təhlükəsizlik, milli maraqlar, beynəlxalq və
regional təhlükəsizlik, iqtisadi strategiya, geosiyasi strategiya
İqtisadi təhlükəsizlik anlayışı ümumi və geniş məfhumdur. İqtisadi təh-
lü
kəsizlikdə ekoloji təhlükə, demoqrafik təhlükəsizlik, yeraltı və yerüstü sər-
vətlərimiz üçün mümkün təhlükə, maddi və mənəvi dəyərlərimizin, yaxud
döv
lət şirkətlərinin qorunması və s. maraq sahəsi təhlükəsizlik problemləri
zəncirinin halqasıdır. İlk dəfə olaq "iqtisadi təhlükəsizlik" kateqoriyası bir sıra
funksional bir-
biri ilə qarşılıqlı bloklardan ibarət sistem kimi təmsil olunur
(milli təhlükəsizlik konsepsiyası, iqtisadiyyat sahəsində Azərbaycanın milli
maraqları, iqtisadi təhlükəsizliyin indikatorları və ilkin əhəmiyyətli, iqtisadi
təhlükəsizliyin təşkilatı təminat strukturu və onun hüquqi mexanizmi)
C
əmiyyət mövcud olandan indiyə kimi insanlar bir-birilə daim mübarizə
apararaq düşmənçilik etmişlər. Bu mübarizənin əsasında var-dövlətə vəzifəyə,
torpağa sahib olmaq arzusu dayanırdı. Bu kimi hallar isə xalqlar və ölkələr
arasında ziddiyyətlər yaradırdı.
B
ir halda ki, təbiətlə cəmiyyət, millətlər və dövlətlər arasında bir-birinə
qarşı təhlükə yaratmaq meyli və imkanı var, deməli, omların qarşısının
alınması, yəni təhlükəsizlik tədbirlərinin görülməsi dövlət üçün vacib idi.
İlk dəfə elmi ədəbiyyatlarda "Təhlükəsizlik" anlayışı XII əsrdə Avropa-
109
da işlədilmişdir. O vaxtlar bu anlayış insan mənəviyyatını hər cür təhlükədən
qorumaq mənasını vermişdir. Lakin bu anlayış XVII əsrə kimi az işlədilmişdir.
Bunun əsas səbəbi bu anlayışın "Polis" termini ilə əvəzlənməsidir. Bu dövrdə
"Polis" anlayışı daha çox işlənməsi və bu anlayışın məzmunu daha əhatəli
olmuşdur. Belə ki, onun məzmunu dövlət quruluşunu, dövlət idarəetmə
sistemini özündə hifz etmiş və məqsədli dövlətin yaxşı yaşamasını və
təhlükəsizliyini təmin etmək idi [3, 234].
XVII-
XVIII əsirlərdən başlayaraq bütün ölkələrdə belə bir konsepsiya
diqqəti cəlb edirdi ki, dövlətin başlıca vəzifəsi iqtisadi ümumi əhval-ruhiyyəni
və təhlükəsizliyi təmin etsin. Bununla əlaqədar "təhlükəsizlik" məfhumu yeni
məna, vəziyyət, sabitlik situasiyası mənasını kəsb edir. Bu mənaya maddi
material, iqtisadi-
siyasi şərait anlamları da daxil edilirdi.
-
"Dövlət qaydaları və ictimai sabitliyin qorunması tədbirləri haqqında"
qaydalarda.
-
Dövlət təhlükəsizliyi anlayışı "ictimai təhlükəsizlik" məfhumu ilə eyni
qüvvədə işlədilmişdir. Bir neçə ildən sonra isə " ictimai təhlükəsizliyin" təmin
olunması anlayışı qanun statusu alaraq dövlət təhlükəsizliyinin saxlanılması
üçün mübarizə formasına çevrilmiş və siyasi təhlükəsizlik orqanlarının
səlahiyyətinə daxil edilmişdir [1, 210].
Azərbaycan yeni müstəqil dövlət olduğuna görə onun həm təcrübəsi,
həm də imkanları məhduddur. Lakin müstəqil inkişaf etmiş ölkələrin təcrübə-
lərini öyrənməklə Azərbaycanda iqtisadi təhlükəsizliyin təmin olunmasının
zəruriliyi, onun mahiyyətini və məqsədini müəyyən etmək olar. Məsələn,
ABŞ-da iqtisadi təhlükəsizliyinin təmin olunmasının məqsədi onun dünyada
hegemonluğunu saxlamaqdır. Sovet imperiyasında iqtisadi təhlükəsizliyin
məqsədi isə inzibat-amirlik sistemini, sosialist müstəmləkəçiliyini qorumaq
eyni zamanda dünyaya ağalığını təmin etmək olmuşdur. Bundan belə nəticə
çıxarmaq olar ki, iri dövlətlərin iddialarının heç biri Azərbaycanda yoxdur.
Onun iqtisadi təhlükəsizliyinin təmin olunmasının əsas məqsədi ölkəmizin
suverenliyini qoruyub saxlamaq, ərazi bütövlüyünü bərpa etmək və bazar
iqtisadi sisteminin əsaslarını yaratmaq. Başqa sözlə, bu Azərbaycan Respubli-
kasının milli təhlükəsizlik konsepsiyasının əsas cəhətlərindən biridir və bu
problemin əsas ağırlıq mərkəzi iqtisadi təhlükəsizlik sisteminin üzərinə düşür.
Buna görə də iqtisadi təhlükəsizlik birinci yerdə durur.
"İqtisadi təhlükəsizlik " anlayışına baxış genişdir. Bunlara asağıdakıları
daxil etmək olar:
1.
Ölkənin keyfiyyətcə iqtisadi vəziyyətinin müəyyən edilməsi ən azı
mövcud vəziyyəti saxlamaq, imkan daxilində cəmiyyəti mütərəqqi istiqamətdə
inkişaf etdirmək;
2.
İqtisadiyyatı elə səviyyədə əlaqələndirmək lazımdır ki, o şəxsiyyətin
həyat səviyyəsini yüksəltməyə qadir olsun, cəmiyyətin və dövlətin sosial-
iqt
isadi və hərbi-siyasi birliyini təmin edə bilsin, həm də daxili və xarici
təhlükənin qarşısını almağa iqtisadi gücü çatsın;
110
3.
Əhalinin normal həyat fəaliyyətini təmin edən iqtisadi sistem
yaratmaq. Bu elə sistem olmalıdır ki, xalq təsərrüfatını resurslarla təmin etsin
və Azərbaycanın milli dövlət marağını reallaşdıra bilsin;
4.
İqtisadiyyatın inkişafı elə səviyyədə olmalıdır ki, əlverişsiz amillər
olsa belə ölkənin sosial-iqtisadi və hərbi sabitliyinin iqtisadi cəhətdən təmin
etmək mümkün olsun;
5.
Şərait və amillərin məcmusu elə bir səviyyədə olmalıdır ki, milli
iqtisadiyyatın müstəqilliyini, onun sabitliyini saxlamağa gücü çata bilsin, eyni
zamanda əsas istehsal fondlarının daim tənzimlənməsinə şərait yaradılsın.
Yuxarıda sadaladığımız təriflər "iqtisadi təhlükəsizlik " anlayışının
mahiyyətini açmağa imkan verir.
Beləliklə, iqtisadi təhlükəsizlik yalnız milli mənafeyi müdafiə etmək
deyil, eyni zamanda hökumət orqanlarını ölkə iqtisadiyyatının milli mənafeyə
uyğun inkişafına və onun reallaşmasına hazır olması və cəmiyyətin sosial-
iqtisadi sabitliyini təmin etməyə hazırlamaqdır [2, 165].
Azərbaycanda, iqtisadi təhlükəsizlik sisteminin formalaşmasında coğrafi
və tarixi amillər bir çox dövlətlərə nisbətən daha böyük rol oynayır. Ona görə
də bu amillərin nəzərə alınması zəruridir.
Azərbaycanın mühüm coğrafi məkanda yerləşməsi və gözəl təbii-iqlim
şəraitinin olması tarix boyu dünyaya ağalıq etmək iddiasında olan dövlətlərin
təhlükəsinə məruz qalmışdır. Elmi texniki inqilabin baş verdiyi indiki dövrdə
təbii xammala və yanacaq enerjiyə tələbatın artması ilə əlaqədar olaraq
Azərbaycana sənayedə inkişaf etmiş iri dövlətlərin marağı daha da artmışdır.
Dövlətin strateji məkanda yerləşməsi və buna görə də onların bu
məkanda mənafelərinin toqquşmasını iqtisadi təhlükəsizliyin təmin olunma-
sına mənfi təsiri qarşılıqlı əməkdaşlığın təşkil olunmasında nəzərə alınmalı,
tarixi düşmən dövlətlər tərəfindən törədilə biləcək iqtisadi təhlükələr və
onların qarşısının alınmasının üsul və vasitələri müəyyənləşdirilməlidir.
Məlumdur ki, hər hansı iqtisadi hadisə və proseslərin bir çox səbəbləri
vardır. Bunlar qarşılıqlı əlaqə və vəhdətdə fəaliyyət göstərir və biri digərini
şərtləndirir. Məhz amil anlayışı da bunları özündə birləşdirdiyinə görə digər
kəmiyyət göstəricilərindən fərqlənir.
İqtisadi təhlükəsizlik kriteriyası iqtisadiyyatın vəziyyətini qiymət-
ləndirən bir anlayışdır. Çünki ölkənin iqtisadi təhlükəsizliyi iqtisadi inkişafın
səviyyəsindən asılıdır. İqtisadi təhlükəsizliyin mahiyyəti burada əks olunur.
Təhlükəsizliyin kriterial qiyməti aşağıdakıları özündə birləşdirir:
-
resurs potensialı və onun inkişaf etdirmək imkanı;
-
əmək kapitalı və digər resurslardan səmərəli istifadə etmə səviyyəsi,
onun inkişaf etmiş qabaqcıl ölkələrlə müqayisə də hansı səviyyədə olması,
habelə daxili və xarici təhlükəni minimuma endirmək imkanı;
-
İqtisadiyyatın rəqabət qabiliyyəti;
-
Suverenlik, müstəqillik və xarici təhlükənin qarşısını almaq imkanı;
-
Sosial sabitliyi və sosial ziddiyyəti həll etmək qabiliyyəti.
111
Göründüyü kimi ölkənin sosial-iqtisadi inkişafının dinamikliyi onun
iqtisadi təhlükəsizliyinin təmin edilməsi üçün ikin zəruri şərtdir. Belə ki,
ölkənin iqtisadiyyatının davamlı və dayanıqlı inkişafını təmin etmək üçün
inkişaf prosesində qarşıya çıxan problemlər öz həllini vaxtında tapmalıdır. Əks
halda, bu
problemlər sosial iqtisadi inkişafın buxovuna çevrilir və ölkə üçün
daim qaynaqlanan təhlükə mənbəyinə çevrilir. Bu problemlər mərhələli
şəkildə həll olunmalı, mütəmadi olaraq yeniləşən iqtisadi mexanizm vasitəsilə
və inkişafın təkamül yolu ilə daha yüksək mərhələyə qalxmalıdır [5, 157].
İqtisadi təhlükəsizliyə mənfi təsiri aşkara çıxarmaq və onu proqnozlaş-
dırmaq üçün ölkənin iqtisadi inkişaf səviyyəsinə nəzarət etmək zəruridir. Bu-
nun üçün göstəricilərin sərf nəzər edilməsi, onların iqtisadi təhlükəsizliyinin
təmin edilməsinə görə əhəmiyyəti nəzərə alınmalıdır. Bu göstəricilər tədqiq
edi
lərkən ona kompleks şəkildə yanaşılmalı və onun əsasında iqtisadi təhlükə-
sizliyin "diaqnozu" müəyyənləşdirilməlidir. Yalnız bu iş başa çatdıqdan sonra
iqtisadi təhlükəsizliyin qarşısının alınması üçün lazımi tədbirlər görülməlidir.
Təhlükənin mənbəyi düşmənçilik, pozuculuq, pis məqsədi həyata
keçirmək üçün şərait və amillərin olmasıdır. Təhlükənin mənbəyi mənşə
etibarilə üç formada təzahür edir: 1) təbii 2) texnogen 3) sosial. Təbii təhlükə-
yə təbiətin qanunları əsasında baş verən təbii hadisələr daxildir. Buraya
zəlzələlər, daşqınlar, quraqlıq və başqalarını aid etmək olar. Texnogen anlayışı
hər bir insanın genində tamahkarlığın olması başqasının haqqını tapdalaması
nəticəsində insanlar arasında düşmənçiliyin yaranması elmi-texniki inkişafın
ətraf mühiti, yararsızlaşdırılması kimi problemlər öz məzmununa ehtiva edir.
Sosial mənşəli təhlükə ilə əhalinin sosial vəziyyətinin pisləşməsi nəticəsində
sosial partlayışın yaranması şəraiti kimi başa düşülməlidir.
Bütün bu qeyd olunanları nəzərə alaraq məfhum kateqorial təhlükəsizlik
an
layışını belə ifadə etmək olar: " Təhlükəsizlik" həyatı vacib olan sosial ma-
raqların, onun strukturlarının daxili və xarici təhlükədən müdafiə olunmasıdır.
Həyatı vacib maraqlar, dövlətin cəmiyyətin vətəndaşların mütərəqqi in-
ki
şafı imkanlarının etibarlı təminatını təmin edən tələbatların məcmusudur.
Mil
li dəyərlər-ölkənin mövcudluğu və inkişafı üçün zəruri olan maddi mənəvi
intellektual mülki
yyətlərin məcmusudur. Milli həyat tərzi - ölkədə bütünlükdə
cəmiyyətin və ayn-ayrı milli qruplar tərəfindən qəbul edilmiş uzun tarixi dövr-
də fəaliyyət göstərən davranış qaydaları, mənəvi yaşayış tərzidir. Təhlükəsiz-
lik-
dövlətin, cəmiyyətin, şəxsiyyətin təhlükəsizliyinin təmin edilməsi üzrə
sosial fəaliyyətin nəticəsidir.
Dövlətin, cəmiyyətin, şəxsiyyətin təhlükəsizliyinin təmin olunması fəa-
liy
yəti sosial individlər, sosial qruplar arasındakı ziddiyyətlərin həll edilmə-
sidir. Təhlükə-təhlükəsizliyin təmin edilməsi üzrə fəaliyyət obyektidir. Bu
zaman fəaliyyətin predmeti təhlükənin konkret hədə forması kimi çıxış edir.
Belə hədənin konkret daşıyıcıları isə təbii, sosial-ictimai hadisələrdir.
Real və potensial təhlükələr mümkünlüyünə görə bir-birindən fərqlənir.
Hədəf istiqamətinin xarakterinə və baş verməsində subyektiv amillərin roluna
112
görə təhlükənin növlərini biri-birindən fərqləndirmək lazımdır. Məsələn
meydan oxuma, konkret olaraq qorxu törədən xarakter daşımasa da mütləq ona
reaksiya vermək, münasibət bildirmək lazım gəlir. Təhlükə zərərin vurulma-
sının dərk edilməsi, təhlükədən qaçmağın mümkün olmasını etiraf etməkdir.
Hədə-qorxu cəmiyyətin və dövlətin, habelə milli dəyərlərin və milli həyat
tərzinin təhlükə qarşısında qalmasının şərtləri və amillərinin məcmusudur.
Təhlükə vurulan zərərin nəticələrinin miqyasına və səviyyəsinə görə
aşağıdakı formalarda olur:
-
beynəlxalq (dünyanın regionları mənasında, regional və qlobal)
-
milli, lokal (ölkə və ölkənin regionları mənasında)
-
xüsusi (firma və şəxs)
Nəhayət, təhlükəni ictimai həyatın bütün sahələri və insan fəaliyyətinin
növləri kimi təsnifləşdirmək mümkündür.
Təhlükəsizlik kateqoriyası belə təsnif oluna bilər.
I. miqyas əlamətinə görə.
a)
beynəlxalq qlobal təhlükəsizlik;
b)
beynəlxalq regional təhlükəsizlik;
c)
milli təhlükəsizlik;
d)
yerli təhlükəsizlik;
Öz növbəsində milli təhlükəsizlik sistemi bölünür:
a)
dövlət təhlükəsizliyi;
b)
yerli "regional" təhlükəsizlik;
c)
xüsusi (firma və şəxsiyyət) təhlükəsizliyi;
Milli təhlükəsizliyin müxtəlif aspektləri aşağıdakı anlayışları əhatə edir:
a)
milli -
dövlət təhlükəsizliyi;
b)
federal təhlükəsizlik ;
c)
ictimai təhlükəsizlik;
II.
Hədənin-qorxunun tipindən asılı olaraq beynəlxalq və milli təhlükə-
siz
lik isə belə təsnif olunur:
-
ekoloji təhlükəsizlik;
-
iqtisadi təhlükəsizlik ;
-
hərbi təhlükəsizlik;
-
resurs təhlükəsizliyi;
-
informasiya təhlükəsizliyi;
-
sosial təhlükəsizlik;
-
elmi -
texniki təhlükəsizlik;
-
enerji təhlükəsizliyi;
-
nüvə təhlükəsizliyi;
-
siyasi təhlükəsizlik;
-
innovasiya təhlükəsizliyi;
-
hüquqi təhlükəsizliyi;
-
mədəni təhlükəsizlik;
-
texniki
təhlükəsizlik.
113
III.
Təhlükəsizlik mənbəyindən asılı olaraq:
-
təbii təhlükəsizlik;
-
texnogen təhlükəsizlik.
Dövlət, millət o vaxt təhlükəsiz vəziyyətində olur ki, daha pis vəziyyətdən
qurtarmaq üçün milli maraqlarını əldən vermir, milli məqsədləri rəhbər tutaraq
siyasi, iqtisadi, psixoloji mübarizə aparmaq vəziyyətində, imkanında olur.
Dövlət və millətin təhlükəsizliyini belə təsvir etmək olar:
1.
Əlverişsiz şəraitin yaranmasında subyektiv amillərin rolu və ünvanlı
istiqamət xüsusiyyətinə görə.
-
çağırış - qəti təhlükəli xüsusiyyətə malik olmayan, lakin ona diqqət
yetirilməsi vacib olan şəraitlər məcmuudur;
-
hədə (qorxu, təhlükə) - müəyyən qədər konkret, aktuallaşmış (və ya
artıq fəaliyyətə başlamış) təhlükə, vətəndaşların marağına təsir göstərə bilən
amil və şərtlərin məcmusudur;
-
risk -
subyektin fəaliyyətindən yarana bilən arzuolunmaz, əlverişsiz
nəticələrin ehtimalı.
2.
Səbəb- nəticə əlaqələrinə uyğun olaraq təhlükənin yaranmasına görə:
-
Şəxsiyyətin (vətəndaşın) həyat və sağlamlığına birbaşa ziyan dəyməsi;
-
ərazinin boşalması, onun mənəvi dəyərlərinin məhv edilməsi.
3. Təhlükənin yaranma mənbələrinə görə:
-
təbii təbiət hadisələri;
-
texnogen;
-
sosial.
4.
adekvat olmayan enerji informasiya, maddə cisim axını:
-
təbii-ekoloji, təbii hadisələrin dağıdıcı təsiri, təbii miqrasiyanın
pozulması;
-
texnogen istehsal, enerjilərinin arzuolunmaz tullantıları;
- antropogen -
sosial, informasiyaların bilərəkdən gizlədilməsi, təhrif
edilməsi, onların şəxsiyyət (vətəndaş) tərəfindən dərk edilməsi xüsusiyyətləri.
5.
Ehtimallıq dərəcəsinə görə:
-
real təhlükə;
-
mötəməl ( potensial) təhlükə.
6.
Səviyyəsinə görə (əhatə dairəsi, neqativ nəticə) :
-
beynəlxalq, qlobal, regional, dünyanın bir regionu;
-
milli, yerli (lokal) -
ölkənin regionu;
-
xüsusi, firma, şəxsiyyət.
7.
Bəşəriyyətin fəaliyyət növü və ictimai həyat sferaları üzrə mövcud
olan təhlükələr.
Müxtəlif regionlarda və xaricdə baş verən proseslər millətin durumuna,
onun gələcək inkişafına əsaslı təsir göstərə bilər. Bu isə öz növbəsində milli
məqsədlərin müəyyən edilməsinə və dərk edilməsinə təsir göstərir. Bununla əla-
qədar daxili və xarici təhlükəsizlik fərqləndirilir. Xarici təhlükənin müəyyən
edilməsi isə millətin dünyada, coğrafi və geostrateji yeri və rolu ilə əlaqədardır.
114
Milli təhlükəsizlik sistemi - dövlət konstitusiyasında nəzərdə tutulmuş
hüquqi norma və aktların, qanunverici və icraedici orqanların milli maraqların
təmin olunmasına istiqamətlənmiş metodların və s yaradılmış sistemidir.
Subyektin təşkiledici funksiyası ilə əlaqədar olaraq təhlükəsizliyin dövlət
sistemi bir-bi
rindən fərqləndirilir. Bunların hər ikisi milli maraqlara qarşı real
və potensial təhlükələrin aşkar edilməsində onlarla mübarizə tədbirlərinin
hazırlanmasında həyata keçirilməsində bir-birinin tamamlayır, bir-birinə
nəzarət edirlər. Mili təhlükəsizlik sistemində yüksək effektivliyə o vaxt nail
olunur ki, beynəlxalq və regional təhlükəsizlik sistemi qarşılıqlı əlaqədə
fəaliyyət göstərmiş olsun [4, 85].
Azərbaycanının milli təhlükəsizlik konsepsiyasının əsas elementlərindən
bi
ri iqtisadi təhlükəsizlikdir. Azərbaycanın iqtisadi təhlükəsizliyi onun milli
təhlükəsizliyi sisteminin bir hissəsi olub, onun tərkibinə daxildir. Milli təhlü-
kəsizlik iqtisadi təhlükəsizlikdən daha geniş anlayışdır. Bunların hər ikisi döv-
lətin ümumi strategiyasından qidalanır. Azərbaycanın mili təhlükəsizlik kon-
sep
siyası işlənib hazırlanarkən o iqtisadi sahədə Azərbaycanın milli mənafeyi-
nə uyğun konkretləşdirilir. Azərbaycan dövləti iqtisadi təhlükəsizlik konsepsi-
ya
sını hazırlayarkən ikiyüz ilə yaxın müstəmləkə olmasını, onun törətdiyi fə-
sad
ları, 70 il istehsalı səmərəli təşkil edə bilməyən inzibati-amirlik sistemində
yaşamasını və onun müstəqilliyini istəməyən düşmən dövlətlərlə əhatə
olunmasını nəzərə almalıdır. Çünki bu reallığı nəzərə almadan nə dövlətin
daxilində, nə də beynəlxalq səviyyədə heç bir vəzifəni yerinə yetirmək olmaz.
Milli təhlükəsizlik iqtisadi təhlükəsizlikdən başqa, özündə həm də hərbi,
ekoloji, informasiya, sosial, energetika, milli-
mənəvi dəyərlər və digər
təhlükəsizlik formalarını birləşdirir. Milli təhlükəsizliyin bütün növləri bir-
birilə qarşılıqlı əlaqədə olmaqla onların biri digərinə müsbət yaxud da mənfi
təsir göstərir. Məsələn, iqtisadiyyatı zəif inkişaf etmiş dövlətlər öz hərbi
təhlükəsizliyini təmin edə bilməz. Ona görə də belə ölkədə sosial partlayışın,
sosial ziddiyyətlərin olması qaçılmazdır. Eyni zamanda, dövlətin müdafiə
qüdrətinin möhkəm olması ölkənin milli iqtisadiyyatının inkişafı üçün əlverişli
şərait yaradır. Buna baxmayaraq, milli təhlükəsizliyin əsasında iqtisadi
təhlükəsizlik durur və o milli təhlükəsizliyin bazisi hesab edilir.
Təhlükəsizliyin təmin edilməsi çox çətin və mürəkkəb prosesdir. O qar-
şılıqlı əlaqə və qarşılıqlı asılılıqda olan üç sahəni əhatə edir. Buraya şaquli isti-
qa
mətdə, yəni cəmiyyətin təhlükəsizliyin təmin edilməsi və dövlətin təh-
lükəsizliyinin təmin edilməsi daxildir. İqtisadi təhlükəsizliyin təmin edilməsi
predmeti eyni zamanda üfüqi səviyyədə olan münasibətləri də əhatə edir.
Buraya siyasi, hərbi, informasiya, elmi-texniki və s. sahələrin təhlükəsizliyinin
təmin edilməsini də daxil etmək lazımdır [9, 226].
Təhlükəsizlik hər şeydən əvvəl vətəndaşın cəmiyyətin və dövlətin
mühüm həyatı mənafelərini əhatə etməlidir. Onların tələbatlarının daha dolğun
və etibarlı ödənilməsi ölkənin təhlükəsizliyinin təmin olunmasından asılıdır.
Təhlükəsizliyə həm də milli həyat tərzi daxildir. Beynəlxalq iqtisadi inteqrasi-
115
ya
nın və qloballaşmanın geniş miqyas aldığı indiki şəraitdə millətin özünə-
məxsusluğunun qorunması olduqca zəruri amildir. Belə ki, hər millətin tarixən
for
malaşmış mənəviyyatının və əxlaqının qorunub saxlanılması dövlətin əsas
vəzifələrindən biridir.
İqtisadi təhlükəsizliyi müəyyən edən əsas məsələlərdən biri də
Azərbaycanın, onun geosiyasi vəziyyətinin və milli maraqlarının bir dövlət
kimi qiymətləndirilməsidir.
Azərbaycanın geosiyasi vəziyyətini müəyyən etmədən ölkənin milli
maraqla
rını, onun xarici siyasətini təyin etmək, xarici bazarların dəqiq struk-
turuna, milli əmtəə istehsalçılarının ixrac mallarının bu bazarlara irəliləməsinə
yardım sisteminə malik olmaq çox mürəkkəb olduğu üçün ümumilikdə
effektiv bazar iqtisadiyyatını yaratmaq və bu baxımdan da onun təhlükəsiz
inkişafını təmin etmək mümkün deyildir. Mədəni-tarixi inkişafın gedişatında
formalaşaraq ölkənin geosiyasi vəziyyətini nəzərə alaraq etnosun mövcudiy-
yətinin fundamental amilləri onun əhalisinin yerləşdirilməsi coğrafiyası ilə
müəyyən edilir. Bu baxımdan geosiyasi strategiyanın "geosiyasət-milli
maraqlar-
iqtisadi təhlükəsizlik" sistemində təyinedici strategiya olduğunu da
hesab etmək mümkündür [8, 214].
İndiki şəraitdə təhlükəsizlik sahəsində geosiyasət anlayışının da
mahiyyətini bilmək lazımdır. Geosiyasət elmin başqa sahələrinə nisbətən gənc
elimi istiqamətdir. Bu gün geosiyasət elmi dedikdə dövlətin, regionun, və
bütövlükdə dünyanın inkişafına coğrafi, siyasi, iqtisadi, hərbi, ekoloji, etnik,
dini və digər amillərin təsiri altında müxtəlif ərazilərə və əhaliyə nəzarətin
həyata keçirilməsi başa düşülür. Bu və ya digər dövlətin və regionun
təhlükəsizlik problemi dəqiq edərkən geosiyasət amilləri nəzərə alınmaqla,
onu qiymətləndirməmək mümkün deyil. Bilmək lazımdır ki, həmişə və hazırda
Azərbaycan üçün törədilən siyasi və iqtisadi təhlükələr Azərbaycanın mühüm
geosiyasi və geostrateji məkanda yerləşməsi ilə əlaqədar olmuşdur. Ona görə
də Azərbaycanın milli və iqtisadi təhlükəsizlik konsepsiyası işlənib
hazırlanarkən bu amillər nəzərə alınmalıdır.
Hər bir dövlətin iqtisadi təhlükəsizliyinin təmin edilməsində onun stra-
teji və qeyri-strateji regionda yerləşməsi mühüm təsir göstərən amillərdəndir.
Bu baxımdan geosiyasət anlayışına geostrateji region kateqoriyası da daxildir.
Geostrateji region iri coğrafi məkan olub, qlobal əhəmiyyət kəsb edir. O
dünyanın kifayət qədər iri hissəsi olur və xarici ticarətin istiqamətini, mədəni
və ideoloji əlaqəsini və qarşılıqlı asılılığını özündə əks etdirir. Geosiyasi
region geostrateji regionun bir hissəsidir və coğrafi əlamətləri özündə əks
etdirir.
Hər bir dövlət və ya qurum məqsədə çatmaq üçün özünün strategiyasını
işləyib hazırlamalıdır. Strategiya anlayışı yunan mənşəli sözdür. O ilk dəfə
qədim Yunanıstanda hərbi məqsəd üçün işlədilmişdir. Strategiya müharibə
vaxtı quru və ya dəniz qüvvələrindən irimiqyaslı əməliyyatlarda istifadə
edilməsi kimi başa düşülmüşdür. Lakin müasir dövrdə ölkənin iqtisadi və milli
116
təhlükəsizlik elmində hərb sənəti kimi deyil, iqtisadi və milli təhlükəsizlik
anlayışı kimi də işlədilir və Azərbaycan dilinin lüğət fonduna daxil olmuşdur.
Azərbaycan müstəqilliyi bərpa etdikdən sonra özünün siyasi strategiyası-
nı işləyib hazırlamışdır. Siyasi strategiyada utopiya deyil, konsepsiya əsas gö-
tü
rülür. Bu zaman siyasi məqsəd düzgün seçilməli, kortəbii siyasi proseslərin
qarşısı alınmalıdır.
Siyasi strategiya dövlətin əsas məqsədi, prinsipi olub, yalnız bu günün
deyil, gələcək inkişafın müəyyən edilməsi deməkdir. Strategiya əsas siyasi
məqsədin həyata keçirilməsinin elmi konsepsiyasıdır.
Deməli, siyasi strategiya nəzəri, elmi konsepsiya və praktik fəaliyyətdən
ibarətdir. Siyasi strategiya cəmiyyətin inkişaf qanunauyğunluğunu əsas
göstərməlidir, əks təqdirdə siyasi strategiyanın həyata keçirilməsi qeyri
mümkün hala çevrilir.
Ölkənin inkişaf istiqaməti siyasi strategiya adlanır. Siyasi strategiya real
gerçəkliyə əsaslanmalıdır. Utopiya, düzgün olmayan xəyali siyasi strategiya
ölkəni inkişafa deyil, məhvə doğru aparır. Hazırda Azərbaycanın siyasi
strategiyasının məqsədi inzibati-amirlik iqtisadi sistemindən bazar iqtisadi
sisteminə keçmək, demokratik cəmiyyət qurmaq, müstəqilliyini və ərazi
bütövlüyünü təmin etməkdir.
Siyasi strategiyada milli təhlükəsizlik problemi əsas yer tutur. Milli təh-
lü
kəsizlik siyasəti ölkənin ərazi bütövlüyünün qorunması, separatizmin, terro-
rizmin, qeyri-
sabitliyin qarşısının alınmasından ibarətdir. Siyasi strategiyada
milli güc müəyyən edilir. Milli gücə milli mənafelərin qorunması, iqtisadi,
siyasi, milli-
mədəni və ordunun gücü daxildir. Milli güc siyasi strategiyanın
həyata keçirilməsi üçün imkan və şərait yaratmalıdır.
Dünyanın inkişaf etmiş ölkələri siyasi strategiyalarını aşağıdakı
istiqamətdə qurular:
1. Hegemon
çuluq siyasəti.
2. Texnokratiya siyasəti.
3. Siyasi-
mədəni təsir siyasəti.
Onlar öz məqsədlərini iqtisadi inkişaf, investisiya, elm, texnika
sahəsində qarşılıqlı əməkdaşlıq siyasətini genişləndirməklə həyata keçirməyə
çalışırlar. Qeyri-demokratik dövlətlər isə öz siyasi strategiyalarını daha çox
hərbi güc ilə reallaşdırmağa üstünlük verirlər.
Milli təhlükəsizlik strategiyasında iqtisadi təhlükəsizlik strategiyası
mühüm yer tutur. Çünki bunlar bir-
biri ilə qarşılıqlı əlaqədə və vəhdətdə olub,
biri digərini şərtləndirir.
Dövlətin iqtisadi strategiyası həm daxili, həm də xarici siyasətdə milli
mənafeyi, təhlükəsizliyi və büdcə xərcinin daha vacib istiqamətlərə yönəl-
dilməsini nəzərdə tutur.
Xarici siyasətdə cəmiyyətin iqtisadi, hərbi, sosial, insan, ideoloji-mənəvi
resursları nəzərə alınır. Ölkədə daxili sabitliyin yaradılması üçün korrupsiya,
mütəşəkkil cinayətkarlıq, etnik gərginlik, işsizlik problemi aradan qaldırılır.
117
Azərbaycanın iqtisadi təhlükəsizliyi strategiyası fərdin, cəmiyyətin və
dövlətin mühüm iqtisadi maraqlarına təhlükə yarada bilən amilləri, qısa və
ortamüddətli perspektivdə ölkənin sosial-iqtisadi sisteminin dayanıqlığına
təhlükə törədə bilən faktorların müəyyənləşdirilməsini və monitorinqini,
iqtisadi sahədə milli maraqları şərtləndirən və iqtisadi təhlükəsizliyin
tələblərinə cavab verən kriteriya və parametrlərin müəyyənləşdirilməsini öz
məzmununda ehtiva edir.
Göründüyü kimi, siyasi, milli və iqtisadi təhlükəsizlik strategiyalarının
hər biri uzunmüddətli məqsədin həyata keçirilməsini əks etdirir. Hər bir
subyekt həmin məqsəd reallaşandan sonra strategiyada dəyişiklik edir [10, 94].
İqtisadi və beynəlxalq münasibətlər çox mürəkkəb və dəyişkən
olduğundan milli və iqtisadi təhlükəsizlik strategiyasında məqsədin həyata
keçirilməsinə təsir göstərən amillərin hamısını əks etdirmək mümkün deyil.
Təbii amillər də buna mühüm təsir göstərir. Çünki bir neçə il sonra təbiətdə nə
kimi hadisələr baş verməsini demək çətindir. Bununla əlaqədar olaraq, hər bir
dövlət özünün milli və iqtisadi təhlükəsizlik konsepsiyalarını işləyib hazırlayır.
Başqa sözlə, problemin həllinə öz baxışlarını müəyyənləşdirirlər. Burada milli
və iqtisadi strategiyalarda qarşıya qoyulmuş məqsədlərin reallaşmasının imkan
və vasitələri dəqiqləşdirir, müasir dövrə uyğun gəlməyən hədəflər çıxarılır,
reallıqlar nəzərə alınır. Deməli, milli və iqtisadi təhlükəsizlik anlayışları bir-
biri ilə qarşılıqlı əlaqədə olduğu kimi, iqtisadi təhlükəsizlik və iqtisadi
konsepsiya da biri digərindən yaranır və ona xidmət edir. Başqa sözlə, iqtisadi
təhlükəsizlik milli təhlükəsizliyin reallaşmasını şərtləndirdiyi kimi, konsepsiya
da iqtisadi təhlükəsizliyin təmin olunmasına xidmət edir.
Beləliklə, müasir dövrün siyasi konsepsiyaları içərisində geopolitik kon-
sep
siya mühüm yer tutur. Dövlətin daxili və xarici iqtisadi strategiyası, bey-
nəlxalq və regional münasibətlər, milli təhlükəsizlik, etnosun yaranması və in-
ki
şafı problemləri ilə izah edilir. Yunan dilində "geo" Azərbaycan dilində yer,
"po
litik" isə " Azərbaycan dilində dövlət, siyasət mənasını verir. Beynəlxalq
mü
nasibətlərdə geopolitika dedikdə, müəyyən coğrafi məkanda yerləşən döv-
lətin xüsusiyyətləri, onun regional və qlobal beynəlxalq proseslərdə iştirakı
başa düşülür.
Cəmiyyətin inkişafının ümumi qanunauyğunluqlarından biri də hər bir
öl
kənin iqtisadiyyatının inkişafında və təhlükəsizliyinin təmin edilməsində
coğrafi məkanın mühüm rol oynamasıdır. Bu amilin təsiri nəinki daimidir, hət-
ta cəmiyyət inkişaf etdikcə, xüsusilə bazar iqtisadiyyatı sisteminin müasir mər-
hələsində onun əhəmiyyəti daha da artmışdır. Başqa sözlə, iri, güclü dövlətlər
mühüm strateji məkanda yerləşən dövlətləri işğal etmək uğrunda daim
müharibələr aparmış və bir-birinə təhlükə törətmişlər. Məsələn, əgər quldarlıq
dövründə daha çox qul əldə etmək uğrunda müharibə aparılırdısa, feodalizmdə
daha məhsuldar torpaqların ələ keçirilməsi uğrunda müharibələr aparılırdı.
Milli strategiyada geopolitik təhlükəsizlik amili mühüm yer tutur.
Geopolitika əlverişli məkan və hərbi strateji təhlükəsizlik amilini birləşdirir.
118
Coğrafi məkanda insanlar qəbilə, tayfa, xalq, millət kimi tarixi birlik forma-
sında yaşayıblar. Tarixi araşdırmalar göstərir ki, coğrafi məkan milli dövlətin
yaranmasının şərtlərindən biridir. Məkana görə dövlətlər kontinental, sahil və
ada dövlətlərinə bölünürlər. Dövlət milli strategiyanı və milli təhlükəsizliyini
həyata keçirərkən coğrafi şərait nəzərə alınır. Müasir güclü dövlətlər dünya
okeanlarına və dənizlərə nəzarəti öz əllərində saxlamağa çalışırlar. Geopolitika
bütövlükdə dövlətin təhlükəsizliyini əhatə edən milli strategiyadır.
Geopolitika coğrafi məkanı, sosial-iqtisadi amillə əlaqələndirilir. Y.Las-
kotanın fikrinə görə, geopolitika ərazi uğrunda mübarizəni öyrənir. A.Ziqfıld
isə, geopolitikada məkanın iqliminə üstünlük verir. Çünki əhalinin tempe-
ramenti iqlim
dən asılıdır.
Avropada geopolitika əsasən dövlətin xarici siyasəti ilə əlaqələndirilir.
Güclü dövlətlər dünyanın geopolitik cəhətdən əhəmiyyətli olan ərazilərini ələ
keçirmək üçün tarix boyu müharibə aparıblar. İndi də iri dövlətlər bilavasitə
müharibə aparmasalar da, gizli yollarla, siyasi və iqtisadi üsullarla inkişaf
etməkdə və keçid iqtisadiyyatlı kiçik, zəif, xüsusilə mühüm strateji məkanda
yerləşən ölkələri öz nəzarətləri altında saxlamağa çalışırlar. Mühüm geostrateji
məkan kimi səciyyələnən Azərbaycan Avropanı maraqlandırır. Tarixi hadi-
sələrdən asılı olaraq "Qafqaz teatr səhnəsində", Avropa "siyasi oyunlarda"
iştirak etmişdir.
ƏDƏBİYYAT
1.
Гончаренко Л.М. Экономическая безопасность личности / Под ред. Е.А.Олейни-
кова–Иванова. Иваново: Ивановский Гос. Университет, 1999, с. 427.
2.
Экономическая безопасность и инновационная политика (страна, регион, фирма),
вып.2 / Под. ред. Е.А.Олейникова, М.: Инфра, 1993, с. 340.
3.
Məmmədov N.M., Bərxudarov M.İ. İqtisadi təhlükəsizlik. Ali məktəblər üçün dərslik,
Bakı: İqtisad Univesiteti, 2006, s. 452.
4.
Tanrıverdi Əhməd Paşa. Regionların iqtisadi inkişafının dövlət tənzimlənməsinin başlıca
problemləri, Bakı, 2005. AMEA, s.187.
5.
Экономическая безопасность. Финансы-Банки. / Под ред. академика. В.К.Сенрадо-
ва, М.: İnfra, 1998, 340 c.
6.
Coref E. Stiglis. Qloballaşma və onun doğurduğu narazılıqlar. Bakı: Nurlan, s. 274.
7.
Milli təhlükəsizlik haqqında Azərbaycan Respublikası Qanunvericilik toplusu. Qanun,
№8, 2004, 31 avqust, s. 365.
8.
Əliyev A., Şəkərəliyev A. Bazar iqtisadiyyatına keçid: dövlətin iqtisadi siyasəti. Bakı:
İqtisad Universiteti, 2002, s. 358.
9.
Məhərrəmov A., Aslanov H. Xarici iqtisadi fəaliyyətin tənzimlənməsi. Bakı: “Zərdabi
LTD” MMC Nəşriyyat poliqrafiya müəssisəsi, 399 s.
10.
Heydərov K., İbrahimov T. Gömrük işi – iqtisadi suverenlik və təhlükəsizlik. Bakı: Səda
nəşriyyatı, 1999, s.178.
119
ЭКОНОМИЧЕСКАЯ БЕСОПАСНОСТЬ ГОСУДАРСТВА И
ГЕОПОЛИТИЧЕСКАЯ СТРАТЕГИЯ
Г.Г.АСЛАНОВ
РЕЗЮМЕ
Экономическая безопасность это понятие, оценивающее состояние национальной
экономики, потому что экономическая безопасность зависит от уровня экономического
развития. Наряду с защитой национальных интересов страны, экономическая безопас-
ность это готовность государственных органов обеспечить реальное развитие экономи-
ки страны в соответствии с национальными интересами и социально-экономическую
стабильность общества. Динамичность социально-экономического развития страны –
необходимое условие обеспечения ее экономической безопасности. Существует ряд
задач определяющих экономическую безопасность, одна из них это оценка ее геополи-
тического состояния и защиты национальных интересов государства. Все это подробно
проанализировано в статье на примере Азербайджана.
Ключевые слова: экономическая безопасность, национальные интересы, нацио-
нальная безопасность, международная региональная безопасность, экономическая стра-
тегия, геополитическая стратегия
ECONOMIC SAFETY OF STATE AND GEOPOLITICAL STRATEGY
H.H.ASLANOV
SUMMARY
Economic safety is a conception which estimates the modern state of national econo-
my. Therefore, economic safety depends on the level of economic development.
Economic safety protects national interests, realizes the development of national econ-
omy, and supports its adaptation to economic interests of state organs. Dynamics of social-
economic development of state is one of the conditions providing its economic safety. Differ-
ent issues defined by economic safety, estimation of the geopolitical condition and national
interests are also analyzed in the Azerbaijani context.
Key words: economic safety, national interests, national safety, international regional
safety, economic strategy, geopolitical strategy
Dostları ilə paylaş: |