1
AZƏRBAYCAN UNİVERSİTETİ
İctimai elmlər kafedrası tərəfindən
tədris olunan fənlərin qısa təsviri
İPF- B02 Azərbaycan tarixi- I (6 kredit, 75 saat)
Fənnin əhatə dairəsinə tarixin öyrənmə metodu və mənbələri, tarix elminin
metodologiyası və nəzəriyyəsi, Azərbaycan tarixi dünya tarixinin ayrılmaz hissəsi
kimi, Türk etnoslarının Azərbaycana axını, Azərbaycan xalqının etnogenezi,
dövlətçilik tarixinin başlıca mərhələləri, Azərbaycanın qədim quldar dövlətlərinin
sosial quruluşunun əsas xüsusiyyətləri, Azərbaycan dövlətlərinin yaranmasının
etnokultur və sosial-siyasi prosesləri, xristianlığın yayılması (Albaniya), İslamın
yayılması, Azərbaycan ərazisində sosial-siyasi dəyişikliklər, IX-XII əsrlərdə
Azərbaycan feodal dövlətləri, intibah mədəniyyəti, Azərbaycan monqol ağalığı
dövründə, Azərbaycanın orta əsrlərdə, Yaxın Şərq və Avropa dövlətləri ilə
əlaqələri, Azərbaycan dövlətlərinin yaranmasının xüsusiyyətləri, mərkəzləşmiş
Azərbaycan Səfəvi dövlətinin genezis, cəmiyyətdə təbəqələşmə sisteminin
formalaşması mövzuları daxildir.
İPF- B03 Azərbaycan tarixi- II (7 kredit, 90 saat)
Fənnin məzmununa XVIII əsrin I yarısında Azərbaycanda sosial-iqtisadi və siyasi
vəziyyət - Azərbaycan xanlıqları, xarici siyasət, idarə sistemi, dövlət quruluşu,
XVIII əsrin sonunda siyasi vəziyyət və mədəniyyət, XIX əsrin əvvəllərində
Azərbaycanda ictimai fikir və ictimai hərəkatın xüsusiyyətləri, vahid Azərbaycanın
iki dövlət arasında bölüşdürülməsi, Azərbaycan neft sənayesinə xarici kapitalın
axını, Azərbaycanda kapitalist münasibətlərinin inkişafı, XIX əsrdə Cənubi
Azərbaycan - mədəniyyət, iqtisadi inkişaf problemləri: ümumi səciyyəsi,
cəmiyyətdə sosial dəyişikliklər, beynəlmiləlçiliklə millətçiliyin, inteqrasiya və
seperatizmin, demokratiya və avtoritar tendensiyaların toqquşması, Bakıda ilk
2
ümumi siyasi tətillər (1902-1903), 1905-1907-ci illərdə Bakı və ətraf bölgələrdə
törədilən erməni-müsəlman qırğını, Cənubi Azərbaycanda demokratik və milli
hərəkat (1905-1911), Azərbaycanda siyasi partiyalar - genezis, təsnifat,
proqramları, taktikaları , Azərbaycan I Dünya müharibəsi illərində, ümummilli
böhran mövzuları daxil edilmişdir.
İPF- B06 Türk xalqları tarixi-I (6 kredit, 75 saat)
Fənnin əhatə dairəsinə Türk xalqları tarixinin metodologiyası, mənbəşünaslığı və
tarixşünaslığı, Türk xalqlarının tarixi dünya tarixinin tərkib hissəsi kimi, xalqların
böyük köçü dövrünün arxeoloji irsi, Türk etnoslarının və türk linqvistikasının
yayılma arealı, ümumtürk dövlətçilik tarixinin xüsusiyyətləri və inkişaf
mərhələləri, Altay, Mərkəzi Asiya, Volqaboyu, Şərqi və Cənubi-Şərqi Avropada
qədim və erkən orta əsr türk dövlətləri, erkən orta əsrlərdə beynəlxalq
münasibətlərdə türk dövlətlərinin yeri və rolu, Avropa ölkələrinin dövlət
quruculuğuna və mədəni həyatına türk xalqlarının təsiri, Türk xalqları ərəb xilafəti
dövründə, İslam dininin yayılması və onun Türk xalqlarının mədəniyyətinə təsiri,
feodal münasibətlərinin inkişafı, Türk xalqlarını təmsil edən yeni, beynəlxalq
əhəmiyyətli dövlətlərin yaranması, Osmanlı imperiyası, Teymurilər dövləti.
Səfəvilər dövləti mövzuları daxil edilmişdir.
II İPF- B07 Türk xalqları tarixi- II (4 kredit, 45 saat)
Kursda iştirak edən tələbələrə Türk xalqları kapitalizm dövründə, milli hərəkat,
cədidçilik, Birinci Dünya müharibəsi illərində Türk xalqlarının milli-azadlıq
hərəkatı, Qərb dövlətlərinin və çar Rusiyasının Türk xalqlarına münasibətinin
xarakteri, Türk dövlətlərinin çarizmin müstəmləkəçilik zülmü altına düşməsi, Türk
xalqlarının sovet hakimiyyəti altına düşməsi, bolşevizm rejiminə qarşı mübarizə və
onun nəticələri, Türk xalqları İkinci dünya müharibəsi illərində və müharibədən
sonrakı ilk illərdə, Sovet rejimi böhranının güclənməsi, sosial-iqtisadi inkişafın
istiqamətləri və ziddiyyətləri, milli münaqişələrin kəskinləşməsi, Türk dünyası XX
əsrin sonu - XXI əsrin əvvəllərində, müstəqil Türk dövlətlərinin yaranması və
inkişafı, Türk dövlətlərinin beynəlxalq əlaqələri, Milli dövlət quruculuğu və
iqtisadi-mədəni həyat mövzuları tədris olunur.
3
İPF- B04 Azərbaycan tarixi- III (7 kredit, 90 saat)
Tədris olunan fənn 1917-ci il fevral, oktyabr çevrilişləri, Bakıda Sovet
hakimiyyətinin elan edilməsi, 1918-ci il mart soyqırımı, Bakı XKS-nin təşkili və
milli müdafiə əleyhinə fəaliyyəti, Azərbaycan Xalq Cümhuriyyətinin (may 1918 –
aprel 1920) fəaliyyəti, xarici hərbi müdaxilə, nəticələri, təsiri, mühacirət,
Zaqafqaziya Komissarlığı və Seyminin yaradılması, AXC-nin süqutu, Azərbaycan
SSR-in təşkili, birpartiyalı siyasi rejimin yaradılması, 20-ci illərdə ölkənin sosial-
iqtisadi vəziyyəti, YİS və Azərbaycanda onun xüsusiyyətləri, Azərbaycanda
sosializm kursu, Azərbaycan II Dünya müharibəsinin ilk dövründə, 1917-1946-cı
illərdə Cənubi Azərbaycan, Müharibədən sonra Azərbaycanın sosial-iqtisadi
inkişafı, ictimai-siyasi həyat və mədəniyyət, 60-80-ci illərdə Azərbaycanda sosial-
iqtisadi inkişafın başlıca problemləri, 40-80-ci illərdə Cənubi Azərbaycan,
Azərbaycan 1985-1991-ci illərdə, Azərbaycan 1991-2009-cu illərdə mövzularını
əhatə edir.
İPFS-B09 Asiya-Afrika ölkələri tarixi (5 kredit, 76 saat)
Fənn dünyanın ən böyük iki qitəsində yaşayan xalqların, 100-dən artıq dövlətin
tarixindən bəhs edir. Kursun tədrisi xronoloji bölgüyə əsasən XVII əsrin birinci
yarısından başlayır və I dövr 1640-1642 və 1870-1871, II dövr isə 1870-ci ildən
1918-ci illəri əhatə edir. Asiya və Afrika ölkələrinin ən yeni tarixi I Dünya
müharibəsinin başa çatması ilə əlaqədar dünyada geosiyasi vəziyyətin dəyişməsi
ilə başlayır. Bu dövr 1918-1945-ci illəri əhatə edir. Asiya və Afrika ölkələrinin
müasir tarixi isə II Dünya müharibəsinin sona çatması ilə əlaqədar XX əsrin sonu
və XXI əsrin əvvəllərinə qədər olan dövrü əhatə edir. Tədris prosesində yuxarıda
sadalanan dövlətlərin hamısının xronoloji ardıcıllıqla tarixi öyrənilir.
İPF- B11 Orta əsrlər tarixi-I (5kredit, 60 saat)
Orta əsrlər tarixi V əsrdə Roma imperiyasında quldarlıq quruluşunun
dağılmasından XVII əsrin ortalarında İngiltərədə burjua inqilabının qələbəsinə
qədər olan dövrü əhatə edir. Lakin bu şərtidir, belə ki, Avropaya nisbətən Asiyada
quldarlıq quruluşunun dağılması və feodal münasibətlərinin meydana çıxması III
əsrə təsadüf edir. Quldarlıq quruluşundan fərqli olaraq feodalizm quruluşunda
4
bütün sahələrdə, o cümlədən maddi və mənəvi mədəniyyətin, məhsuldar
qüvvələrin inkişafı sahəsində böyük irəliləyişlər baş vermişdir. Orta əsrlər dövrü
bizə feodalizmin meydana gəlməsi, inkişafı və süqutunu öyrədir. O dövrdən
günümüzə gözəl bədii əsərlər, o cümlədən xalq yaradıcılıq abidələri, gözəl
memarlıq, rəssamlıq, poeziya nümunələri miras qalmışdır. Bir sıra elmi fikrin ilk
uğurları da həmin dövrün məhsuludur.
İPF- B12 Orta əsrlər tarixi-II (6 kredit, 75 saat)
Kursda iştirak edən tələbələrə orta əsrlərdə Azərbaycanın dünya dövlətləri ilə
iqtisadi, siyasi, mədəni əlaqələri geniş şərh olunur. Azərbaycan dünya
mədəniyyətinə və elminə Nizami Gəncəvi, Füzuli, Əbdülbaği Bakuvi, Əbdülqadir
Maraği, Əcəmi Əbubəkr oğlu Naxçıvani, Nəsrəddin Tusi kimi alimlər, memarlar,
şairlər vermişdir. Sovet dövründə orta əsrlər tarixinin metodoloji əsasını
marksizm-leninizm təlimi təşkil edirdi. Həmin dövrdə mühazirələr bu əsaslar
üzərində tərtib olunurdu. Hətta adi bir qaçaqçılıq və quldurluğa "xalq üsyanı" donu
geydirilirdi. Mülki, ictimai-siyasi, mədəni tarixə az fikir verilirdi. Hazırda isə
mühazirələrdə orta əsrlər dövründə baş verən hadisələrə real və obyektiv
yanaşılmışdır.
Semestrin sonunda tələbələr feodal istehsal üsulunun bəşəriyyət tarixində yeri,
feodalizmin xarakterik cəhətləri, üstqurumun özünəməxsus xüsusiyyətləri,
feodalizmin iqtisadi əsasları, o cümlədən torpaq üzərində feodal mülkiyyətinin
yaranması və s. haqqında məlumatlı olurlar.
İPFS-B11 Qafqaz xalqları tarixi (6 kredit, 75 saat)
Kursda iştirak edən tələbələrə Qafqaz xalqlarının tarixinin metodologiyası,
mənbəşünasılığı və tarixşünasılığı haqqında məlumat verilir. Fənnin əhatə
dairəsinə Qafqaz xalqları ən qədim dövrlərdə, Qafqaz soylarının əsas
məskunlaşdığı areal, dövlətçiliyin yaranması, Qafqaz xalqları tarixində feodal
münasibətləri, din və dövlətçilik, cənubi və şimali Qafqaz ərazilərində dövlətçilik,
gəlmə soyların Qafqaz ərazisində yeri, Qafqaz xalqları yadelli işğalçılarla
mübarizədə, orta əsrlərdə Qafqazda dövlətçilik, Qafqaz xalqları Sasani-Bizans-
Ərəb münasibətlərində, Qafqaz xalqları XI-XIV əsrlər dövründə dövlətçiliyin
5
qorunması yollarında, Qafqaz xalqlarının mədəniyyəti, Qafqaz xalqlarının XV-
XVIII əsrlər dövründəki ictimai-siyasi-təsərrüfat və dövlətçilik həyatı, Qafqaz,
Rusiya-İran və Osmanlı münasibətlərində, Qafqaz dövlətlərinin yeni ictimai-siyasi
vəziyyətləri, XVI-XVIII əsr Qafqaz xalqları mədəniyyətinin əsas istiqamətləri,
XIX əsrdə Qafqazın Rusiya tərəfindən işğalı, Şimali Qafqazda milli zəmində
ziddiyyətlər, Rusiyanın Qafqaz xalqlarına münasibəti, Qafqaz xalqları XX əsrin
sonu XXI əsrin əvvəllərində, Qafqazda ictimai-siyasi vəziyyət, müstəqil Qafqaz
dövlətləri və onların siyasi-iqtisadi durumu mövzuları daxil edilmişdir.
İPFS-B01 Arxeologiya (4 kredit, 45 saat)
Kursda arxeologiyanın predmeti və vəzifələri, tarix elmləri sırasında
arxeologiyanın yeri, əsas mənbələri, məqsədi və arxeoloji tədqiqat üsulları,
arxeologiyanın bir elm kimi inkişafı tarixinə nəzər salınır. Tələbələrə Daş dövrü
və onun mərhələləri, Alt paleolit, Orta paleolit və Üst paleolit düşərgələri, Daş
dövrünün insan tipləri və onların xarakteristikası, Mezolitə keçid, onun
xüsusiyyətləri, Mezolit dövrünün inkişafı, Mezolit dövrünün insan məskənləri və
düşərgələri. Qobustan mezolit mədəniyyəti, Neolit dövrünə keçid, Neolitin əmək
alətləri və silahları, Neolitdə təsərrüfat formaları, Neolit dövrünün arxeoloji
abidələr, Qara dəniz sahili və Orta Asiyanın neolit məskənləri, Qafqaz neolit
dövründə, Eneolit dövrünə keçid, Mis- daş dövrü, Yaxın Şərq, Şərqi Avropa və
Mərkəzi Asiyada əsas metallurgiya məskənləri, təkərin ixtirası, mübadilənin
yaranması, boyalı qablar və saxsı məmulatları, Orta Asiya, Zaqafqaziya,
Ukraynanın və Rusiyanın eneolit dövrü abidələri, dövrün dini təsəvvürlər və sosial
quruluşu mövzuları öyrədilir. .
İPFS – B02 Qafqaz Albaniyası problemləri (4 kredit, 60 saat)
Fənnin məzmununu Qafqaz Albaniyasının mənbəşünaslıq bazası, Qafqaz
Albaniyasının tarixşünaslığı, topoqrafiyası və lokolizasiyası problemi, Qafqaz
Albaniyasında yazı məsələsi, dil problemi, Qafqaz Albaniyasının maddi
mədəniyyəti, Qafqaz Albaniyasının mənəvi mədəniyyəti, Qafqaz Albaniyasında
xristianlıq məsələsi, Qafqaz Albaniyasına ərazi və kulturoloji iddialar və onların
6
tarixi faktlarla təkzib olunması, Qafqaz Albaniyasının tarixi coğrafiyası ilə bağlı
elmi mübahisələr mövzuları təşkil edir.
İPFS-B07 Tarixə köməkçi fənlər (4 kredit, 60 saat)
Fənnin əhatə dairəsinə polioqrafiya, predmeti, metod və vəzifələri, tarixi
tədqiqaqtlarda polioqrafiyadan istfadə qaydaları, mətnin oxunması qaydası,
polioqrafiyanın nəticələrinin digər köməkçi fənlərə tətbiqi, polioqrafiyanın
xronologiya və terminologiyasının yeni dövrə uyğunlaşdırılması, polioqrafiya ilə
bağlı tarixi baxışlar, epiqrafiya, tarixi metrolgiya, tarixi xronologiya, stragistika,
heraldika, numizmatika, tarixi toponimika və etnonimika, tarixi coğrafiya
mövzuları daxildir.
İPFS-B06 Tarixin tədrisi metodikası (8 kredit, 120 saat)
Kursda iştirak edən tələbələrə tarixin tədrisi metodikasının predmeti, vəzifələri,
elmi-tədqiqat üsulları və başqa elmlərlə əlaqəsi, tarixin tədrisi metodikasının əsas
inkişaf mərhələləri mövzuları tədris olunur. Tələbələr fənnin tədrisi prosesində
tarix təhsilinin müasir sistemi, tarix təliminin təhsil, tərbiyə və inkişafetdirici
məqsədləri, məktəb tarix təliminin məzmunu, şagirdlərin dərketmə imkanları,
tarixin tədrisi zamanı müəllim və şagirdlərin fəaliyyəti, təlim vasitələri, metodları
və metodik üsulları, təlimin təşkilat formaları, orta ümumtəhsil məktəblərində tarix
təliminin nəticələri, müəllimin tarix dərsinə hazırlaşması, məktəb tarix kurslarının
məzmunu və onun tədrisi metodikası üzərində müəllimin işi, əldə edilmiş pedaqoji
nəticələrin yoxlanılması, tarix üzrə sinifdənkənar iş mövzularını öyrənirlər.
İPF- B13 Yeni tarix-I (6 kredit, 75 saat)
İPF- B14 Yeni tarix-II (6 kredit, 75 saat)
Fənnin əsas məqsədi 1640-1918-ci illərdə Avropa və Amerika ölkələrinin sosial-
iqtisadi inkişafını, daxili və xarici siyasətlərini, bu ölkələrdə mədəniyyət və
incəsənətin inkişaf etməsini, siyasi partiyaların meydana gəlməsini, habelə ayrı-
ayrı ölkələrdə baş verən inqilabi hərəkatları, dövlətlərarası münasibətləri
öyrənməkdir.
7
İPF- B15 Müasir tarix-I (6 kredit, 75 saat)
Tarixin müasir və ya ən yeni dövrü I Dünya müharibəsinin qurtarması ilə başlayır.
Lakin bu dövr müasir dövrlə çulğalaşdığı üçün bəzən onu müasir tarix də
adlandırırlar. Ən yeni və ya müasir tarixin I mərhələsi 1918-1945, II mərhələsi isə
1945-2005-ci illəri əhatə edir. Müasir tarix əvvəlki tarixi dövrlərdən olduqca
fərqlənir. Əgər tarixi bəşəriyyətin laboratoriyası adlandırsaq, həmin laboratoriyada
ən zəngin materiallar müasir dövrə təsadüf edir. Kursda iştirak edən tələbələr XX
əsrdə baş vermiş sosial-siyasi hadisələrin böyük bir axınını izləmiş olurlar.
İPF- B16 Müasir tarix-II (5 kredit, 60 saat)
Fənnin tədrisində müasir tarixin I (1918-1945) və II (1945-2005) mərhələlərinin
hər birinin özünəməxsus cəhətləri üzərində xüsusi dayanılır. Həmçinin II Dünya
müharibəsindən əvvəlki dövrlə sonrakı dövrdə baş verən hadisələr arasındakı
keyfiyyət fərqlərinə xüsusi diqqət yetirilir. II Dünya müharibəsindən sonra nüvə
erasının başlanması, ABŞ-ın dünyanın I, SSRİ-nin II super dövlətinə çevrilməsi,
soyuq müharibənin başlanması, qütbləşmə, totalitar rejimlərin iflası, dünya
sosializm sisteminin dağılması, soyuq müharibənin başa çatması, hərbi blokların
ləğvi, qloballaşma və qlobal problemlərin əmələ gəlməsi, dünyanın yeni güc
mərkəzlərinin meydana çıxması məsələləri üzərində xüsusilə dayanılır. Həmçinin
bu dövrdə baş verən məhəlli müharibələr, müstəmləkə sisteminin iflası, yeni
müstəmləkəçilik, beynəlxalq terrorizmə qarşı mübarizə məsələləri də diqqətdən
yayınmır.
İPFS-B06 Mənbəşünaslıq (3 kredit, 45 saat)
Fənnin əsas məqsədini mənbəşünaslığın tarix elminin bir sahəsi kimi meydana
çıxması və inkişaf mərhələlərinin öyrənilməsi təşkil edir. Kursda iştirak edən
tələbələrə tarixi mənbə anlayışı, tarixi mənbələrin təsnifatı, Azərbaycan tarixinin
ən qədim dövrə aid mənbələri, antik dövr Azərbaycan tarixi mənbələri, V-X əsr
Azərbaycan tarixinə aid mənbələr, XI-XV əsr Azərbaycan tarixinin mənbələri,
Səfəvi dövrü mənbələri, XVIII əsrin II yarısına aid mənbələr, Azərbaycan tarixi
mənbələri XIX əsr-XX əsrin əvvəllərində, Azərbaycan Xalq Cümhuriyyəti dövrü
8
tarixi mənbələri, II respublika dövrünə aid mənbələr, müstəqillik dövrünə aid
mənbələr mövzuları tədris olunur.
İPFS-B03 Tarixi demoqrafiya (4 kredit, 60 saat)
Fənnin əhatə dairəsinə tarixi demoqrafiyanın inkişaf tarixi, istiqamətləri,
mənbəşünaslığı,
əhalinin yerləşməsi, strukturu, əhalinin etnik tərkibi,
etnodemoqrafik durumu, miqrasiya məsələləri, yaş-cins tərkibi, konfessional
vəziyyət, əhalinin təbii və mexaniki hərəkəti mövzuları daxildir. Tələbələrə
həmçinin ən qədim inanclar, miflər, Hindistanda yaranan dinlər, şamançılıq,
iudaizm, xristianlığın meydana gəlməsi, İslam dininin meydana gəlməsi, səlib
müharibələri, sivilizasiyaların toqquşması və dialoqu mövzuları tədris olunur.
İPFS-B02 Antropologiya (3 kredit, 30 saat)
Fənnin tədrisinin başlıca məqsədi tələbələrdə insan və onun ümumi
antropologiyası, genezisi və irqi-etnik müxtəlifliyi haqqında elmi-nəzəri biliklərin
formalaşdırılmasıdır. Əhatə dairəsinə daxil olan mövzular mənbşünaslıq bazası,
antropogenez, Azərbaycan antropologiyası, fizioloji antropolgiya bölmələri üzrə
tədris olunur.
İPFS-B04 Azərbaycanın tarixi coğrafiyası (3 kredit, 46 saat)
Fənnin əhatə dairəsinə Azərbaycanın tarixi ərazisi, Azərbaycanın fiziki-coğrafi
durumu, fənnin tarixşünaslığı və mənbəşünaslığı, Azərbaycan Milli Elmlər
Akademiyasının nəzdində Azərbaycan tarixi coğrafyası şöbəsinin aşılması və iş
fəaliyyəti, Azərbaycanın ərazisində mövcud olan dövlətlərin qədim dövrdən
müasir dövrə qədər tarixi coğrafiyası, müasir dövrdə ərazi bütövlüyü uğrunda
mübarizə mövzuları daxildir.
İPFS-B05 Azərbaycan toponomikası (3 kredit, 45 saat)
Toponimlər müəyyən bir xalqın, tayfanın adından və həmin xalqın dillərindəki
coğrafi obyekt ünvanlı sözlərdən ibarət olduğu üçün xüsusi ilə tarix elmi ilə
bağlıdır. Kursda iştirak edən tələbələrə Qarabağ, Füzuli, Zəngilan, Qubadlı,
Xocalı, Laçın, Borşalı, Kəlbəcər, Kürdəmir, Saatlı və digər rayonların
toponimikası ilə bağlı araşdırmalar haqqında məlumat verilir. Tədris prosesində
Qarabağın tarixi keçmişi, Azərbaycana aid ərazi olmasını təsdiq və sübut edən
9
toponimlərin araşdırılması məsələlərinə xüsusi diqqət yetirilir. Azərbaycan
toponimlərinin tarixinin və dil mənsubiyyətinin öyrənilməsi mövzusus da diqqət
mərkəzində saxlanılır.
İPF- B24 Etnoqrafiya (5 kredit, 60 saat)
Azərbaycan etnoqrafiyasının mühüm tərkib hissəsi olan maddi mədəniyyət və ailə-
məişət məsələləri haqqında bilgilər, yaşayış məskənləri, geyimlər, bəzək əşyaları,
milli mətbəx, nəqliyyat vasitələri və s. kimi maddi mədəniyyət sahələri, həmçinin
mərasim məsələlərinin işıqlandırılması, Azərbaycan xalqının Qafqazda mədəniyyət
yayan bir xalq kimi mənəvi mədəniyyət məsələləri, farmakalogiya və
dərmanşünaslığın inkişafında böyuk xidmətləri olan xalq təbibləri və təbabəti, 12
heyvanla bağlı olan türk təqviminin Azərbaycanda ən qədim zamanlarda istifadəsi
mövzuları fənnin əhatə dairəsindədir. Tələbələrə həmçinin Azərbaycanın təbii
coğrafi şəraiti, tarixi əkinçilik və maldarlıq mədəniyyəti, ən qədim məşğulluq
sahəsi sayılan balıqçılıq və el sənətkarlığı haqqında da məlumat verilir.
Dostları ilə paylaş: |