Azərbaycan respublikasi təHSİl naziRLİYİ azərbaycan döVLƏT İQTİsad universiteti magistratura məRKƏZİ Əlyazması hüququnda KƏRİmov taleh neman oğlunun «Dəyəri xarici valyuta ilə ifadə olunan aktivlərin və öhdəliklərin uçotu və hesabatı



Yüklə 0,62 Mb.
səhifə3/8
tarix12.02.2018
ölçüsü0,62 Mb.
#26846
1   2   3   4   5   6   7   8

Misal 1.3.4. 31 dekabr 2014-cü il tarixində «ABC» şirkəti xaricdə fəaliyyət üçün digər şirkətin işləyib hazırladığı patent hüququnu əldə etmişdir. Mü­qavilənin şərtlərinə görə, «ABC» şirkəti müqasilənin bağlandığı anda 300 000 dollar, üç ildən sonra daha 250 000 dollar ödəməyi öhdəsinə götürür. Həmin müqaviləyə hüquqi xidmətin göstərilməsi məbləği – 14 000 dollar, patent hüququnun dövlət orqanlarından qeydiyyatdan keçməsi xərci – 800 dollar, diskontlaşdırma dərəcəsi – 10%. Hmin məlumatlar əsasında patent hüququ­nun ilkin dəyəri aşağıdakı kimi müəyyən olunacaqdır:

1. Patentin ilkin (tarixi) dəyəri:

- ödənilmiş pul vəsaitləri …………………… 300 000 dollar

- hüquqi xidmətin dəyəri …………………… 4000 dollar

- patent hüququnun qeydiyyatı xərcləri…….1400 dollar

- təxirə salınmış tədiyyənin (ödənişin)

diskontlaşdırılmış məbləği ………………….187 826 dollar

Yekun ………………………………………….492 966 dollar

Deməli, patentiv balansda tanınan ilkin dəyər 492 966 dollar təşkil edir.

2. Patentin əldə olunması, istifadə üçün hazır vəziyyətə gətirilməsi ilə əlaqədar ödənilmiş və ödənilməmiş məbləğlər:

- ödənilmiş pul vəsaitləri………………………300 000 dollar

- hüquqi xidmətin dəyəri ………………………4000 dollar

- patent hüququnun qeydiyyatı ……………….1400 dollar

- 3 ildən sonra ödəniləcək pul vəsaitləri ………250 000 dollar

Yekun …………………………………………..555 400 dollar

3. Patentin əldə olunması ilə əlaqədar ödənilmiş və ödənilməli olan məbləğ ilə patentin ilkin (tarixi) dəyəri arasındakı fərq-tədiyyənin ödənilmə müddə­tinin uzadılmasına görə hesablanmış faiz xərcidir və həmin xərc dövrü xərclərə aid edilir (555 400 – 492 966) ………………..6243 dollar.

Xarici valyuta ilə ifadə olunan qeyri-maddi aktiv ilkin qiymətləndirmədən sonra aşağıdakı qiymətlərdən biri ilə qiymətləndirilə bilər:

(a) yığılmış amortizasiya və qiymətdəndüşmədən olan zərər çıxılmaqla ilkin (tarixi) dəyərlə; yaxud

(b) yenidənqiymətləndirmə tarixinə yığılmış amortizasiya və qiymətdən­düşmədən olan zərər çıxılmaqla ədalətli dəyərlə.

Qeyri-maddi aktivin ədalətli dəyəri aktiv bazarda mövcud olan bazar qiymətləri ilə müəyyən oluna bilər. MHBS 38 və MMUS 12 aktiv bazar kimi elə bazarı nəzərdə tutur ki, həmin bazarda:

- eynicinsli mallar alınıb-satılır;

- sövdələşmə istəyində olan alıcı və satıcılar mövcuddur;

- qiymətlər əl çatandır, açıqdır.

Əgər müəssisə ikinci uçot modelini, yaxud qiymətləndirmə modelini seçirsə, onda yenidənqiymətləndirmə mütəmadi əsasda aparılmalı və yenidən­qiymətləndirmə obyektinin aid edildiyi qeyri-maddi aktivlərin bütün qrupu yenidən qiymətləndirilməlidir.

Yenidənqiymətləndirmə nəticəsində qeyri-maddi balans dəyəri artdıqda, həmin artım məbləği balans hesabatında, eyni zamanda kapitalda dəyişikliklər haqqında hesabatda yenidənqiymətləndirmə üzrə ehtiyat maddəsində əks etdirilməlidir, bir şərtlə ki, əvvəlki yenidənqiymətləndirmə zamanı balans dəyərinin aşağı düşməsi olmamışdır, əgər olmuşsa, onda hesabat dövründə yenidənqiymətləndirmədən yaranan artım keçən ilin yenidən qiymətləndir­məsindən yaranan zərərin ödənilməsinə silinəcəkdir. Yenidənqiymətləndirmə üzrə ehtiyat olmadıqda, yenidənqiymətləndirmədən olan zərər mənfəət və zərərlər haqqında hesabatda öz əksini tapacaqdır.

Misal 1.3.5. «ACC» şirkəti xaricdə biznes fəaliyyətini həyata keçirmək üçün kvota əldə edir, kvotanın dəyəri 98 000 dollar, digər xərclər 2000 dollar. Kvota 2013-cü ilin dekabrında ilkin dəyərlə balansa alınmışdır. Şirkət 31 dekabr 2014-cü il və 31 dekabr 2015-ci il tarixlərinə kvotanın yenidənqiymətləndirməsini aparmışdır:

31 dekabr 2014-cü ilə ədalətli dəyər – 90 000 dollar

31 dekabr 2015-ci ilə ədalətli dəyər – 80 000 dollar

Yenidənqiymətləndirmənin nəticələri (dollarla)





Balans hesabatı

Mənfəət və zərərlər haqqında hesabat

Kapitalda dəyişikliklər haqqında hesabat

01.01.2014-cü ilə balans dəyəri

100 000







2014-cü ildə amortizasiya (100 000:4 ilə)

(25 000)

25 000




Yenidənqiymətləndirməyə qədər (31.12.2014-ə qədər) balans dəyəri

75 000







31.12.2014 tarixinə yenidənqiymətləndirmə (90 000 – 75 000)

25 000




25 000

31.12.2014 tarixinə balans dəyəri

90 000







01.01.2015 tarixinə balans dəyəri

90 000







2015-ci ildə amortizasiya (90 000:3 ilə)

(30 000)

30 000




Yenidənqiymətləndirməyə qədər (31.12.2015-ə qədər) balans dəyəri

60 000







31.12.2015 tarixinə yenidənqiymətləndirmə (80 000 – 60 000)

20 000




20 000

31.12.2015 tarixinə balans dəyəri

80 000




45 000

Qeyri-maddi aktivlərə müsbət işgüzar reputasiya (qudvil) də daxildir. İşgüzar reputasiya, MHBS 3 və MMUS 18-də göstərildiyi kimi, müxtəlif şirkətlərin, yaxud bizneslərin maliyyə hesabatı tərtib edən bir şirkətdə birləşməsi zamanı yaranır. «Biznesin birləşdirilməsi» anlayışı özündə o sövdələşmələri əks etdirir ki, hansıların nəticəsində bir hüquqi şəxs digər hüquqi şəxsi satın alır və bu sövdələşmələr nəticəsində konsolidə olunan qrup (ana şirkətdən və törəmə şirkətdən ibarət qrup) yaranır.

Göstərilən standartlara əsasən, biznesin bütün birləşməsi satınalma (əldə olunma) metodu ilə uçota alınmalıdır. Sövdələşmələrdə iştirak edən şirkət­lərdən biri alıcı qismində çıxış edir və o, digər şirkətlər (bizneslər) üzərində nəzarəti ələ keçirir. Alıcı şirkət satın aldığı şirkət üzərində o zaman nəzarətə sahib olur ki, onun səhmlərinin 50%-dən çoxunu əldə etmiş olsun və həmin şirkətin maliyyə və əməliyyət siyasətini idarə etsin və bu fəaliyyətdən iqtisadi fayda əldə etsin. Ancaq alıcı şirkət satın aldığı şirkət üzərində digər şərtlər əsasında nəzarəti həyata keçirə bilər ki, bu barədə MHBS 3 və MMUS 18 geniş açıqlamalar verilir.

Ana şirkət tərəfindən xaricdə törəmə şirkəti əldə edilərkən ana şirkət əldə olunmanı özünün ayrıca maliyyə hesabatında tarixi (ilkin) dəyərlə əks etdirir. MHBS 3 və MMUS 18-in tələblərinə görə, satınalma metodu aşağıdakıları nəzərdə tutur:



  • biznesin birləşdirilməsinə çəkilən xərclərin qiymətləndirilməsini;

  • əldə olunan biznesin (törəmə şirkətin) identifikasiyalaşdırılan aktiv­lərinin, öhdəliklərinin və şərti öhdəliklərinin identifikasiyasını və ədalətli dəyərin müəyyən olunmasını;

  • qudvilin və azlığın payının müəyyənləşdirilməsini.

Biznesin birləşdirilməsinə çəkilən xərclərə aşağıdakılar daxil edilir:

  1. əldə olunan şirkətə (biznesə) ödənilən pul vəsaitləri;

  2. mübadilə tarixinə təqdim olunmuş qeyri-pul aktivlərinin, götürülmüş, yaxud icra edilmiş öhdəliklərin, alıcı şirkət tərəfindən buraxılmış pay alətlərinin ədalətli dəyəri;

  3. biznesin birləşdirilməsi ilə bilavasitə bağlı olan xərclər (hüquqi və məsləhət xidmətlərinin dəyərinin ödənilməsi ilə əlaqədar və digər xərclər).

Mübadilə tarixi – əldə olunan şirkət (biznes) üzrə hər bir ayrıca investi­siyanın maliyyə hesabatında tanındığı tarixdir. Məsələn, əgər biznesin birləşdi­rilməsi bir neçə ayrıca sövdələşmə nəticəsində əldə olunursa, onda mübadilə tarixləri də həmin sövdələşmələrin sayına bərabər olacaqdır. Buna uyğun olaraq alıcı şirkətin təqdim etdiyi qeyri-pul aktivlərinin və/və ya pay alətlərinin ədalətli dəyəri də eynilə həmin mübadilə tarixləri üzrə müəyyən olunacaqdır. Ancaq alıcı şirkətin maliyyə hesabatında əldə edilən biznesin (şirkətin) aktivlərinin, öhdəliklərinin və şərti öhdəliklərinin tanınması ayrı-ayrı vaxtlarda həyata keçirilən mübadilə tarixlərində deyil, alıcı şirkətin əldə olunan biznes üzərində nəzarəti öz əlinə aldığı vaxt (satınalma tarixində) baş verəcəkdir. Beləliklə, sövdələşmələrin sayı, mübadilə tarixlərinin sayı bir neçə olsa da, satınalma tarixi bir tarix olacaqdır. Bu halda biznesin birləşdirilməsinə, yaxud əldə olunmasına çəkilən xərclərin yekunu, ayrı-ayrı dövrlərdə (mübadilə tarixlərdə) baş vermiş xərclərin ümumi məbləğindən yaranacaqdır.

Misal 1.3.6. «ABD» şirkəti «ACC» şirkətinin səsvermə hüququna malik səhmlərini almışdır:

- 10 sentyabr 2014-cü ildə – 10% səhm – 200 000 dollara;

- 20 dekabr 2014-cü ildə – 15% səhm – 350 000 dollara;

- 25 iyul 2015-ci ildə – 20% səhm – 480 000 dollara;

- 20 avqust 2015-ci ildə – 12% səhm – 230 000 dollara + hər birinin bazar qiyməti 10 dollar olan 8000 adi səhim (80 000).

Mübadilə tarixləri: 10 sentyabr 2014 il, 20 dekabr 2014 il, 25 iyul 2015 il və 20 avqust 2015 il.

Biznesin birləşdirilməsinə (əldə olunmasına) çəkilən xərclərin yekun məbləği: 200 000+350 000+480 000+230 000+8000=1 340 000 dollar.

Biznesin əldə olunmasının tanınması tarixi – 20 avqust 2015 il.

Konsolidə olunan maliyyə hesabatında əldə olunan, yaxud birləşdirilən biznesin aktivləri və öhdəliklərinin əks etdirilməsi üçün onları identifi­kasiya­laşdırmaq, onların Prinsiplərdə və Konseptual əsaslarda təsbit edilmiş krite­riyalara uyğun olmasını yoxlamaq və ədalətli dəyərini müəyyən etmək lazım­dır. Aktivlərin və öhdəliklərin identifikasiya olunması onların əldə olunan biz­nesin ümumi məbləğindən ayrıla bilməsi deməkdir. Aktivlərin və öhdəliklərin tanınma kriteriyaları bu fəslin 1-ci paraqrafında araşdırıldığından, onun üzərində dayanmağı lazım bilmirik, yalnız onu qeyd etmək vacibdir ki, biznesin birləşdirilməsi zamanı aktivlərin və öhdəliklərin tanınmasının birinci kriteriyasına əməl olunması o qədər də məcburi deyildir. Yəni, həmin aktivlər və öhdəliklər əldə olunarkən onların tanınması üçün əsas kriteriya iqtisadi faydanın daxil olması (axıb getməsi) ehtimalı deyil, həmin aktivlərin və öhdəliklərin ədalətli dəyərinin dəqiq ölçülə, yaxud müəyyən edilə bilməsidir.

Biznesin birləşdirilməsi nəticəsində əldə olunan aktivlər, öhdəliklər və şərti öhdəliklər hesabatda ədalətli dəyərlə qiymətləndirilir və əks etdirilir.

Aktivlərin və öhdəliklərin ayrı-ayrı növlərinin ədalətli dəyəri aşağıdakı qaydada müəyyən olunur:


  • maliyyə alətləri – cari bazar qiymətlərilə;

  • ehtiyatlar:

  • hazır məhsul və mallar – satış üzrə xərclər çıxılmaqla satış qiymətlərilə;

  • bitməmiş istehsal – istehsala çəkilmiş xərclər çıxılmaqla satış qiymətilə;

  • torpaq və tikililər – bazar dəyəri ilə (adətən müstəqil qiymətləndiricilər tərəfindən qiymətləndirilən dəyərlə);

  • maşın və avadanlıqlar – bazar dəyəri ilə (adətən müstəqil qiymətləndi­ricilər tərəfindən qiymətləndirilən dəyərlə), ədalətli dəyərlə (gəlir, yaxud ödənilməsinin amortizasiya dəyəri əsasında metodika üzrə hesablanan dəyərlə);

  • pensiya planı üzrə xalis aktivlər, yaxud öhdəliklər – planın aktivlərinin ədalətli dəyəri çıxılmaqla öhdəliklərin plan üzrə diskontlaşdırılmış dəyəri çıxılmaqla;

  • debitor borcları və digər oxşar aktivlər – şübhəli borclar üzrə ehtiyatlar və tədiyyənin alınması ilə bağlı xərclər çıxılmaqla alınası məbləğlərin diskontlaşdırılmış dəyər məbləğləri ilə (qısamüddətli debitor borcları diskontlaşdırılmır);

  • kreditor borcları – ödənilməli olan diskontlaşdırılmış dəyər məbləğləri ilə (qısamüddətli kreditlər borcları diskontlaşdırılmır);

  • vergi aktivləri və öhdəlikləri – əldə olunmuş aktivlərin və öhdəliklərin ədalətli dəyəri əsasında birləşmiş şirkətin (ana şirkət) məlumatları üzrə qiymətləndirilmiş aktivlərin və öhdəliklərin diskontlaşdırılmamış məbləği ilə.

Aktivlərinin və öhdəliklərinin dəyəri xarici valyuta ilə ifadə olunan şirkətin (biznesin) əldə olunması zamanı qudvil yaranır. MHBS 3 və MMUS 18 görə qudvil – aktivlərlə əlaqədar yaranan, identifikasiya oluna bilməyən, digər aktivlərdən, yaxud aktivlər qrupundan ayrıca tanına bilinməyən gələcək iqtisadi faydalardır. Qudvil (işgüzar reputasiya) müəssisələrin (bizneslərin) birləşməsi nəticəsində yaranır, alıcı (ana) şirkət tərəfindən əldəolunma tarixində tanınır və ilkin olaraq maya dəyəri ilə qiymətləndirilir. Həmin məbləğ müəssisələrin (bizneslərin) birləşməsi üzrə dəyərin (xərclərin), tanınmış identifikasiya olunan aktivlərin, öhdəliklərin xalis ədalətli dəyərində alıcı şirkətin payından artıq olan hissəsi kimi müəyyən olunur.

Qudvil onun nəticəsində yaranır ki, alıcı şirkət digər şirkəti (biznesi) əldə edərkən həm identifikasiya oluna bilən aktivlərin, həm də həmin biznesdən ayrıla bilinməyən, yaxud bütövlükdə aktivlərdən ayrıla bilinməyən aktivlərin dəyərini ödəyir. Çünki şirkət həm identifikasiya olunan, həm də identifi­kasiyalaşdırıla bilinməyən aktivlərdən iqtisadi fayda götürməyi nəzərdə tutur. Qudvilin necə yaranması və ilkin olaraq hansı dəyərlə tanınması qaydasını şərti misalla nəzərdən keçirək.



Misal 1.3.7. «AAC» şirkəti «CAA» şirkətinin adi səhmlərinin 80%-ni 3000 dollara əldə etmişdir. Əldə olunma tarixinə «CAA» şirkətinin aktivləri və öhdəliklərinin, şərti öhdəliklərinin məbləği aşağıdakı kimi olmuşdur:

İdentifikasiyalaşdırılan aktivlər …………………..5000 min dollar

İdendifikasiyalaşdırılan öhdəliklər ……………….1800 min dollar

İdentifikasiyalaşdırılan şərti öhdəliklər …………..300 min dollar



  1. Xalis identifikasiya olunan aktivlər =2900 min dollar (5000–1800–300);

  2. «AAC» şirkətinin «CAA» şirkətinin identifikasiya olunan xalis aktivlərindəki 80% payı = 2320 min dollar (290080%:100);

  3. «AAC» şirkətinin «CAA» şirkətini əldə etməsi nəticəsində yaranan qudvilin maya dəyəri = 680 min dollar (3000 – 2320).

Əgər alıcı şirkət müəssisələrin (bizneslərin) birləşməsi nəticəsində əldə etdiyi identifikasiya olunan xalis aktivlərə onların ədalətli dəyərindən az xərc çəkirsə, yaxud investisiya qoyursa, onda yaranan fərq MHBS 3 və MMUS 18-ə əsasən, dərhal hesabat dövrünün mənfəəti kimi tanınmalıdır.

Müəssisələrin (bizneslərin) birləşməsi nəticəsində ana şirkətin tərtib etdiyi konsolidə olunan maliyyə hesabatında «Azlığın payı» adlı maddə yaranır. Azlığın payı dedikdə törəmə şirkətin konsolidə olunan balansda göstərilən kapitaldakı və mənfəət və zərərlərdəki payı başa düşülür.

Azlığın payına ana şirkət törəmə şirkətlər vasitəsilə birbaşa və dolayı yolla sahib ola bilməz. Birləşmiş şirkətin konsolidə olunan balansında azlığın payı «Kapital» bölməsində ana şirkətin kapitalından ayrı göstərilir.

Misal 1.3.8. Əvvəlki misalın məlumatları əsasında azlığın payını aşağıdakı kimi müəyyən etmək olar.


  1. «AAC» şirkətinin «CAA» şirkətinin identifikasiya olunan xalis aktivlərindəki payı – 80%;

  2. Törəmə şirkətin birləşmiş şirkətin kapitalında payı – 20% (100 – 80);

  3. Azlığın («CAA» şirkətinin) birləşmiş şirkətin identifikasiya olunan xalis aktivlərinin ədalətli dəyərində payı – 580 min dollar (290020%:100).

Beləliklə, müəssisələrin birləşməsi nəticəsində yaranan şirkətin konsolidə olunan balansının kapital bölməsində azlığın payı 580 min dollara bərabər olacaqdır.

Dəyəri xarici valyuta ilə ifadə olunmuş investisiyalı mülkiyyət ilk dəfə əldə olunma variantlarından asılı olaraq ilkin dəyərlə (maya dəyərilə) qiymətləndirilir:



  1. satın alınan investisiyalı mülkiyyətin ilkin dəyəri: satınalma qiyməti; əldə olunma ilə əlaqədar idxal rüsumları; əvəzləşdirilməyən vergilər; göstərilən hüquqi xidmətlərin dəyəri və s.;

  2. müəssisənin özü tərəfindən müstəqil surətdə tikilən əmlakın ilkin də­yə­ri: obyektin tikilib hazır vəziyyətə gətirilməsi ilə əlaqədar bütün xərclər;

  3. icarə nəticəsində əldə olunan daşınmaz əmlakın ilkin dəyəri: iki kəmiyyətdən – obyektin ədalətli dəyəri və minimal icarə tədiyyələrinin (ödənişlərinin) diskontlaşdırılmış dəyərindən – ən aşağı olan kəmiyyət.

İnvestisiyalı mülkiyyətin ilkin tanınmadan sonra qiymətləndirilməsi qay­daları da torpaq, tikili və avadanlıqlar, qeyri-maddi aktivlər üzrə olduğu kimidir:

(a) yığılmış amortizasiya və qiymətdəndüşmədən olan zərər çıxılmaqla ilkin (tarixi) dəyərlə; yaxud

(b) yığılmış amortizasiya və qiymətdəndüşmədən olan zərər çıxılmaqla ədalətli dəyərlə.

Bununla belə MHBS 40 və MMUS 27 investisiyalı (daşınmaz) əmlaka investisiyaların sonrakı qiymətləndirilməsinin ədalətli dəyər əsasında aparıl­masına üstünlük verirlər. Ədalətli dəyərin müəyyənləşdirilməsi mümkün olma­dığı hallarda investisyalı mülkiyyət obyekti ilkin (tarixi) dəyər modeli əsasında qiymətləndirilir və uçota alınır. Təbiidir ki, burada söhbət ilkin qalıq dəyəri, yaxud balans dəyərindən gedir. İnvestisiyalı mülkiyyətin ədalətli dəyərinin dəyişilməsi nəticəsində yaranan mənfəət, yaxud zərər hesabat dövrünün mənfəəti, yaxud zərərlərində (Məcmu mənfəət haqqında hesabatda, ya da Mənfəət və zərərlər haqqında ayrıca hesabatda) əks etdirilir.

Şirkət, investisyalı mülkiyyətin ilk dəfə tanınmasından sonra yığılmış amortizasiya və qiymətdəndüşmədən zərər çıxılmaqla balans dəyəri əsasında uçotu modelini seçmiş olsa belə, həmən mülkiyyətin ədalətli dəyərinin dəyişilməsi barədə informasiyanı hesabata qeydlərdə açıqlamalıdır.

İnvestisiyalı mülkiyyətin ilkin tanınmadan sonra hansı modellə və necə qiymətləndirilməsi qaydasını qısa şəkildə aşağıdakı misalla aydınlaşdıraq.



Misal 1.3.9. Şirkət 1 yanvar 2014-cü ildə investisiyalı mülkiyyət (əmlak) qiymətində bina almışdır: satınalma qiyməti 580 000 dollar, qeydiyyat qiyməti 15 000 dollar, sair xərclər – 5000 dollar. Binanın faydalı istifadə müddəti 20 il təşkil edir. 1 yanvar 2015-ci ildə binanın ədalətli dəyəri 650 000 dollar məbləğində qiymətləndirilmişdir.

  1. Daşınmaz əmlakın ilkin tanınma dəyəri = 600 000 dollar (580 000 +15 000+5000) – 01.01.2014 tarixinə;

  2. Daşınmaz əmlakın ilkin tanınma dəyəri – yığılmış amortizasiya = daşınmaz əmlakın ilkin qalıq (balans) dəyəri: 600 000 – 600 000:20 il= 570 000 dollar – 31.12.2014 tarixinə, yaxud 01.01.2015 tarixinə.

  • İnvestisiyalı mülkiyyətin balansda əks etdiriləcək dəyəri – 570 000 dollar – 01.01.2015 tarixinə;

  • İnvestisiyalı mülkiyyətə hesablanmış amortizasiyanın mənfəəti və zərərləri haqqında hesabatda əks etdiriləcək məbləğinə – 30 000 dollar – 2014-cü ilin hesabat dövründə;

  1. 01.01.2015 tarixinə investisiyalı mülkiyyətin ədalətli dəyəri 650 000 – 01.01.2015 tarixinə investisiyalı mülkiyyətin balans dəyəri – 570 000 dollar = 80 000 dollar. 01.01.2015 tarixində investisiyalı mülkiyyət balansda 650 000 dollar məbləğində əks etdiriləcəkdir, həmin məbləğ investisiyalı mülkiyyətin ədalətli dəyəridir. İnvestisiyalı mülkiyyətin dəyərinin artım məbləği, yəni 80 000 dollar kapitalda «yenidən­qiymətləndirmə üzrə ehtiyat maddəsində» əks etdiriləcəkdir.

Dəyəri xarici valyuta ilə ifadə olunmuş satış üçün nəzərdə tutulan uzunmüddətli aktivlərin ilkin tanınmadan sonra qiymətləndirilməsi nəzərdən keçirilən uzunmüddətli aktivlərin qiymətləndirilməsindən fərqlidir. Uzun­müd­dətli aktivlərin atış üçün nəzərdə tutulan uzunmüddətli aktivlər kimi tanın­ması və qiymətləndirilməsi məsələləri MHBS 5 və MMUS 23 ilə tənzimlənir.

Göstərilən beynəlxalq və Milli standartlar satılmaq üçün nəzərdə tutulan uzunmüddətli aktivlər altında o aktivləri (aktivlər qrupunu) nəzərdə tutur ki, həmin aktivlərin balans dəyəri onların gələcəkdə istifadəsi şəklində deyil, əsasən satışla bağlı əməliyyatın sayəsində ödəniləcəkdir. Bu cür satış üçün aktiv (aktivlər qrupu) dərhal hazır vəziyyətdə olmalı və onun (onların) satılması ehtimalı çox yüksək olmalıdır. Belə aktivlərin satış planının müddəti adətən 1 ilə qədər olur, ancaq bir sıra hadisələrin və halların baş verməsi ilə əlaqədar onların satış planı müddəti bir ildən artıq da ola bilər.

Satış üçün nəzərdə tutulan uzunmüddətli aktivləri iki kəmiyyətdən ən aşağı olan kəmiyyətlə qiymətləndirmək lazımdır:


  • balans dəyərilə; yaxud

  • satış üzrə xərclər çıxılmaqla ədalətli dəyərlə.

Aktivin satış üçün nəzərdə tutulan kimi tanınması anından ona amortizasiya hesablanması dayandırılır. Balans dəyəri satış xərcləri çıxılmaqla ədalətli dəyərdən yuxarı olduqda yaranan fərq zərər kimi tanınır və hesabatda qiymətdəndüşmədən olan zərər kimi əks etdirilir.

Dəyəri xarici valyuta ilə ifadə olunan qısamüddətli aktivlərin əhəmiyyətli hissəsini ehtiyatlar təşkil edir. Ehtiyatların uçotu və hesabatının metodoloji prinsiplər və metodikası MHBS 2 və MMUS 8 ilə tənzimlənir. Ehtiyatların tanınması kriteriyaları, Prinsiplərdə və Konseptual əsaslarda müəyyən olunmuş və aktivlər üçün nəzərdə tutulmuş ümumi kriteriyalarla eynidir. Standartlara görə o aktivlərdir ki, onlar:



  • adi fəaliyyət prosesində satılmaq nəzərdə tutulmuşdur (hazır məhsul, mallar);

  • satış üçün istehsal prosesindədirlər (bitməmiş istehsal);

  • istehsal prosesində, yaxud xidmətlərin göstərilməsində istifadə etmək üçün xammal və materiallar formasındadırdar.

Bütün ehtiyatlar, o cümlədən dəyəri xarici valyuta ilə ifadə olunan ehtiyatlar aşağıdakı iki kəmiyyətlən ən az olanı ilə qiymətləndirilməlidir:

- maya dəyərilə; yaxud

- mümkün xalis satış qiymətilə.

Ehtiyatların maya dəyəri üç qrup xərclərdən yaranır:

(a) əldə olunmaya çəkilən xərclər;

(b) emala çəkilən xərclər;

(c) sair xərclər.

Birinci qrup xərclərə daxildir: satınalma qiyməti (geri qaytarılan tədiy­yələr və ticarət güzəştləri çıxılmaqla); gömrük rüsumları; əvəzləşdirilməyən vergilər; nəqliyyat xərcləri; ehtiyatların əldə edilməsi ilə bilavasitə əlaqədar olan digər xərclər.

İkinci qrup xərclər: müstəqim əmək haqqı xərcləri; müstəqim xammal və material xərcləri; daimi istehsal qaimə xərcləri; dəyişən istehsal qaimə xərcləri.

Üçüncü qrup xərclər: ehtiyatların istifadə olunma yerinə və istifadə olunma vəziyyətinə gətirilməsi ilə əlaqədar xərclər.

MHBS 2 və MMUS 8-ə əsasən ehtiyatların ilkin qiymətləndirilməsi maya dəyərindən başqa normativ xərclər, pərakəndəqiymətlər metodları ilə də həya­ta keçirilə bilər. Normativ maya dəyəri ilə adətən bitməmiş istehsalın qalığı qiymətləndirilir, ancaq hazır məhsul ehtiyatları da normativ maya dəyəri, yaxud normativ xərclər üzrə qiymətləndirilə bilər.

Misal 1.3.10. Məhsul vahidi istehsalı üçün tələb olunan əsas materilların dəyəri – 3 dollar, istehsal işçilərinin əmək haqqı xərcləri – 4 dollar. Müəs­sisənin anbarında olan hazır məhsul qalığı 600 ədəd. Müəssisənin anbarında olan hazır məhsulun normativ maya dəyəri – 4200 dollar ((3+4)600).

Pərakəndə qiymətlər metodu daha çox pərakəndə ticarətdə tətbiq olunur. Bu metodun mahiyyəti ondan ibarətdir ki, satış üçün alınmış malların satın­alma qiymətlərinin üzərinə müəyyən ümumi marja faili əlavə olunur və mallar həmin qiymətlə balansda əks etdirilir. Ancaqasatış üçün alınmış mallar balans­da satınalma qiymətləri ilə də əks etdirilə bilər, bu halda həmin qiymətlər an­barda olan malların ilkin tanınma qiymətlərini (maya dəyərini) əks etdirəcəkdir.

Qeyd olunduğu kimi, ehtiyatlar balansda iki kəmiyyədən ən aşağı olan kəmiyyətlə əks etdirilməlidir. Bu qayda dəyəri xarici valyuta ilə əks etdirilən ehtiyatlara da eyni dərəcədə aiddir. Odur ki, növbəti misal əsasında bunun necə əks etdirilməsini nəzərdən keçirək.


Yüklə 0,62 Mb.

Dostları ilə paylaş:
1   2   3   4   5   6   7   8




Verilənlər bazası müəlliflik hüququ ilə müdafiə olunur ©www.genderi.org 2024
rəhbərliyinə müraciət

    Ana səhifə