Azərbaycan Respublikası Prezi dentinin 2014-cü IL 19 iyun tarixli Sərəncamı ilə hər IL 25 iyun Azər
Yüklə 455,17 Kb. Pdf görüntüsü
|
A Z R B A Y C A N X Z R D N Z G M L Y
И ИЧИ И И
30 iyun 2017-ci il № 45-48 (9139) 7 yarızarafat, yarıGerçək dost itirməkdən və düşmən qazanmaqdan asan heç nə yoxdur. Qulağa, gözün gördüyündən artıq inanma. ağlın olması kifayət etmir. Gərək həm də ağıl heç vaxt başdan çıxmasın. adam var yalanı yalanla, adam var həqiqəti yalanla qarışdırmağı xoşlayır. hər yol, hətta sonu olmayan yollar da adamı harasa aparır. uçurumun kənarında ayaq saxlamaq kifayət deyil. Qayıtmaq lazımdır. hər kəsin həyatı tapmacadır. cavabını bəzən heç sahibi də bilmir. çox danışan çox çaşar. yalan yıxan evlərə görə kompensasiya verilir? həmişə haqlı olduğunu düşünmək o demək de- yil ki, nə vaxtsa haqlı olmusan. söz az olsun, yaxşı olsun. yaltaqlıq işləyən yerdə bütün yaxşı işləyənlərin işi yaxşı getməz. hətta gül də tikansız olsa yaxşıdır. bütün ömrüm boyu hamını bağışladım və bu, yəqin ki, mənim bağışlanılmaz ən böyük səhvim- dir. yüksəlmək üçün kiminsə önündə zərrəcə də al- çalmaq lazım deyil. ədalətin gücsüz olduğu yerdə hər kəs istədiyini etməyə özündə güc tapar. Özünü yaxşı göstərməyə çalışanlar kaş bir dəfə də kiməsə yaxşılıq edəydilər. bir daşla divar hörülməsə də, bir sözlə ev yıx- maq olar. mən həyatdan heç nə istəmədim, bəlkə ona görə də heç nə vermədi. pis başladığın işi də yaxşı qurtarmağa çalış. bəzi heyvanlarla adam kimi danışanda adamı bəzi adamlardan daha yaxşı başa düşür. pul ver, söz vermə. dost atan pambıq da baş yarar. ən böyük nadan düşündüyü hər şeyi söyləyən- dir. adamın dili uzağı hansı uzunluqda ola bilər? Vay o günə ki, böyüklər böyüklük etməyi ba- carmaya. o yerdə ki, başı xarabların işi sazdı, başı sazla- rın işi mütləq axsıyacaq. yaxşı görünmək istəyirsənsə, yaxşı ol. hər kəs verdiyindən daha artıq almaq istədi- yindən həmişə kimlərəsə çox şey çatmayacaq. Öz işinə aid hər şeyi bilməyənə çox şeydən nə- yisə bilməyinin nə faydası? arxa durduğun arxandan vurursa, yerdən qal- dırdığın da yerə yıxmağa çalışacaq. ən pis günüm şükür eləmədiyim gündür. heç kəsə o qədər yaxınlaşmayın ki, uzaqlaş- maq çətin olsun. lazım olanı etmirsənsə, nə etməyinin mənası yoxdur. meyvəsi faydalı olmayan ağacdan meyvəsiz ağac yaxşıdır. cahillik gözünü yumub - zülmətdə yaşamaq- dır. keçmişə boylananda içindən ən çox “kaş ki!” qopursa, deməli səhvlərin az olmayıb. nə vaxtsa əzilmək istəmirsənsə, heç vaxt əyil- mə. ağaca elə gəlir ki, külək onun budaqlarını yel- lətmək üçün əsir. həya azaldıqca günahların artmaq ehtimalı çoxalır. çox iş görmək istəyirsənsə, bir işi bitirməmiş digərini başlama. Qalib olmağı öyrən və sənə bütün əziyyətlərini unutduran sevincini yaşa. həyatda qorxduğum yeganə bir şey var: kiməsə yük olmaq. hətta öləndən sonra belə kiməsə yük ola biləcəyimi düşünəndə, ölmək istəmirəm. heç vaxt səhv etmədiyini düşünənlərin düşün- cəsi elə o qədərdir. üzdə də, arxada da eyni şeyi deyəcəksənsə, nə istəyirsən, de. pisliklərin ən pisi yaxşılığa da pisliklə cavab vermək, yaxşılıqların ən yaxşısı pisliyə də yaxşılıq- la cavab verməkdir. pis adam hər pisliyini qələbə kimi qeyd edə bilər, əsl qələbəni isə heç vaxt. allahım, çörəyini başqası ilə bölənlərin çörəyi- ni kəsmə. adamın xasiyyəti qızıl olmayanda paslanmaq ehtimalı çoxalır. kirli düşüncələri olan adam bütün dünyanı çirkləndirə bilər. düşmənin varsa, təkcə yatmamaqla iş aşmır, gözlərini də həmişə dörd açmalısan. ən zəif adamlar yaxşılığa gücü çatmayan adamlardır. Göz yaşı tez quruyur deyə başqalarını tez-tez ağlatmaq lazım deyil. dinləməyi bacarmırsansa, mübahisə etmə. mübahisə etməyi bacarmırsansa, ya mübahisə etmə, ya da mənasız savaşa hazır ol. fəlakət mənə yaşamağı öyrətdi. zəlzələ anında dərk etdim ki, o dünyaya heç nə apara bilməyə- cəyəm. yekə-yekə danışanların əlindən adətən heç ki- çik işlər də gəlmir. atasına baş əyməyənin başını nə vaxtsa oğlu əyəcək. istedadsız adamların qabağa çəkilməsi yax- şıdır. nə qədər qabağa çəkilsələr, bizdən o qədər uzaq olacaqlar. bizdən nə qədər uzaq olsalar, qa- nımız da o qədər az qaralacaq. Rasif TAHİROV Qədim Romada xəstəlik- lərdən qurtulmaq üçün termal su vannaları qəbul edilirdi və həmin sağlamlaşdırıcı metoda sonralar SPA–sudan gələn sağ- lamlıq adı verilib. SPA prosedurları bürünmə, hid- roterapiya (su prosedurları) və termi- ki prosedur kimi üç qrupa bölünür. Bürünmə bədənə müalicəvi və profilaktik qarışıqların yaxılması ilə həyata keçirilən prosedurdur. Də- niz məhsullarından istifadə etməklə həyata keçirilən prosedur talassote- rapiya adlanır. Bürünmə proseduru zamanı yosun, müalicəvi palçıq, gil, yağ, şokolad və digər məhsullardan istifadə olunur. Həyata keçirilmə mexanizminə görə həm isti, həm də soyuq bü- rünmə var. İsti bürünmə damarları genişləndirərək qan dövranını yaxşı- laşdırır, genişlənmiş dəri məsamələri vasitəsilə toksin və şlaklar orqanizm- dən xaric olur. Soyuq bürünmədə isə damar mənfəzi daralır, limfa və qan toksinləri daxili ifrazat orqanlarına daşıyaraq orqanizmdən çıxarır. Onu yorğunluq, ödem, venaların skleroz- laşmasından sonrakı bərpa prose- sində tətbiq edirlər. Həmin prosedur zamanı bədənə qarışıq yaxılaraq ter- moyorğana bürünülür və prosedur- dan sonra yuyunulur. Hidroterapiyanın duş və müali- cəvi vanna növləri var. Duş su axının orqanizmə müxtəlif forma, tempe- ratur və təzyiqdə təsirindən ibarət müalicə prosedurudur və iki cür olur. Şarko duşu təzyiq altında isti və soyuq suların növbələşməsindən ibarətdir və həmin prosedurun təsiri nəticəsində baş və onurğa beyninin fəaliyyəti stimullaşır, qan-damar sistemi və immunitet möhkəmlənir. Vişi duşu təsirinə görə güclü yağışı xatırladır. Duş hidroterapevtik masaj proseduru kimi çox idealdır. Müalicəvi vannalar isə təkcə su ilə olanlar deyil. Soyuq və sərin su vannaları orqanizmə tonuslandırıcı təsir göstərir, ürək-damar sistemini möhkəmləndirir, maddələr müba- diləsini stimullaşdırır. Sudan başqa günəş və hava vannaları da var. Termiki prosedurlarda təbii və süni istilik mənbələrindən istifadə olunur. Məsələn, isti su vannaları, hamam, sauna, qızdırıcı islatmalar, müalicəvi palçıqlar, infraqırmızı lampalar, parafin, yüksək tezlikli cərəyan və s. Su orqanizm üçün sağlamlıq və gümrahlığı təmin edir. Bitki və yo- sunların ekstraktları bədənə təsir edərək onu möhkəmləndirir və sağ- lamlaşdırır, balzamlar isə orqanizmə tonuslandırıcı təsir göstərir. SPA pro- sedurları zamanı istifadə olunan aro- matik yağlar dərini tonuslandıraraq əhvali-ruhiyyəni yaxşılaşdırır. Sauna və buxar kimi SPA prosedurları bə- dəndən şlakları və toksinləri çıxarır, ürək-damar, ürək-qan-damar, tənəf- füs və sinir sistemi fəaliyyətini tən- zimləyir. Dərman bitkiləri və kontras su vannaları kiçik çanaq oynaqları, böyrək və sidikçıxarıcı sistemə müs- bət təsir göstərir. SPA prosedurları sellülit zama- nı, dərinin piqment ləklərinin müa- licə və profilaktikasında da istifadə olunur. Prosedurlar təkcə dəriyə və dərialtı toxumaya deyil, həmçinin bütövlükdə orqanizmə təsir edir, iş qabiliyyətini artır, oynaqlarda ağrını azaldır.
su prosedurları www.seanews.az Yay istirahətini keçirmək üçün ən çox üz tutulan ünvan- lardan biri də mavi dəniz suları- dır. Çimərlik mövsümündə dəniz- də çimmək çox faydalıdır. Dəniz suyunun tərkibi qanın tərkibinə çox yaxındır. Suyun tərkibində olan mik- roelementlərin müxtəlifliyi orqa- nizmə şəfaverici təsir göstərir. Məsələn, maqnezium immunite- ti bərpa edir, kalsium sümükləri möhkəmləndirir, yod orqanizmin mübadilə prosesini, kalium qan təzyiqini normalaşdırır, brom si- nirləri sakitləşdirir. Çimərkən mü- badilə prosesinin fəallaşması he- sabına orqanizmdə bir çox müsbət dəyişikliklər baş verir. Dəri örtü- yünün məsamələri təmizlənir, mü- badilə prosesləri sürətlənir, zərərli maddələr kənarlaşır, orqanizm bərpa olunur və cavanlaşır. Əbəs yerə dənizdə üzməyi damarların möhkəmləndirilməsi və əzələlərin rahatlaşmasına yönəldilmiş pro- fessional masajla eyniləşdirmirlər. Suyun temperaturu həmişə bədə- nin temperaturundan aşağı oldu- ğuna görə orqanizm xarici mühitə uyğunlaşmağa çalışır. Bədən hə- rarəti azalır, damarlar daralır, xa- rici temperatura öyrəşəndən sonra damarlar yenidən genişlənir. Bu, nəinki damarları möhkəmləndirir, həm də mübadilə sistemini sürət- ləndirir, arıqlamağa kömək edir. Talassoterapiya dəniz və dəniz məhsulları ilə kompleks müalicədən, çimmə, hidromasaj, müalicəvi palçıq və yosun sarğı- ları kimi müalicəvi və profilaktik prosedurlardan ibarətdir. Xroniki yorğunluq, stress, damar və oynaq xəstəliklərində, sellülitin ağır for- malarında olduqca faydalı təsirə malikdir. Təcrübə göstərir ki, dəniz- də çiməndən sonra bədəndə olan cızıq və çapıqlar tez sağalır, he- matoma və göyərtilər itir. Hə- min keyfiyyətlərinə görə ağciyər xəstəlikləri, səs tellərinin bərpası və bütün növ boğaz xəstəlikləri zamanı dəniz suyu məsləhət gö- rülür.
Üzgüçülüklə məşğul olmaq istisnasız olaraq orqanizmin bütün əzələlərini möhkəmləndirir. Bu, nəinki fitnes, həm də əhval-ruhiy- yəni qaldırmaq üçün əla vasitədir. Dəniz kənarında qəbul edilən hava orqanizmi brom və maqnezi- um ionları ilə zənginləşdirir. Yod hissəcikləri ilə doymuş oksigen isə ağciyər xəstəliklərinin müali- cəsində çox faydalı təsir göstərir.
“Lenta.ru” saytı xə- bər verir ki, parnik qazları tullantısı azaldılmayacağı halda alimlərin proqnozu özünü doğrulda bilər. Pla- net əhalisinin təxminən yarısı öldürücü isti ilə qarşılaşacaq. Tropik rayonlarda hava şəraiti daha çətin olacaq. Alimlərin fikrincə, iqlim o dərəcədə tez dəyişir ki, insanlar çətin ki, yeni şəraitə uyğunlaşa bilsinlər. Hazırda planet əhali- sinin üçdəbiri istidən əziyyət çəkir.
Mütəxəssislər 1980-ci il- dən istilər səbəbindən insan ölümü statistikasına həsr edilən 1,9 mindən çox tədqiqatı araş- dırdıqdan sonra bu nəticəyə gə- liblər. 2010-cu ildə Moskvada 10,8 mindən çox, 2003-cü ildə Parisdə 4,9 min, 1995-ci ildə Çikaqoda 740 nəfər isti hava- dan ölüb. planetin əhalisinin təxminən yarısı Öldürücü isti ilə QarşılaşacaQ Statistiklər qidalan- mağa görə maraqlı faktlar ortaya çıxarıblar. Onların apardıqları hesablamalar il ərzində ayrı-ayrı ölkələrdə hansı qidanın çox sevildiyi- ni aşkar edib. Hesablamalara görə, italyanlar ildə 30 kiloqrama qədər makaron yeyir. Həmin göstəriciyə görə ikinci yer- də almanlar, üçüncü yerdə isveçrəlilər və ruslar gedir. Rusiyada adambaşına düşən makaron istehlakı 5 kiloq- ramdır. Pendirlə qidalanmaq sahəsində birincilik fransız- lara məxsusdur. Onlar ildə 23 kiloqram pendir yeyirlər. Hollandiyada adambaşına düşən pendir istehlakı 10, Rusiyada 5 kiloqramdır. Ketçupla qidalanmağa görə dünyanın iki nəhəng ölkəsi - ABŞ və Rusiya li- derlik edir. Həmin ölkələrdə adambaşına il ərzində 1,7 kiloqram ketçup qəbul edilir. İsveçrəlilər il ərzində 12 kiloqram şokolad yeyirlər. Rusiyada adambaşına şoko- lad istehlakı 5-7 kiloqramdır. Birləşmiş Ştatlar bu göstəri- ciyə görə həmin ölkələrdən bir qədər geridə qalır. Ən çox dondurma Yeni Zelandiyada yeyilir. Həmin ölkənin sakinləri ildə 26, Amerika sakinləri 24,5, avst- riyalılar 17,2 litr desert qəbul edirlər.
Maraqlıdır ki, ən çox pit- sa yeyən ABŞ sakinləridir, bir ildə ölkədə hər kəs 13 kiloqram pitsa yeyir. İkinci yerdə gedən İtaliya sakin- lərinin payına il ərzində 7 kiloqram pitsa düşür. 56 mil- yon əhalisi olan Aralıq dənizi ölkəsinin sakinləri hər həftə pitsa bişirilər. Sakit okean sahillərin- də yerləşən Yaponiya dəniz məhsulları istehlakına görə aparıcı mövqe tutur. Gündo- ğar ölkənin sakinləri il ərzin- də 70 kiloqram dəniz məh- sulları ilə qidalanırlar. Bu, digər ölkələrlə müqayisədə dörd dəfə çoxdur. Rusiyada balıqla qidalanma adamba- şına 20-25 kiloqram təşkil edir.
hərə bir şey xoşlayır Yaponiyada 2011-ci ilin martında baş vermiş zəlzələ və sunami nəticəsində zərər çəkmiş “Fukusima-1” Atom Elektrik Stansiyasının (AES) nüvə reaktorlarını tədqiq etmək üçün robot balıq düzəldilib. Bu barədə Kyodo agentliyi məlumat yayıb. Məlumatda qeyd edilir ki, üzən qurğu iyunun 15-də Yokosuka şəhərində “Toshi- ba” şirkəti və Nüvə Reaktor- larının Sökülməsi Problem- ləri Üzrə Beynəlxalq İnstitut tərəfindən ictimaiyyətə təq- dim olunub. 13x30 santimetr ölçüdə olan silindirik robot “Mi- ni-mambo” adlandırılıb. Ka- bel vasitəsilə idarə edilən robot təhlükəsizlik qatını keçərək 3 nömrəli reaktora daxil olacaq. Altı metr dərin- likdə soyuducu suyun toplan- dığı sahədə robot zədələnmiş yerlərin fotosunu çəkəcək. Həmin məlumatlar əsasında reaktorun daxilindəki radio- aktiv tullantının çıxarılması üçün işlər hesablanacaq. AES-in operatoru olan TEPCO şirkəti əvvəllər soxulcan və əqrəb formalı robotlar vasitəsilə reaktorun daxilindəki vəziyyəti araşdır- mağa çalışsa da hər iki cəhd uğursuzluqla nəticələnmişdi. Qəzalı “fukusima-1” aes-in reaktorlarına baxmaQ üçün robot balıQ düzəldilib Antarktida buzlaqlarının 2100- cü ilə qədər əriməsi barədə xəbər- darlıqlar həqiqətdirsə, biz imperator pinqvinlərini həmişəlik itirə bilərik. “ecoportal” saytı xəbər verir ki, Antarktida buzlaqlarının əriməsi im- perator pinqvinlərini çoxalma və qidalanma məkanlarından məhrum edərək, onların mövcudluğunu təh- lükə altına qoya bilər. Yeni proqnoz göstərir ki, əsrin so- nuna doğru, yəni cəmi üç nəsil sonra imperator pinqvinlərinin populyasi- yası 99 faiz azala bilər. ABŞ-ın Oke- anoqrafiya İnstitutunun mütəxəssisi, bioloq Stefani Jenuvriyer hesab edir ki, imperator pinqvinləri nəsli kəsil- məkdə olan növlər haqqında Qanunun himayəsi ilə qorunmalıdır. İmperator pinqvinləri ilə dəniz buzlağı arasında əlaqə çox kövrəkdir. Dəniz buzlağı azalarsa, quşlar çoxal- ma və ov yerlərindən məhrum olacaq. Buzun həcminin həddindən çox olma- sı yaşlı fərdləri sürəkli ov axtarmağa vadar edəcək, quş balaları da lazımi qədər qida ilə təmin olunmayacaq. Alimlər pinqvinlərin optimal buzlaq şəraiti olan yerlərə miqrasiya etmək bacarığını öyrəniblər. Onlar pinqvinlərin davranışını, məskunlaş- manın məsafəsini və dəniz buzlağının həcmini nəzərə alaraq, bu quşların 54 populyasiyasının məskunlaşma mo- dellərini yaradıblar. Modelləşdirməyə görə, popul- yasiyalar 2036-cı ilə qədər öz sayını qoruyub saxlayacaq. Sonra pinqvinlə- ri on il sürən “ekoloji qurtuluş” döv- rü gözləyir. Amma pinqvinlər necə məskunlaşırsa-məskunlaşsın, 2046-cı ildən başlayaraq populyasiyalar yenə də azalmağa başlayacaq. Bütün miq- rasiya ssenariləri göstərir ki, 2100-cü ilə qədər pinqvinlərin sayı 40-99 faiz azalacaq.
Yüklə 455,17 Kb. Dostları ilə paylaş:
|