12
ƏHƏNGDAŞI KARYERLƏRİNDƏ ƏDƏD
DAŞLARININ KƏSİLMƏSİNDƏ DAŞKƏSƏN
MAŞINLARIN MƏHSULDARLIĞINA TƏSİR EDƏN
AMİLLƏRİN ARAŞDIRILMASI
Magistr: Elmi rəhbər:
Quliyev Coşqun Oruc oğlu dos. R.T.İsmayılov
II kurs, qrup 1426
Əhəngdaşı
yataqlarının
uzunmüddətli
istismar
təcrübəsinə əsasən daşkəsən maşınların məhsuldarlığına təsir
edən amilləri üç qrupa bölmək olar: təbii, texnoloji və
konstruktiv amillər.Bu amilləri ayrılıqda nəzərdən keçirək.
1.
Təbii amillər
Buraya əsasən kəsilən daşın möhkəmliyi aiddir. Lakin
bundan başqa daşkəsən maşınların məhsuldarlığına təsir edən
bir sıra əlavə təbii amillər də mövcuddur. Bu təbii amillərə
məsaməlilik, abrazivlik, nəmlik, özlülük, və s. aiddir. Kəsilən
əhəngdaşının möhkəmliyindən asılı olaraq daşkəsən maşının
işçi sürəti və uyğun olaraq məhsuldarlığı dəyişir.
Əhəngdaşının məsaməliliyinin və nəmliyinin dəyişməsi
də daşkəsən maşınların məhsuldarlığına təsir edir. Belə ki,
məsaməlilik və nəmliyin artması ilə əhəngdaşının kəsilmə
sürəti və uyğun olaraq daşkəsən maşının məhsuldarlığı artır.
Əhəngdaşının həcm çəkisinin və sıxlığının artması isə kəsmə
sürətinin daşkəsən maşının məhsuldarlığının azalmasına gətirib
çıxarır.
2.
Texnoloji amillər
Texnoloji amillərə pillənin uzunluğu və hündürlüyü, işin
təşkili, daşkəsən maşının işçi tsiklinin davametmə müddəti
aiddir. Daşkəsən maşının məhsuldarlığına təsir edən digər
texnoloji faktor yuxarı arabacığın girişə verilməsinə və aşağı
arabacığa bərkidilməsinə, girişdən çxarılmasına sərf olunan
vaxtdır.
13
Daşkəsən maşınların məhsuldarlığına təsir edən ən
mühüm amillərdən bir də maşının boş hərəkət sürətidir. yəni
maşının uzununa xəndək boyu giriş xəndəyindən ədəd daşlarını
kəsərək çıxış xəndəyinə doğru hərəkətini tamamladıqdan sonra
yenidən işçi tsikli başlamaq üçün sərf etdiyi vaxtdır. Bu vaxt nə
qədər az olarsa, daşkəsən maşının boş hərəkət sürətinə bir o
qədər az vaxt sərf olunur ki, bu da məhsuldarlığın artmasına
gətirib çıxarır.
Daşkəsən maşının məhsuldarlığına müxtəlif amillər təsir
göstərir. Aparılan tədqiqatlardan görünür ki, pillədə kəsilən
daşların uzunluğu artdıqda daşkəsən maşının dağ kütləsi üzrə
məhsuldarlığı artır. Beləliklə hazır məhsulun çıxımını da
artırmaq olar. Ancaq belə hal monolit yəni çatsız yataqlarda
olur.
3.
Konstruktiv amillər
Bu amillər maşının konstruksiyasından asılı olub onun
istehsalında nəzərə alınmalıdır. Bunlardan biri fırlanma
sürətidir ki, onu artırmaqla məhsuldarlığı artırmaq olar.
Fırlanma sürəti nə qədər böyük olarsa, məhsuldarlıq da bir o
qədər yüksək olar. Buna görə də ötürmələri tezləşdirmək üçün
dişli çarxların konstruksiyasını dəyişmək lazımdır. Bunun üçün
dişli çarxların dişlərinin sayını artırmaqla ötürməni
tezləşdirmək olar. Bu qeyd olunanların istehsalat təcrübələri ilə
yoxlanması, dişli çarxların fırlanma sürəti və metalın
keyfiyyətli arasında asılılığın müəyyən edilməsi lazımdır və bu
çox vacib məsələdir.
14
AZƏRBAYCANIN DUZ YATAQLARININ
İSTİSMAR ÜSULLARI
Tələbə: Elmi rəhbər:
Şahnəzərov Elşad Elman oğlu dos. Əfəndiyeva Z.C.
II kurs, qrup 142.6
Azərbaycanda duz yataqları əsasən Naxçıvan Muxtar
Respublikasında (Naxçıvan, Nehrəm və Şəkərabad-Qoşadiz) və
Abşeron yarımadasında (Böyük-şor, Masazır) yerləşir. Bu duz
yataqları Respublikamızda kimya və yeyinti sənaye sahələri
üçün əsas xammal hesab edilir.
Hal-hazırda bu sahələrlə yanaşı digər sənaye
sahələrinində də duza tələbatın artmasını nəzərə alsaq, onun
hasilatının artırılması tələb olunur.
Naxçıvan duz yataqlarının əsas xüsusiyyətlərindən biri
onların fiziki-mexaniki xassələrinin dəyişkən olmasıdır. Eyni
yataqda duz laylarında süxurların xassələrinin çox tez –tez
dəyişməsi, oradakı gil qatı ilə bağlıdır. Daş duz layıları qat
xarakterli olub, nazik gil qatları ilə şərtləşir. Duz layında bu cür
gil qatlarının çox olması duzun kefiyyətini xeyli aşağı salır və
itgini artırır. Bu da yatagın istismarına mənfi təsir göstərir.
Duzların keyfiyyətini aşağı salan əsas faktorlardan biri onun
tərkibində çoxlu miqdarda həllolmayan qalıqların olmasıdır
(1.33-8.96 %).
Naxçıvan daş-duz yatağında 5 duz layı aşkar edilmişdir
ki, bunlardan yalnız ikisi sənaye əhəmiyyətlidir. Birinci lay yer
səthindən 105-178 m aşağıda yerləşir və duzun orta qalınlığı 6
m –dir. İkinci lay birinci laydan 6-9 m qalınlığında qil layı ilə
ayrılır və duzun qalınlığı 8.6 m-dir. NaCl –un miqdarı 92-98.5
% təşkil edir.
Son zamanlar dünyada duz yataqlarının yerüstü və yeraltı
işlənməsi ilə yanaşı geotexnoloji üsulla işlənməsinə geniş yer
Dostları ilə paylaş: |