Avropada vəkil peşəsinə dair əsas prinsiplər haqqında Xartiya
Vəkillər arasında yazışma
Yüklə 338,42 Kb. Pdf görüntüsü
|
31
5.3. Vəkillər arasında yazışma
5.3.1. Vəkil digər üzv ölkədəki bir vəkilə konfidensial və ya “hüquqlara xələl gəlməyəcək” şəkildə qorunmasını arzuladığı məktub göndərmək istəyərsə, o, məktubu göndərməmişdən qabaq bu istəyini aydın şəkildə bildirməlidir. 5.3.2. Əgər məktubun ünvanlandığı şəxs onun konfidensial və ya “hüquqlara xələl gəlməyən” statusunu təmin edə bilməyəcksə, bu barədə məktubu göndərən şəxsə dərhal xəbər verməlidir. 5.4. Tövsiyə ilə bağlı ödənişlər
5.4.1. Vəkil müştəriyə başqa vəkil tövsiyə etməsinin müqabilində həmin vəkildən və ya hər hansı üçüncü şəxsdən xidmət haqqı, komisyon haqqı və hər hansı digər ödəniş tələb edə və ya ala bilməz. 5.4.2. Vəkil onun müştəriyə tövsiyə olunmasının müqabilində heç kimə xidmət haqqı, komisyon haqqı və hər hansı digər kompensasiya ödəyə bilməz. 5.5. Qarşı tərəflərlə əlaqə
Vəkil hər hansı bir iş və ya məsələ ilə bağlı digər vəkil tərəfindən təmsil edildiyini və ya məsləhət verildiyini bildiyi hər hansı bir şəxslə həmin iş və ya məsələ ilə bağlı digər vəkilin razılığı olmadan birbaşa ünsiyyət saxlaya bilməz (həmçinin, həmin ünsiyyət barədə digər vəkilə məlumat verməlidir). 5.6. (Bu maddə 06 dekabr 2002-ci ildə Dublində keçirilən plenar iclasın qərarı ilə çıxarılmışdır.) 5.7. Ödənişlə bağlı öhdəlik
32
Müxtəlif üzv ölkələrin vəkillər kollegiyalarının üzvləri arasındakı peşəkar münasibətlər çərçivəsində vəkil müştəriyə başqa bir vəkili tövsiyə etmək və ya müştərini başqa bir vəkilə yönləndirmək əvəzinə özü hər hansı bir məsələ ilə bağlı həmkarına tapşırıq verdikdə və ya həmkarının məsləhətini istədikdə, tapşırığı verən vəkil hətta müştəri müflis olsa belə, xarici həmkarının xidmət haqqını, xərclərini və sair məsrəflərini ödəməyə şəxsən məsuliyyət daşıyır. Buna baxmayaraq, sözügedən vəkillər bu məsələ ilə bağlı qabaqcadan xüsusi razılığa gələ bilərlər. Bundan əlavə tapşırıq verən vəkil öz məsuliyyətini gələcəkdə məsuliyyət daşımayacağı barədə bəyanatı xarici vəkilə təqdim etdiyi ana qədər yaranmış xidmət haqları, xərclər və sair məsrəflərlə məhdudlaşdıra bilər. 5.8. Davamlı peşə təkmilləşməsi
Vəkillər öz peşələrinin Avropa müstəvisindəki rolunu nəzərə alaraq öz peşəkar biliklərini və bacarıqlarını qorumalı və inkişaf etdirməlidir.
5.9.1. Əgər vəkil digər üzv ölkədəki həmkarının peşə davranışı qaydalarını pozduğunu hesab edərsə, bu barədə həmin həmkarına məlumat verməlidir. 5.9.2. Əgər müxtəlif üzv ölkələrdən olan vəkillər arasında peşə ilə bağlı hər hansı şəxsi mübahisə yaranarsa, onlar mümkün olduğu halda həmin mübahisəni əvvəlcə dostcasına həll etməyə çalışmalıdırlar. 5.9.3. Vəkil 5.9.1 və ya 5.9.2-ci bəndlərdə göstərilən məsələlərlə bağlı əvvəlcə hər iki vəkilin mənsub olduğu vəkillər kollegiyalarına və hüquq cəmiyyətlərinə məlumat vermədən digər üzv dövlətdəki həmkarına qarşı heç bir icraata başlamayacaq. Bu məlumatın verilməsində məqsəd hər iki
33
vəkillər kollegiyalarına və hüquq cəmiyyətlərinə vəkillərə razılığa gəlməkdə köməklik göstərməsinə imkan yaratmaqdır.
34
Bu İzahedici Memorandum CCBE Daimi Komitəsinin müraciəti əsasında Davranış Kodeksinin ilk versiyasının hazırlanması ilə də məşğul olmuş CCBE deontologiya işçi qrupu tərəfindən hazırlanmışdır. Memorandum Kodeksin müddəalarının mənbəyini açıqlamaq, onların həllinə yönəldiyi, xüsusilə beynəlxalq fəaliyyətlərlə bağlı problemləri təsvir etmək və Üzv Ölkələrin Səlahiyyətli Qurumlarına Kodeksin tətbiqi ilə bağlı kömək göstərmək məqsədi daşıyır. Onun Kodeksin təfsiri ilə bağlı hüquqi baxımdan məcburi xarakter daşıması nəzərdə tutulmamışdır. İzahedici Memorandum 28 oktyabr 1988-ci il tarixdə qəbul olunmuş və CCBE Plenumunun 19 may 2006-cı il tarixli sessiyasında yenilənmişdir. Bu İzahedici Memorandum həmçinin CCBE Nizamnaməsinə 20 avqust 2007-ci il tarixdə Plenumun Növbədənkənar Sessiyasında təsdiq olunmuş düzəlişləri də nəzərə alır. 1.4-cü maddənin şərhində göstərilən peşələrin siyahısı dəyişikliklərə açıqdır. Kodeksin orijinal versiyaları Fransız və İngilis dillərindədir. Avropa Birliyinin digər dillərinə tərcümələr mili deleqasiyaların nəzarəti altında həyata keçirilir.
1977-ci ildə CCBE tərəfindən qəbul edilən Perucca Bəyannaməsi Avropa Birliyi daxilində vəkillərə şamil olunan peşə davranış qaydalarının fundamental prinsiplərini təsbit etmişdir. 1.1-ci Maddə vəkilin cəmiyyətdəki funksiyası barədə Perucca Bəyannaməsində qeyd edilənləri təkrarlayır və bu da öz növbəsində həmin funksiyanın həyata keçirilməsini tənzimləyən qaydalar üçün əsas təşkil edir. 1.2-ci Maddənin şərhi – Peşə Davranış Qaydalarının Təbiəti
Yüklə 338,42 Kb. Dostları ilə paylaş:
|