Avropada vəkil peşəsinə dair əsas prinsiplər haqqında Xartiya
Yüklə 338,42 Kb. Pdf görüntüsü
|
- Bu səhifədəki naviqasiya:
- (i) Qanunçuluğa və ədalət mühakiməsinin həyata keçirilməsinə hörmət prinsipi
- (j) Vəkillik fəaliyyətinin özünüidarəedilməsi prinsipi
- Avropa vəkillərinin davranış Kodeksi
- 1. PREAMBULA 1.1. Vəkilin cəmiyyətdəki funksiyası
- 1.2. Peşə davranışı qaydalarının təbiəti
- 1.3. Kodeksin məqsədi
17
Vəkil, müştərilərinin mütəmadi şəkildə təmsil edilməsi ilə bağlı çox həssas və mübahisəli işlərə cəlb edilməsinə baxmayaraq bu prinsip hər bir zaman nəzakətli davranışın nümayiş etdirilməsini tələb edir. Bu prinsip vəkilin nümayəndə olaraq istənilən şəxsin adından çıxış edə bilməsini, həqiqəti söyləməsini, peşə davranışı qaydalarına riayət etməsini və öz vədlərinin üstündə durmasını nəzərdə tutur. Ədalət mühakiməsinin normal həyata keçirilməsi tələb edir ki, vəkillər mübahisəli məsələlərin sivil yolla həlli məqsədi ilə bir-birlərinə qarşı hörmətlə davransınlar. Analoji olaraq ictimai maraqlar tələb edir ki, vəkillər bir-birlərinə qarşı xoş niyyətlə davranmaqla bir-birlərini aldatmasınlar. Vəkillər arasında qarşılıqlı hörmətin saxlanılması onların müştərilərinin maraqlarına cavab verməklə ədalət mühakiməsinin düzgün həyata keçirilməsinə imkan və mübahisələrin həllinə şərait yaradır.
Biz, vəkili ədalət mühakiməsinin həyata keçirilməsinin iştirakçısı kimi xarakterizə etmişdik. Eyni zamanda vəkili "məhkəmənin işçisi" və ya "ədalət mühakiməsinin icraçısı" kimi adlandırırlar. Vəkil məhkəməyə heç vaxt bilərəkdən yanlış məlumat verməməli, habelə peşə fəaliyyəti ilə bağlı üçüncü şəxsləri aldatmamalıdır. Bu qadağalar mütəmadi şəkildə müştərilərin bilavasitə maraqları ilə toqquşa bilir və müştərinin maraqları ilə ədalət mühakiməsinin maraqları arasında bariz görsənən bu ziddiyyətin həlli çox incə məsələdir ki, onun da həlli vəkilin peşəkarlığından asılıdır. Bu cür problemlərin həlli ilə bağlı vəkilin üzvü olduğu kollegiyaya müraciət etmək hüququ vardır. Yalnız məhkəmənin, üçüncü şəxslərin nəzərində etibarlı təmsilçi, habelə ədalət mühakiməsinin həyata keçirilməsinin əsl iştirakçısı olduğu təqdirdə, vəkil öz müştərisini uğurla təmsil edə bilər.
18
Hüquq peşəsinin və vəkillərin fəaliyyətinə aşkar və ya gizli dövlət nəzarəti qeyri-azad cəmiyyətlərin əlamətlərindən biridir. Əksər Avropa ölkələrində bu peşə sahəsinin idarə edilməsinin dövlət və özünüidarəetməsi üsulları mövcuddur. Əksər hallarda dövlət əsas Prinsiplərin əhəmiyyətini nəzərə alaraq vəkillik fəaliyyətində konfidensiallıq məsələlərini normativləşdirir və ya kollegiyalara öz
peşə davranışı qaydalarının müəyyənləşdirilməsi ilə bağlı hüquqyaratma səlahiyyətləri verir. CCBE əmindir ki, yalnız güclü özünüidarəetmə vəkillərin dövlət qarşısında müstəqilliyini təmin edə bilər və bu cür müstəqillik olmadan vəkillər öz peşə fəaliyyətlərini icra edə bilməzlər.
19
Bu Kodeks CCBE-nin 28 oktyabr 1988-ci il tarixli Plenar Sessiyasında qəbul olunmuş və ona müvafiq olaraq 28.11.1998, 06.12.2002 və 19.05.2006-cı illərdə dəyişikliklər edilmişdir. Kodeksdə həmçinin 20.08.2007-ci il tarixdə CCBE-nin fövqəladə iclasında onun Nizamnaməsinə edilən dəyişikliklər nəzərə alınmışdır.
1.1. Vəkilin cəmiyyətdəki funksiyası
Qanunun aliliyinə hörmətlə yanaşılan cəmiyyətlərdə vəkil xüsusi rola sahibdir. Vəkil təkcə qanunun icazə verdiyi həddə ona həvalə olunmuş tapşırıqları vicdanla yerinə yetirmir. O, ədalət mühakiməsinin maraqlarına xidmət etməklə həm ona etimad göstrən şəxslərin hüquq və azadlıqlarını müdafiə edir, həmçinin müştərisinin məsləhətçisinə çevrilir. Demokratik cəmiyyətdə vəkilin peşə funksiyalarına hörmət nümayiş etdirilməsi qanunun aliliyinin ümdə şərtidir. Vəkillik fəaliyyətinin həyata keçirilməsi vəkilin aşağıdakı şəxslər qarşısında hüquqi və mənəvi məsuliyyətini şərtləndirir: - müştərilər; - qarşısında müştərinin maraqları təmsil olunan orqanlar, məhkəmələr; - ümumi olaraq vəkillik və məxsusi olaraq bu sahənin təmsilçiləri; - cəmiyyət (azad və müstəqil peşənin mövcudluğu dövlətin gücü və ictimai maraqlar qarşısında insan hüquqlarının müdafiəsi baxımından əhəmiyyətlidir).
20
1.2.1. Peşə davranışı qaydaları vəkillər tərəfindən sivil cəmiyyətdə öz funksiyalarını lazımi qaydada icra etmələri məqsədi ilə öz üzərlərinə götürdükləri öhdəliklərdir. Bu qaydalara riayət edilməməsi intizam cəzası ilə nəticələnə bilər. 1.2.2. Yerli, milli adətlərdən asılı olaraq hər bir vəkil kollegiyası özləri üçün davranış qaydaları müəyyən edir. Bu qaydalar hər bir üzv dövlətin vəkillik peşəsinin təşkili və fəaliyyət sahələri, məhkəmə və inzibati prosessual normalar və yerli qanunvericiliklə uzlaşdırılır. Bu qaydaları onların məzmunundan uzaqlaşdırmaq, buna cəhd göstərmək, həmçinin mahiyyət etibarilə onları ümumi qaydadan fərqli olaraq başqa cür tətbiq etmək mümkün deyildir. Vəkillər kollegiyalarının və hüquq cəmiyyətlərinin özlərinə aid davranış qaydaları olmalarına baxmayaraq eyni dəyərlərə söykənməklə eyni mahiyyətə malikdirlər.
1.3.1. Avropa İttifaqı və Avropa İqtisadi Zonasının davamlı inteqrasiyası bu ərazidə işləyən vəkillərin öz ölkələrindən kənardakı fəaliyyətlərinin genişlənməsinə səbəb olur ki, bu da cəmiyyətin maraqları naminə bu zonada fəaliyyət göstərən vəkillər üçün ümumi
davranış qaydalarının müəyyənləşdirilməsini şərtləndirir. Bu cür vahid qaydaların müəyyənləşdirilməsinin konkret məqsədi Avropa Zirvəsinin 77/249/EEC saylı Direktivinin 4 və 7.2.-ci maddələrinin, həmçinin Avropa Parlamenti və Avropa Zirvəsinin birgə qəbul etdiyi 98/5/EC saylı Direktivinin 6 və 7-ci maddələrində açıq şəkildə əks olunmuş "ikili deontologiya"nın tətbiqindən yaranan çətinliklərin aradan qaldırılmasıdır. 1.3.2. Beləliklə, CCBE vasitəsi ilə vəkillik fəaliyyətini təmsil edən təşkilatlarin bu qaydaları məcəllələşdirməkdə məqsədləri aşağıdakılardan ibarətdir: - bu niyyətin Avropa İttifaqı və Avropa İqtisadi Zonasında fəaliyyət göstərən vəkillər kollegiyaları və hüquq cəmiyyətlərinin Yüklə 338,42 Kb. Dostları ilə paylaş:
|