Alban tariXİ GƏncləRİn göZÜ İLƏ
Yüklə 142,4 Kb. Pdf görüntüsü
|
| ALBAN TARİXİ GƏNCLƏRİN GÖZÜ İLƏ ALBAN TARİXİ GƏNCLƏRİN GÖZÜ İLƏ BAKI – 2012
Layihə rəhbəri : A.B. Cavadov Koordinatorlar : R.R Quliyev Y.F.Cavadova Tərtibatçılar : A.R. Bağırov E.İ. Tağızadə Dizayner: E.Ş. Abdullayev Foto: X.Ə. Xəlilov R.E. Məmmədov Məsləhətçilər: N.M. Muxtarov Y.M. Nəsibli Redaktor: R.B. Xəlilova
Bu kitab “Bakı Gənclər Klubu” İctimai Birliyi tətəfindən Azərbaycan Respublikasının Gənclər və İdman Nazirliyinin maliyyə dəstəyi ilə “Tariximizi öyrənək, irsimizi qoruyaq!” adlı layihəsi çərçivəsində çap olunmuşdur.
Kitab yeniyetmələr, gənclər , ümumiyyətlə Qafqaz Albaniyasının tarixi, mədəniyyəti və memarlıq abidələri ilə maraqlanan hər kəs üçün nəzərdə tutulmuşdur. Mündəricat 3
Şəki – Kiş məbədi.........................................................................................8 Şəki – Fazıl nekropolu...............................................................................10 Şəki – Baş Küngüt məbədi.........................................................................12 Şəki – Bideyiz məbədi................................................................................13 Oğuz məbədi...............................................................................................15 Oğuz –Calud məbədi.................................................................................17 Oğuz – Muxas qülləsi................................................................................19 Qədim Qəbələ - Kabalaka........................................................................20 Qəbələ - Nic məbədi...................................................................................24 Qax, Çinarlı – Sırt qalası.........................................................................26 Qax – Qum məbədi....................................................................................27 Qax, Ləkit – Yeddi Kilsə...........................................................................29 Zaqatala məbədi........................................................................................33 Balakən – Katex qülləsi............................................................................35 Balakən – Talalar məbədi........................................................................36 Balakən – Mahamalar qülləsi.................................................................38 Qafqaz Albaniyasının tarixi və taleyi ilə hamıdan çox azərbaycanlılar məşğul olmalıdırlar. Bu sahədə onlar dünya elmi qarşısında məsuliyyət daşıyırlar, dünya elminə borcludurlar. Y.İ.Krupnov 4
Qafqaz Albaniyası (Aqvan, Arran) müasir Aərbaycan Respublikası, Ermənistan, Gürcüstan və cənubi Dağıstan ərazilərini əhatə etmiş qədim Azərbaycan dövlətidir. Albaniya, tarixi Azərbaycan torpaqlarının şimal hissəsində yaranmış ilk dövlət qurumudur. Qafqaz Albaniyası təqribən e.ə IV-III əsrlərdə meydana gəlmiş və eramızın VIII əsrində ərəblər tərəfindən varlığına son qoyulmuşdur. Qədim Albaniya etnik tərkibinə görə kifayət qədər rəngarəng olmuşdur. Yunan coğrafiyaşünası Strabonun verdiyi məlumata görə, Albaniyada 26 dildə danışan tayfalar yaşamışdır. Qaynaqlarda Albaniyada yaşayan tayfaların sırasında uti, qarqar, amazonka, kaspi, , sisak, mard, amard, ariak, anariak, leq, qel və digərlərinin adı çəkilir. Bir sıra albanşunaslar Qafqaz Albaniyasının ərazisinə indiki Azərbaycan, Ermənistan , Dağıstan və Şərqi Gürcüstanın daxil olduğunu qeyd edirlər. Lakin, ermənilər Albaniyanın yalnız Kürdən şimaldakı torpaqları əhatə etdiyini, Kür və Araz çayları arasındakı ərazinin isə “Böyük Ermənistamn”ın tərkibinə daxil olduğunu iddia edirlər. Onların iddialarına görə, bu ərazi yalnız 387-ci ildən Albaniyanın tərkibinə qatılmışdır. Ümumuiyyətlə isə ermənilər, təmamiylə əsassız olaraq, Albaniyanı “Şərqi Ermənistan” adlandırırlar. Əslində isə, hətta qədim erməni mənbələri belə (əlbəttə, obyektiv olanlar) onların bu iddialarını yalanlayır. Məsələn, “erməni tarixinin atası” sayılan Moisey Xorenli öz əsərində Albaniyanın cənub sərhədlərinin Araz çayı boyunca keçdiyini yazırdı. Digər qonşularımız – gürcü tarixçiləri də Qafqaz Albaniyasının torpaqlarına iddia edirlər. Gürcü tarixçilərinin iddialarına görə, solsahil Albaniyasının qərb hissəsi (müasir Azərbaycan Respublikasının şimal-qərb bölgəsi) Gürcüstanın ərazisi olmuşdur. Lakin bu iddialar da tamamiylə ə sassızdır. Belə ki, həm antik, həm də erməni mənbələrində Albaniyanın qərb sərhədinin Alazan(Qanıx) çayından keçdiyi qeyd olunur. Albaniya inzibati cəhətdən havarlara(vilayət) və nahanqlara(əyalət) bölünürdü. Albaniyanın vilayətlərinə Kambisena, Arsak, Uti, Balasakan və Paytakaran(Kaspiana) aid idi. 5
Albaniyanın siyasi tarixi. Albaniaynın bir dövlət kimi Makedoniyalı iskəndərin imperiyası parçalandıqdan sonra yaransa da, hələ Əhəməni imperiyasının tərkibində olduğu dövrdə burada dövlətin ilkin rüşeymləri formalaşmaqda idi. Albaniya taxtında bir birini üç sülalə - Arranilər, Arşakilər və Mehranilər əvəz etmişlər. Arranilər sülaləsi öz ilk nümayəndəsi Arranın adı ilə adlandırılmışdır. Arranilər yerli sülalə olmuşlar. Moisey Kalankatlı özünün “Alban tarixi” əsərində Arranın Sünik nəslinə aid olduğunu yazır. Arranilər sülaləsi haqqında tarixi ədəbiyyatdakı məlumatlar olduqca azdır. E.ə II-I əsrlərdə Parfiya asılılığında olan bir çox dövlətlərdə olduğu kimi, Albaniyada da hakimiyyətə Parfiya Arşakilərinin bir qolu olan Alban Arşakilər sülaləsi gəlir. Alban Arşakilər sülaləsinin ilk nümayəndəsinin kim olması barədə elmdə müxtəlif fikirlər mövcuddur. “Alban tarixi”ndə verilən siyahıda bu sülalənin ilk nümayəndəsi kimi I Cəsur Vaçaqan qeyd edilsə də, bəzi tarixçilər bu sülalənin Sanatrukla başlandığını iddia edirlər. Albaniyada xristianlığın qəbul edilməsi Urnayrın(313-371) hakimiyyəti illərinə təsadüf edir. Belə ki, Albaniyada xristianlıq rəsmən 313-cü ildə qəbul olunmuşdur. Alban Arşakilər sülaləsinin ən məhşur nümayəndələrindən biri III Mömin Vaçaqandır (487-510). Onun hakimiyyəti illərində Albaniyada xristianlığın çiçəklənmə dövrü hesab olunur. Belə ki, III Vaçaqanın hakimiyyəti illərində ölkədə xristan dinin mövqeləri möhkəmlənmiş, bəbəd və monastrların inşaası geniş vüsət almışdır. Bununla o, ölkə əhalisini eyni bir dini ideologiya altında birləşdirməyə, xristianlığı Albaniyada vahid dinə çevirməyə çalışırdı. O, 488-ci ildə Aluen(Aquen) kilsə məclisini çağırdı. Bu məclisin qəraları ilə Albaniyada xristianlığın mövqeləri da da möhkəmləndi. 510-cu ildə III Mömin Vaçaqanın ölümü ilə Alban Arşakilər sülaləsinə son qoyuldu və Albaniyada hökmdarsızlıq dövrü başladı. Bu dövr 629-cu ilə kimi davam etdi. 630 cu ildən isə Albaniyada Mehranilər sülaləsinin hakimiyyəti başlanır. 6
Mehranilər sülaləsi fars mənşəli olsa da albanlaşmışdı. Bu sülalənin ən məhşur nümayəndəsi isə Cavanşirdir. Cavanşir eyni zamanda həm xəzərlər, həm sasani feodalları, həm də ərəblərə qarşı uğurla mübarizə aparmaqla Albaniyanın müstəqilliyini qismən də olsa saxlaya bildi. Lakin o, 681- ci ildə sui-qəsd nəticəsində öldürüldü və bundan sonnra Albaniyanın tənəzzülü prosesi başladı. Albaniyanın son knyazı isə Şeroyə olmuşdur(699-704). 704-cü ildə erməni katolikosu Yeliya ərəb xəlifəsi Əbd əl-Məlikə məktub yazaraq albanların xilafətə xəyanət etdiyini və Bizansa meyl etdiyini yazaraq ondan albanları cəzalandırmaq üçün kömək istədi. (Ermənilər və albanlar xristianlığın diofizit, Bizans isə monofizit cərəyanına mənsub idi. Yeliya məktubunda Albanların monofizit cərəyanına meyl etdiklərini yazırdı ki, bu da Qafqazda Bizansın mövqelərinin möhkəmlənməsini istəməyən xilafətin maraqlarına zidd idi) Əbd əl-Məlik Yeliyanın istəyini qəbul edərək onun ixtiyarına Albanları cəzalandırmaq üçün qoşun göndərdi. Yeliya bu qoşunun müşayəti ilə Albaniyaya gəldi. Şeroyə və alban katolikosu Nerses Bakor lənətlənərək edam olundu. Bu hadisə həm də Qafqaz Albaniyasının sonu idi (705-ci il). Albaniya dövlətinin süqutunda bu cür fəal iştirak edən ermənilər, əvəzində mükafat olaraq ərəb xəlifəsindən Alban avtokefal kilsəsi üzərində bütün hüquqları aldılar. Bu hadisə, Azərbaycanın sonraki tarixində baş verən bir çox tarixi faciələrə yol açdı. Ən əsası isə, erməni din xadimləri demək olar ki, ilk vaxtlardan Alban mədəniyyətini erməniləşdirməyə başladılar. Alban ədəbiyyatı təhrif olunmuş formada qədim erməni dilinə(qrabar) tərcümə olundu və orjinallar məhv edildi. Bütün bunlar müəəyən mənada ölkəmizin bu gün üzləşdiyi problemlərin təməlini qoydu və bunları nəzərə alsaq, müasir Azərbaycan gəncliyi üçün Alban tarixini öyrənməin həyati ə həmiyyətini anlamış olarıq. 7
Məbəd I -V əsrlərə aiddir. Rəvayətə görə, Isa Məsihin dostu Yakov Yeliseyi buraya - Uti vilayətinin Kiş kəndinə göndərir və o, burada kilsə inşa edir. Bu kilsə Qafqazda və bütün şərqdə ilk kilsə olur. Buna görə də Kiş kilsəsi «Şərq Kilsələrinin Anası» adını alır. Kilsənin xristianlıqdan daha əvvəlki dövrə aid olmasını məbəddəki keçi məzarı və xristianlıq üçün səciyyəvi olmayan dəfn üslubu sübut edir. Burada həmçinin ay ilahəsi Selenaya sitayiş edilmişdir. 2000-2001 -ci illərdə Kiş kilsəsinin ərazisində arxeoloji qazıntılar aparılmışdır. Bu qazıntılar məbəd tarixinin bütün mərhələlərini izləməyə imkan verir. Aşağı qatların arxeoloji tədqiqi onun ilkin tikinti tarixini təyin etməyə imkan yaratmışdır. Kiş məbədi sadə təkzallı bazilikadan günbəzli memarlığadək 5 tikinti mərhələsi keçmişdir. Abidə dövrümüzə yeniləşdirilmiş görkəmdə gəlib çatmışdır.
8 Burada Gis-Kümrük arxiyekiskopluğu, sonra isə Yelisey, Çuketi və Şəki yekiskopluqlarının mərkəzi yerləşmişdir. Kişdəki məbəd nəinki QafqazAlbaniyasında (Azərbaycanda), eləcə də bütün Qafqazda təqribən iki min il bundan əvvəl xristianlığın başlandığını simvollaşdıran görkəmli tarixi abidədir. Yerli əhali İslamı qəbul etdikdən sonra da məbəd öz müqəddəsliyini itirməmişdir. Bu günün özündə belə yerli hali məbədi müqəddəs pir kimi ziyarət edir.
yenidən bərpa olunmuşdur. Kilsə özündə ilkin və sonrakı tikililərin maraqlı detallarını saxlayır. Məbədin daxili cüt sütunla 2 hissəyə bölünür, şərq hissəsi qərb hissədən kiçikdir. Kilsə divarlarının çıxıntısı nalabənzər olub 2 dərin oyuğu var. Mehrab mərkəzdə yerləşib və düzbucaqlı formasındadır. İki sütun və mehrabın çıxıntısı üzərində dayanan günbəz sonradan əlavə edilmişdir. 9
1984-cü ilin mart ayında Fazıl kəndində tütün müəssisəsi tikilməsi üçün bünövrə qazılarkən qab-qacaq aşkarlanır. Bu zaman aşkarlanmış qəbirlərdən 104 əşya tapılır və məlum olur ki, burada nekrapol var. Nekropolda 18-ə yaxın məzar var. Qazıntı zamanı aşkar olunmuş abidə təbii formada yerində saxlanılır. Burada tapılmış qəbirlərin bəzilərində 4 cür dəfn üsulu nəzərə çarpır. Balaca qəbirdəki öküz, at, keçi, qoyun, it, pişik və s. qalıqları mifoloji təsəvvürləri əks etdirir. Maraqlıdır ki, pişik qədim Misirdə də müqəddəs hesab edilirdi. Bizdə də pişik günəşin rəmzi sayılırdı. Bu labirintdə dünyada analoqu olmayan digər bir tapıntı da – 2 büt ( ata və ana ) var. 10
Buradakı kişi bütünün sinəsində it fiquru var. İt qədim ilahlardan sayılır. Bu e.ə. II minilliyin ortalarına aid edir. Onun izlərinə lap Erkən Tunc – Kür- Araz mədəniyyəti dövrlərində rast gəlinir. Başqa bir abidədən- Alazan vadisi, Qax rayonu, Sarıca Minbərək kurqanlarının birindən ( Astaran ) üstündə faşistlərin simvolu svastika olan qab tapılib .Svastika dünya modelidir, o, günəşi və taleyi simvolizə edir. Bu əşyalardan birinin (qara qabın ) üstündə xaç formalı işarə var. Son Tunc- ilk Dəmir dövrlərinə aid abidələrdə isə bu elemetlərə sıx –sıx rast gəlinir. 11
Məbəd Şəki rayonunun Baş Küngüt kəndində, dağın ətəyində yerləşir. Bu məbəd tipik alban- xristian memarlığı üslubunda yerli daşlardan inşa olunmuşdur. Məbədin yaxınlığında VI əsrə aid qala divarlarının qalıqları mövcuddur. Məbədin qala divarlarından kənarda inşa olunması bu məbədin yerində daha qədim ibadətgahın mövcüd olduğunu təstiqliyir. Əks tədqirdə məbəd qalanın içərisində inşa edilməli idi. Məbədin ətrafinda qədim nekropol mövcuddur. Bu nekropolun hansı dövrə aid olduğu isə hələ ki, müəyyən olunmamışdır. Məbəd zaman-zaman qızılaxtaranların marağını cəlb etmişdir, onlar tərəfindən yandırılmış, divarları və bünövrəsi qazılmışdır. Hazırda məbəd qəzalı vəziyyətdədir. 12
Şəki rayonunun Bideyiz kəndində yerləşən alban məbədidir. Məbəd binası XII əsrə aid olunsa da, tədqiqatçılar abidənin əslində daha qədim olduğunu,XII ə srdə isə yalnız bərpa olunduğunu qeyd edirlər. Buranın hələ xristianlıqdan əvvəl atəşpərəst ibadətgahı olduğu ehtimal edilir. Albaniyada xristianlığın qəbulundan sonra isə bura xristian məbədinə çevrilmişdir. Bideyiz məbədinin inşasında dağ daşlarından və əhəng məhlulundan istifadə edilmişdir. Həcmcə çox da böyük olmayan bu məbəd tipik alban - xristian memarlığı üslubunda inşa edilmişdir. 13
Məbədin XII əsrdə yenidən bərpa olunması onu göstərir ki, burada yerli əhali hələ XII ə srdə - İslam intibahının Azərbaycanda və bütün şərqdə geniş vüsət aldığı dövrə öz dini etiqadlarını qoruyub saxlamışdır. Məbədin ə trafında kiçik nekropol da mövcuddur. Burada, vaxtiylə, məbəddə xidmət etmiş rahiblər və kilsə xadimləri dəfn olunmuş Hal-hazırda məbəd qəzalı vəziyyətdədir, divarların və tavanın böyük hissəsi uçulmuşdur.Bunun səbəbi təbii proseslərlə yanaşı həm də, qızılaxtaranların “fəaliyyəti”dir. Qızılaxtaranlar məbədin bünövrəsini qazmaqla yanaşı burada yanğın da törətmişlər. Hazırda məbəd dövlət qeydiyyatına alınmışdır. 14
Oğuz rayonu ərazisində yerləşən qədim alban məbədidir. Məbəd V-VI əsrlərə aid edilir. Bu dövrdə Albaniyada III Mömin Vaçaqan(487- 510) hakimiyyətdə olmuşdur. III Vaçaqan hakimiyyətə gəldikdən sonra ölkədə xristianlığın mövqelərini möhkəmləndirməyə başladı və taxta çıxdıqdan dərhal sonra çağırdığı Aluen kilsə məclisində(487-488) Albaniyada xristianlığın inkişafına mane olan əngəlləri aradan qaldırdı (məhz xristianlıq qarşısındakı xidmətlərinə görə III Vaçaqan “mömin” adını almışdır). Onun ə mri ilə ölkənin hər yerində ilin günlərinin sayı qədər məbəd inşa olunmuşdur. Oğuz məbədi də məhz bu dövrdə inşa olunmuşdur. 15
Məbəd öz memarlıq üslubuna görə onunla həmdövr olan digər alban məbədləri ilə elə də kəskin rərqlərə malik deyil. Məbəd, əsasən, çay daşlarından inşa olunmuş , bununla yanaşı tikintidə əhəng daşı və bişmiş kərpicdən də istifadə olunmuşdur. Məbədin daxili divarları yonulmuş əhəng daşı ilə üzlənmiş, damı qırmızı kirəmitlə örtülmüşdür. Məbəd ötən əsrdə baxımsız qalmış və çox güman ki, təsərrüfat məqsədləri üçün istifadə olunmuşdur. Məbədin divarları içəridən adi qara suvaqla suvanmışdır ki, bu da məbədin tarixi memarlıq üslubuna xələl gətirir. Memar dövlət tərəfindən yerli ə həmiyyətli abidə kimi qeydiyyata alınmışdır. 16
Oğuz rayonunun Calud kndində yerləşən Alban məbədidir. Məbəd yerli ə dhəmiyyətli memarlıq abidəsi kimi qeydiyyata alınmışdır. Tədqiqatçılar tərəfindən V-VI əsrlərə aid edilən məbəd Qafqaz Albaniyasında xristianlığın çiçəkləndiyi dövrdə inşa olunmuşdur. Belə ki, Alban hökmdarı III Mömün Vaçaqanın (487-510) hakimiyyətə gəlməsi ilə Albaniyada xristianlıq öz çiçəklənmə dövrünə qədəm qoymuşdur. Dinin sürətlə yayılması məbəd memarlığının da inkişafına səbəb olmuşdur. Məhz bu dövrə aid olan Calud məbədi özü ilə həmdövür olan Mingəçevir abidələrindən həcmcə kiçik olsa da, memerlıq üslubu baxımından daha mükəmməldir. 17
Məbəd əhəng daşından inşa olunmuşdur, birneflidir. Qırmızı kirəmitlə örtülmüş damı möhtəşəm daş sütunlar saxlamaqdadır. Məbədin ə trafında indi tamamiylə uçub dağılmış digər tikililərin xarabalıqları da müşahidə olunmaqdadır 1836- cı ildə Alban katolikosluğu ləğv olunduqdan sonra məbəd ermənilərin əlinə keçmiş məbəd onların saxtalaşdırma siyasətinə məruz qalmışdır. Belə ki, ermənilər məbədə müxtəlif erməni – qriqoryan elementləri əlavə etmiş və məbədin divarlarındakı alban xaçlarını erməni xaçları ilə ə vəz etmişlər. Məbədin hazırki halı da ürəkaçan deyil. Qızılaxtaranlar məbədin döşəməsisni qazaraq onu böyük dağıntılara məruz qoymuşlar. Hazırada məbəd baxımsız vəziyyətdədir.
18 Oğuz rayonu Muxas kəndi yaxınlığında yerləşən, ətrafı müşahidə etmək məqsədi ilə inşa olunmuş tikilidir. Muxas kəndindən Daşağıl kəndinə gedən yoldan bir az aralıda, dağ yamacının üzərində yerləşir. Qüllə müşahidə məqsədi ilə inşa olunsa da elə də hündür nöqtədə deyil. Qüllə bir tərəfdən düzbucaqlı ,digər tərəfdn isə yarımdairəvi formadadır. Qüllənin hündürlüyü 11 – 12 metrdir. Yalnız bir tərəfindəki divar hündürlüyündə qapı yeri var. IX əsrdə çay daşı və kirəcdən tikilən 3 mərtəbəli Muxas qülləsindən müşahidə məqsədilə XIV əsrə qədər istifadə edilib. 19
19
Azərbaycanın ən qədim şəhər yerlərindən biri olan Kabalaka Qafqaz Albaniyasının paytaxtı olmuşdur. Şəhər xarabalığı XIX ə srdən həvəskar arxeoloqların diqqətini cəlb etsə də, burada ardıcıl arxeoloji tədqiqat işləri 1940-cı ildən başlamışdır. Qədim Kabalakanın xarabalığı Qəbələ rayonu Çuxur Qəbələ kəndindən 1 km şərqdə, Qaraçay ilə Çovurlu çayı arasında yerləşir. Şəhər xarabalığı Səlbir, Qala (Govurqala), Güllü qoruq (Çaqqallı talası), Kamaltəpə, Bayır şəhər və s. arxeoloji abidələr kompleksindən ibarətdir. Bu hissələrdən ən böyüyü (sahəsinə görə) vaxtiylə müdafiə məqsədi ilə qazılmış xəndəkdən cənubda yerləşən Səlbir hissəsidir. 12 ha ərazini əhatə edən Səlbirdə qala divarları, demək olar ki, tamamiylə dağılmışdır. 20
Qala (Govurqala) hissəsi, əsasən, VI əsrdən başlayaraq XVII əsrə qədərki dövrü əhatə edən Orta əsr şəhəridir. Ərazisi, təqribən,13 ha-dır. Kamaltəpə şəhərin cənub darvazasının qarşısında yerləşən təbii təpəlikdi. Adını vaxtiylə bu təpədə təsərrüfat işləri ilə məşğul olan şəxsin adından almışdır. İslamın qəbulundan sonra şəhərin cümə məscidi məhz bu təpənin üzərində yerləşmişdir. Arxeoloqlar Kamaltəpədə bu məcidin qalıqlarını və müsəlman məzarlığı aşkar etmişlər. Bayır şəhər 1977-ci ildə Kamaltəpənin şimalında aşkar olunmuşdur.Bayır şəhər adını qala divarlarından kənarda yerləşdiyi üçün almışdır. Elmdə Bayır şəhər haqqında ilk məlumat rus arxeoloqu A.Yanovskiyə aiddir(XIX əsr). Bayır şəhər qaladan kənarda yerləşsə də evlərin cərgə ilə və sıx tikilməsi buranın kənd yox, şəhər olduğunu göstərir. 21
dağıdılan yastı təpələrin birindən külli miqdarda kirəmit və sütun qalıqları aşkar olunması arxeoloqların diqqətini buraya çəkmişdir. Arxeoloji tədqiqatlar zamanı burada sahəsi 587 m 2 olan iri bina, onun üst örtüyünü təşkil edən iri ölçülü kirəmitlər və s. maddi mədəniyyət nümunələri tədqiqatçılara buranın məbədlər sahəsi olduğunu deməyə əsas verir. Güllü Qoruq (Çaqqallı) Qəbələ şəhər xarabalığından 3-4 km Şərqdə yerləşir. İndi bu ərazi əkin sahəsidir. Əkin sahəsinə çevrilməzdən əvvəl isə burada qəbristanlıq, pir yeri və cır qızılgül kolları olmuşdur. Məhz buna görə əhali buranı Güllü Qoruq adlandırmışdır. 1959-cu ildə ərazidə təsərrüfat işləri aparılır və bu zaman 22
Qəbələdə aşkar olunmuş qəbir abidələri ə halinin dini dünyagörüşünün və dəfn adətlərinin müxtəlifliyini nümayiş etdirir. Burada torpaq, katakomba, xristian və müsəlman qəbirləri aşkar olunmuşdur. Bu tapıntılar, eyni zamanda, əhalinin dini dünyagörüşünün inkişaf xronologiyasını da izləməyə imkan verir. Həmçinin, burada müxtəlif gil qablar, zinət əşyaları, Roma, Parfiya, Albaniya və digər ölkələrin pulları da tapılmışdır. Bu, qədim Qəbələnin beynəlxalq ticarətdə çox mühüm rol oynadığını və o dövrün ən inkişaf etmiş şəhərləri ilə sıx iaqtisadi və ticari əlaqələrə malik olduğunu göstərir. 23
Cotaari məbədi. Bu məbəd Qəbələ rayonunun Nic kəndində yerləşir. Nic kəndinin əhalisini udilər təşkil edir. Qədim alban tayfalarından utilərin varisləri hesab olunan udilər Qafqaz dil ailəsinin ləzgi qrupuna daxil olan dildə danışırlar. Albanlar XIX əsrin I yarsina kimi öz kilsə quruluşlarını qoruyub saxlamışdılar. Alban kilsəsi 1836-cı ildə ləğv olunduqdan sonra udilərin bir hissəsi çar hökumətinin məqsədli siyasəti nəticəsində zorla qriqoryanlaşdırılsalar da, digər udilər (o cümlədən Niclilər) çətinliklə də olsa dinlərini və dillərini qoruya bilmişlər. Hal hazrda öz milli kimliklərini qoruyan niclilərin sayı on minə çatır. 24
Ölçülərinə görə o qədər də böyük olmayan Cotaari məbədi, 1723-cü ildə düzbucaqlı planda çay daşlarından tikilib. Lakin, tədqiqatçılar burada daha qədim dövrdə məbədin mövcud olduğunu və hazırki məbədin də onun bünövrəsi üzərində ucaldıldığını bildirirlər. Kilisədə bir çox dilə tərcümə olunmuş İncil var. Məbəddə kiçik zəng qülləsi və həyətində xaç suyuna salmaq üçün hovuzda inşa edilmişdir. Cotaari məbədi hal hazırda fəaliyyət göstərən nadir alban-xristian məbədidir. Müqəddəs Yelisey kilsəsi adlandırılan bu məbəddə alban-udi – xristian dini icması fəaliyyət göstərir. Məbəd 2002-ci ildə restavrasiya olunub. 25
Qax rayonu çinarlı kəndində yerləşən orta əsrlər qalasıdır.Qala 4 dairəvi bürc və tağ bənddən ibarət olmuşdur . Təbii təsirlər nəticəsində qalanın 3 bürcü uçmuş yalnız biri dövrümüzə qədər gəlib çatmışdır. Qalanın yaxınlığında köhnə kənd qəbristanlığı yerləşir.Tikilinin inşasında bişmiş kərpicdən, çay dşlarından və ə həng məhlulundan istifadə olunmuşdur. Hazırad Sırt qalası tarix- memarlıq abidəsi kimi dövlət tərəfindən mühafizə olunur. 26
Məbəd Qax rayonda, Qum kəndinin mərkəzində, kiçik dağ çayının sahilində yerləşir. VI əsrə aid olduğu güman edilir. Tetrakonx formasında tikilmiş bu bazilikanın uzunluğu 36,5 metr, eni 19,3 metrdir. Məbəd 3 tərəfdən eyvanla əhatələnib, içərisində 3 zal var. Məbədin 3 qapısı olmuşdur.Qapı üstləri yarımqövs şəkilli tağlarla bəzədilmişdir. Qum məbədinin tikintisində əsasən yonulmuş çay daşından istifadə olunmuşdur. Son illər konservasiya edilmiş məbəd Alban abidələrinə aid edilir. Daxili həcmi dördbucaq formalı ibadət zalı (36,5x19,3 m) təşkil edir. İki cüt «T»-şəkilli sütünlar və bir cüt pilastrlar zalı üç nefə bölür. Mərkəzi nef təxminən üç dəfə başqalarından genişdir və o, nalşəkilli apsida ilə tamamlanır. 27
Məbədə konstruktiv möhkəmlik vermək məqsədilə sütunlar, tağlar məbədin küncləri və bəzi memarlıq elementləri bişmiş kərpicdən inşa edilmişdir.V əsr alban memarlığının nadir incilərindən olan məbəddə aydın planlaşdırma və səliqəli konstruksiyalar diqqəti cəlb edir. Bu möhtəşəm məbəddən dövrümüzə yalnız onun ümumi həcmi və dam örüyünün bəzi hissələri gəlib çatmışdır. Sütunların ayırdığı mərkəz hissə daha hündür, sütunların yan tərəfindəki hissələr isə alçaqdır. Yan neflərin axırında isə kvadrat sövməələr var. Əsas binanın üç tərəfində qalereya olmuşdur. Divarlar göy və tünd yaşıl rəngə çalan çay daşlarından tikilib. 28
Qax rayonunun Ləkit Kötüklü kəndi ə razisində yerləşən "Yeddi kilsə" adlı möhtəşəm alban monastır kompleksi . Bu məbəd uzun müddət aftokefal alban kilsəsi yepiskopluğunun mərkəzi olmuşdur. Məhz bununla əlaqədar olaraq bu ərazilər “Kax”- yəni, dini mərkəz adlandırılmışdır. Bu məbədin tarixi Xristianlığın Albaniyada yayıldığı ilkin dövrlərə gedib çıxır . Məbəd kompleksinin III Mömin Vaçaqanın hakimiyyəti illərində (487- 510) inşa olunduğu güman olunur. Bu dövrdə Qafqaz albaniyasında xristianlığın inkişafı geniş vüsət almışdır. 29
“Yeddi kilsə” memarlıq kompleksi Qafqaz Albaniyası dövrünün abidələri içərisində öz orjinallığına görə fərqlənir. Kompleksə ümumilikdə 9 abidə daxildir. Bunlardan yeddisi kilsə , rahiblərin və qonaqların qalması üçün nəzərdə tutulmuş hücrələr, həmçinin zəng və keşikçi qüllələridir. Kompleksə daxil olan baş kilsə böyük və üçnefli, digər kilsələr isə birneflidir. Kompeksə daxil olan bütün binalar bazailika formasında inşa olunmuşdur. Ərazidən tapılmış kirəmit parçaları və binaların salamat qalmış dam hissəsi kilsələrin damını örtmək üçün qırmızı kirəmitdən istifadə edildiyini göstərir. 30
Yaxınlıqdakı dağda burada yaşayan rahiblərin təhlükəsizliyini təmin etmək məqsədi ilə inşa olunmuş qala divarlarının qalıqları müşahidə olunur. Elm və təhsil mərkəzi olan, həmçinin öz təsərrüfatı olan monastırın çox geniş torpaq sahələri olmuşdur. Yeddi kilsə monastrının məbədlərdən bir qədər aralıda yerləşən giriş darvazası da qalmaqdadır. Yerli əhali arasında Yeddi Kilsə monastır kompleksi ilə bağlı bir sıra əfsanələr dolaşmaqdadır. Bu əfsanələrdən birinə görə bu məbəddə vaxtiylə Atillanın 4 nəvəsi Romalılardan gizlənmişdir ki, məbədin ə trafındakı qala divarları da məhz onları qorumaq üçün inşa olunmuşdur. 31
Əfsanənin digər versiyasında isə məbəd ə razisində Atillanın nəvələrinin dəfn olunduğu və monastrın onların xatirələrini əbədiləşdirmək məqsədi ilə inşa olunduğu qeyd olunur. Lakin bu ə fsanələrin həqiqət olduğunu təsdiqləyən heç bir yazılı mənbə yoxdur.
yayıldığı ilkin dövrlərin abidəsi olan Yeddi Kilsə monastır kompleksi, həmçinin bu cür müdafiə sisteminə malik yeganə alban məbədi olması ilə də seçilir. Bundan başqa, məbəd ölkəmizin şimal-qərb bölgəsində yerləşən ən böyük alban məbədi hesab olunur. 32
Zaqatala şəhərində yerləşən qədim Alban məbədidir. IV-V əsrlərə aid edilən məbəd öz ölçülərinə və memarlıq üslubuna görə həmdövr olduğu məbədlərdən fərqlənir. Lakin, məbəddəki bir sıra elementlərin sonradan əlavə edilməsi məlumdur. Qırmızı kərpicdən inşa olunmuş məbədin geniş sütunlu zalı zəng qülləsi ilə tamamlanır. Məbədin inşasında şərq memarlığı elementlərindən geniş istifadə olunmuşdur. Məbədin bayır divarlarındakı səkkizgüşəli xaçlar diqqəti daha çox cəlb edir. 33
Alban katolikosluğu ləğv olunduqdan sonra (1836) digər Alban məbədləri kimi Zaqatala kilsəsinin də taleyi ürəkaçan olmadı. Bu məbəd də ermənilərin ixtiyarına keçdi. Sovet hakimiyyəti dövründə isə məbədi vəziyyəti daha acınacaqlı olmuşdur. Şəhərin yaşlı sakinlərinin məlumatına görə, sovet hakimiyyəti illərində ermənilər məbədi yaşayış binası kimi istifadə etmişlər. Məbəddə bu faktın izləri aydınca sezilir. Belə ki, məbədin divarları boyanmış, zal üç mərtəbəyə ayrılmışdır. Sonradan məbəddə yanğın baş vermişdir. Hal-hazırda məbəd baxımsız vəziyyətdədir. 34
Qüllə Balakən rayonu Katex kəndində yerləşir. Ə sası daha uzaq keçmişdə qoyulmasıa da ə həmiyyətiniXVII əsrədək qorumuşdur.Ölkənin müdafiə sisteminə daxil olan qüllə müşahidə funksiyasını yerinə yetirmişdir. Qüllənin hündürlüyü 13-15 metrə çatır. Çay daşlarından inşa edilmiş qüllənin divarları çöl tərəfdən suvanmışdır. Dörd mərtəbədən ibarət olan tikilidə qatlar taxta döşəmə tirləri ilə ayrılmışdır. Döşəmələr dağılsa da tirləri yerləşdirmək üçün nəzərdə tutulan oyuqlar qalmaqdadır. Yuxari hissəsində və eyni zamanda bütün mərtəbələrdə əsgərlərin ə trafı müşahidə edə bilməsi üçün nəzərdə tutulmuş yerlər düzəldilmişdir. Qüllənin divarları dövrümüzə demək olar ki, tam şəkildə gəlib çatmışdır. 35
Balakən rayonu ərazisində yerləşən alban məbədlərinin sayına görə çox zəngindir. Strabon öz əsərində bu əraziləri “məbədlər diyarı” adlandırır. Bu ərazidə yerləşən alban məbədlərindən biri də, Balakən rayonunun Talalar kəndi ərazisində yerləşir. Yerli əhali bu məbədi “Nur kilsəsi” adlandırır. Məbəd iki hissədən: giriş hissə və ibadət zalından ibarətdir. Məbədin ümumi uzunluğu 15m, giriş hissənin hündürlüyü isə 7,6 m-dir. Giriş hissəsi altıbucaqlı şəklindədir. İki nəhəng sütun üzərində inşa edilmiş bu hissə ibadət zalının giriş qapısındakı tağa birləşdirilmişdir. Məbədin giriş hissəinin sonradan inşa edildiyi aydınca sezilir. 36
Ümumiyyətlə, məbəd xristianlıqdan ə vvəlki dövrə aiddir. Antik yunan coğrafiyaşunası Strabon yazır ki, bu ə razilərdə daha çox ay ilahəsi Selenaya sitayiş olunur. Məbədin ətrafında tapılmış saxsı nümunələri üzərindəki ay və günəş təsvirləri vardır. Bu məbədin əvvəllər göy cisimlərinə tapınanların məbədi olduğunu sübut edir.Çox güman ki, giriş hissə də məbədə məhz xristianlığın qəbulundan sonra əlavə edilib və eyni zamanda zəng qülləsi funksiyasını da icra etmişdir. Məbədin hazırki vəziyyəti heç də ürəkaçan deyil. Məbəd yarıuçuq vəziyyətdədir. 37
Qafqaz Albaniyası dövrünə aid müşahidə qülləsidir. Abidə Qafqaz Albaniyasının süqutundan sonra da uzun müddət praktik məqsədlərlə istifadə olunmuşdur. Qüllənin hündür təpə üzərində və yol kənarında inşa edilməsi onun ölkənin müdafiə sisteminə daxil olan müşahidə xarakterli bir tikili olduğunu sübut edir. Qüllənin Qara çayın sahilində yerləşməsi, onun həm də karvan yollarını müdafiə etmək funksiyasını daşıdığını göstərir Qüllənin orjinal şəkildə hündürlüyü 13-15 metr olmuşdur ki, buda uzaq məsafəni daha yaxş müşahidə etməyə imkan verir. Qüllə alban memarlıq üslubunu ozündə əks etdirir. Tikintisində çay dşlarından və əhəng məhlulundan istifadə edilmişdir. Qüllə uzun muddət diqqətdən kənarda qalmış və günümüzə sadəcə hündürlüyü 2,5-3 m olan qalıqları gəlib çatmışdır. 38
“Bakı Gənclər Klubu” İctimai Birliyi 29 yanvar 1994-cü ildə təsis olunmuş və həmin il mayın 4-də Ədliyyə Nazirliyi tərəfindən qeydiyyata alınmışdır. Birlik Azərbaycan Respublikasının Gənclər Təşkilatlarının Milli Şurası (ARGTMŞ) və “GUAM Dövlətləri Gənclər Təşkilatlarının Forumu”nun təsisçisi və fəal üzvüdür. Birliyin məqsədi yaradıcı gənclər arasında əlaqələrin inkişafına kömək etməkdən ibarətdir. Birlik məqsədlərinə çatmaq üçün öz üzərinə bir sıra vəzifələr götürür: gənclər arasında milli-mənəvi dəyərlərimizi təbliğ etmək; vətənpərvərlik ruhunun yüksəltmək; gənclərin elm və təhsilə marağını artırmaq; Azərbaycan həqiqətlərinin dünya ictimaiyyətinə çatdırılması işinə gəncləri cəlb etmək və s. Bu məqsədi əsas götürərək “Bakı Gənclər Klubu” İB yarandığı gündən bir sıra layihələr həyata keçirmişdir. Bu layihələrdən biri də,“Bakı Gənclər Klubu”İctimai Birliyinin gəncləri alban tarixi ilə daha yaxından tanış etmək və tarixi abidələrimizin mühafizəsinə diqqəti artırmaq məqsədiylə, Azərbaycan Respublikasının Gənclər və İdman Nazirliyinin dəstəyi ilə respublikamızın şimal-qərb regionunda həyata keçirdiyi “Tariximizi öyrənək, irsimizi qoruyaq!” adlı layihəsidir. Bu layihə çərçivəsində, bir qrup gənc həmin regionda yerləşən, Qafqaz Albaniyası dövrünə aid olan tarixi abidələrlə və Albaniyanın tarixi irsi ilə tanış olmuşlar. Layihə iştirakçıları öyrəndikləri məlumatları bu kitabça vasitəsi ilə, digər həmyaşıdları və Qafqaz Albaniyasının tarixi ilə maraqlanan hər kəslə bölüşmək niyyətindədirlər. S. Rüstəm 7, AZ 1014 Tel:+994(12) 408 98 45 Fax:+994(12)441 16 27 www.facebook.com/ “Bakı Gənclər Klubu” İctimai Birliyi e-mail: bgk-1994@bgk.az Yüklə 142,4 Kb. Dostları ilə paylaş:
|