Abş-ın Azərbaycan Respublikasındakı Səfirliyi Müvəqqəti işlər vəkili Derek Hoqan
Yüklə 13,46 Kb. Pdf görüntüsü
|
- Bu səhifədəki naviqasiya:
- “Park İnn” Hoteli, Bakı, Azərbaycan 11 dekabr, 2013-cü il Müvəqqəti işlər vəkili Hoqan
| STENOQRAM ABŞ-ın Azərbaycan Respublikasındakı Səfirliyi Müvəqqəti işlər vəkili Derek Hoqan Açılış nitqi Azərbaycanda İnsan Hüquqları Forumu “Park İnn” Hoteli, Bakı, Azərbaycan 11 dekabr, 2013-cü il
Hüquqları Günü münasibətilə təşkil olunmuş bu tədbirdə sizlərlə birlikdə iştirak etmək mənim üçün şərəfdir. Bu önəmli tədbiri təşkil etdiklərinə görə mən Reportyorların Azadlığı və Təhlükəsizliyi İnstitutuna, Beynəlxalq Media Dəstəyi təşkilatına, Britaniya Səfirliyinə və digərlərinə təşəkkürümü bildirmək istəyirəm. Hər il biz BMT-in Baş Assambleyası tərəfindən 1948-ci ildə qəbul edilmiş İnsan Hüquqları üzrə Beynəlxalq Konvensiyasını qeyd edirik. Həmin dövrdə BMT bizim hər birimiz üçün daha yaxşı bir dünya təsvir etmişdir və bu sənəd bütün xalqlar və bütün dövlətlər üçün ümumi nailiyyət standartı olaraq qalmışdır.
Birləşmiş Ştatlar, İnsan Hüquqları üzrə Beynəlxalq Konvensiyada əks olunmuş əsas prinsipləri tam şəkildə dəstəkləyir, yəni hər hansı əlamətindən, irqindən, rəngindən, cinsindən, dilindən, dinindən və yaxud siyasi və ya digər düşüncələrindən asılı olmayaraq hər bir kəsin müəyyən hüquq və azadlıqlara malik olduğunu qəbul edir. Bu hüquqlara hörmət uzun müddət ABŞ-ın bütün dünyada, o cümlədən Azərbaycanda həyata keçirdiyi xarici siyasətin bir sütunu olmuşdur.
Keçmiş Dövlət Katibi Hillari Klinton 2012-ci ildə Bakıya səfəri zamanı qeyd etdiyi kimi bizim ən yaxın qarşılıqlı əlaqələrimiz öz vətəndaşlarının bütün insan hüquqlarına hörmət edən demokratik dövlətlərlədir. Bugünkü dünyanın artan mürəkkəb çətinlikləri ilə mübarizə aparmaq üçün biz güclü tərəfdaşlarımızın olmasını istəyirik və onlara ehtiyacımız vardır və güclü demokratik dövlətlər bizim ən güclü tərəfdaşlarımızdır.
STENOQRAM Bizim düşüncələrimizə görə demokratiya fərdlərə imkan və azadlığın təmin olunması baxımından hər hansı digər idarəçilik sistemindən daha yaxşıdır.
Birləşmiş Ştatlar hesab edir ki, Azərbaycanın gələcək çiçəklənməsi və sabitliyi insan haqlarına hörmətin gücləndirilməsi və demokratik islahatların tərəqqisi vasitəsilə ən yaxşı formada təmin edilə bilər.
Digər azadlıqlarla bərabər biz Azərbaycan hökumətinə ifadə, sərbəst toplaşma və birləşmə azadlıqlarını təmin etməyi tövsiyə edirik. Biz eyni zamanda müvafiq mühakimə proseduruna və ədalətli məhkəmə mühakiməsinə, media plüralizminə, rəy və informasiyaya sərbəst çıxış imkanlarına olan ehtiyacı da, vurğulayırıq. Biz bu sahədə daha çox işlərin həyata keçirilməsini tövsiyə edirik, çünki biz hesab edirik ki, bu cür hüquq və azadlıqlar demokratiyanın sütunlarıdır və Azərbaycanın dostu olaraq biz, onun malik olduğu böyük potensialı reallaşdırmasını istəyirik.
Heç şübhəsiz ki, biz başlıca insan haqlarına hörmət edilən, qorxudan azad bir mühit yaradırıqsa və həlledici məsələlərlə bağlı məqsədyönlü, yetkin və ictimai müzakirələrin aparılmasına sadiqlik nümayiş etdiririksə bu halda bizim cəmiyyətlərimiz daha da güclənir.
Biz hesab edirik ki, insan haqlarına hörmət və əsaslı narahatlıqların müzakirəsində hökumətin vətəndaşlarla, xüsusilə gənclərlə birgə iştirakı hökumətlərin özlərinin uzun-müddətli sabitliklərini qoruyub saxlaması baxımından ən yaxşı və ən effektiv yoldur.
Mən Birləşmiş Ştatların Azərbaycanda insan haqları və demokratiyada maraqlı olduğunu bir daha bəyan etmək istəyirəm. Biz, hamı tərəfindən qəbul olunan insan haqlarına hörmət edilməsinin gücləndirilməsi və bu hüquqlardan istifadə etdiklərinə görə insanların cəzalandırılmaması üçün hökumət, vətəndaş cəmiyyəti və media ilə əməkdaşlığımızı davam etdirəcəyik.
Biz bunu ona görə edirik ki, biz Azərbaycanın müstəqil və çiçəklənən Azərbaycana çevrilməsi istiqamətindəki baxışlarına kömək etmək istəyirik.
Yüklə 13,46 Kb. Dostları ilə paylaş:
|