26 may 2017-ci il, cümə
6
(əvvəli qəzetimizin 25 may tarixli
nömrəsində)
– 28 il əvvəl vida etdiyiniz mülki
həyatınıza qayıtdınız. Baxmayaraq
ki, təqaüdçü idiniz, amma 46 yaşında
işləməmək də olmazdı. Özünüz də ali
təhsilli hüquqşünas. Yəqin ki, iş axtardı-
nız?
– Təbii ki, mülki həyatda
işləməliydim. Mərkəzi Komitənin ka-
tibi vardı – İsa Məmmədov. Vaxtilə
Lənkəranda keçmiş 1-ci katib olmuşdu.
Oradan məni tanıyırdı. Getdim qəbuluna.
Həmin gün də məni qəbul elədi. Özü
də ki, hələ onda tam ehtiyata çıxma-
mışdım. Sənədlərim hazırlanırdı. İsa
müəllimlə söhbət elədim, gələcəkdə
işləmək istədiyimi dedim ona. O mənə
təklif etdi ki, gəl səni Azərbaycan Dövlət
Təhlükəsizlik Komitəsinə işə götürək.
Mən də cavab verdim ki, əgər KQB-də
işləsəm, 50 yaşım yaxınlaşır, 3-4 ildən
sonra yenidən mülki iş axtarmalıyam. Elə
bəri başdan işimi ehtiyatlı görüm də...
Onda mənə dedi ki, get işini həll elə, tam
tərxis ol, sonra gəl yanıma iş məsələsini
həll edərəm.
Mən elə də etdim. Mülki şəxs kimi
gəldim yanına. O da Mərkəzi Komitənin
inzibati şöbəsinin müdiri Sabir Hüseynovu
çağırdı kabinetinə. Onun qardaşı o dövrdə
Azərbaycan DTK-sında sədr müavini idi –
general-mayor Bahadur Hüseynov. Oradan
məni göndərdilər Ədliyyə Nazirliyinə,
hüquqşünas olduğuma görə. Bu minvalla
orada müxtəlif vəzifələrdə 10 ildən çox
işlədim...
– Və 1994-cü ildə birdən-birə Prezi-
dent Heydər Əliyevin sərəncamı ilə təyin
olundunuz milli təhlükəsizlik nazirinin
müavini və Sərhəd Qoşunlarının koman-
danı. Mən “birdən-birə” dedim. Amma
inanmıram ki, belə asan olub. O günləri
də xatırlayaq.
– Hələ Prezident Elçibəyin vaxtın-
da MTN-in nazir müavini olan Namiq
Abbasov məni dəvət elədi. Onda Ədliyyə
Nazirliyi sistemində işləyirdim. Mən
o vaxtadək Namiq Abbasovu bir dəfə
görmüşdüm – Lənkəranda çay içmişdik.
Məni çağırdı. Xidmət həyatımla maraq-
landı. Mən də tərcümeyi-halımı danışdım.
Ayrılanda dedi ki, bir də çağıracağam
səni. Bir müddətdən sonra bir də çağır-
dı məni. Bir az söhbətdən sonra mənə
dedi ki, elə bil müstəqil Azərbaycanın
sərhədlərinin qorunmasını sənə tapşırıblar,
get bir plan yaz gətir: Necə qoruyacaqsan
onu? Bir də onu dedi ki, köhnə kadrlardan
– kim ki, qulluq edib sərhəd qoşunlarında
çıxıblar ehtiyata – kimi tanıyırsan, kimi
qaytarmaq olar? Onların da siyahısı-
nı yaz gətir. Mən də gəldim, bildiyim
kimi yazdım. Azərbaycanın cənubunda
sərhəd qurulub, hazırdır. Zastavalar var.
Amma şimalda, Gürcüstanla sərhəddə
heç bir şey yoxdur. Bunların hamısı-
nı necə düzəltmək, necə quraşdırmaq
olar – öz mülahizələrimi yazdım verdim
ona. Zabitlərdən də kimi qaytarmaq olar,
onların da siyahısını yazıb verdim. Sonra
da yazdım ki, polkovnik İnayət Xəlilov
əvvəlcə sərhədçi olub, sonra Ləkəranda,
daha sonra Naxçıvanda DTK-nın sədri
olub. Onu da qaytaraq. Demə, Namiq
Abbasov məndən qabaq İnayəti yaxşı
tanıyırmış və görüb ki, mən verdiyim
siyahıda hamısı müsbət kadrdır. Üçüncü
dəfə də məni çağırdı, dedi ki, mənə tap-
şırıq verilib ki, Sərhəd Qoşunlarına bir ko-
mandan tapım. Mən sənin namizədliyini
verəcəm. Amma bilmirəm keçəcəksən,
ya yox. Dedim ki, Namiq müəllim, mən
keçməyəcəyəm. Namizədliyimi vermə.
İmkan verməyəcəklər. Xülasə, nəticə mən
deyən oldu, keçmədim.
Heydər Əliyev hakimiyyətə
qayıtdıqdan sonra general-mayor Mustafa
Nəsirov gəldi mənim iş yerimə – Ədliyyə
Nazirliyinə. Dedi ki, Heydər Əliyev
tapşırıq verib ki, Sərhəd Qoşunlarına ko-
mandan tapın. Mənə də bu vəzifəni həvalə
ediblər ona görə ki, mən sərhədçiləri yaxşı
tanıyıram. Mən də MTN nazirinə dedim
ki, Novruzovdan başqasının namizədliyini
təklif edə bilmərəm. Mustafa müəllim
mənim razılığımı istədi. Sonra məni
Dövlət katibi Lalə Şövkət-Hacıyeva qəbul
etdi. Təbrik elədi məni kabinetində. Ondan
üç ay sonra təyinatım barədə prezident
sərəncamı elan olundu. Ulu öndər Na-
miq Abbasovdan soruşmuşdu ki, axı bu
Novruzov kimdir? Namiq müəllim də
demişdi ki, bəs Elçibəy də o vaxt məndən
namizəd istəmişdi, mən Novruzovun adını
vermişdim. Bax, ondan sonra mənim
təyinatım oldu. Bir ay 15 gündən sonra isə
mənə general-mayor rütbəsi verildi. Mənə,
nazirə və Namiq Abbasova. Təqribən 8 il
komandan oldum.
Komandanlıq dövrü ilə bağlı daha
sual vermirəm. Çox yaxın keçmişimizdir.
Yəqin ki, “məxfi” qrifinin mürəkkəbi hələ
qurumayıb.
– Sovet dövründə işləyəndə zastavaları
gəzib görürdüm ki, yaxşı qayda-qanun, ni-
zam-intizam var. Düşünürdüm ki, görəsən
azərbaycanlılar burada zabit vəzifəsində
olsalar, yenədəmi belə qayda-qanun
olar. Artıq mən komandan vəzifəsindən
gedəndə deyirdim ki, ovaxtkından da
gözəl qayda-qanun var.
Yetirmələrini xəbər alıram. Özünü
qiymətləndirib irəli çəkən dövr və insan-
lar olub. Bəs o? O vaxt ona edilən yax-
şılıqlardan özü kimə edib? Özü kimləri
qiymətləndirib?
– Sovet dövründə kəşfiyyat şöbəsinin
rəisi işləyəndə, başqa millətdən olan bir
nəfəri götürdüm əməliyyat işinə. Cid-
di oğlan idi, əla da işlədi, vəzifədə irəli
çəkdik onu. Sonra da xidmətini Rusiyanın
Sərhəd Qoşunlarında davam etdirdi. Mən
Sərhəd Qoşunlarına komandan gələndə
sərhədyanı ölkələrin nümayəndələri ilə
görüşlər keçirilirdi. Həmin adam da rəhbər
vəzifədə idi. Sonralar bizə çox köməyi
oldu.
Mən komandan təyin olunanda kadr
məsələsi çox aşağı səviyyədə idi. Bizim
azərbaycanlılar orduda az qulluq edirdilər,
ruslar da çıxıb getmişdilər. Zabitləri
də getmişdi, ikisi qalmışdı. Bizdə kadr
çatışmazlığı vardı. Xüsusilə də rəhbər
vəzifələrə. Onda mən diqqət
yetirdim indiki müdafiə
naziri Zakir Həsənova. O
vaxt Sərhəd Qoşunlarında
çağırışla məşğul olurdu.
Zakirdə hərbi bacarıq
gördüm. Götürüb şəxsi
işini oxudum. Gördüm ki,
Naxçıvanski adına məktəbi
bitirib. Sonra Bakı Ali Hərbi
Məktəbini. Almaniyada
sovet qoşunlarında xidmət
edib. Və qısa müddətdə
də böyük vəzifəyə təyin
olunub. Sonra bunu birdən
göndəriblər Rusiyanın Altay
diyarına – diyarın Hərbi
Komissarı. Fikirləşdim ki,
yaxşı işləyəndi ki, ruslar
onu irəli çəkiblər. Onu
çağırdım. Dedim ki, Zakir,
çağırış şöbəsi sənin yerin
deyil. Gedirsən Sərhəd
Qoşunlarına Qərargah
rəisinin müavini. Qərargah
rəisinin müavini kimi
yaxşı da işlədi. Onu sonra
göndərdik Göytəpə Sərhəd
Dəstəsinə komandir. Sərhəd
Qoşunlarının ən ağır dəstəsi.
Gedəndə dedim ki, ağır
dəstədir, mühəndis-texniki
qurğuları sıradan çıxıb. Dağlı-dərəli
sahələr çoxdur. Orda qaçaqmalçılıq da
olacaq, sərhəd pozucusu da. O da getdi,
yaxşı da işlədi. Bir müddətdən sonra onu
gətirdim Sərhəd Qoşunları komandanının
köməkçisi vəzifəsinə. Ondan sonra ki,
mən ərizə yazdım, səhhətimə görə işdən
azad edildim.
Məndən sonra Elçin Quliyev gəldi
o vəzifəyə. Elə o vaxtlar Azərbaycanda
Daxili Qoşunlara komandan lazım oldu.
Prezident Heydər Əliyev demişdi ki,
mənə iki nəfərin təqdimatını verin – ikisi
də olsun SQ-dən. Mən onda Elçinin baş
müşaviri idim. Zakirin namizədliyi keçdi
və DQ-yə komandan təyin olundu.
Sərhəd Qoşunları komandanı, gene-
ral-polkovnik Elçin Quliyev. Biz şimal
üzrə sərhəd dəstəsi yaradanda dəstə rəisi
vəzifəsinə Elçin Quliyevin namizədliyini
təklif elədim. Çünki işgüzar idi, ni-
zam-intizamı ilə digərlərindən seçilirdi.
Ezamiyyətlərə gedəndə nümayəndə
heyətinin tərkibində onu da aparırdım.
Amma sonradan söhbət düşəndə ki, mən
ərizə yazıb gedirəm, təklifin nədir? Birinci
təklifim Elçin Quliyev oldu. Başqaları-
nın da təklifləri vardı. Amma sonra yenə
mənimlə məsləhət edəndə, dedim ki,
yalnız onu məsləhət bilirəm.
General-mayor Arzu Rəhimov. Res-
publikanın Hərbi komissarı, Miqrasiya
Xidmətinin ilk rəhbəri. Hərbi məktəbi
bitirmişdi. Bir dəfə Naxçıvan sərhəd
dəstəsində olanda o da diqqətimi çəkdi.
Onu dəstədə əvvəlcə qərargah rəisinin
müavini, sonra qərargah rəisi, oradan da
gətirdim Horadiz sərhəd dəstəsinə rəis
təyin elədim.
General-mayor İskəndər Allahverdi-
yev və polkovnik Rasim Canməmmədov.
Mən hələ Lənkəranda kəşfiyyat şöbəsində
kiçik zabit vəzifəsində olanda mənə
tapşırıq vermişdilər ki, yerli uşaqlardan
tap götürək sərhədə – əməliyyat işinə.
Lerikdən olan Rasim Canməmmədovun
üstündə dayandım. Gördüm ki, ədəbiyyatı
gözəl bilir, farsca da bilir. Götürdüm onu
işə. Bacanağı İskəndər Allahverdiyevlə,
indi general-mayordur, birlikdə işlədi.
İki bacanaq idilər. Məndən soruşurdular
ki, necə olur ki, iki qohumu əməliyyat
işində istifadə edirsən. Mən də cavab
verirdim ki, onlara inanıram. Sonra Rasim
Canməmmədov Sərhəd Dəstəsinin rəisi,
polkovnik, İskəndər Allahverdiyev Sərhəd
Qoşunlarının da komandanı və general-
mayor oldu.
Elçin İbrahimov – Hazırda kadr-
lar idarəsinin rəisi, general-mayordur.
Məktəbi qızıl medalla, BDU-nun hüquq
fakültəsini fərqlənmə diplomu ilə bitirmiş-
di. Onu xidmətə götürdüm. Elçin Quli-
yevin dövründə də inkişaf yolunu davam
etdirdi.
Çoxdu qiymətləndirib, irəli çəkdiyim
bu cür kadrlar. Və onların hamısı ilə fəxr
edirəm.
– Bir komandan kimi xələfiniz Elçin
Quliyevin işindən razısınızmı?
– Elçin Quliyevin işindən çox ra-
zıyam. Sərhəddə komandan olasan və
deyəsən ki, məndə hər şey əladır, müm-
kün deyil. Elçin Quliyev yaxşı işləyir.
Mən işlədiyim dövrlə indiki dövr arasın-
da da yerlə-göy qədər fərq var. Mənim
dövrümdə Şimal və Gürcüstan sərhədlərini
qəbul elədik. Amma dövlətin imkanı
yox idi ki, gedim orda zastava, otryad,
komendatura tikim. Gedirdik icra başçıları
ilə gəzirdik, harada yaşayış olmayan bina
vardısa, təmir edib zastava yaradırdıq. Bu
gün isə Şimal sərhədində bütün zastavalar
təzə tikilib. Nizam-intizam, qayda-qanun
var. Yüksək səviyyədə”.
– Beləcə, bütün suallarıma cavab
alıram. Amma suallarım tükənməyib.
İstədim ki, müsahibənin sonunda bir
komandan kimi də 8 illik fəaliyyətinə də
özü yekun vursun.
– Mən Sərhəd Qoşunlarına komandan
təyin olunanda vəziyyət çox ağır idi. İlk
növbədə sərhəddə ciddi qaçaqmalçılıq
halları vardı. Şəxsi heyətdə belə bir fikir
yaranmışdı ki, biz bu gün əlimizdə olan
vəsaitlə sərhədi lazımi səviyyədə qoru-
ya bilmərik. Qaçaqmalçılıqla məşğul
olanlarda, yerli əhalidə, həm bizdə,
həm də İranda, belə fikir yaranıb ki,
Azərbaycan-İran sərhədini harada istəsən,
nə vaxt istəsən poza bilərsən. Bax, bu
psixologiyanı həm əsgərlər arasında, həm
yerli camaatda qırmaq lazım idi. Yəni,
göstərməliydik ki, biz bu gün əlimizdə
olan vəsaitlə sərhədi yaxşı qoruya bilərik.
Biz buna qısa vaxtda nail olduq.
Azərbaycanda Sərhəd Qoşunları
yaranan dövrdə kadrlar olmadığına görə
yerli əhalinin bir qismi Sərhəd Qoşunla-
rına işə düzəlmişdi. Çoxları da can atırdı.
Bunların iki məqsədi vardı: Birincisi,
Dağlıq Qarabağda gedən müharibədən
yayınmaq. İkincisi, dövlət sərhədində
qulluq eləyərkən qaçaqmalçılıqla məşğul
olub qazanmaq. Ən ağır məsələ bu, idi,
bunun qabağını almaq lazım idi. Mənim
üçün ən vacibi onlardan təmizlənmək idi.
Sərhəddə dövlətə layiq adamlar qulluq
eləməliydilər. Buna da nail ola bildik.
İkinci məsələ: Kadr məsələlərinin
həlli. Kadr çatışmırdı. Hamımız bilirik ki,
sovet dönəmində azərbaycanlıların ordu-
ya getmək fikirləri çox aşağı səviyyədə
idi. Azərbaycan müstəqillik qazananda
respublikanın Sərhəd Qoşunlarında
qulluq edənlərin əksəriyyəti ruslar idi.
Onlar Azərbaycanı tərk elədilər. Amma
sərhədi qorumaq lazım idi axı. Zabit
kadrları kəskin çatışmırdı. Nə elədik
biz? Tusi adına Azərbaycan Pedaqoji
Universitetində orta məktəblər üçün
hərbi müəllim hazırlayan fakültə vardı.
Heç olmasa, onların hərbidən bilikləri
vardı. Getdik həmin fakültənin tələbələri
ilə söhbət apardıq. Onlara başa saldıq
vəziyyəti. Onlara aydınlaşdırdıq ki, əgər
Sərhəd Qoşunlarına gəlsələr nə qazana-
caqlar və nəyi itirəcəklər. Heç olmasa,
aylıq maaşlarını vaxtında alacaqlar. O
vaxt iqtisadi vəziyyət çətin idi. Camaatın
maaşı aylarla gecikdirilirdi. Perspektivləri
izah elədik. Dedik ki, müəllim yox, zabit
olacaqsınız. Bizə inanlar çox oldu. Bir
müddətdən sonra onlardan 15-20 nəfər
gəldi və sərhəd məntəqələrində işə baş-
ladı.
İkincisi, Bakı Ali Hərbi Məktəbində
sərhədçilər fakültəsi vardı. 20-30 nəfər
zabit hazırlayırdı. Kovalyov rəhbərlik
edirdi. Onun iştirakı ilə 3-cü kurs
müdavimlərinin qarşısında çıxış etdim.
Dedim ki, sizə böyük ehtiyacımız var.
İndi 3-cü kursdasınız. Gedirsiz bir il
sərhəd məntəqələrində zabit vəzifəsində
qulluq edirsiz, sərhədi qoruyursuz, bir
ildən sonra gəlirsiniz ekstern yolu ilə
imtahan verirsiniz. Leytenant rütbəsi
alırsınız, ali məktəbi qurtarmış olursunuz.
Kovalyov dedi ki, mən buna razıyam.
Amma Prezident Aparatından razılıq
almalısınız. Bir 25-30 nəfər də ordan gö-
türdük. Bax, götürdüyümüz kursantların
içərisindən bu gün general-mayor, Sərhəd
Qoşunları Akademiyasının rəhbəri Elşən
Verdiyev də var idi.
Üçüncü əsas vəzifə, rusları inan-
dırmaq lazım idi ki, Azərbaycan
Sərhəd Qoşunları öz sərhədlərini
lazımi səviyyədə qorumağa qadir-
dir. Bunun üçün bizə bir az kömək
lazımdır. Texnika və hərbi sursat-
la. O zaman Azərbaycan yeganə
dövlət idi ki, öz sərhədlərini özü
qoruyurdu. Ermənistanın, Gürcüsta-
nın, Özbəkistanın, Türkmənistanın
sərhədlərini rus sərhədçiləri qoruyur-
dular. Ruslar bu amildən istifadə edib
bizə sübut etmək istəyirdilər ki, biz
sərhədlərimizi qorumağa qadir deyilik.
Rusların bu psixologiyasını pozmaq
lazım idi. Prezident Heydər Əliyev bu
tapşırıqları bizim qarşımızda qoymuşdu.
Azərbaycanın görkəmli dövlət xadimi,
Azərbaycanı hər cəhətdən yüksəklərə
qaldıran o dahi insanın bir sözü mənə
bəs idi: “Öz sərhədlərimizi özümüz
qorumalıyıq. Çətin olacaq. Amma bacar-
malıyıq bunu”.
Dördüncü məsələ: Axı sovet
dövründə sərhədimiz yalnız İran və
Türkiyə ilə idi. Amma müstəqillik qaza-
nandan sonra Azərbaycanın sərhədləri
Rusiyayla vardı, Gürcüstanla vardı,
Ermənistanla vardı. Bu sərhədləri
mühafizəyə götürmək lazım idi. İqtisa-
di vəziyyət də çox ağır idi. Bu işə isə
külli miqdarda pul lazım idi. Biz daxili
imkanlar hesabına Rusiya və Gürcüstanla
olan sərhədləri götürdük mühafizəyə.
Bəlkə də bugünkü kimi mühafizə edə
bilmirdik. Komendatura, zastavalar
tikmək lazım idi. Şəmkir, Xudat, Zaqatala
sərhəd dəstələrini, Şəki kommendatura-
sını yaratdıq. Və sərhədləri qoruyurduq.
Deyə bilmərəm ki, lazımi səviyyədə,
çünki imkan yox idi. Amma bu günləri
bütün bu ərazilərdə sərhəd zastavaları
tikilib. Dövlətimiz iqtisadi cəhətdən
gücləndiyinə görə lazımi qədər pul ayırır
bu işlərə. Bu yaxında Sərhəd Qoşun-
ları komandanı Elçin Quliyev dedi ki,
bizim bu gün dövlətdən aldığımız pul, o
dövrlərə nisbətən 134 dəfə çoxdur. 134
faiz yox ha, 134 dəfə. Bu nə deməkdir?
Bu bizim dövlətimizin iqtisadi cəhətdən
qüdrətinin göstəricisidir.
Beşinci məsələ: SQ Sərhəd komis-
sarı deyilən belə bir bənd var: “Dövlət
sərhədlərinin qorunmasında qonşu
dövlətlərlə bütün sərhəd problemlərinin
danışıq yolu ilə həll edilməsi”. Bu
da olurdu Sərhəd Komissarlarının
görüşündə, danışıqlarında. Biz həm
Türkiyəni, həm İranı, həm də Rusiyanı
inandırmalıydıq ki, dövlətimizi qoru-
mağa qadirik. Və buna da nail olduq.
Amma mən bu gün çox şadam ki, o vaxt
qarşıya qoyulan məsələlərin bir hissəsini
həll eləmişdik, bu gün isə onlar hamısı
həll olunub. Və Azərbaycan dövlətinin
sərhədləri yaxşı qorunur. Əsas bu idi.
Mənim arzum bu idi. Bu gün də həmin
arzum yerinə yetib”.
Müsahibəyə görə minnətdarlığımı
bildirib, diktafonu söndürmək istəyirəm.
Amma əlimi tutur: – “Axı, əsas sual
qaldı” – deyir. “Hansı sual?” deyə soru-
şuram. “Bəs mənim əsas köməkçim kim
olub, bilirsən?” “Kim?” – deyə xəbər
alıram. Cavab verir: Həyat yoldaşım
Raisə.
Müsahibə başa çatır. Tez süfrə açırlar.
Yaxşı, müsahibə aldım. Bəs bir qohum
kimi 80 yaşında general Abbasəli Novru-
zova nə arzulayım? Bu dəm atam Qabilin
onun 50 yaşı münasibətilə yazdığı şeirdən
iki misra yadıma düşür:
Əlli il də, qadası, ən azı ömr et,
hələlik,
Can sağ olsun, düzələr yerdə qalan,
Abbasəli.
Mahir QABİLOĞLU,
yazıçı-publisist
Mayın 24-də Xəzər-Avropa İnteqrasiya
İşgüzar Klubu Dövlət Miqrasiya Xidmətinin (DMX)
rəisi, II dərəcəli dövlət miqrasiya xidməti müşaviri
Firudin Nəbiyevin iştirakı ilə biznes – forum təşkil
edib. Biznes – forumda Azərbaycanın miqrasiya
siyasətinin başlıca aspektləri müzakirə olunub.
Tədbirdə çıxış edən
Firudin Nəbiyev bildirib ki,
daxili əmək bazarının qorun-
ması kimi mühüm missiyanı
yerinə yetirən Dövlət Miq-
rasiya Xidməti əcnəbi işçi
qüvvəsindən istifadənin qanuna
müvafiq olaraq tənzimlənməsi
istiqamətində ardıcıl tədbirləri
müvəffəqiyyətlə davam et-
dirir. Xidmət Azərbaycanın
inkişafından ilk növbədə ölkə
vətəndaşlarının bəhrələnməsinin
təmin olunması ilə bağ-
lı Prezident İlham Əliyevin
müəyyən etdiyi məqsədə
uyğun olaraq əcnəbilərin haqqı
ödənilən əmək fəaliyyətinə
yalnız müəyyənləşdirilmiş kvota
çərçivəsində cəlb edilməsinə
dövlət nəzarətini uğurla həyata
keçirir. Xatırladaq ki, əmək
miqrasiyası kvotası hər il növbəti
ilin başlanmasına 3 ay qal-
mış Azərbaycan Respublikası
Nazirlər Kabineti tərəfindən
təsdiq edilir.
Xidmət rəisi əlavə edib ki,
2013-cü ildə imzalanmış neft-
qaz layihələrində milliləşdirilmə
sahəsində əməkdaşlığa dair
protokola uyğun olaraq, əcnəbi
işçi heyətin mərhələlərlə
milli kadrlarla əvəzlənməsi
məsələlərinə nəzarət
gücləndirilib. Qeyd olunanlar
nəzərə alınaraq, işəgötürənlər
tərəfindən işçi qüvvəsinə olan
tələbatın ödənilməsi üçün yerli
əmək ehtiyatlarından daha geniş
və səmərəli istifadə olunmasına
şərait yaradılmalıdır.
Xidmət rəisi qeyd edib
ki, sahibkarlıq fəaliyyəti
göstərən fiziki və hüquqi
şəxslərin şikayətlərinə baxıl-
ması sahəsində şəffaflığın və
obyektivliyin təmin edilməsi,
bu sahədə şəxslərin hüquq-
larının və qanunla qorunan
maraqlarının müdafiəsi məqsədi
ilə Azərbaycan Respublikası
Prezidentinin 2016-cı il 3 fevral
tarixli Fərmanına uyğun olaraq,
Dövlət Miqrasiya Xidmətinin
Apellyasiya Şurası və Şuranın
Katibliyi yaradılıb, onların
tərkibi və Şuranın Əsasnaməsi
təsdiq edilib. Təqdirəlayiq
haldır ki, sahibkarlıq fəaliyyəti
göstərən fiziki və hüquqi
şəxslərdən Xidmətə hər hansı
şikayət daxil olmayıb.
Görüşdə biznes – forum
iştirakçılarının təklifləri, eləcə
də Xəzər-Avropa İnteqrasiya İş-
güzar Klubunun üzv şirkətlərini
maraqlandıran məsələlər
müzakirə olunub. Biznes –
forum çərçivəsində şirkətlər
Azərbaycanın miqrasiya siyasəti
ilə bağlı onları maraqlandıran
suallara cavab tapıblar.
Tədbirdə Firudin Nəbiyevə
Xəzər-Avropa İnteqrasiya
İşgüzar Klubunun fəxri üzvlük
sertifikatı təqdim olunub.
Xəzər-Avropa İnteqrasiya
İşgüzar Klubunun sədrinin
birinci müavini və baş icraçı di-
rektoru Telman Əliyev görüşə, o
cümlədən tədbir zamanı klubun
üzvləri tərəfindən səsləndirilən
təkliflərə göstərilən diqqətə
görə minnətdarlığını bildirib.
T.Əliyev Klubun 2002-ci ilin
iyununda Xəzər-Qara dəniz
regionunda fəaliyyət göstərən
nəhəng neft-qaz şirkətlərinin
dəstəyi ilə yaradıldığını və onun
sədrinin Prezident İlham Əliyev
olduğunu vurğulayıb. Bildirib
ki, təsis olunduğu ilk gündən
Xəzər-Avropa İnteqrasiya
İşgüzar Klubu neft sahəsindən
əldə olunan gəlirlərin qeyri-neft
sektorunun inkişafına cəlb olun-
masına kömək edir. Sıralarında
5 mindən çox şirkət və təşkilatı
birləşdirən Klub dünyanın 50
ölkəsində fəaliyyət göstərir
və dövlət qurumları ilə özəl
sektor arasında dialoqa dəstək
istiqamətində fəal iş aparır.
Biznes forumda şirkət
rəhbərləri, diplomatik korpusun
nümayəndələri iştirak ediblər.
Samirə ƏLİYEVA,
“Xalq qəzeti”
Danimarkadakı Azərbaycan
diasporu Rusiya dövlət və hökumət
nümayəndələrinə müraciət qəbul edib
Danimarkada fəaliyyət göstərən “Vətən”
Cəmiyyəti, Ümumrusiya Azərbaycanlıları
Konqresinin (ÜAK) qeydiyyatının ləğv olunmasına
etirazını bildirib.
Diasporla İş üzrə
Dövlət Komitəsindən
verilən məlumatda
bildirilir ki, cəmiyyət
adından Rusiya Fede-
rasiyasının Prezident
Administrasiyasına,
Dövlət Dumasına,
Federasiya Şurasına
və Ali Məhkəməyə
müraciətlər qəbul
edilib.
Müraciətlərdə
mayın 15-də Rusiya
Ədliyyə Nazirliyinin
ÜAK-ın qeydiyyatının
ləğvi barədə verdiyi
qərarın subyektiv xarakterli
olduğu, göstərilən faktların
qanuni nöqteyi-nəzərdən
qeydiyyatın ləğvi üçün kifayət
etmədiyi qeyd olunur.
Baş verən bu halın Ru-
siyada Azərbaycan əleyhinə
çalışan qüvvələrin təxribatçı
fəaliyyətinin bir hissəsi olduğu
vurğulanan müraciətdə bu
qüvvələrin son vaxtlar daha da
aktivləşərək iki ölkə arasında-
kı münasibətlərə kölgə salmaq
üçün fəaliyyət göstərdiyi
diqqətə çatdırılır.
Bəyanatda bütün bu
faktların nəzərə alınması və
ÜAK-ın qeydiyyat məsələsi
ilə bağlı qərara yenidən baxıl-
ması xahiş olunur.
Samirə ƏLİYEVA,
“Xalq qəzeti”
Dövlət Miqrasiya Xidməti və Xəzər-Avropa İnteqrasiya
İşgüzar Klubu növbəti biznes – forum təşkil edib
General NOVRUZOV: Hərbçinin uğur qazanması üçün təkcə istedad və
zəhmət kifayət deyil, onun qəlbində Vətənə böyük məhəbbət olmalıdır