~~~~~~~~~~
Qarabağın Tutusu
~~~~~~~~~~
50
naminə canlarından keçiblər. Uşaqlarla söhbət edərkən hər
zaman
deyirəm ki, ölümün gözünə dik baxmalıyıq.
Onsuz da
biz torpaqdan yoğrulmuşuq, bu torpağa da qovuşacağıq.
Sadəcə ağılla hərəkət etmək lazımdır. Hamımız Preziden-
timizin ətrafında birləşməliyik. Güc birlikdədir. O zaman da
biz gücümüzü bir yerə toplayaraq müstəqilliyimizə
qovuşduq. Bu gün də hamımızı bir amal birləşdirməlidir.
Torpaqlarımızı mənfur düşməndən azad etmək».
Bu gün gənclərimizdə vətənpərvərlik hissinin güclü
olduğunu deyən həmsöhbətim bu istiqamətdə aparılan
təbliğatın təşkilindən razı qaldığını söyləyir. Qeyd edir ki,
orta məktəblərdə keçirilən hərbi idman oyunları, bundan
başqa gənclər üçün təşkil olunan hərbi düşərgələr bu
mənada böyük önəm daşıyır: «Biz gənclərə düzgün yol
göstərməliyik. Tərbiyə əsasən ailədən başlamalıdır. Bu gün
hər bir evdə Koroğlu, Həcər yetişir. Sadəcə tərbiyə düzgün
istiqamətə yönəldilməlidir. Hər şeyi gənclərə də şamil
etmək olmaz. Valideynlərin də üzərinə böyük məsuliyyət
düşür. Şagirdlərlə söhbətlər apararkən bizə diqqətlə qulaq
asırlar. Onlarda vətənpərvərlik mövzusunda aparılan
söhbətlərə maraq gördükdə qəlbim fərəhlə döyünür. Bəzən
onlar mənə deyir ki, müharibəyə gedəndə qorxmurdu-
nuzmu? Ola bilər məndə də qorxu hissləri olsun, amma
vətənpərvərlik hissi o qədər məni üstələmişdi ki, qorxu
yadıma düşmürdü, içimdə yalnız intiqam hissi var idi».
Erməni mənfurları Qarabağ torpaqlarına hücuma
keçəndə Ruxsarə də növbəti dəfə baş verən faciələrimizə
biganə qala bilmir. 20 Yanvar günü şəhid olan yoldaşlarının