3
Qapını ailənin böyük oğlu El-
məddin açdı. Evin xanımı bizi evə
dəvət etdikdən sonra həyat yoldaşını
gözləməli olacağımızı bildirdi. Çay
süfrəsi arxasında polkovnik-leyte-
nant Zirəddin Quliyevi gözləməli
olduq. Fürsətdən istifadə edib evlə
tanışlığı da yadımızdan çıxarmadıq.
Ən yüksək komfort və dizayn ele-
mentləri ilə ilk baxışdan diqqəti
cəlb edən mənzildə ailənin yaşayışı
üçün hərtərəfli şərait yaradılıb.
... Budur, Zirəddin Quliyev özünü
çatdırır. “N” hərbi hissənin komandiri
gülümsəyərək: – Hərbçi belədir də,
onun iş saatı bəlli deyil, – deyə
söhbətə başlayır.
İstərdim, oxuculara Zirəddin
Quliyev haqqında qısa məlumat
verim. Ötən il 40 yaşını tamam
edən bu hərbçi qardaşımız Daşkə-
sən rayonunun Quşçu kəndindəndir.
Ailədə 7 övladın 4-cüsüdür. O, 22
ildir ki, hərbi formanı qürurla ge-
yinir. Daşkəsən, Gədəbəy, Füzuli
istiqamətində gedən döyüşlərdə iş-
tirak edən Zirəddin Quliyev həm
də müharibə veteranıdır. Təbii ki,
məlum hadisələrə görə o zamanlar
ordumuzda bir çox çətinliklər var
idi. Buna baxmayaraq, o, Vətənin
ağır günündə belə çətinliklərdən
qorxmadı. Çünki Zirəddin Quliyev
uşaqlıqdan bir arzu ilə yaşayıb:
hərbçi olmaq. Bu yolda rastlaşdığı
heç bir çətinlik onu qorxutmayıb.
Hərbi xidmətini başa vurmağa az
qalmış o, hərbi təhsil almaq üçün
sənədlərini Bakı şəhərinə göndərir.
Aylarla imtahana hazırlaşır. Həmin
vaxt ən yüksək nəticə göstərən
gənclərdən biri olur. Təyinatla hərbi
xidməti üçün Naxçıvana göndərilir.
– O zamanlar gənc bir zabitə
blokada vəziyyətində olan bir bölgədə
xidmət etmək çətin gəlmədimi?
– Əsl hərbçi heç bir zaman bu
haqda fikirləşməməlidir. İstər mər-
kəz, istər sərhəd. Mənim bir amalım
var idi: hara olur-olsun, dövlətimə
xidmət edib Vətənimi qorumaq.
Bu sualınız məni 15 il əvvələ qay-
tardı. Heç yadımdan çıxmaz. İlk
dəfə bura gələndə, təyyarədən Nax-
çıvana baxanda bu diyar necə də
yalnız görünürdü. Naxçıvanın o
küskün mənzərəsi indi də yadım-
dadır. Blokadaya alınmış Naxçıvanın
kədərini, düşdüyü vəziyyəti yaxşı
dərk edirdim. Azərbaycan Silahlı
Qüvvələrinin Naxçıvan Muxtar Res-
publikasının ərazisindəki birləşmə-
lərinin o zamankı və indiki vəziy-
yətini yaxşı xarakterizə etmək im-
kanına malikəm. O zamanlar bütün
sahələrdə olduğu kimi, hərbi his-
sələrdə də çətinliklər yox deyildi.
Elə o illərdə ordu quruculuğu isti-
qamətində müxtəlif addımlar atıl-
masına başlanılmışdı. Hərbi hissə-
lərin maddi-texniki bazası güclən-
dirilir, hərbi qulluqçuların mənzil
şəraitləri yaxşılaşdırılırdı. İndi hərbi
hissələrdə, demək olar ki, heç bir
problem yoxdur.
Zirəddin Quliyev bu gün Nax-
çıvan Muxtar Respublikası ərazi-
sində yerləşən hərbi hissələrdə bö-
yük ruh yüksəkliyinin olduğunu
fəxrlə söyləyərək əlavə edir:
– O ordu güclü deyil ki, onun
güclü hərbi teknikası var, – deyən-
lərin sözündə böyük həqiqət var.
Ordunun gücü əsgər və zabitlərdə
olan sarsılmaz ruh yüksəkliyindədir.
Bu gün belə ruh yüksəkliyini Azər-
baycan Silahlı Qüvvələrinin bütün
hərbi hissələrində müşahidə etmək
mümkündür. Fəxr edirəm ki, hərb-
çilərimizdə gələcək labüd qələbəyə
böyük inam vardır. Bunu muxtar
respublikada yerləşən hərbi hissə-
lərin timsalında daha aydın görmək
olar. Uzağa getməyək. Mən burada
xidmət elədiyim 15 il müddətində
hər zaman “xalq-ordu” birliyinin
sarsılmazlığını görmüşəm. Mütə-
madi olaraq muxtar respublika əha-
lisi, nazirlik, komitə, baş idarə,
müəssisə və təşkilatların, sahibkarlıq
qurumlarının nümayəndələri bizimlə
görüşə gəlirlər. Baxmayaraq ki, bi-
zim heç nəyə ehtiyacımız yoxdur.
Dövlət tərəfindən hər cür qayğı ilə
əhatə olunmuşuq. Xalqın bizim gö-
rüşümüzə gəlməsi bir məqsəd da-
şıyır: xalq bizimlədir, arxa cəbhə
bizimlədir. Hərbçilərdə böyük ruh
yüksəkliyinin olması həm də bu-
nunla bağlıdır.
– Bu günlərdə evlə təmin edilən
hərbçi ailələrindən biri də siz ol-
dunuz. Hansı hissləri yaşayırsınız?
– 2013-cü il dekabr ayının
31-də ikiqat sevinc yaşadıq. Qü-
sursuz xidmət etdiklərinə görə mən-
zillə təmin olunan hərbçilər sırasında
mənim də adımın olması ailəmi
daha çox sevindirdi. Vətənə qüsursuz
xidmətdən böyük nə xoşbəxtlik ola
bilər? Mən Naxçıvanda hər zaman
bir hərbçi kimi Naxçıvan Muxtar
Respublika rəhbərinin diqqət və
qayğısını öz üzərimdə hiss etmişəm.
Bu qayğının davamı olaraq mənzillə
təmin edilməyim ailəmizlə yanaşı,
Bakıda və digər rayonlarda yaşayan
qohumlarımızın da böyük sevincinə
səbəb oldu. Bir də ona sevinirəm
ki, Naxçıvanda bir ocağım var. Mən
təqaüdə çxıdıqdan sonra Naxçıvanda
qalacağam. Çünki artıq inanmıram
ki, Naxçıvandan başqa hardasa ya-
şaya biləm. O qədər bu torpağa
bağlanmışam ki, buranın sakitliyini,
təmizliyini, əmin-amanlığını heç bir
şəhərə dəyişə bilmərəm.
Söhbətimizə evin böyük oğlu
14 yaşlı Elməddin də qoşulur. Bö-
yüyəndə nə olmaq istədiyini soru-
şanda heç düşünmədən, – hərbçi
olacağam, – deyir. O, növbəti ildə
Heydər Əliyev adına Hərbi Liseyə
sənədlərini təqdim edəcək.
– Atanın işindəki çətinlikləri gö-
rürsən, bəzən günlərlə evə gəlmir.
Yenə də hərbçi olmaq arzusunda-
san? – sualıma konkret cavab verir:
– Hərbçini heç bir çətinlik qor-
xutmamalıdır. Mənim üçün hər şey-
dən əvvəl Vətəndir.
Digər otaqdan saz səsi gəlir. Diq-
qətimizi çəkir. Bu isə evin balaca
oğlu Xaləddindir. Saz çalmağa bö-
yük həvəsi var. Əliabad qəsəbəsin-
dəki Uşaq Musiqi Məktəbinin saz
sinfində təhsil alır. Saza olan həvəsi
isə təsadüfi deyil. Çünki Xaləddinin
nənəsi Aşıq Ələsgərin nəvəsidir.
Yavaş-yavaş söhbətimizi yekun-
laşdırırıq. Elə bu zaman ailə üzvlə-
rindən birinə məxsus olan mobil
telefona zəng gəlir. Zəngin musi-
qisində oxuyur:
İgid əsgər, möhkəm dayan,
möhkəm dayan..
Ya azad ol, ya candan keç...
Zirəddin müəllim musiqinin diq-
qətimi çəkdiyini görüb Elməddinə
baxır, gülümsəyir. Öyrənirik ki, El-
məddin bu musiqini çox sevir. Gö-
rünür, ailədə həm əsl hərbçi var,
həm də əsl hərbçi yetişir.
Yavaş-yavaş söhbətimizi yekun-
laşdırırıq. Ailə ilə sağollaşıb aşağıya
enirik. Zirəddin müəllim də bizim-
lədir. Ondan vaxtını aldığımız üçün
üzrxahlıq edirik. Gülümsəyərək o,
xidməti maşınına minir, yenidən
hərbi hissəyə qayıdacağını bildirir.
Hərbi qulluqçuların sosial müdafiəsinin
gücləndirilməsi dövlətin silahlı
qüvvələrə qayğısının təzahürüdür
Saat artıq 19-dur. Hava da qaralmaqdadır. Hərbçi üçün bunun
əhəmiyyəti yoxdur. Daha dəqiq desək, hərbçi günün 24 saatında
da hərbçidir. Bu gün bir daha qürur hissi keçirdik ki, muxtar res-
publikada yaşayan, fəaliyyət göstərən hərbçilər belə yaşayış tərzini
öz vəzifə borcları hesab edirlər. Çünki muxtar respublikanın
blokada şəraitində, düşmənlə bir addımlıqda yaşadığını unutmurlar.
Onların əməyi isə dövlətimiz tərəfindən yüksək dəyərləndirilir. İş
müddətini saatla ölçməyən Zirəddin Quliyev də onlardan biridir.
-
Sara ƏZİMOVA
Budur, Naxçıvan şəhərində son illərin ən möhtəşəm quruculuq
ünvanlarından olan yaşayış komplekslərindən birinin qarşısın-
dayıq. Həmin yaşayış kompleksi ki, 2013-cü il dekabr ayının
31-də 20 təqvim ili və daha çox qüsursuz xidmət etmiş 16 hərbi
qulluqçuya buradan yeni mənzillər verilmişdir. Biz də həmin ai-
lələrdən birində olduq, yaşayış kompleksinin 15-ci mərtəbəsində
yaşayan Quliyevlər ailəsinin qapısını döydük.
Cəmiyyət inkişaf edir və insanlar yaxşı
yaşamaq üçün hər cür maddi nemət və xid-
mətlərdən istifadə etməyə çalışırlar. Getdikcə
genişlənən istehsal və tikinti işləri, nəqliyyat
və rabitə əlaqələri, müasirləşən iş və məişət
şəraiti artıq çox deyil, on il əvvəlki səviyyədən
xeyli fərqlidir. İndi insanlar rahat ömür
sürməyi, evdə, işdə, yolda, bir sözlə, hər
yerdə qarşılaşa biləcəyi təhlükələrdən sı-
ğortalı yaşamağı çox şeydən daha üstün
qiymətləndirir, təsadüfi riskli hadisələrə
qarşı hazırlıqlı olmağın vacib tələbat oldu-
ğunu real olaraq hər yerdə görürlər.
Təsadüfi risklər nədir? Hansı hadisələr in-
sanın rahat həyatı və fəaliyyəti üçün risk ya-
radan amillər hesab olunurlar? Bu suallara
aydınlıq gətirən situasiyalarla, demək olar ki,
hər zaman rastlaşa bilərik. Məsələn, hər bir
insanın yaşadığı binada, yol getdiyi avtomo-
bildə, keçdiyi küçədə elə hadisələr baş verə
bilər ki, onların əvvəlcədən vaxtını demək
çox çətindir. Yəni zəlzələnin nə zaman olacağını
və onun yaşayış sahəsinə və insanın sağlam-
lığına hansı zərərlər vuracağını heç kim əv-
vəlcədən deyə bilməz. Belə təsadüfi riskli
hadisələr insan yaşayan hər yerdə gözlənilir
və onlara inkişaf səviyyəsindən asılı olmayaraq,
bütün cəmiyyətlərdə rast gəlinə bilər. Ancaq
cəmiyyətin inkişafı hər sahədə dəyişikliyə
səbəb olduğu kimi, təsadüfi gözlənilməz ha-
disələrə qarşı sığortalanmağın təşkili ilə belə
hadisələr üzündən dəyə biləcək maddi zərərlərin
əvəz olunması sahəsində də xeyli dəyişikliklər
özünü göstərir. Gözlənilməz hadisələrin qar-
şısını almaq üçün nə qədər xəbərdaredici pro-
filaktik tədbirlər görülsə də, bu sahədə texnoloji
yeniliklərdən və maarifləndirmədən istifadə
olunsa da, onlardan hər zaman yayınmaq
praktik olaraq mümkün deyildir. Bu da göz-
lənilməz hadisələrdən dəyən zərərlərin sığorta
yolu ilə əvəzinin ödənilməsinin əhəmiyyətini
artırır, onu inkişaf edən cəmiyyətlərin vacib
tələbatlarından birinə çevirir.
Qeyd edək ki, təsadüfi riskli hadisələri iki
böyük qrupda ümumiləşdirmək olar. Bunlar
təbiətdə baş verən və müəyyən dərəcədə insan
həyatına da təsir edən kortəbii hadisələr və
insanın iqtisadi-mədəni fəaliyyəti ilə əlaqədər
olaraq baş verən müxtəlif texnogen mənşəli
hadisələrdir. Ancaq bunların bir ümumiləşdirici
xüsusiyyəti vardır ki, istər təbii, istərsə də
texnogen hadisələr olsun, onların baş verəcəyi
zamanı və yeri əvvəlcədən müəyyənləşdirmək
çox çətindir. Onlar baş verdiyi zaman bu və
ya digər dərəcədə insan həyatına, onun sağ-
lamlığına və əmlakına zərər vurur. Deməli,
insanın yaşadığı və fəaliyyət göstərdiyi yer
haradırsa, orda da müəyyən risk dərəcəsi do-
ğuran gözlənilməz hadisələr olacaqdır. Bununla
yanaşı, planetdə insan sayının artması, tex-
nologiyanın inkişafı və insanların həyat tərzində
sürət və komfort kimi mədəni tələblərin ən
yüksək səviyyəyə qalxması da, öz növbəsində,
riskli təsadüfi hadisələrin ehtimalını artırır.
Belə hadisələrdən vaxtında sığortalanmaq isə
cəmiyyətin inkişafının diqtə etdiyi vacib
mədəni tələbatlardan biridir. Çünki hər bir
insan cəmiyyət üzvüdür və ona rast gələn is-
tənilən təsadüfi hadisənin nəticəsi təkcə özünü
deyil, onunla eyni iqtisadi və mədəni mənafeləri
paylaşan digər insanları da narahat edir.
Sığortanın əhəmiyyəti, sığortaya yanaşma
cəmiyyətdə müxtəlif təbəqələrdən olan insanlar
üçün eyni dərəcədə olmasa da, gözlənilməz
bir hadisədən sığortalanmaq, əslində, hər bir
insanın şüurlu həyat və fəaliyyətində, bir növ,
təbii olaraq formalaşan bir tələbatdır. Bu mə-
qamda, hər bir kəsin həyatında gözlənilməz
xərclərini ödəmək üçün topladığı bir miqdar
pul vəsaiti olduğu yadımıza düşür. Adamların
“qara gün” üçün topladığı bu vəsait, əslində,
primitiv sığorta fondudur. Buna ona görə pri-
mitiv deyirik ki, birincisi, bu vəsaitin həcmi
hər hansı sığorta təşkilatında toplanan sığorta
fondu qədər etibarlı səviyyədə deyil, ikincisi
isə cəmiyyətdə çox az sayda adama rast gəlinər
ki, o, sığortanın tələb etdiyi qaydalara uyğun,
məsələn, icbari sığorta haqqı ödəməklə bu
fondun yaradılması qayğısına qalsın və sabah
hər hansı hadisə baş verəndə həmin vəsaitdən
istifadə edib öz zərərlərini qarşılasın. Buna
görə də günümüzdə bəzi insanların sığorta
olunmadığı üçün orta risk dərəcəli təsadüfi
bir hadisə ilə üzləşərkən çətin maddi vəziyyətə
düşməsinə rast gəlinə bilir. Halbuki belə hal-
lardan nəticə çıxaran əksər insanlar nəinki
icbari sığorta növləri üzrə, hətta könüllü sığorta
növləri üzrə də sığortalanmaqla öz gələcəyini
zəmanət altına almış olur, dəyə biləcək zərər-
lərin əvəzinin ödənilməsini sığorta agentliyinə
həvalə edərək rahat həyat sürürlər. Təkcə
icbari sığortalar üzrə ödənilən məbləğə baxsaq,
dəyən ziyanın kifayət qədər qarşılandığını
görərik. Məsələn, Naxçıvan şəhərində daşınmaz
əmlakın sığortası üçün ödənilən 40 manatlıq
sığorta haqqı müqabilində 20 min manat
sığorta məbləği ödənilməsi nəzərdə tutulur.
Yəni hər kəsin 20 min manatlıq ehtiyat vəsait
toplamaq əvəzinə ildə, sadəcə, 40 manat ödə-
yərək dəyə biləcək zərərləri zəmanət altına
alması daha məqsədəuyğun və ağıllı seçimdir.
Qədim fəaliyyət tarixinə malik olan sığorta
işinə olan etibar da bu yolla formalaşmışdır.
Sığortanın mahiyyətində insan fəaliyyəti
nəticəsində törənən texnogen mənşəli hadi-
sələrin vurduğu zərərlərin ödənilməsi də mü-
hüm yer tutur. Çünki hazırda istehsal və xid-
mət sahələrində yüksək fəallıq yaranmış, sa-
hibkarlıq fəaliyyəti genişlənmiş, sürətli nəq-
liyyat vasitələrindən, müasir texniki qurğu-
lardan istifadə olunmaqdadır. Və bu inkişaf,
öz növbəsində, rast gəlinən qəza və bədbəxt
hadisələri də müəyyən dərəcədə qaçılmaz
edir. İşdə və ya yolda ehtiyatsızlıq, diqqətsizlik
nəticəsində, habelə texnoloji avadanlıqlarla
iş zamanı baş verən qəzalar səbəbindən
maddi itkilər yaranır, insan sağlamlığına zə-
rərlər dəyir. Həm də burada diqqət ediləcək
məqam ondadır ki, belə hadisələr baş verdikdə
hadisənin səbəbkarları öz mülki məsuliyyəti
çərçivəsində digər insanlara vurduğu zərərlərin
də ödənilməsini həyata keçirməlidirlər. Bu
isə bəzən elə bir həcmdə ola bilər ki, sığortasız
insan, sözün əsl mənasında, çıxılmaz vəziyyətə
düşər, başqalarına vurulmuş zərərə görə bütün
maddi imkanlarından məhrum ola bilər. Bu
baş verməsin deyə, daşınmaz əmlakın istismarı
və avtomobil nəqliyyatı vasitələrindən istifadə
zamanı mülki məsuliyyətin sığortası tətbiq
olunur ki, onun da icbariliyi məsələnin yu-
xarıda qeyd olunan geniş ictimai maraq kəsb
etməsi ilə əlaqədardır.
Göründüyü kimi, sığorta və sığorta olun-
mağın risklərə və gözlənilməz təsadüfi ha-
disələrə qarşı mühüm bir xəbərdaredici
əhəmiyyəti vardır. Sığorta olunmaqla ev, iş
yeri və avtomobil sahibi rast gələ biləcəyi
gözlənilməz hadisələrə, bir növ, əvvəlcədən
hazırlıqlı olur və öz gələcək həyatını zəmanət
altına alır. Bu da inkişaf edən müasir cə-
miyyətin bir tələbidir.
-
Əli CABBAROV
Sığorta inkişaf edən
cəmiyyətin tələbidir