Øß Ã
Ð
Doğma, canım-varlığım qədər
sevdiyim Azərbaycanım
mənim qibləgahımdır
qapısı
Qəzet 1921-ci
ildən çıxır
Azərbaycan Respublikasının Prezidenti İlham Əliyevin yanvarın 22-də Davosda
İsveçrə Konfederasiyasının Prezidenti Yohan Şnayder-Amman ilə görüşü olub.
Görüşdə ölkələrimiz arasında ikitərəfli münasibətlərin yüksək səviyyədə olmasından
məmnunluq ifadə edilib, əlaqələrimizin daha da genişləndirilməsi üçün yaxşı imkanların
olduğu bildirilib. Siyasi, iqtisadi, enerji, sərmayə qoyuluşu, nəqliyyat sahələrində səmərəli
əməkdaşlığın olduğu vurğulanıb. Azərbaycanın Avropanın enerji təhlükəsizliyinin təmin
olunmasında rolundan danışılıb.
* * *
Yanvarın 22-də Davosda Azərbaycan Respublikasının Prezidenti İlham Əliyevin
Ukrayna Prezidenti Petro Poroşenko ilə görüşü olub.
* * *
Yanvarın 22-də Davosda Dünya İqtisadi Forumu çərçivəsində dünya iqtisadi
liderlərinin “2016-cı il üçün mütləq xarakterli tövsiyələr” mövzusunda qeyri-rəsmi
toplantısı keçirilib.
Azərbaycan Respublikasının Prezidenti İlham Əliyev toplantıda iştirak edib.
Rəsmi xronika
Yanvarın 22-də Xəlilli kənd tam orta mək-
təbinin yeni binası istifadəyə verilmişdir.
Naxçıvan Muxtar Respublikası Ali
Məclisinin Sədri Vasif Talıbov məktəb bina-
sının açılışını bildirən lenti kəsmişdir.
Açılış tədbirində məktəbin direktoru Əfqan
Vəliyev çıxış edərək demişdir ki, yeni məktəb
binası müəllim və şagirdlərin sevincinə səbəb
olmuşdur. Yaradılan şərait tədrisin səviyyəsini
xeyli yüksəldəcəkdir. Bu şərait pedaqoji kol-
lektivin qarşısında yeni vəzifələr qoyur. Çalı-
şacağıq ki, göstərilən etimadı layiqincə doğrul -
daq, savadlı və vətənpərvər gənclər yetişdirək.
Naxçıvan Muxtar Respublikası Ali
Məclisinin Sədri Vasif Talıbov Xəlilli kənd
tam orta məktəbinin istifadəyə verilməsi mü-
nasibətilə kollektivi təbrik edərək demişdir:
Bu gün muxtar respublikanın kəndləri abad-
laşır, yeni yollar çəkilir, məktəb binaları, kənd
və xidmət mərkəzləri, həkim ambulatoriyaları
tikilərək istifadəyə verilir. Həyata keçirilən
bu tədbirlər içərisində ən vacibi məktəb ti-
kintisidir. Çünki təhsilə, məktəb işinə qoyulan
sərmayə ölkənin gələcəyinə qoyulan sərma-
yədir. Əgər yaxşı mütəxəssis, müəllim, həkim,
əsl vətəndaş hazırlamaq istəyiriksə, ölkəmizin
gələcəyini düşünürüksə, onda məktəb işinə
xüsusi diqqət yetirməliyik.
Ali Məclisin Sədri demişdir: Ölkəmizdə
həyata keçirilən tədbirlər içərisində təhsilin
inkişafına, məktəb tikintisinə xüsusi diqqət
yetirilir, müəllim əməyinə yüksək qiymət ve-
rilir. Bu sahədə görülən işlər artıq öz bəhrəsini
verir. Belə ki, ümumtəhsil məktəblərini bitirən
gənclər ali və orta ixtisas məktəblərinə qəbul
olunur, peşə məktəblərində təhsil alır, ixtisaslı
kadr kimi yetişərək ölkəmizin inkişafında,
həyata keçirilən quruculuq işlərində yaxından
iştirak edirlər. Bu da vacib məsələdir. Çünki
ölkəmizi gələcəkdə bu gənclər idarə edəcəklər.
Əgər ümummilli liderimiz Heydər Əliyevin
ötən əsrin 70-ci illərində və müstəqillik
illərində ölkəmizə rəhbərliyi dövründə yetişən
gənclər Azərbaycanın bugünkü inkişafında
iştirak edirlərsə, bu gün yetişən gənclər də
bu inkişafı gələcəkdə davam etdirəcəklər.
Ulu öndər Heydər Əliyevin “Cəmiyyətdə
hər şey məktəbdən, təhsildən başlayır”, –
fikrini xatırladan Ali Məclisin Sədri demişdir
ki, cəmiyyətdəki sabitlik, ölkənin tərəqqisi
və inkişafı məktəbin fəaliyyətindən, təhsilin
səviyyəsindən asılıdır. Bu gün Xəlilli kənd
tam orta məktəbində müasir tədris şəraiti ya-
radılmışdır. Gənclərin savadlı, dünyagörüşlü
və vətənpərvər böyüdülməsi üçün yaradılan
bu şəraitdən düzgün istifadə olunmalıdır.
Məktəbin nailiyyətlərinin qənaətləndirici
olduğunu bildirən Ali Məclisin Sədri kol-
lektivə təşəkkür etmiş, onlara tədrisdə uğurlar
arzulamışdır.
Sonra Ali Məclisin Sədri Babək rayon
ümumtəhsil məktəblərində əla qiymətlərlə
oxuyan 26 şagirdə kompüter hədiyyə etmiş,
məktəb binasında yaradılan şəraitlə tanış
olmuşdur.
Məlumat verilmişdir ki, 144 yerlik məktəb
binasında 12 sinif otağı, kimya-biologiya və
fizika laboratoriyaları, hərbi kabinə, 3 elektron
lövhəli sinif, şahmat, kompüter və müəllimlər
otaqları, kitabxana, bufet və idman zalı vardır.
Məktəbin kompüter otağındakı 13 kompüter
internetə qoşulmuşdur.
Kitabxanada 1215 dərslik və 1520 bədii
ədəbiyyat vardır. Qeyd olunmuşdur ki, Ali
Məclis Sədrinin tapşırığına əsasən ümumtəhsil
məktəblərində kitabxana işinə xüsusi diqqət
yetirilir. Kitabxana fondları yeni ədəbiyyatlarla
zənginləşdirilir, şagirdlərin kitabxanalara cəlbi
diqqət mərkəzində saxlanılır. Məktəb kitab-
xanaçıları üçün seminarın keçirilməsi də bu
baxımdan mühüm əhəmiyyətə malik olmuş,
onlara məktəbdə kitabxana işinin təşkili ilə
bağlı müvafiq təlimatlar verilmişdir.
Gənclərin vətənpərvərlik hisslərinin güc-
ləndirilməsi və onların hərb sənətinə marağının
artırılması vacib şərtdir. Hərbi kabinədə çağı-
rışaqədərki hərbi hazırlıq fənninin tədrisi üçün
hərtərəfli şərait yaradılmış, müvafiq əyani və-
saitlər şagirdlərin istifadəsinə verilmişdir.
Ölkəmizin hər yerində olduğu kimi, Naxçıvan Muxtar Respublikasının yaşayış
məntəqələrində də müasir infrastruktur yaradılır, insanların sosial problemləri
həll olunur.
Son illər kəndlərin kompleks abadlaşdırılması bu tədbirlər içərisində xüsusi
yer tutur. “Naxçıvan Muxtar Respublikasının 2014-2018-ci illərdə sosial-iqtisadi
inkişafı Dövlət Proqramı”na uyğun olaraq həyata keçirilən quruculuq tədbirlərindən
Babək rayonunun Xəlilli kəndinə də pay düşmüş, kənddə yeni sosial obyektlər
inşa olunmuşdur.
Ardı 2-ci səhifədə
F.N.Bağırovun Naxçıvan Muxtar Respublikasının
Xarici Kəşfiyyat Xidmətinin rəisi təyin edilməsi haqqında
Naxçıvan Muxtar Respublikası Ali Məclisi Sədrinin
Sərəncamı
Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini
rəhbər tutaraq qərara alıram:
Fariz Nəriman oğlu Bağırov Naxçıvan Muxtar Respublikasının Xarici Kəşfiyyat Xidmətinin
rəisi təyin edilsin.
Naxçıvan Muxtar Respublikası
Ali Məclisinin Sədri
Vasif TALIBOV
Naxçıvan şəhəri, 22 yanvar 2016-cı il
2
Yanvarın 22-də Azərbaycan realist rəs-
samlığının banisi Bəhruz Kəngərlinin doğum
günüdür. Muxtar respublikada görkəmli rəs-
samın zəngin irsinin tədqiqi və gənc nəslə
təbliğ olunması diqqət mərkəzində saxlanılır.
Elektron lövhəli sinfə baxış zamanı məlumat
verilmişdir ki, hazırda Bəhruz Kəngərli Mu-
zeyi ilə təhsil müəssisələri arasında distant
dərs keçirilir, şagirdlərə görkəmli rəssamın
həyat və fəaliyyəti haqqında ətraflı məlumat
verilir. Distant dərsi muxtar respublikanın
221 təhsil müəssisəsindən 4 minə yaxın
şagird izləmişdir.
Gənc nəslin sağlam həyat tərzinin təmin
edilməsində bədən tərbiyəsi və idmanın mü-
hüm rolu vardır. Muxtar respublikada gənc -
lərin idmana marağının artırılması istiqamə-
tində ardıcıl tədbirlər görülür, məktəblərdə
müasir idman zalları istifadəyə verilir. Xəlilli
kənd tam orta məktəbinin geniş idman zalı
və həyətdə quraşdırılan açıq idman qurğuları
da fiziki tərbiyə dərslərinin səmərəli keçiril-
məsinə imkan verəcəkdir.
Ali Məclisin Sədri məktəbdə şahmat fən-
ninin tədrisi ilə maraqlanmış, bu idman nö-
vünün gənclərin əqli inkişafında və asudə
vaxtının səmərəli təşkilindəki əhəmiyyətini
qeyd etmişdir.
Sonra məktəbin müəllimləri ilə görüşən
Ali Məclisin Sədri demişdir: Məktəblərdə
yaradılan şərait ölkəmizin gələcəyinə xidmət
edir. Ona görə də müəllimlər şagirdlərə
ölkənin gələcəyi kimi baxmalıdırlar. Muxtar
respublikanın ümumtəhsil məktəblərində ça-
lışan müəllimlər diaqnostik qiymətləndirmə
zamanı yaxşı nəticələr göstərmiş, onların
əməkhaqları artırılmışdır. Müəllim əməyinə
verilən digər bir qiymət isə məktəblərdə ya-
radılan müasir tədris şəraitidir. Xəlilli kənd
tam orta məktəbi bütün tədris imkanlarına
malikdir. Bunun nəticəsidir ki, bu il məktəbdə
şagirdlərin sayı artmışdır. Pedaqoji kollektiv
yaradılan şəraitdən səmərəli istifadə etməli,
qarşıya qoyulan vəzifələri layiqincə yerinə
yetirməlidir.
Müəllim Afaq Cəfərova demişdir ki, mək-
təbin köhnə binası istifadəyə yararsız idi.
Lakin dövlətimizin təhsilin inkişafına göstərdiyi
qayğının nəticəsi olaraq bu gün hər cür ava-
danlıqlarla təchiz olunan yeni məktəb binası
kollektivin istifadəsinə verilir. Həmçinin döv-
lətimiz müəllimlərin sosial problemlərinin
həllini də diqqət mərkəzində saxlayır. Müəl-
limlərin əməkhaqlarının artırılması bunun
bariz nümunəsidir. Bütün bunlar pedaqoji
kollektivin məsuliyyətini artırır. Müəllimlər
göstərilən etimadı doğruldacaq, ölkəmiz üçün
layiqli vətəndaşlar yetişdirəcəklər.
Məktəbin həyətində geniş abadlıq işləri
görülmüş, ağac və gül kolları əkilmişdir.
Muxtar respublikanın kənd yaşayış məntəqələrində insanların rahat yaşayışı üçün zəruri
infrastruktur qurulur.
Yanvarın 22-də Xəlilli Kənd Mərkəzi istifadəyə verilmişdir.
Naxçıvan Muxtar Respublikası Ali Məclisinin Sədri Vasif Talıbov mərkəzin açılışını
bildirən lenti kəsmiş və binada yaradılan şəraitlə tanış olmuşdur.
Məlumat verilmişdir ki, 2 mərtəbədən ibarət olan mərkəzdə rabitə evi, feldşer-mama,
polis sahə və baytarlıq məntəqələri, Yeni Azərbaycan Partiyası ərazi ilk təşkilatı, inzibati
ərazi dairəsi üzrə nümayəndəlik, bələdiyyə, kitabxana, klub və 40 yerlik iclas zalı vardır.
Şıxmahmud və Xəlilli kəndlərini əhatə edən baytarlıq məntəqəsində soyuducu qoyulmuş,
zəruri dərman vasitələri ehtiyatı yaradılmışdır. Birinci mərtəbədəki kitabxanada 8442
kitab vardır.
Rabitə evində 384 yerlik yeni nəsil ATS quraşdırılmış, abonentlər keyfiyyətli rabitə
xidməti ilə təmin olunmuşlar. Yeni nəsil ATS kənddə “Evədək optika” layihəsinin həyata
keçirilməsinə, sakinlərə İP televiziya, sürətli internet və digər müasir rabitə xidmətlərinin
göstərilməsinə imkan verəcəkdir. Həmçinin burada yeni poçt bölməsi də fəaliyyətə
başlamışdır.
Muxtar respublikada səhiyyənin inkişafına xüsusi diqqət yetirilir, insanların sağlamlığı
etibarlı qorunur. Yaşayış məntəqələrində müasir səhiyyə ocaqlarının tikilib istifadəyə
verilməsi bu tədbirlərin davamıdır. Lazımi avadanlıqlarla təchiz olunan Xəlilli kənd
feldşer-mama məntəqəsi müdir, mama və manipulyasiya otaqlarından ibarətdir.
Həmin gün Naxçıvan Muxtar Respubli-
kası Ali Məclisinin Sədri Vasif Talıbov
Xəlillidə yeni xidmət mərkəzinin də açılışını
etmişdir.
5 nəfərin daimi işlə təmin olunduğu
xidmət mərkəzində bərbərxana, qadın gözəllik
salonu, ət satışı yeri, ərzaq və sənaye malları
mağazaları fəaliyyət göstərir. Bildirilmişdir
ki, bu gün muxtar respublikada sağlamlıq
imkanları məhdud gənclərin məşğulluq prob-
leminin həlli diqqət mərkəzində saxlanılır,
onlar peşə məktəblərinə cəlb olunur. Xidmət
mərkəzində çalışan bərbər də bu kateqori-
yadan olan gənclərdəndir.
Sonra Ali Məclisin Sədri kənd sakinləri
ilə görüşmüşdür.
Ali Məclisin Sədri demişdir: Xəlilli kəndi
muxtar respublikanın müasir kəndlərinin sı-
rasına qoşulmuşdur. Kənddə geniş qurucu luq
işləri aparılmışdır. Bu işlərin davamı olaraq
Şıxmahmud və Xəlilli kəndlərində su-kanali-
zasiya layihəsi də həyata keçiriləcək, kənd
yollarına asfalt örtük salınacaqdır. Həyata ke-
çirilən kompleks quruculuq işləri kəndlə şəhər
arasındakı fərqin azalmasına, sakinlərin həyat
şəraitinin yaxşılaşmasına və məskunlaşmanın
artmasına səbəb olmuşdur. Bütün bunlar
ölkəmizdəki sabitliyin, dövlət-xalq birliyinin,
həyata keçirilən davamlı sosial-iqtisadi isla-
hatların nəticəsində mümkün olmuşdur.
Kənd sakini Zahid Tağıyev minnətdarlıq
edərək demişdir: Bu gün Xəlilli kəndində
müasir məktəb binası, kənd və xidmət
mərkəzləri, feldşer-mama məntəqəsi, rabitə
evi sakinlərin istifadəsinə verilir. Xüsusilə
yeni məktəb binasının tikilməsi sakinlərin
böyük sevincinə səbəb olmuşdur. Təhsilə
bu qədər diqqətlə yanaşılması hər kəsdə
gələcəyimizə böyük ümidlər yaradır.
Ardı 3-cü səhifədə
3
Xəlillidə əhalinin rifahı naminə bütün işlər
görülmüş, mənzillər daimi qaz, elektrik
enerjisi, televiziya, rabitə və internet xid-
mətləri ilə təmin olunmuşdur. Ölkə Prezi-
dentinin sərəncamları ilə əməkhaqlarımız,
pensiyalarımız artmışdır. Həmçinin dövlə-
timizin kənd təsərrüfatı ilə məşğul olanlara
dəstək göstərməsi, güzəştli kreditlərin ve-
rilməsi, texnikalarla təminat əkinçiliyə
marağı daha da artırmışdır. İnsanların artıq
heç bir problemi yoxdur, hər kəs öz təsərrüfatı
ilə məşğul olur, kəndində rahat yaşayır. Bu
inkişaf Naxçıvanın bütün kəndlərini əhatə
etmişdir. Göstərilən diqqət və qayğıya, ya-
radılan şəraitə cavab olaraq kənddə əkinçiliyi,
heyvandarlığı inkişaf etdirəcək, bundan
sonra da ölkəmizin inkişafına töhfələr
verəcəyik.
* * *
Xəlilli kəndinin yolları abadlaşdırılmış,
1350 metr uzunluğunda beton kanal çəkil-
miş, 67 su keçidi qoyulmuşdur. Rabitə,
elektrik və qaz xətləri də yenilənmiş, 1200
metrlik fiber-optik, 3 kilometr uzunluğunda
elektrik və 450 metr uzunluğunda qaz xətti
çəkilmişdir.
Naxçıvan Muxtar Respublikası
Ali Məclisinin mətbuat xidməti
Yanvarın 22-də Naxçıvan Biznes Mərkə-
zində Naxçıvan Muxtar Respublikası Əmək
və Əhalinin Sosial Müdafiəsi, İqtisadiyyat
nazirliklərinin və Sahibkarlar Konfedera-
siyasının təşkilatçılığı ilə keçirilən “Ən fəal
işəgötürən” nominasiyası üzrə müsabiqənin
qaliblərinə mükafatların təqdimetmə mə-
rasimi olub.
Tədbiri Naxçıvan Muxtar Respublikasının
iqtisadiyyat naziri Famil Seyidov açaraq
muxtar respublikada sahibkarlığın inkişafına
göstərilən dövlət dəstəyindən danışıb. Qeyd
olunub ki, 2014-2015-ci illərdə muxtar res-
publikada 39 hüquqi şəxs dövlət qeydiyyatına,
5157 fiziki şəxs isə sahibkarlıq uçotuna
alınıb. Bəhs olunan dövrdə muxtar respub-
likada fəaliyyət göstərən banklar və digər
kredit təşkilatları tərəfindən sahibkarlara 82
milyon 286 min manat həcmində güzəştli
şərtlərlə kreditlər verilib. Həyata keçirilən
tədbirlər nəticəsində 6364 yeni iş yeri açılıb.
Bununla yanaşı, muxtar respublika ərazisində
şəxsi vəsaitlər hesabına kiçik və orta sahib-
karlığın inkişafı istiqamətində 15 sənaye, 9
kənd təsərrüfatı və 8 xidmət sahəsi yaradılıb.
Naxçıvan Muxtar Respublikası Sahibkarlığa
Kömək Fondu tərəfindən maliyyələşdirilmiş
sahələr də daxil olmaqla, ümumilikdə, 732
yeni iş yeri açılıb. Fond tərəfindən maliy-
yələşdirilmiş digər layihələrin icrası başa
çatdırıldıqdan sonra daha 595 yeni iş yeri
açılacaqdır.
Naxçıvan Muxtar Respublikası əmək və
əhalinin sosial müdafiəsi naziri Cavid Səfərov
bildirib ki, muxtar respublikada dinamik in-
kişafın ən mühüm göstəricilərindən biri də
məşğulluğun inkişaf səviyyəsidir. Naxçıvan
Muxtar Respublikası Ali Məclisi Sədrinin
2013-cü il 18 dekabr tarixli Sərəncamı ilə
“2014-2015-ci illərdə Naxçıvan Muxtar Res-
publikasında əhalinin məşğulluğunun artırılması
üzrə Dövlət Proqramı”nın uğurlu icrası işax-
taranların səmərəli məşğulluğunun təmin edil-
məsinə, peşə hazırlığının əmək bazarının tə-
ləblərinə uyğunlaşmasına, işaxtaran şəxslərin
sosial müdafiəsinin güclənməsinə əlverişli
şərait yaradıb. Ötən iki il ərzində 5537 nəfər
müəssisələrdə mövcud olan vakansiyalar üzrə
işlə təmin edilib, sosial müdafiəyə ehtiyacı
olan 158 nəfər kvota yerlərinə, 627 nəfər
sosial əhəmiyyətli ictimai işlərə göndərilib.
Eyni zamanda məşğulluq tədbirləri ilə yanaşı,
işçilərin əmək hüquqlarının müdafiəsi və əmə-
yin mühafizəsi istiqamətində də müxtəlif təd-
birlər həyata keçirilib.
Sahibkarlar Konfederasiyasının nümayən-
dəsi Azər Cəfərov çıxışında muxtar respubli-
kanın iqtisadi tərəqqisində sahibkarlığın
əhəmiyyətindən, sahibkarlığa yeni baş-
lamaq istəyən şəxslər üçün məsləhət
xidmətinin göstərilməsindən bəhs edib.
Bildirilib ki, İqtisadiyyat Nazir liyində
yaradılan “Operativ əlaqə sistemi” va-
sitəsilə 117 sahibkarlıq subyektinə mü-
təmadi olaraq məsləhət, informasiya xid-
mətləri göstərilib. Həmçinin Naxçıvan
Biznes Mərkəzində sahibkarlığa yeni
başlamaq istəyən şəxslər üçün təkmil-
ləşdirmə kursları təşkil edilib, sahibkarlıq
subyektlərinə şifahi konsaltinq xidməti gös-
tərilib, 17 müəssisəyə mütəmadi olaraq 72
halda iqtisadi yönümlü məlumatlar çatdırılıb.
Qeyd olunub ki, muxtar respublikada əha-
linin məşğulluğunun artırılması istiqamətində
həyata keçirilən tədbirlərin davamlılığının
təmin edilməsi məqsədilə qəbul edilmiş “2016-
2020-ci illərdə Naxçıvan Muxtar Respublika-
sında əhalinin məşğulluğunun artırılması üzrə
Dövlət Proqramı” önümüzdəki 5 il ərzində
məşğulluq siyasətinin əsaslarını müəyyən edir.
Vurğulanıb ki, ötən ilin yanvar ayında
“2014-2015-ci illərdə Naxçıvan Muxtar Res-
publikasında əhalinin məşğulluğunun artırılması
üzrə Dövlət Proqramı”nın icrasına uyğun
olaraq 2014-cü ilin yekununa görə “Ən fəal
işəgötürən” nominasiyası üzrə müsabiqə ke-
çirilib və qaliblər mükafatlandırılıb. Bu isti-
qamətdə həyata keçirilən tədbirlərin davamı
olaraq 2015-ci ilin yekununa görə Naxçıvan
Biznes Mərkəzində növbəti müsabiqə keçirilib.
“Ən fəal işəgötürən” nominasiyası üzrə mü-
sabiqənin qaliblərini Naxçıvan Muxtar Res-
publikası Əmək və Əhalinin Sosial Müdafiəsi
Nazirliyinin müvafiq əmri ilə yaradılan Nax-
çıvan Muxtar Respublikası Əmək və Əhalinin
Sosial Müdafiəsi, İqtisadiyyat nazirliklərinin
və Sahibkarlar Konfederasiyasının nümayən-
dələrindən ibarət mükafat komissiyası müəyyən
edib.
Sonra komissiyanın sədri, Naxçıvan Muxtar
Respublikası Əmək və Əhalinin Sosial Mü-
dafiəsi Nazirliyi yanında Dövlət Məşğulluq
Xidmətinin rəisi Sevindik Vəliyev müsabiqənin
qaliblərini elan edib. Bildirilib ki, 2015-ci ilin
yekununa görə yeni istehsal sahəsi yaratmaqla
işaxtaranların daimi işlə təmin olunmasında
iştirak edən hüquqi və fiziki şəxslərin fəaliy-
yətləri müqayisəli qiymətləndirilərək Uzun -
oba Su Anbarı ətrafında fəaliyyət göstərən
sahibkar Azər Nəsirova məxsus “Panaroma”
iaşə obyekti birinci, Babək rayonunun Nehrəm
kəndində fəaliyyət göstərən sahibkar Rafiq
Əliyevə məxsus süd məhsullarının emalı müəs-
sisəsi ikinci və Culfa rayonunun Dizə kəndində
fəaliyyət göstərən sahibkar Mahmud İbrahim -
ova məxsus heyvandarlıq təsərrüfatı üçüncü
yerlərə layiq görülüblər.
Sonra qaliblərə diplom və plaketlər təqdim
olunub.
Sahibkarlar adından çıxış edən Azər Nəsirov
onların fəaliyyətlərinə yaradılan hərtərəfli
şəraitə görə minnətdarlığını bildirib, gələcəkdə
də əhalinin səmərəli məşğulluğunun təmin
olunması istiqamətində fəallıq nümayiş etdi-
rəcəklərini qeyd edib.
-
Səbuhi HƏSƏNOV
Naxçıvan Muxtar Respublikası Ali
Məclisinin Sədri yanında Dövlət Qulluğu
Məsələləri üzrə Komissiyada 58 dövlət
orqanı nümayəndəsinin iştirakı ilə “Nax-
çıvan Muxtar Respublikasının Dövlət Qul-
luqçularının Reyestrinin aparılması” möv-
zusunda seminar keçirilib.
Seminarda komissiyanın sədri
İsmayıl Qəribli çıxış edərək bil-
dirib ki, son illər muxtar respub-
likada müasir tələblərə cavab ve-
rən dövlət qulluğu sisteminin for-
malaşdırılması istiqamətində mü-
hüm addımlar atılıb. Dövlət qul-
luqçularının fəaliyyətinin yaxşı-
laşdırılması, onlara lazımi iş şə-
raitinin yaradılması, dövlət ida-
rəetməsində informasiya texno-
logiyalarının tətbiqi daim diqqət
mərkəzində saxlanılıb. Dövlət
Qulluqçularının Reyestrinin aparılması
üçün proqram təminatının hazırlanaraq is-
tifadəyə verilməsi dövlət orqanlarının möv-
cud kadr potensialından səmərəli istifadə
edilməsini, habelə dövlət qulluğuna kadrların
seçilməsi işinin daha sürətli və keyfiyyətli
həyata keçirilməsini təmin edib. Reyestrin
yaradılmasında məqsəd dövlət qulluqçuları
haqqında məlumatların toplanılması, bu
məlumatların yenilənməsi və təhlil edil-
məsidir. Bütün bu görülən işlər isə dövlət
qulluqçularının qulluqda yüksəlməsi, yer-
ləşdirilməsi, ixtisas dərəcələrinin artırılması
və digər məsələlərin həllində məlumat ba-
zasından maksimum şəkildə yararlanılma-
sına, zəruri hallarda müvafiq dövlət or-
qanlarının həmin məlumatlarla təmin olun-
masına geniş imkanlar yaradır.
Komissiya sədri bildirib ki, bəzi hallarda
reyestrin aparılması zamanı bir sıra nöq-
sanlara yol verilir. Bu da reyestrdən istifa-
dənin səmərəliliyini azaldır. Seminarın ke-
çirilməsində məqsəd bu nöqsanların ortaya
çıxmasının səbəbləri və onların aradan qal-
dırılması yollarının iştirakçıların diqqətinə
çatdırılmasıdır.
Seminarda komissiyanın əməkdaşı Ma-
hir Abbasov slayd vasitəsilə reyestrin
düzgün aparılma qaydaları haqda iştirak-
çılara məlumat verib.
Sonda seminar iştirakçılarını maraqlan-
dıran suallar cavablandırılıb.
-
Səbuhi HÜSEYNOV
Tikinti materiallarının dövlət standartla-
rının tələblərinə cavab verməsi, həmin sahə
üzrə dövlət nəzarətinin həyata keçirilməsi,
istehsalat müəssisələrində texniki və yanğın
təhlükəsizliyinin təmin olunması ilə bağlı
Naxçıvan Muxtar Respublikası Fövqəladə
Hallar Nazirliyinin Dövlət Tikintidə Təh-
lükəsizliyə Nəzarət İdarəsi tərəfindən maa-
rifləndirici tədbir keçirilib. Aidiyyəti tikinti
materialları istehsalı müəssisələri nüma-
yəndələrinin iştirak etdiyi tədbiri idarənin
rəisi Vüqar Kazımov açıb.
Bildirilib ki, muxtar respublikamızda
digər sahələrlə yanaşı, tikinti sahəsinin də
sürətlə inkişaf etdiyi bir dövrdə bu sahədə
təhlükəsizliyin təmin olunması istiqamətində
qanunvericilik bazası təkmilləşdirilib, bir
sıra məqsədyönlü tədbirlər həyata keçirilib.
Qeyd olunub ki, ötən müddət ərzində
idarə tərəfindən muxtar respublika ərazisində
tikintisi başa çatdırılmış və davam etməkdə
olan 614 sayda bina və qurğunun qeydiyyatı
aparılıb, mühəndis-geoloji işlərin aparılması
ilə bağlı 116 obyekt ərazisindən quyu və
şurf qazma üsulu ilə götürülən qrunt
nümunələri analizdən keçirilib, mü-
vafiq hesabatlar hazırlanıb. Tikintidə
istifadə olunan materialların dövlət
standartlarının tələblərinə cavab ver-
məsinin yoxlanılması məqsədilə ida-
rənin Mühəndis-geoloji, sement və
beton laboratoriyasında 1509 sayda
sınaq keçirilib. Keçirilən sınaqlar za-
manı 55 sınaq nəticəsinin standartların
tələblərinə uyğun olmadığı müəyyən
edilib. Aparılmış tədbirlər nəticəsində ça-
tışmazlıqların aradan qaldırılmasına nail
olunub. Tikinti dövründə istifadə olunan
material və konstruksiyaların laboratoriya
şəraitində keyfiyyətinin yoxlanılması ilə
yanaşı, səyyar üsulla tikinti obyektlərində
dəmir-beton konstruksiyalarda betonun na-
turada möhkəmlik göstəricisi 1479 halda
yoxlanılıb. 230 obyektin tikintisi ilə bağlı
layihə-smeta sənədləri ekspertizadan keçirilib
və işçi layihələrə müvafiq rəylər verilib.
Peşə sahələrinə aid işləri yerinə yetirən
şəxslərin müvafiq peşəkarlıq sertifikatına
malik olmaları yoxlanılıb.
Sonra çıxışlar olub, tədbir iştirakçılarını
maraqlandıran suallar ətraflı cavablandırılıb.
Sonda Dövlət Tikintidə Təhlükəsizliyə
Nəzarət İdarəsinin rəisi Vüqar Kazımov
“Tikintiyə dövlət nəzarətinin həyata keçi-
rilməsi Qaydaları”nın mahiyyəti və qarşıya
qoyulan vəzifələrin icrası istiqamətində gö-
rüləcək işlər haqqında məlumat verib.
-
Kərəm HƏSƏNOV
4
Əvvəlcə naxçıvanlı rəssamlar və sənətsevərlər
Naxçıvan Muxtar Respublikası Rəssamlar Bir-
liyinin Naxçıvan şəhərindəki binasından başla-
yaraq Bəhruz Kəngərlinin şəhərdəki məzarınadək
yürüş etdilər, ilk realist fırça ustasının məzarüstü
abidəsinin önünə gül dəstələri düzdülər.
Bəhruz Kəngərli Muzeyində davam etdirilən
tədbiri giriş sözü ilə açan Naxçıvan Muxtar
Respublikasının mədəniyyət və turizm naziri
Natəvan Qədimova bildirdi ki, qısa həyat yaşa-
masına baxmayaraq, rəssam yaradıcılığı boyu
çox zəngin və rəngarəng bir irs qoyub. Onun
istər portret, istər mənzərə, istərsə də natürmort
janrlarında yaratdığı çoxsaylı əsərləri rəssamın
son dərəcə həssas və dərin düşüncə tərzindən
xəbər verir. Sənətkarın 2 mindən çox əsərinin
mövcudluğu məlumdur.
Natəvan Qədimova vurğuladı ki, günümüzdə
muxtar respublikamızda görkəmli şəxsiyyətlərin
xatirələrinin əbədiləşdirilməsi ənənə halını alıb.
Həmyerlimiz olan Bəhruz Kəngərlinin də yara-
dıcılıq irsi dövlətimiz tərəfindən qayğı ilə əhatə
olunaraq qorunmaqdadır. 2002-ci ilin yayında
doğma Naxçıvanımızda ümummilli lider Heydər
Əliyevin iştirakı ilə Bəhruz Kəngərli Muzeyinin
açılışı olub. Ulu öndər rəssamın yaradıcılığına
böyük dəyər verib. Naxçıvanda fəaliyyət göstərən
Rəssamlar Birliyinin sərgi salonuna Bəhruz
Kəngərlinin adı verilib. 2001-ci ildə Naxçıvan
Muxtar Respublikası Ali Məclisinin Sədri cənab
Vasif Talıbovun “Bəhruz Kəngərlinin adının
əbədiləşdirilməsi haqqında” və elə həmin il
Bəhruz Kəngərli Muzeyinin yaradılması haqqında
sərəncamları bu irsə göstərilən diqqət və qayğının
bariz nümunəsidir.
Qeyd olundu ki, Azərbaycan Respublikasının
Prezidenti cənab İlham Əliyevin “Bəhruz Kən-
gərlinin 120 illik yubileyinin keçirilməsi haq-
qında” Sərəncamı, həmin sərəncama əsasən
muxtar respublika Ali Məclisi Sədrinin sərəncamı
ilə təsdiq edilmiş Tədbirlər Planı, Bəhruz Kəngərli
Muzeyinin binasının əsaslı şəkildə yenidən qu-
rularaq istifadəyə verilməsi, Naxçıvan şəhərində
Bəhruz Kəngərli adına Rəssamlar Parkının ya-
radılması rəssamın yaradıcılıq irsinin təbliği
üçün geniş imkanlar yaradıb. Onun Azərbaycan
Milli İncəsənət Muzeyində qorunub saxlanan
195 əsərinin surəti çıxarılaraq muzeyə gətirilib.
İlk dəfə olaraq onun əsərlərindən ibarət albom-
kataloq hazır lanıb, rəssamın məzarüstü abidəsi
abadlaşdırılıb, poçt markası buraxılıb, onun
adını daşıyan sərgi salonunda əsərlərindən ibarət
sərgi təşkil edilib və digər işlər görülüb.
“Düşünürəm ki, rəssamın yaradıcılığı öz ma-
hiyyəti etibarı ilə bu gün müasir gəncliyimiz
üçün də nümunədir”, – deyən mədəniyyət və
turizm naziri bildirdi ki, Bəhruz Kəngərli irsi
daim yaşayacaq, onun bir-birindən maraqlı
əsərləri öz mahiyyəti və məzmunu ilə insanların
mənəvi aləminə təsir edəcəkdir.
“Azərbaycan rəssamlıq məktəbində Bəhruz
Kəngərli yaradıcılığının rolu” mövzusunda çıxış
edən Naxçıvan Muxtar Respublikası Rəssamlar
Birliyinin sədri Ülviyyə Həmzəyeva dedi ki,
qısa, lakin mənalı ömür yaşamış Bəhruz Kəngərli
Azərbaycan boyakarlığında realizmin əsasını
qoymaqla həm də onu yeni ictimai məzmun,
yeni janr, yeni təsvir metodu və ifadə vasitələri
ilə zənginləşdirmiş görkəmli sənətkar olub. O,
vaxtilə Cənubi Qafqazın inzibati və mədəni
mərkəzlərindən biri olan Tiflis şəhərində təşkil
olunmuş “İncəsənəti təşviq cəmiyyəti” və ya
digər mənbələrdəki adı ilə desək, “Rəssamları
həvəsləndirən cəmiyyət”in nəzdindəki rəssamlıq
məktəbini bitirən ilk azərbaycanlıdır. Yüksək
istedad sahibi olan Bəhruz Kəngərli Azərbaycan
incəsənətində realizmin əsasını qoyan və öz ya-
radıcılığında qabaqcıl ideyaları əks etdirən sə-
nətkarlardan biri olub. Rəssam sənətkarlığın
əsas vasitələri olan rəsm, kompozisiya, rəng
bacarığına böyük diqqət yetirib. Təsviri incəsə-
nətin müxtəlif növlərində yaradıcılıqla məşğul
olan Bəhruz Kəngərli həm boyakarlıq, qrafika,
həm də teatr rəssamlığı sahəsində böyük mü-
vəffəqiyyətlər qazanıb.
Azərbaycan Respublikasının Xalq rəssamı
Hüseynqulu Əliyev “Bəhruz Kəngərli yaradı-
cılığında “Qaçqınlar” silsiləsi” mövzusundakı
çıxışında qeyd etdi ki, rəssam 1918-1920-ci il-
lərdə erməni daşnaklarının Azərbaycanda tö-
rətdikləri faciələri təsvir edən, öz dədə-baba
torpaqlarından zorla qovulmuş və Naxçıvana
pənah gətirmiş azərbaycanlı qaçqınların por -
tretlərindən ibarət silsilə əsərlər yaradıb. Bu
silsilədən olan “Qaçqınlar”, “Qaçqın qız”, “Qaç-
qın oğlan”, “Qaçqın qadın”, “Yurdsuz ailə”,
“Ayaqyalın qaçqın oğlan” və sair onlarla qaçqının
portretləri təkcə sənətkarlıq səviyyəsinə görə
deyil, tarixi sənəd kimi də dəyərlidir. O, portret
ustası kimi yaratdığı personajların daxili psixoloji
aləmini açıb göstərə bilib. Rəssam təsvir etdiyi
qaçqın uşaqların hər birinin simasında didərgin
düşdükləri ata-baba ocaqlarının həsrətini, ke-
çirdikləri hiss və həyəcanları, gözlərinə qonmuş
qüssə və kədəri özünəməxsus ustalıqla əks et-
dirməklə yanaşı, həm də onların böyük mədə-
niyyətin daşıyıcısı olduqlarını diqqətə çatdırmağa
çalışıb.
Bəhruz Kəngərli Muzeyinin direktoru Səbinə
Əlincəli və Naxçıvan Muxtar Respublikası Rəs-
samlar Birliyinin baş fond mühafizi, sənətşünas
Nizami Alıyev çıxışlarında rəssamın həyat və
yaradıcılığından ətraflı söhbət açdılar. Bildirildi
ki, görkəmli rəssamın əsərlərində təbiət, tarixi
abidələr və vətənpərvərlik mövzusu əsas yerlərdən
birini tutur. O, dövrünün görkəmli şəxslərinin
rəsmlərini çəkib, portret janrında dəyərli əsərlər
yaradıb.
Sonda tədbir iştirakçıları muzeyin eksponatları
ilə tanış oldular.
-
Rauf ƏLİYEV
Yanvarın 22-də Naxçıvan Muxtar Respublikası Mədəniyyət və Turizm Nazirliyinin və Naxçıvan
Muxtar Respublikası Rəssamlar Birliyinin birgə təşkilatçılığı ilə Bəhruz Kəngərli Muzeyində
Azərbaycanın milli rəsm sənətinin görkəmli simalarından biri olan, ilk realist fırça ustası Bəhruz
Kəngərlinin anadan olmasının 124-cü ildönümü münasibətilə tədbir keçirildi.
ØßÐÃqapısı
Ünvan: AZ-7000,
Naxçıvan şəhəri, “Təbriz” küçəsi, 1.
Telefonlar: Məsul katib: 545-62-47
Şöbələr: 545-81-44, 545-51-18
Müxbirlər: 545-75-21, Faks: 544-52-52
E-mail: serqqapisi@nakhchivan.az
Ərzaq məhsullarının satın alınması.
Kotirovka 5 fevral 2016-cı il tarixədək
qəbul edilir. Sorğuda aşağı qiymət, yük-
sək keyfiyyət, müqavilənin vaxtında ye-
rinə yetirilməsi, texniki-iqtisadi və ma-
liyyə imkanlarına malik olması göstəri-
cilərinə üstünlük veriləcəkdir. Kotirovka
zərfi 8 fevral 2016-cı il tarixdə saat
14
00
-də Naxçıvan Qızlar Liseyində
açılacaqdır.
İddiaçıların səlahiyyətli nümayən-
dələri iştirak edə bilərlər.
Əlaqələndirici şəxs: Yusif Xəlilov
Telefon: 545-03-47
Ünvan: Naxçıvan şəhəri,
İdris Məmmədov küçəsi
İtmişdir
Culfa rayonunun Qazançı kəndində yaşa-
mış Hüseyn ova Simuzər Əlimərdan qızının
adına olan JN-128
A
inventar nömrəli “Torpağın
mülkiyyətə verilməsinə dair şəhadətnamə” itdi-
yindən etibarsız sayılır.
* * *
Hacıyev Nuran Zahid oğlunun adına olan
ümumvətəndaşlıq pasportu itdiyindən etibarsız
sayılır.
* * *
Naxçıvan şəhərinin Qaraçuq kənd sakini
Abbasov Elxan Abbas oğlunun adına olan
JN-371
A
inventar nömrəli “Torpağın mülkiy-
yətə verilməsinə dair şəhadətnamə” itdiyindən
etibarsız sayılır.
* * *
Naxçıvan şəhəri, N.Naxçıvani küçəsi, ev
42
A
-da yaşayan Səttarov Əbülfəz Eldar oğlunun
adına olan evin MH-0022390 seriya nömrəli
çıxarışı itdiyindən etibarsız sayılır.
Yanvarın 22-də Naxçıvan Muxtar
Respublikası Bəstəkarlar Təşkilatının
konfransı keçirilmişdir.
Tədbiri giriş sözü ilə açan Naxçıvan
Muxtar Respublikası Ali Məclisi Apara-
tının Humanitar siyasət məsələləri və ic-
timai təşkilatlarla iş şöbəsinin müdiri
Rəhman Məmməd ov konfransın gündə-
liyində duran məsələlər barədə məlumat
vermişdir. Bildirilmişdir ki, konfransın
gedişi zamanı əvvəlcə Naxçıvan Muxtar
Respublikası Bəstəkarlar Təşkilatının he-
sabatı dinləniləcək, daha sonra təşkilatın
yeni İdarə Heyətinin üzvləri və qurumun
sədri seçiləcək, Nəzarət-Təftiş Komissi-
yasının tərkibi müəyyənləşəcəkdir.
Konfransın gündəliyi yekdilliklə qəbul
olunmuşdur.
Naxçıvan Muxtar Respublikası Bəs-
təkarlar Təşkilatının sədri Şəmsəddin Qa-
sımov çıxış edərək bildirmişdir ki, bu
gün Naxçıvan Muxtar Respublikası Bəs-
təkarlar Təşkilatına böyük qayğı göstərilir,
bəstəkar və musiqişünasların yaradıcılı-
ğının inkişafı üçün hər cür şərait yaradılır.
2000-ci ilin may ayından yeni tələb və
tapşırıqlarla fəaliyyətə başlayan Naxçıvan
Muxtar Respublikası Bəstəkarlar Təşkilatı
artıq 15 ildir ki, müntəzəm olaraq muxtar
respublikanın ictimai-mədəni həyatında
yaxından iştirak edir.
Qeyd olunmuşdur ki, hesabat dövründə
təşkilat üzvlərinin əsərləri ölkəmizdə ke-
çirilən mötəbər tədbirlərdə səs-
ləndirilmiş və böyük rəğbətlə
qarşılanmışdır. Belə ki, 30 ok -
tyabr – 5 noyabr 2014-cü ildə
keçirilən Azərbaycan Bəstə-
karlar İttifaqının musiqi festi-
valında Naxçıvan bəstəkarla-
rının əsərləri də səsləndiril-
mişdir.
İdarə Heyətinin yeni tər-
kibi seçildikdən sonra çıxış
edən Naxçıvan Muxtar Res-
publikası Bəstəkarlar Təşkilatının üzvü
Günay Məmməd ova təşkilatın sədri və-
zifəsinə tanınmış bəstəkar Yaşar Xəlilovun
namizədliyini irəli sürmüşdür. Təklif yek-
dilliklə dəstəklənmişdir.
Naxçıvan Muxtar Respublikası Bəstəkar -
lar Təşkilatının yeni sədri Yaşar Xəlilov
ona göstərilən etimada görə təşkilat üzv-
lərinə minnətdarlığını bildirmiş, etimadı
doğrultmaq üçün səylə çalışacağını qeyd
etmişdir.
Konfransın qərar layihəsi oxunmuş və
yekdilliklə qəbul olunmuşdur.
Naxçıvan Muxtar Respublikası Ali
Məclisi Aparatının Humanitar siyasət
məsələləri və ictimai təşkilatlarla iş şö-
bəsinin müdiri Rəhman Məmmədov
konfransda çıxış edərək Bəstəkarlar Təş-
kilatının ötən müddət ərzində fəaliyyə-
tində olan nöqsanlardan danışmışdır.
Qeyd etmişdir ki, təşkilat gələcəkdə bu-
raxılan nöqsanları aradan qaldırmalı,
muxtar respublikada musiqi mədəniy-
yətinin inkişafı və təbliği istiqamətində
fəaliyyətini gücləndirməlidir. Naxçıvanı
vəsf edən yeni əsərlər yaradılmalı, iste-
dadlı gənc lərin üzə çıxarılması məqsədilə
müsabiqələr təşkil edilməli, xalq rəqsləri
və yallıların aşkar edilib nota köçürül-
məsi, hesabat konsertlərinin, tanınmış
bəstəkar və musiqiçilərin xatirə gecələ-
rinin, ustad dərslərinin keçirilməsi təmin
olunmalıdır.
Naxçıvan Muxtar Respublikası
Təhsil Nazirliyində ümumtəhsil
məktəblərində kitabxana işinin
təşkilinə həsr edilmiş seminar-
müşavirə keçirilib. Məktəb ki-
tabxanaçılarının iştirakı ilə ke-
çirilən seminar-müşavirəni giriş
sözü ilə təhsil naziri Piri Nağıyev
açaraq muxtar respublikamızda
təhsilin inkişafı istiqamətində
həyata keçirilən tədbirlərdən
danışıb.
Qeyd olunub ki, həyata keçirilən təd-
birlərdən biri də məktəblərdə yaradılan
zəngin kitabxanalardır. Kitabxanaların ha-
mısı bədii ədəbiyyat və pulsuz dərsliklərlə
təmin edilib. Kitabxanalara 2005-ci ildən
indiyədək 2 milyon 152 min 243 nüsxə
dərslik verilib ki, onların da 132 min
761 nüsxəsi 2015-ci ilin avqust ayında
gətirilib. Bundan başqa, məktəb kitab-
xanalarına 627 min 643 nüsxə latın qra-
fikası ilə çap olunmuş bədii ədəbiyyat,
jurnal və məcmuə verilib. Vurğulanıb ki,
bu gün hər bir məktəb kitabxanasından
səmərəli istifadə edilməli, şagirdlərin tə-
lim-tərbiyəsində bədii ədəbiyyatlardan
istifadə, mütaliə mədəniyyətinin inkişaf
etdirilməsi diqqətdə saxlanılmalıdır. Bu
işdə məktəb kitabxanaçılarının üzərinə
mühüm vəzifələr düşür.
Seminar-müşavirədə M.S.Ordubadi
adına Naxçıvan Muxtar Respublika Ki-
tabxanasının direktoru Aytəkin Qəhrə-
manova, Naxçıvan Muxtar Respublikası
Ali Məclisinin Naxçıvanşünaslıq Mər-
kəzinin direktoru Şahin Əliyarov, Culfa
Rayon Təhsil Şöbəsinin metodiki kabi-
netinin direktoru Qabil Abbasov, Heydər
Əliyev adına tam orta məktəbin kitabxana
müdiri Elsevər Həsənov çıxış ediblər.
Çıxışlarda qeyd olunub ki, elmi-texniki
tərəqqinin sürətli inkişafı ilə əlaqədar in-
sanların məşğulluq və maraq dairəsi,
ilbəil təkmilləşən texniki informasiya va-
sitələri ilə məlumatlanmaq imkanları ge-
nişlənsə də, mütaliə inkişafetdirici amillər
arasında öncül mövqeyini saxlamaqdadır.
Bununla belə, aparılan müşahidələr və
təhlillər göstərir ki, son zamanlar ümum-
təhsil məktəblərində şagirdlərin mütaliəyə
istiqamətləndirilməsi, onlarda mütaliə
mədəniyyətinin formalaşdırılması üzrə
zəruri tədbirlərin həyata keçirilməsi əv-
vəlki dövrlərlə müqayisədə zəifləyib. Bu-
nunla əlaqədar şagirdlərin mütaliəsi işinin
təşkilindəki təcrübədə sınaqdan çıxmış
ənənələri bərpa etmək, onların mütaliəyə
həvəsini daha da gücləndirmək və mütaliə
vərdişlərini inkişaf etdirmək təhsil sahə-
sində prioritet vəzifələrdən biridir.
Sonda Naxçıvan Muxtar Respublikası
təhsil nazirinin müavini Məmməd Qəribov
ümumtəhsil məktəbləri kitabxanalarında
elektron vəsaitlərdən istifadə ilə əlaqədar
geniş məlumat verib.
Seminar-müşavirədə rayon (şəhər)
Təhsil şöbələrinin metodiki kabinetlərinə
kitabxana işinin təşkili ilə bağlı lazımi
metodiki vəsaitlər təqdim edilib.
-
Sara ƏZİMOVA
1. Ərzaq məhsullarının satın
alınması.
2. Dəftərxana ləvazimatla-
rının satın alınması.
Kotirovka 4 fevral 2016-cı
il tarixədək qəbul edilir. Sorğuda
aşağı qiymət, yüksək keyfiyyət,
müqavilənin vaxtında yerinə
yetirilməsi, texniki-iqtisadi və
maliyyə imkanlarına malik ol-
ması göstəricilərinə üstünlük
veriləcəkdir. Kotirovka zərfi
5 fevral 2016-cı il tarixdə saat
16
00
-da Naxçıvan Şəhər Peşə
Liseyində açılacaqdır.
İddiaçıların səlahiyyətli nü-
mayəndələri iştirak edə bilərlər.
Əlaqələndirici şəxs:
Həsən Abbasov
Telefon: 545-25-80
Ünvan: Naxçıvan şəhəri,
Zərifə Əliyeva küçəsi
Dostları ilə paylaş: |